ਨਵੀਂ ਦਿੱਲੀ — ਦੇਸ਼ ਦੇ ਦੂਜੇ ਸਭ ਤੋਂ ਵੱਡੇ ਬੈਂਕ ਪੰਜਾਬ ਨੈਸ਼ਨਲ ਬੈਂਕ ਨੇ ਇਸ ਸਾਲ ਫੈਸਟੀਵਲ ਬੋਨੰਜ਼ਾ ਆਫਰ ਨੂੰ 31 ਮਾਰਚ 2021 ਤੱਕ ਵਧਾ ਦਿੱਤਾ ਹੈ। ਇਸ ਦੇ ਤਹਿਤ ਤੁਹਾਨੂੰ ਲੋਨ ਲੈਣ ’ਤੇ ਅਪਰਤੱਖ ਚਾਰਜ, ਪ੍ਰੋਸੈਸਿੰਗ ਫੀਸ ਅਤੇ ਦਸਤਾਵੇਜ਼ ਚਾਰਜ ਅਦਾ ਨਹੀਂ ਕਰਨੇ ਪੈਣਗੇ।
31 ਮਾਰਚ ਤੱਕ ਪ੍ਰਾਪਤ ਹੋਵੇਗਾ ਸਕੀਮ ਦਾ ਲਾਭ
ਪੰਜਾਬ ਨੈਸ਼ਨਲ ਬੈਂਕ (ਪੀ.ਐੱਨ.ਬੀ.) ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਤਿਉਹਾਰ ਬੋਨਾਨਜ਼ਾ ਪੇਸ਼ਕਸ਼ ਦੀ ਮਿਆਦ ਮੌਜੂਦਾ ਵਿੱਤੀ ਸਾਲ ਭਾਵ 31 ਮਾਰਚ 2021 ਤੱਕ ਵਧਾ ਦਿੱਤੀ ਗਈ ਹੈ। ਇਸ ਦੇ ਤਹਿਤ ਬੈਂਕ ਆਪਣੇ ਕੁਝ ਪ੍ਰਚੂਨ ਉਤਪਾਦਾਂ ਜਿਵੇਂ ਕਿ ਹੋਮ ਲੋਨ, ਕਾਰ ਲੋਨ ਆਦਿ ’ਤੇ ਸਾਰੇ ਅਪਫਰੰਟ ਚਾਰਜ, ਪ੍ਰੋਸੈਸਿੰਗ ਚਾਰਜ ਅਤੇ ਦਸਤਾਵੇਜ਼ ਚਾਰਜ ਨਹੀਂ ਲਵੇਗਾ। ਖ਼ਾਤਾਧਾਰਕ ਇਸ ਪੇਸ਼ਕਸ਼ ਦਾ ਲਾਭ ਦੇਸ਼ ਭਰ ਵਿਚ ਫੈਲੀਆਂ ਪੀ.ਐਨ.ਬੀ. ਦੀਆਂ ਸਾਰੀਆਂ ਸ਼ਾਖਾਵਾਂ ਜਾਂ ਡਿਜੀਟਲ ਚੈਨਲਾਂ ਤੋਂ ਲੈ ਸਕਣਗੇ।
ਇਹ ਵੀ ਪੜ੍ਹੋ : ਸਿਰਫ਼ ਇਕ 'ਮਿਸ ਕਾਲ' ਨਾਲ LPG ਸਿਲੰਡਰ ਹੋ ਜਾਵੇਗਾ ਬੁੱਕ, ਹੁਣੇ ਨੋਟ ਕਰੋ ਇਹ ਨੰਬਰ
ਮਿਲੇਗਾ ਸਸਤਾ ਕਰਜ਼ਾ
ਇਹ ਫੈਸਲਾ ਪੀ ਐਨ ਬੀ ਨੇ ਖ਼ਾਤਾਧਾਰਕਾਂ ਲਈ ਕਰਜ਼ਿਆਂ ਨੂੰ ਸਸਤਾ ਅਤੇ ਅਸਾਨ ਬਣਾਉਣ ਲਈ ਲਿਆ ਹੈ। ਇਸਦੇ ਤਹਿਤ ਨਵੇਂ ਅਤੇ ਟੇਕਓਵਰ ਕਰਜ਼ਿਆਂ ਤੇ ਪ੍ਰੋਸੈਸਿੰਗ ਫੀਸਾਂ ਨਹੀਂ ਜਾਂ ਘੱਟ ਕੀਤੀਆਂ ਜਾ ਰਹੀਆਂ ਹਨ। ਬੈਂਕ ਅਨੁਸਾਰ ਘਰੇਲੂ ਕਰਜ਼ੇ ’ਤੇ ਗਾਹਕਾਂ ਨੂੰ ਹੁਣ ਲੋਨ ਦੀ ਰਕਮ ਦਾ 0.35% (ਵੱਧ ਤੋਂ ਵੱਧ 15,000 ਰੁਪਏ) ਤੋਂ ਇਲਾਵਾ ਦਸਤਾਵੇਜ਼ ਚਾਰਜ ਤੋਂ ਛੋਟ ਮਿਲੇਗੀ। ਇਸੇ ਤਰ੍ਹਾਂ ਗਾਹਕ ਕਾਰ ਲੋਨ ’ਤੇ ਕੁੱਲ ਕਰਜ਼ੇ ਦੀ 0.25% ਦੀ ਬਚਤ ਕਰਨਗੇ। ਜਾਇਦਾਦ ਦੇ ਵਿਰੁੱਧ ਲੋਨ ਲੈਣ ਵਾਲੇ ਗਾਹਕਾਂ ਨੂੰ ਪ੍ਰੋਸੈਸਿੰਗ ਫੀਸਾਂ ਵਿਚ ਕਰਜ਼ੇ ਦੀ ਰਕਮ ਦੀ 1 ਲੱਖ ਰੁਪਏ ਦੀ ਛੋਟ ਦੇਣ ਦਾ ਫੈਸਲਾ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ : Bank of Baroda ਵਲੋਂ ਨਵੀਂ ਸਹੂਲਤ ਦੀ ਸ਼ੁਰੂਆਤ, 30 ਮਿੰਟਾਂ ’ਚ ਮਨਜ਼ੂਰ ਹੋਵੇਗਾ ਲੋਨ
ਮੌਜੂਦਾ ਸਮੇਂ ਵਿਆਜ ਦਰ
ਪੰਜਾਬ ਨੈਸ਼ਨਲ ਬੈਂਕ ਇਸ ਸਮੇਂ ਹੋਮ ਲੋਨ 7.10 ਪ੍ਰਤੀਸ਼ਤ ਅਤੇ ਕਾਰ ਲੋਨ 7.55 ਪ੍ਰਤੀਸ਼ਤ ਦੀ ਦਰ ਨਾਲ ਪੇਸ਼ ਕਰ ਰਿਹਾ ਹੈ। ਧਿਆਨ ਯੋਗ ਹੈ ਕਿ ਪੰਜਾਬ ਨੈਸ਼ਨਲ ਬੈਂਕ ਨੇ 1 ਸਤੰਬਰ 2020 ਤੋਂ ਫੈਸਟੀਵਲ ਬੋਨਾਨਜ਼ਾ ਪੇਸ਼ਕਸ਼ ਦੇ ਤਹਿਤ ਆਪਣੇ ਘਰ ਅਤੇ ਕਾਰ ਲੋਨ ਦੀਆਂ ਦਰਾਂ ਘਟਾ ਦਿੱਤੀਆਂ ਹਨ।
ਇਹ ਵੀ ਪੜ੍ਹੋ : ਨਵੇਂ ਸਾਲ ਮੌਕੇ ਜੋਮੈਟੋ ’ਤੇ ਹਰ ਮਿੰਟ ਆਏ 4000 ਤੋਂ ਵੱਧ ਆਰਡਰ, ਸਭ ਤੋਂ ਜ਼ਿਆਦਾ ਇਸ ਡਿਸ਼ ਦੀ ਰਹੀ ਮੰਗ
ਨੋਟ : ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਟੀ. ਵੀ. ਐੱਸ. ਮੋਟਰ ਦੀ ਵਿਕਰੀ ਦਸੰਬਰ ’ਚ 17.5 ਫ਼ੀਸਦੀ ਵਧੀ
NEXT STORY 
