ਮੁੰਬਈ - ਕੋਰੋਨਾਵਾਇਰਸ ਕਾਰਨ ਦੇਸ਼ ਭਰ 'ਚ ਲਾਕਡਾਉਨ ਲਾਗੂ ਹੈ। ਅਜਿਹੀ ਸਥਿਤੀ ਵਿਚ ਆਮ ਲੋਕਾਂ ਨੂੰ ਰੋਜ਼ਾਨਾ ਵਰਤੋਂ ਵਿਚ ਆਉਣ ਵਾਲੀਆਂ ਚੀਜ਼ਾਂ ਉਪਲਬਧ ਨਹੀਂ ਹੋ ਰਹੀਆਂ ਹਨ। ਉਨ੍ਹਾਂ ਨੂੰ ਜ਼ਰੂਰੀ ਸਮਾਨ ਦੀ ਸਪਲਾਈ ਯਕੀਨੀ ਬਣਾਉਣ ਲਈ ਹਿੰਦੁਸਤਾਨ ਯੂਨੀਲੀਵਰ, ਆਈ.ਟੀ.ਸੀ., ਮੋਂਡੇਲੇਜ਼, ਪ੍ਰੋਕਟਰ ਐਂਡ ਗੈਂਬਲ, ਡਾਬਰ ਅਤੇ ਕੋਲਗੇਟ ਸਮੇਤ ਦਰਜਨ ਤੋਂ ਵੱਧ ਉਪਭੋਗਤਾ ਸਮਾਨ ਬਣਾਉਣ ਵਾਲੀਆਂ ਕੰਪਨੀਆਂ ਨੇ ਸਿੱਧੇ ਉਪਭੋਗਤਾਵਾਂ ਨੂੰ ਉਤਪਾਦ ਵੇਚਣੇ ਸ਼ੁਰੂ ਕਰ ਦਿੱਤੇ ਹਨ। ਇਹ ਕੰਪਨੀਆਂ ਇਸ ਲਈ ਡਨਜ਼ੋ, ਸਕੂਟੀ ਅਤੇ ਸਵਿਗੀ ਵਰਗੀਆਂ ਨਵੀਆਂ ਕੰਪਨੀਆਂ ਦੀ ਮਦਦ ਲੈ ਰਹੀਆਂ ਹਨ।
ਬੰਦ ਹੋਣ ਕਾਰਨ ਲੋਕਾਂ ਤੱਕ ਪਹੁੰਚਣਾ ਮੁਸ਼ਕਲ
ਆਈ.ਟੀ.ਸੀ. ਲਿਮਟਿਡ ਦੇ ਕਾਰਜਕਾਰੀ ਨਿਰਦੇਸ਼ਕ ਬੀ ਸੁਮੰਤ ਨੇ ਕਿਹਾ, 'ਇਹ ਸਾਂਝੇਦਾਰੀ ਸਹਿਯੋਗ ਦੀ ਸ਼ਕਤੀ ਦੀ ਨਿਸ਼ਾਨੀ ਹੈ ਕਿਉਂਕਿ ਇਕੱਲੇ ਬ੍ਰਾਂਡ ਲਈ ਇਨ੍ਹਾਂ ਸਮੇਂ ਦੌਰਾਨ ਜ਼ਰੂਰਤਾਂ ਨੂੰ ਪੂਰਾ ਕਰਨਾ ਮੁਸ਼ਕਲ ਹੁੰਦਾ ਹੈ।' ਸੀਈਓ, ਡਾਬਰ ਦੇ ਸੀ.ਈ.ਓ. ਮੋਹਿਤ ਮਲਹੋਤਰਾ ਨੇ ਕਿਹਾ ਕਿ ਕੰਪਨੀਆਂ ਇਸ ਸਮੇਂ ਮਨੁੱਖੀ ਸ਼ਕਤੀ ਦੀ ਘਾਟ ਨਾਲ ਜੂਝ ਰਹੀਆਂ ਹਨ। ਜਿਵੇਂ ਕਿ ਅਸੀਂ ਆਪਣੇ ਗਾਹਕਾਂ ਲਈ ਜ਼ਰੂਰੀ ਉਤਪਾਦਾਂ ਦੀ ਨਿਰਵਿਘਨ ਸਪਲਾਈ ਨੂੰ ਯਕੀਨੀ ਬਣਾਉਣ ਲਈ ਨਵੀਆਂ ਰਣਨੀਤੀਆਂ ਤਿਆਰ ਕਰ ਰਹੇ ਹਾਂ ਅਤੇ ਨਵੇਂ ਹੱਲ ਲੱਭ ਰਹੇ ਹਾਂ।
ਸਵਿੱਗੀ ਨੇ 200 ਸ਼ਹਿਰਾਂ ਵਿਚ ਸੇਵਾ ਕੀਤੀ ਸ਼ੁਰੂ
ਐਫ.ਐਮ.ਸੀ.ਜੀ. ਕੰਪਨੀਆਂ ਨੇ ਹਾਈਪਰਲੋਕਲ ਡਿਲਵਰੀ ਪਲੇਟਫਾਰਮਾਂ ਤੇ ਸਟੋਰਫਰੰਟ ਸਥਾਪਿਤ ਕੀਤੇ ਹਨ ਅਤੇ ਸਪੈਸ਼ਲਿਟੀ ਬ੍ਰਾਂਡ ਸਟੋਰਾਂ ਤੋਂ ਅਤੇ ਸਿੱਧੇ ਤੌਰ 'ਤੇ ਡਿਸਟ੍ਰੀਬਿਊਸ਼ਨ ਸੈਂਟਰਾਂ ਤੋਂ ਆਰਡਰ ਲੈ ਰਹੀਆਂ ਹਨ ਤਾਂ ਜੋ ਡਿਲਵਰੀ ਭਾਗੀਦਾਰਾਂ ਦੀ ਵਰਤੋਂ ਕਰਦੇ ਹੋਏ ਸਿੱਧੇ ਘਰ ਤੱਕ ਸਮਾਨ ਪਹੁੰਚਾਇਆ ਜਾ ਸਕੇ। ਫੂਡ ਆਰਡਰਿੰਗ ਫਰਮ ਸਵਿੱਗੀ ਨੇ ਆਪਣੇ ਸਟੋਰ ਨੈਟਵਰਕ ਨੂੰ 200 ਤੋਂ ਵੱਧ ਸ਼ਹਿਰਾਂ ਤੱਕ ਵਧਾ ਦਿੱਤਾ ਹੈ। ਤਾਂ ਜੋ ਖਪਤਕਾਰਾਂ ਨੂੰ ਆਸ-ਪਾਸ ਦੀਆਂ ਦੁਕਾਨਾਂ ਤੋਂ ਕਰਿਆਨੇ ਦੇ ਸਮਾਨ ਦਾ ਆਰਡਰ ਦੇ ਸਕਣ।
ਬ੍ਰਿਟਾਨੀਆ 60 ਪ੍ਰਤੀਸ਼ਤ ਸਮਰੱਥਾ ਨਾਲ ਕੰਮ ਕਰ ਰਹੀ
ਬ੍ਰਿਟਾਨੀਆ ਦੇ ਐਮ.ਡੀ. ਵਰੁਣ ਬੇਰੀ ਨੇ ਕਿਹਾ ਕਿ ਇਸ ਸਮੇਂ ਅਸੀਂ ਉਤਪਾਦਨ ਅਤੇ ਲੇਬਰ ਦੀ ਘਾਟ ਦੀ ਸਮੱਸਿਆ ਵਿਚੋਂ ਗੁਜ਼ਰ ਰਹੇ ਹਾਂ। ਅਸੀਂ 60–65 ਫੀਸਦੀ ਮਨੁੱਖੀ ਸ਼ਕਤੀ ਨਾਲ ਕੰਮ ਕਰ ਰਹੇ ਹਾਂ। ਕੰਪਨੀ ਇਹ ਸੁਨਿਸ਼ਚਿਤ ਕਰਨ ਲਈ ਸੰਭਵ ਕੋਸ਼ਿਸ਼ ਕਰ ਰਹੀ ਹੈ ਕਿ ਸਪਲਾਈ ਚੇਨ ਵਿਚ ਕੋਈ ਦਿੱਕਤ ਨਾ ਆਵੇ। ਸਰਕਾਰ ਦੀ ਗਾਈਡਲਾਈਨ ਦੀ ਪਾਲਣਾ ਕੀਤੀ ਜਾ ਰਹੀ ਹੈ।
ਫਰੋਜ਼ਨ ਫੂਡ ਸਪੇਸ ਮਾਰਕੀਟ ਵਿਚ ਆਈ.ਟੀ.ਸੀ. ਦੀ 15 ਪ੍ਰਤੀਸ਼ਤ ਹਿੱਸੇਦਾਰੀ ਹੈ। ਲਾਕਡਾਉਨ ਦੌਰਾਨ ਕੰਪਨੀ ਆਪਣੀ ਉਤਪਾਦਨ ਸਮਰੱਥਾ ਨੂੰ ਵਧਾਉਣ ਲਈ ਕੰਮ ਕਰ ਰਹੀ ਹੈ। ਆਈ.ਟੀ.ਸੀ. ਦੇ ਇੱਕ ਬੁਲਾਰੇ ਨੇ ਦੱਸਿਆ ਕਿ ਕੰਪਨੀ ਘੱਟ ਕਰਮਚਾਰੀਆਂ ਦੇ ਬਾਵਜੂਦ ਵੀ ਗਾਹਕਾਂ ਲਈ ਜ਼ਰੂਰੀ ਵਸਤਾਂ ਦੀ ਸਪਲਾਈ ਵਿਚ ਲੱਗੀ ਹੋਈ ਹੈ। ਲੇਬਰ ਦੀ ਘਾਟ ਅਤੇ ਘੱਟ ਉਤਪਾਦਾਂ ਦੇ ਬਾਵਜੂਦ, ਦੇਸ਼ ਭਰ ਵਿੱਚ ਸਪਲਾਈ ਚੇਨ ਨੂੰ ਸੁਚਾਰੂ ਬਣਾਉਣ ਲਈ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ।
ਵੋਡਾ-ਆਈਡੀਆ ਨੂੰ ਰਾਹਤ : SC ਨੇ ਇਨਕਮ ਟੈਕਸ ਵਿਭਾਗ ਨੂੰ 733 ਕਰੋੜ ਰੁਪਏ ਵਾਪਸ ਕਰਨ ਨੂੰ ਕਿਹਾ
NEXT STORY 
