ਨਵੀਂ ਦਿੱਲੀ — ਭਾਰਤ ਸਰਕਾਰ ਸਟੀਲ ਦੇ ਕਬਾੜ 'ਤੇ ਕਾਰਵਾਈ ਕਰਨ ਲਈ ਘੱਟੋ ਘੱਟ ਦੋ ਸੰਗਠਿਤ ਸਟੀਲ ਪਲਾਂਟ ਸਥਾਪਤ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਕੇਂਦਰ ਸਰਕਾਰ ਉੱਤਰੀ ਭਾਰਤ ਵਿਚ ਇੱਕ ਪਲਾਂਟ ਸਥਾਪਤ ਕਰਨ ਦੀ ਯੋਜਨਾ ਬਣਾ ਰਹੀ ਹੈ ਅਤੇ ਦੂਸਰਾ ਦੱਖਣੀ ਭਾਰਤ ਵਿਚ। ਸਰਕਾਰ ਜਨਤਕ-ਨਿੱਜੀ ਭਾਈਵਾਲੀ (ਪੀ. ਪੀ. ਪੀ.) ਵਿਚ ਇਹ ਪਲਾਂਟ ਲਗਾ ਸਕਦੀ ਹੈ। ਦੇਸ਼ ਵਿਚ ਤਕਰੀਬਨ 80 ਲੱਖ ਟਨ ਕਬਾੜ ਦੀ ਦਰਾਮਦ ਕੀਤੀ ਜਾਂਦੀ ਹੈ ਜਦੋਂ ਕਿ ਦੇਸ਼ ਵਿਚ ਹਰ ਸਾਲ 2.8 ਕਰੋੜ ਟਨ ਕਬਾੜ ਪੈਦਾ ਹੁੰਦਾ ਹੈ। ਕੇਂਦਰੀ ਸਟੀਲ ਮੰਤਰੀ ਬੀਰੇਂਦਰ ਸਿੰਘ ਨੇ ਕਿਹਾ, “ਸੜਕੀ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ ਨੇ ਨੀਤੀ ਦੀ ਰੂਪ-ਰੇਖਾ ਤਿਆਰ ਕੀਤੀ ਹੈ ਅਤੇ ਅਸੀਂ ਇਸ ਵਿਚ ਆਪਣਾ ਯੋਗਦਾਨ ਦੇ ਰਹੇ ਹਾਂ।
ਕੈਬਨਿਟ ਦੀ ਪ੍ਰਵਾਨਗੀ
ਇਹ ਪ੍ਰਸਤਾਵ ਨੂੰ 15 ਦਿਨਾਂ ਤੋਂ ਦੋ ਮਹੀਨਿਆਂ ਦੇ ਅੰਦਰ ਕੈਬਨਿਟ ਦੀ ਪ੍ਰਵਾਨਗੀ ਲਈ ਭੇਜਿਆ ਜਾ ਸਕਦਾ ਹੈ। ਵਾਹਨ ਕਬਾੜ 'ਤੇ ਨੀਤੀ ਤੈਅ ਹੋਣ ਜਾਣ ਤੋਂ ਬਾਅਦ ਸਾਨੂੰ ਸਟੀਲ 'ਤੇ ਆਪਣੀ ਨੀਤੀ ਬਣਾਉਣ ਲਈ ਕਿਹਾ ਜਾਵੇਗਾ।
ਸਿੰਘ ਨੇ ਕਿਹਾ ਕਿ ਵਾਹਨ ਕਬਾੜ ਨੀਤੀ ਤੈਅ ਹੋਣ ਤੋਂ ਬਾਅਦ ਉਨ੍ਹਾਂ ਦਾ ਮੰਤਰਾਲਾ ਸਟੀਲ ਉਤਪਾਦਨ ਲਈ ਇੱਕ ਸੰਗਠਿਤ ਸਟੀਲ ਪਲਾਂਟ ਸਥਾਪਤ ਕਰੇਗਾ ਅਤੇ ਇੱਥੇ ਤਿਆਰ ਕੀਤੀ ਜਾਣ ਵਾਲਾ ਸਟੀਲ ਉੱਚ ਗੁਣਵੱਤਾ ਦਾ ਹੋਵੇਗਾ। ਉਨ੍ਹਾਂ ਨੇ ਕਿਹਾ ਕਿ, “ਸਟੀਲ ਨੂੰ ਟੁਕੜਿਆਂ ਵਿਚ ਕਰਨ ਲਈ ਕਲੀਪਿੰਗ ਪਲਾਂਟ ਵੀ ਲਗਾਇਆ ਜਾਵੇਗਾ। ਨੋਇਡਾ ਵਿਚ ਐਮ.ਐਸ.ਟੀ.ਸੀ. ਵੱਲੋਂ ਅਜਿਹਾ ਲਗਾਇਆ ਜਾ ਰਿਹਾ ਹੈ। ਸਾਨੂੰ ਦੇਸ਼ ਭਰ ਵਿਚ ਘੱਟੋ ਘੱਟ 50 ਕਲਾਈਪਿੰਗ ਪਲਾਂਟਾਂ ਦੀ ਜ਼ਰੂਰਤ ਹੋਵੇਗੀ।
22,000 ਵੈਗਨ ਦੀ ਖਰੀਦਾਰੀ ਦਾ ਟੈਂਡਰ ਲਿਆਏਗਾ ਰੇਲਵੇ
NEXT STORY 
