ਬਿਜ਼ਨੈੱਸ ਡੈਸਕ : ਸਰਕਾਰ ਨੇ ਅਮਰੀਕਾ ਦੀ ਚਿੱਪ ਕੰਪਨੀ ਮਾਈਕ੍ਰੋਨ ਦੀ ਦੇਸ਼ ਵਿੱਚ 2.7 ਅਰਬ ਡਾਲਰ ਦੇ ਨਿਵੇਸ਼ ਨਾਲ ਸੈਮੀਕੰਡਕਟਰ ਟੈਸਟਿੰਗ ਅਤੇ ਪੈਕੇਜਿੰਗ ਯੂਨਿਟ ਸਥਾਪਤ ਕਰਨ ਦੇ ਪ੍ਰਾਜੈਕਟ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਸੂਤਰਾਂ ਨੇ ਇਸ ਸਬੰਧੀ ਜਾਣਕਾਰੀ ਦਿੱਤੀ ਕਿ ਇਸ ਪ੍ਰਾਜੈਕਟ ਨਾਲ 5,000 ਨੌਕਰੀਆਂ ਪੈਦਾ ਹੋਣ ਦੀ ਉਮੀਦ ਹੈ।
ਪ੍ਰਾਜੈਕਟ ਦੇ ਵੇਰਵਿਆਂ ਦੀ ਪੁਸ਼ਟੀ ਕਰਨ ਵਾਲੇ ਇੱਕ ਸਰੋਤ ਨੇ ਕਿਹਾ ਕਿ, "ਇਸ ਨੂੰ ਲਗਭਗ ਇੱਕ ਹਫ਼ਤਾ ਪਹਿਲਾਂ ਮਨਜ਼ੂਰੀ ਦਿੱਤੀ ਗਈ ਸੀ।" ਮਾਈਕ੍ਰੋਨ ਕੰਪਿਊਟਰ ਮੈਮੋਰੀ ਉਤਪਾਦਾਂ, ਫਲੈਸ਼ ਡਰਾਈਵਾਂ ਅਤੇ ਹੋਰ ਬਹੁਤ ਕੁਝ ਵਿੱਚ ਮਾਹਰ ਹੈ। ਇਹ ਭਾਰਤ ਵਿੱਚ ਇੱਕ OSAT (ਆਊਟਸੋਰਸਡ ਸੈਮੀਕੰਡਕਟਰ ਅਸੈਂਬਲੀ ਅਤੇ ਟੈਸਟ) ਪਲਾਂਟ ਸਥਾਪਤ ਕਰੇਗਾ, ਜੋ ਇਸਦੇ ਉਤਪਾਦਾਂ ਦੀ ਵਰਤੋਂ ਲਈ ਤਿਆਰ ਕਰਨ ਲਈ ਟੈਸਟ ਅਤੇ ਪੈਕੇਜ ਕਰੇਗਾ। ਪਹਿਲੇ ਪੜਾਅ ਵਿੱਚ ਸਰਕਾਰ ਨੇ ਚਾਰ OSAT ਪ੍ਰਾਜੈਕਟਾਂ ਨੂੰ ਮਨਜ਼ੂਰੀ ਦਿੱਤੀ ਹੈ।
ਇਨ੍ਹਾਂ ਵਿੱਚ ਟਾਟਾ ਗਰੁੱਪ, ਸਹਿਸਰਾ ਸੈਮੀਕੰਡਕਟਰਜ਼ ਦੇ ਪ੍ਰਸਤਾਵ ਸ਼ਾਮਲ ਹਨ। ਇਕ ਹੋਰ ਸੂਤਰ ਨੇ ਕਿਹਾ ਕਿ ਸਹਸਰਾ ਸੈਮੀਕੰਡਕਟਰ ਪਹਿਲਾ OSAT ਪਲਾਂਟ ਹੈ, ਜਿਸ ਦੇ ਜਲਦੀ ਹੀ ਉਤਪਾਦਨ ਸ਼ੁਰੂ ਹੋਣ ਦੀ ਉਮੀਦ ਹੈ। ਇਸ ਸਬੰਧ ਵਿੱਚ ਇਲੈਕਟ੍ਰਾਨਿਕਸ ਅਤੇ ਸੂਚਨਾ ਤਕਨਾਲੋਜੀ ਮੰਤਰਾਲੇ ਅਤੇ ਮਾਈਕ੍ਰੋਨ ਤੋਂ ਤੁਰੰਤ ਕੋਈ ਜਵਾਬ ਨਹੀਂ ਆਇਆ।
ਸੁਭਾਸ਼ ਚੰਦਰਾ, ਗੋਇਨਕਾ ਖਿਲਾਫ SEBI ਦੇ ਅੰਤਰਿਮ ਆਦੇਸ਼ ਤੋਂ ਬਾਅਦ ਘਟਨਾਵਾਂ ’ਤੇ ਸੋਨੀ ਪਿਕਚਰਸ ਦੀ ਨਜ਼ਰ
NEXT STORY 
