ਨੈਸ਼ਨਲ ਡੈਸਕ : ਜੇਕਰ ਤੁਸੀਂ ਆਪਣੇ ਮੋਬਾਈਲ ਵਿੱਚ ਆਧਾਰ ਕਾਰਡ ਨਾਲ ਜੁੜੀਆਂ ਸੇਵਾਵਾਂ ਲਈ mAadhaar ਐਪ ਦੀ ਵਰਤੋਂ ਕਰਦੇ ਹੋ, ਤਾਂ ਇਹ ਖ਼ਬਰ ਤੁਹਾਡੇ ਲਈ ਬੇਹੱਦ ਜ਼ਰੂਰੀ ਹੈ। UIDAI ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਪੁਰਾਣਾ mAadhaar ਐਪ ਜਲਦ ਹੀ ਬੰਦ ਹੋਣ ਜਾ ਰਿਹਾ ਹੈ। ਸਰਕਾਰ ਨੇ ਇਸ ਦੀ ਜਗ੍ਹਾ ਹੁਣ ਨਵਾਂ Aadhaar ਐਪ ਲਾਂਚ ਕਰ ਦਿੱਤਾ ਹੈ, ਜਿਸ ਵਿੱਚ ਪਹਿਲਾਂ ਨਾਲੋਂ ਜ਼ਿਆਦਾ ਸੁਰੱਖਿਆ ਅਤੇ ਨਵੇਂ ਫੀਚਰਸ ਦਿੱਤੇ ਗਏ ਹਨ।
ਪਿਛਲੇ ਕਈ ਸਾਲਾਂ ਤੋਂ ਕਰੋੜਾਂ ਲੋਕ mAadhaar ਐਪ ਰਾਹੀਂ ਈ-ਕੇਵਾਈਸੀ (e-KYC) ਅਤੇ ਕਿਊ.ਆਰ. (QR) ਕੋਡ ਵਰਗੀਆਂ ਸੇਵਾਵਾਂ ਦਾ ਲਾਭ ਲੈ ਰਹੇ ਸਨ। ਹਾਲਾਂਕਿ, ਆਧਾਰ ਨਾਲ ਜੁੜੇ ਫਰਾਡ ਅਤੇ ਡੇਟਾ ਲੀਕ ਦੀਆਂ ਵਧਦੀਆਂ ਘਟਨਾਵਾਂ ਨੂੰ ਦੇਖਦੇ ਹੋਏ UIDAI ਹੁਣ ਪ੍ਰਾਈਵੇਸੀ 'ਤੇ ਜ਼ਿਆਦਾ ਫੋਕਸ ਕਰ ਰਿਹਾ ਹੈ। ਨਵੇਂ ਐਪ ਵਿੱਚ ਬਾਇਓਮੀਟ੍ਰਿਕ ਲਾਕ, ਫੇਸ ਵੈਰੀਫਿਕੇਸ਼ਨ (Face Verification) ਅਤੇ ਆਫਲਾਈਨ ਪਛਾਣ ਜਾਂਚ ਵਰਗੇ ਆਧੁਨਿਕ ਫੀਚਰਸ ਸ਼ਾਮਲ ਕੀਤੇ ਗਏ ਹਨ।
ਰਿਪੋਰਟਾਂ ਅਨੁਸਾਰ, ਯੂਜ਼ਰਸ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਹੌਲੀ-ਹੌਲੀ ਨਵੇਂ ਆਧਾਰ ਐਪ 'ਤੇ ਸ਼ਿਫਟ ਹੋਣਾ ਸ਼ੁਰੂ ਕਰ ਦੇਣ। ਇਹ ਐਪ ਐਂਡਰਾਇਡ ਅਤੇ ਆਈਫੋਨ (iPhone) ਦੋਵਾਂ ਲਈ ਉਪਲਬਧ ਹੈ ਅਤੇ ਇਸਨੂੰ Google Play Store ਜਾਂ Apple App Store ਤੋਂ ਡਾਊਨਲੋਡ ਕੀਤਾ ਜਾ ਸਕਦਾ ਹੈ। ਨਵੇਂ ਐਪ ਵਿੱਚ ਲਾਗਇਨ ਕਰਨ ਲਈ ਯੂਜ਼ਰਸ ਨੂੰ ਫਿਰ ਤੋਂ ਰਜਿਸਟ੍ਰੇਸ਼ਨ ਕਰਨੀ ਪੈ ਸਕਦੀ ਹੈ।
ਐਪ ਬਦਲਣ ਦੀ ਪ੍ਰਕਿਰਿਆ ਦੌਰਾਨ ਸਾਈਬਰ ਫਰਾਡ ਦਾ ਖ਼ਤਰਾ ਵੀ ਵਧ ਸਕਦਾ ਹੈ। ਸਕੈਮਰ ਅਕਸਰ ਲੋਕਾਂ ਨੂੰ ਗੁੰਮਰਾਹ ਕਰਨ ਲਈ ਥਰਡ ਪਾਰਟੀ ਐਪਸ ਦੇ ਲਿੰਕ ਭੇਜ ਕੇ ਫਿਸ਼ਿੰਗ ਕਰਦੇ ਹਨ। ਇਸ ਲਈ ਕਿਸੇ ਵੀ ਅਣਪਛਾਤੇ ਲਿੰਕ 'ਤੇ ਕਲਿੱਕ ਕਰਨ ਦੀ ਬਜਾਏ ਸਿਰਫ ਅਧਿਕਾਰਤ ਸਟੋਰਾਂ ਤੋਂ ਹੀ ਐਪ ਡਾਊਨਲੋਡ ਕਰੋ। ਦੱਸ ਦੇਈਏ ਕਿ UIDAI ਨੇ ਅਜੇ mAadhaar ਐਪ ਬੰਦ ਹੋਣ ਦੀ ਆਖਰੀ ਤਾਰੀਖ ਦਾ ਐਲਾਨ ਨਹੀਂ ਕੀਤਾ ਹੈ, ਪਰ ਇਹ ਸਾਫ਼ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਪੁਰਾਣਾ ਸਿਸਟਮ ਪੂਰੀ ਤਰ੍ਹਾਂ ਹਟਾ ਦਿੱਤਾ ਜਾਵੇਗਾ।
ਹੋਰ ਮਹਿੰਗਾ ਹੋਵੇਗਾ ਪੈਟਰੋਲ-ਡੀਜ਼ਲ! ਇੰਨੀਆਂ ਵੱਧ ਸਕਦੀਆਂ ਹਨ ਕੀਮਤਾਂ
NEXT STORY 
