ਨਵੀਂ ਦਿੱਲੀ - ਜੇਕਰ ਤੁਸੀਂ ਵੀ ਸਾਲ 2024 'ਚ ਆਪਣਾ ਨਵਾਂ ਘਰ ਜਾਂ ਨਵੀਂ ਕਾਰ ਖਰੀਦਣ ਦਾ ਸੁਫ਼ਨਾ ਦੇਖ ਰਹੇ ਹੋ ਤਾਂ ਬੈਂਕ ਤੁਹਾਨੂੰ ਲੋਨ 'ਤੇ ਵੱਡੀ ਛੋਟ ਦੇ ਰਿਹਾ ਹੈ। ਦਰਅਸਲ, ਬੈਂਕ ਆਫ ਮਹਾਰਾਸ਼ਟਰ (BOM) ਨੇ ਬੁੱਧਵਾਰ ਨੂੰ ਆਪਣੇ ਹੋਮ ਲੋਨ ਵਿਆਜ ਦਰ ਵਿਚ 15 ਆਧਾਰ ਅੰਕ ਦੀ ਮਾਮੂਲੀ ਕਟੌਤੀ ਕਰਕੇ ਇਸ ਨੂੰ 8.35 ਫ਼ੀਸਦੀ ਕਰ ਦਿੱਤਾ ਹੈ। ਸਰਕਾਰੀ ਬੈਂਕ ਹੋਮ ਲੋਨ 'ਤੇ ਕੋਈ ਪ੍ਰੋਸੈਸਿੰਗ ਫੀਸ ਨਹੀਂ ਲੈਣਗੇ। ਬੈਂਕ ਆਫ ਮਹਾਰਾਸ਼ਟਰ ਨੇ ਆਪਣੇ 'ਨਵੇਂ ਸਾਲ ਦੀ ਧਮਾਕਾ ਪੇਸ਼ਕਸ਼' ਤਹਿਤ ਕਾਰ ਅਤੇ ਪ੍ਰਚੂਨ ਸੋਨੇ ਦੇ ਕਰਜ਼ਿਆਂ ਲਈ ਪ੍ਰੋਸੈਸਿੰਗ ਫੀਸ ਨੂੰ ਮੁਆਫ਼ ਕਰ ਦਿੱਤਾ ਹੈ।
ਇਹ ਵੀ ਪੜ੍ਹੋ - ਸਾਲ 2024 ਦੇ ਪਹਿਲੇ ਦਿਨ ਚਮਕਿਆ ਸੋਨਾ, ਚਾਂਦੀ ਦੀ ਚਮਕ ਹੋਈ ਫਿੱਕੀ, ਜਾਣੋ ਅੱਜ ਦਾ ਤਾਜ਼ਾ ਰੇਟ
ਇੱਕ ਬਿਆਨ ਜਾਰੀ ਕਰਦੇ ਹੋਏ, BOM ਨੇ ਕਿਹਾ ਕਿ ਘੱਟ ਵਿਆਜ ਦਰਾਂ ਅਤੇ ਪ੍ਰੋਸੈਸਿੰਗ ਫੀਸਾਂ ਦੀ ਛੋਟ "ਆਪਣੇ ਸਾਰੇ ਕੀਮਤੀ ਗਾਹਕਾਂ ਨੂੰ ਵਧੀਆ ਵਿੱਤੀ ਹੱਲ ਪ੍ਰਦਾਨ ਕਰਨ ਅਤੇ ਉਹਨਾਂ ਦੀਆਂ ਜ਼ਰੂਰਤਾਵਾਂ ਨੂੰ ਪੂਰਾ ਕਰਨ ਵਿੱਚ ਮਦਦ ਕਰਨ ਲਈ ਬੈਂਕ ਦੀ ਵਚਨਬੱਧਤਾ ਦਾ ਪ੍ਰਮਾਣ ਹੈ।"
ਇਹ ਵੀ ਪੜ੍ਹੋ - ਨਵੇਂ ਸਾਲ 'ਤੇ ਗੈਸ ਸਿਲੰਡਰ ਸਸਤਾ, ਕਾਰ ਖਰੀਦਣੀ ਹੋਈ ਮਹਿੰਗੀ, ਜਾਣੋ ਹੋਰ ਕੀ-ਕੀ ਬਦਲਿਆ...
ਬੈਂਕ ਆਫ ਮਹਾਰਾਸ਼ਟਰ ਤੋਂ ਲੋਨ ਲੈਣ ਦੇ ਫ਼ਾਇਦੇ
- ਔਰਤਾਂ ਅਤੇ ਰੱਖਿਆ ਕਰਮਚਾਰੀਆਂ ਨੂੰ 0.05 ਫ਼ੀਸਦੀ ਤੱਕ ਦੀ ਛੋਟ
- ਵੱਧ ਤੋਂ ਵੱਧ ਕਾਰਜਕਾਲ 30 ਸਾਲ/ 75 ਸਾਲ ਤੱਕ ਦੀ ਉਮਰ ਤੱਕ
- No pre-payment, pre closure, part payment ਭੁਗਤਾਨ ਫੀਸ ਨਹੀਂ
- ਕਾਰ ਲੋਨ ਅਤੇ ਸਿੱਖਿਆ ਲੋਨ ਵਿੱਚ ਹੋਮ ਲੋਨ ਲੈਣ ਵਾਲੇ ਕਰਜ਼ਦਾਰ ਲਈ ROI ਵਿੱਚ ਰਿਆਇਤ
ਇਹ ਵੀ ਪੜ੍ਹੋ - ਅਡਾਨੀ-ਹਿੰਡਨਬਰਗ ਮਾਮਲੇ 'ਤੇ SC ਦਾ ਫ਼ੈਸਲਾ, ਸੇਬੀ ਨੂੰ ਬਾਕੀ ਮਾਮਲਿਆਂ ਦੀ ਜਾਂਚ ਲਈ ਦਿੱਤਾ 3 ਮਹੀਨੇ ਦਾ ਸਮਾਂ
ਬੈਂਕ ਆਫ ਮਹਾਰਾਸ਼ਟਰ ਨੇ ਇੱਕ ਫਾਈਲਿੰਗ ਵਿੱਚ ਕਿਹਾ ਕਿ ਉਸ ਨੇ ਪਿਛਲੇ ਵਿੱਤੀ ਸਾਲ ਦੀ ਤੀਜੀ ਤਿਮਾਹੀ ਵਿੱਚ 1.56 ਲੱਖ ਕਰੋੜ ਰੁਪਏ ਦੇ ਮੁਕਾਬਲੇ 20.28 ਫ਼ੀਸਦੀ ਦੇ ਵਾਧੇ ਨਾਲ 1.88 ਲੱਖ ਕਰੋੜ ਰੁਪਏ ਦਾ ਕਰਜ਼ਾ ਵਾਧਾ ਦਰਜ ਕੀਤਾ ਹੈ। ਜਨਤਕ ਖੇਤਰ ਦੇ ਬੈਂਕ ਨੇ ਕਿਹਾ ਕਿ ਦਸੰਬਰ 2022 ਦੇ ਅੰਤ 'ਚ ਜਮ੍ਹਾ ਵਾਧਾ 2.08 ਲੱਖ ਕਰੋੜ ਰੁਪਏ ਦੇ ਮੁਕਾਬਲੇ 17.90 ਫ਼ੀਸਦੀ ਨਾਲ 2.45 ਲੱਖ ਕਰੋੜ ਰੁਪਏ ਹੋ ਗਿਆ।
ਹੋਮ ਲੋਨ ਲੈਣ ਲਈ ਬੈਂਕ ਦੇ ਜਾਣੋ ਦਿਸ਼ਾ-ਨਿਰਦੇਸ਼
. ਨਵਾਂ ਜਾਂ ਮੌਜੂਦਾ ਘਰ/ਫਲੈਟ ਦੇ ਨਿਰਮਾਣ/ਪ੍ਰਾਪਤੀ ਲਈ, ਜੋ 30 ਸਾਲ ਤੋਂ ਵੱਧ ਪੁਰਾਣਾ ਨਾ ਹੋਵੇ।
. ਬਿਲਡਰਾਂ/ਡਿਵੈਲਪਰਾਂ/ਸੋਸਾਇਟੀ/ਹੋਰ ਏਜੰਸੀਆਂ/ਵਿਕਾਸ ਅਥਾਰਟੀਆਂ ਤੋਂ ਸਿੱਧੇ ਨਿਰਮਾਣ ਅਧੀਨ/ਮੁਕੰਮਲ ਰਿਹਾਇਸ਼ੀ ਫਲੈਟਾਂ ਦੀ ਖਰੀਦ ਲਈ।
. ਮੌਜੂਦਾ ਘਰ/ਫਲੈਟ ਵਿੱਚ ਵਿਸਥਾਰ (ਜੋੜਨ ਦੀ ਉਸਾਰੀ) ਲਈ
. ਹੋਰ ਬੈਂਕਾਂ/ਹਾਊਸਿੰਗ ਵਿੱਤੀ ਸੰਸਥਾਵਾਂ ਤੋਂ ਪ੍ਰਾਪਤ ਮਿਆਰੀ ਸ਼੍ਰੇਣੀ ਦੇ ਅਧੀਨ ਬਿਨੈਕਾਰਾਂ ਦੇ ਮੌਜੂਦਾ ਹਾਊਸਿੰਗ ਲੋਨ ਖਾਤਿਆਂ ਦੀ ਪ੍ਰਾਪਤੀ।
. ਯੋਗਤਾ : ਬੈਂਕ ਆਫ ਮਹਾਰਾਸ਼ਟਰ ਵਿਅਕਤੀਗਤ ਤਨਖ਼ਾਹਦਾਰ ਕਰਮਚਾਰੀਆਂ/ਸਵੈ-ਰੁਜ਼ਗਾਰ ਪੇਸ਼ੇਵਰਾਂ/ਕਾਰੋਬਾਰਾਂ ਅਤੇ ਕਿਸਾਨਾਂ ਨੂੰ ਕਰਜ਼ਾ ਪ੍ਰਦਾਨ ਕਰਦਾ ਹੈ।
ਇਹ ਵੀ ਪੜ੍ਹੋ - ਟਰੱਕ ਡਰਾਈਵਰਾਂ ਦੀ ਹੜਤਾਲ ਕਾਰਨ ਹੋ ਸਕਦੈ 450 ਕਰੋੜ ਦਾ ਨੁਕਸਾਨ, ਇਹ ਚੀਜ਼ਾਂ ਹੋਣਗੀਆਂ ਮਹਿੰਗੀਆਂ
ਲੋਨ 'ਤੇ ਮਿਲੇਗੀ 3 EMI ਦੀ ਛੂਟ
- 5 ਸਾਲ ਪੂਰੇ ਹੋਣ 'ਤੇ ਪਹਿਲੀ EMI ਛੂਟ,
-10 ਸਾਲ ਪੂਰੇ ਹੋਣ 'ਤੇ ਦੂਜੀ EMI ਛੂਟ,
- ਕਰਜ਼ੇ ਦੀ ਮਿਆਦ ਪੂਰੀ ਹੋਣ 'ਤੇ ਤੀਜੀ EMI ਛੂਟ, ਜਿੱਥੇ ਕਰਜ਼ੇ ਦੀ ਮਿਆਦ 15 ਸਾਲ ਜਾਂ ਇਸ ਤੋਂ ਵੱਧ ਹੈ
ਇਹ ਵੀ ਪੜ੍ਹੋ - ਅਮਰੀਕਾ ਤੋਂ ਆਈ ਮੰਦਭਾਗੀ ਖ਼ਬਰ : ਆਲੀਸ਼ਾਨ ਘਰ 'ਚੋਂ ਭਾਰਤੀ ਜੋੜੇ ਤੇ ਧੀ ਦੀ ਮਿਲੀ ਲਾਸ਼
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਦਸਬੰਰ ’ਚ ਦੇਸ਼ ਦੇ ਨਿਰਮਾਣ ਖੇਤਰ ਦੀ ਵਿਕਾਸ ਦਰ ਰਹੀ ਮੱਠੀ, 18 ਮਹੀਨਿਆਂ ਦੇ ਹੇਠਲੇ ਪੱਧਰ ’ਤੇ ਪੁੱਜੀ
NEXT STORY 
