ਨਵੀਂ ਦਿੱਲੀ (ਭਾਸ਼ਾ) - ਐਫਐਮਸੀਜੀ ਦੀ ਪ੍ਰਮੁੱਖ ਕੰਪਨੀ ਨੇਸਲੇ ਇੰਡੀਆ ਨੇ ਵੀਰਵਾਰ ਨੂੰ ਕਿਹਾ ਕਿ ਲਾਗਤ ਵਧਣ ਕਾਰਨ ਮਾਰਚ 2022 ਨੂੰ ਖਤਮ ਹੋਈ ਤਿਮਾਹੀ ਲਈ ਉਸਦਾ ਸ਼ੁੱਧ ਲਾਭ 1.25 ਫੀਸਦੀ ਘੱਟ ਕੇ 594.71 ਕਰੋੜ ਰੁਪਏ ਹੋ ਗਿਆ ਹੈ। ਕੰਪਨੀ ਨੇ ਪਿਛਲੇ ਸਾਲ ਦੀ ਇਸੇ ਮਿਆਦ 'ਚ 602.25 ਕਰੋੜ ਰੁਪਏ ਦਾ ਮੁਨਾਫਾ ਦਰਜ ਕੀਤਾ ਸੀ।
ਮਹੱਤਵਪੂਰਨ ਗੱਲ ਇਹ ਹੈ ਕਿ ਕੰਪਨੀ ਜਨਵਰੀ-ਦਸੰਬਰ ਨੂੰ ਆਪਣਾ ਵਿੱਤੀ ਸਾਲ ਮੰਨਦੀ ਹੈ। ਨੇਸਲੇ ਇੰਡੀਆ ਨੇ ਸਟਾਕ ਐਕਸਚੇਂਜ ਨੂੰ ਦੱਸਿਆ ਕਿ ਸਮੀਖਿਆ ਅਧੀਨ ਮਿਆਦ ਦੇ ਦੌਰਾਨ ਉਸਦੀ ਸ਼ੁੱਧ ਵਿਕਰੀ 9.74 ਫੀਸਦੀ ਵਧ ਕੇ 3,950.90 ਕਰੋੜ ਰੁਪਏ ਹੋ ਗਈ ਜਦੋਂ ਕਿ ਪਿਛਲੇ ਸਾਲ ਦੀ ਇਸੇ ਮਿਆਦ ਵਿੱਚ 3,600.20 ਕਰੋੜ ਰੁਪਏ ਸੀ। ਕੰਪਨੀ ਨੇ ਕਿਹਾ ਕਿ ਜਨਵਰੀ-ਮਾਰਚ ਤਿਮਾਹੀ ਦੌਰਾਨ ਉਸ ਦਾ ਕੁੱਲ ਖਰਚ 12.98 ਫੀਸਦੀ ਵਧ ਕੇ 3,195.90 ਕਰੋੜ ਰੁਪਏ ਹੋ ਗਿਆ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ 'ਚ 2,828.61 ਕਰੋੜ ਰੁਪਏ ਸੀ।
ਨੇਸਲੇ ਇੰਡੀਆ ਦੀ ਘਰੇਲੂ ਵਿਕਰੀ ਪਿਛਲੇ ਸਾਲ ਦੀ ਇਸੇ ਮਿਆਦ 'ਚ 3,442.03 ਕਰੋੜ ਰੁਪਏ ਤੋਂ 10.23 ਫੀਸਦੀ ਵਧ ਕੇ 3,794.26 ਕਰੋੜ ਰੁਪਏ ਹੋ ਗਈ ਅਤੇ ਬਰਾਮਦ ਪਿਛਲੇ ਸਾਲ ਦੀ ਇਸੇ ਮਿਆਦ 'ਚ 158.17 ਕਰੋੜ ਰੁਪਏ ਤੋਂ 0.96 ਫੀਸਦੀ ਘੱਟ ਕੇ 156.64 ਕਰੋੜ ਰੁਪਏ ਹੋ ਗਈ।
ਇਸ ਦੀ ਸੰਚਾਲਨ ਆਮਦਨ ਚੌਥੀ ਤਿਮਾਹੀ 'ਚ 8.9 ਫੀਸਦੀ ਵਧ ਕੇ 3,739.32 ਕਰੋੜ ਰੁਪਏ ਹੋ ਗਈ, ਜੋ ਪਿਛਲੇ ਸਾਲ ਦੀ ਇਸੇ ਮਿਆਦ 'ਚ 3,432.58 ਕਰੋੜ ਰੁਪਏ ਸੀ।
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਸ਼ੇਅਰ ਬਾਜ਼ਾਰ : ਸੈਂਸੈਕਸ 874 ਅੰਕ ਚੜ੍ਹਿਆ ਤੇ ਨਿਫਟੀ ਵੀ ਵਾਧਾ ਲੈ ਕੇ ਹੋਇਆ ਬੰਦ
NEXT STORY 
