ਨਵੀਂ ਦਿੱਲੀ - ਅਮਰੀਕੀ ਐਕਸਪ੍ਰੈਸ ਬੈਂਕਿੰਗ ਕਾਰਪੋਰੇਸ਼ਨ ਅਤੇ ਡਾਇਨਰਜ਼ ਕਲੱਬ ਇੰਟਰਨੈਸ਼ਨਲ ਲਿਮਟਿਡ 'ਤੇ ਸ਼ੁੱਕਰਵਾਰ ਨੂੰ ਰਿਜ਼ਰਵ ਬੈਂਕ ਆਫ ਇੰਡੀਆ (RBI) ਦੁਆਰਾ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਰਿਜ਼ਰਵ ਬੈਂਕ ਨੇ ਅੱਜ ਇੱਕ ਬਿਆਨ ਜਾਰੀ ਕਰਦਿਆਂ ਕਿਹਾ , 'ਇਨ੍ਹਾਂ ਕੰਪਨੀਆਂ ਨੇ ਭੁਗਤਾਨ ਪ੍ਰਣਾਲੀ ਦੇ ਡਾਟਾ ਸਟੋਰੇਜ ਦਿਸ਼ਾ ਨਿਰਦੇਸ਼ਾਂ ਦੀ ਪਾਲਣਾ ਨਹੀਂ ਕੀਤੀ, ਜਿਸ ਕਾਰਨ ਇਹ ਫੈਸਲਾ ਲੈਣਾ ਪਿਆ।'
ਜ਼ਿਕਰਯੋਗ ਹੈ ਕਿ ਆਰਬੀਆਈ ਦੇ ਇਸ ਫੈਸਲੇ ਕਾਰਨ ਕੰਪਨੀ ਦੇ ਮੌਜੂਦਾ ਗਾਹਕਾਂ 'ਤੇ ਕੋਈ ਅਸਰ ਨਹੀਂ ਪਏਗਾ, ਪਰ ਇਹ ਦੋਵੇਂ ਘਰੇਲੂ ਗਾਹਕਾਂ ਨੂੰ 1 ਮਈ 2021 ਤੋਂ ਆਪਣਾ ਕਾਰਡ ਜਾਰੀ ਨਹੀਂ ਕਰਨਗੇ। ਅਮੈਰੀਕਨ ਐਕਸਪ੍ਰੈਸ ਬੈਂਕਿੰਗ ਕਾਰਪੋਰੇਸ਼ਨ ਅਤੇ ਡਾਇਨਰਜ਼ ਕਲੱਬ ਇੰਡੀਆ ਨੂੰ ਭੁਗਤਾਨ ਅਤੇ ਸੈਟਲਮੈਂਟ ਸਿਸਟਮਜ਼ ਐਕਟ, 2007 (ਪੀਐਸਐਸ ਐਕਟ) ਦੇ ਤਹਿਤ ਭਾਰਤ ਵਿਚ ਭੁਗਤਾਨ ਪ੍ਰਣਾਲੀਆਂ ਦਾ ਸੰਚਾਲਨ ਕਰਨ ਦਾ ਅਧਿਕਾਰ ਹੈ। ਆਰਬੀਆਈ ਦੇ ਅੱਜ ਫੈਸਲੇ ਅਨੁਸਾਰ 1 ਮਈ ਤੋਂ ਕੋਈ ਵੀ ਦੋ ਕੰਪਨੀਆਂ ਨਵੇਂ ਗ੍ਰਾਹਕਾਂ ਨੂੰ ਆਪਣੇ ਕਾਰਡ ਜਾਰੀ ਨਹੀਂ ਕਰ ਸਕਣਗੀਆਂ।
ਇਹ ਵੀ ਪੜ੍ਹੋ : ਖ਼ਾਤਾਧਾਰਕਾਂ ਨੂੰ ਝਟਕਾ! ਇਸ ਬੈਂਕ ਤੋਂ ਨਕਦ ਕਢਵਾਉਣਾ ਹੋਇਆ ਮਹਿੰਗਾ, ਸੇਲਰੀ ਖ਼ਾਤੇ ਦੇ ਵੀ ਨਿਯਮ ਹੋਏ ਸਖ਼ਤ
ਜਾਣੋ ਕੀ ਹੈ ਮਾਮਲਾ
ਰਿਜ਼ਰਵ ਬੈਂਕ ਨੇ ਅਪਰੈਲ 2018 ਵਿਚ ਹੀ ਭੁਗਤਾਨ ਪ੍ਰਣਾਲੀ ਦੇ ਅੰਕੜਿਆਂ ਦੀ ਸਟੋਰੇਜ ਬਾਰੇ ਇਕ ਸਰਕੂਲਰ ਜਾਰੀ ਕੀਤਾ ਸੀ। ਇਸ ਸਰਕੂਲਰ ਅਨੁਸਾਰ, 'ਸਾਰੇ ਭੁਗਤਾਨ ਪ੍ਰਣਾਲੀ ਪ੍ਰਦਾਤਾਵਾਂ ਨੂੰ ਆਪਣਾ ਡਾਟਾ ਸਿਰਫ ਭਾਰਤ ਵਿਚ ਸਟੋਰ ਕਰਨਾ ਪਵੇਗਾ। ਇਸਦੇ ਨਾਲ ਕੰਪਨੀਆਂ ਨੂੰ ਸਿਸਟਮ ਦੁਆਰਾ ਪ੍ਰਵਾਨਿਤ ਆਡਿਟ ਰਿਪੋਰਟ ਨੂੰ ਇੱਕ ਨਿਰਧਾਰਤ ਸਮੇਂ ਵਿਚ ਰਿਜ਼ਰਵ ਬੈਂਕ ਨੂੰ ਜਮ੍ਹਾ ਕਰਨਾ ਹੋਵੇਗਾ। ਇਨ੍ਹਾਂ ਨਿਯਮਾਂ ਤਹਿਤ ਰਿਜ਼ਰਵ ਬੈਂਕ ਨੇ ਭੁਗਤਾਨ ਸੇਵਾ ਪ੍ਰਦਾਤਾ ਕੰਪਨੀਆਂ ਨੂੰ 6 ਮਹੀਨਿਆਂ ਦੇ ਅੰਦਰ ਅਰਥਾਤ 15 ਅਕਤੂਬਰ 2018 ਤੱਕ ਨਿਯਮਾਂ ਦੀ ਪਾਲਣਾ ਕਰਨ ਦਾ ਸਮਾਂ ਦਿੱਤਾ ਸੀ। ਅਪ੍ਰੈਲ 2018 ਦੇ ਸਰਕੂਲਰ ਅਨੁਸਾਰ ਬੋਰਡ ਤੋਂ ਮਨਜ਼ੂਰ ਆਡਿਟ ਰਿਪੋਰਟ 31 ਦਸੰਬਰ 2018 ਤੱਕ ਜਮ੍ਹਾ ਕੀਤੀ ਜਾਣੀ ਸੀ। ਇਹ ਦੋਵੇਂ ਕੰਪਨੀਆਂ ਨੇ ਇਹ ਨਿਯਮਾਂ ਨੂੰ ਪੂਰਾ ਨਹੀਂ ਕੀਤਾ, ਜਿਸ ਤੋਂ ਬਾਅਦ ਰਿਜ਼ਰਵ ਬੈਂਕ ਨੂੰ ਸਖਤ ਕਦਮ ਚੁੱਕਣੇ ਪਏ।
ਇਹ ਵੀ ਪੜ੍ਹੋ : ਸਰੋਂ ਦੇ ਤੇਲ ਨੇ ਵਿਗਾੜਿਆ ਰਸੋਈ ਦਾ ਬਜਟ, 5 ਦਿਨਾਂ ’ਚ 40 ਰੁਪਏ ਲਿਟਰ ਵਧੇ ਰੇਟ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਕੋਰੋਨਾ ਖ਼ੌਫ਼ ਦਰਮਿਆਨ ਘਰ ਬੈਠੇ ਕਰੋ ਫਲਾਈਟ ਦੀ ਬੁਕਿੰਗ, ਬਸ ਕਰੋ ਇਕ ਡਾਇਲ ਜਾਂ SMS
NEXT STORY 
