ਨਵੀਂ ਦਿੱਲੀ - ਭਾਰਤੀ ਸਟੇਟ ਬੈਂਕ (SBI) ਨੇ ਆਪਣੇ ਖ਼ਾਤਾਧਾਰਕਾਂ ਨੂੰ ਧੋਖਾਧੜੀ ਦੇ ਜਾਲ ਵਿੱਚ ਫਸਣ ਤੋਂ ਬਚਣ ਲਈ ਐਡਵਾਈਜ਼ਰੀ ਜਾਰੀ ਕੀਤੀ ਹੈ। SBI ਨੇ ਸੋਮਵਾਰ ਨੂੰ ਕਿਹਾ ਕਿ ਗਾਹਕਾਂ ਨੂੰ ਕਦੇ ਵੀ ਆਪਣਾ ਪਾਸਵਰਡ ਕਿਸੇ ਨਾਲ ਸਾਂਝਾ ਨਹੀਂ ਕਰਨਾ ਚਾਹੀਦਾ। ਇਸ ਦੇ ਨਾਲ ਹੀ, ਨਿੱਜੀ ਜਾਣਕਾਰੀ ਨੂੰ ਲੀਕ ਹੋਣ ਤੋਂ ਬਚਣ ਲਈ, ਤੁਹਾਡੇ ਮੋਬਾਈਲ ਜਾਂ ਡਿਵਾਈਸਾਂ ਵਿੱਚ 'ਆਟੋ ਸੇਵ' ਅਤੇ 'ਰੀਮੈਂਬਰ' ਵਰਗੇ ਵਿਕਲਪਾਂ ਨੂੰ ਬੰਦ ਰੱਖਣਾ ਚਾਹੀਦਾ ਹੈ।
SBI ਨੇ ਆਪਣੇ ਡਿਜੀਟਲ ਲੈਣ-ਦੇਣ ਨੂੰ ਸੁਰੱਖਿਅਤ ਰੱਖਣ ਲਈ ਖ਼ਾਤਾਧਾਰਾਕਾਂ ਲਈ ਇੱਕ ਵਿਆਪਕ ਡਿਜੀਟਲ ਸੁਰੱਖਿਆ ਦਿਸ਼ਾ-ਨਿਰਦੇਸ਼ ਜਾਰੀ ਕਰਦੇ ਹੋਏ ਕਿਹਾ ਹੈ ਕਿ ਗਾਹਕਾਂ ਨੂੰ ਆਪਣੇ ਡਿਜੀਟਲ ਬੈਂਕਿੰਗ, ਡਿਜੀਟਲ ਲੈਣ-ਦੇਣ, ਇਲੈਕਟ੍ਰਾਨਿਕ ਭੁਗਤਾਨ ਅਤੇ ਸੋਸ਼ਲ ਮੀਡੀਆ ਸੁਰੱਖਿਆ ਦੇ ਸਾਰੇ ਪਹਿਲੂਆਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ : ਦੇਸ਼ ’ਚ ਰਾਤੋ-ਰਾਤ ਵੱਧ ਗਏ ਖਾਣ ਵਾਲੇ ਤੇਲ ਦੇ ਮੁੱਲ, ਜਾਣੋ ਵਜ੍ਹਾ
ਪਬਲਿਕ ਸੈਕਟਰ ਬੈਂਕ ਨੇ ਖ਼ਾਤਾਧਾਰਕਾਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਲੌਗਇਨ ਸੰਬੰਧੀ ਸੁਰੱਖਿਆ ਲਈ ਵਾਰ-ਵਾਰ ਪਾਸਵਰਡ ਬਦਲਣ ਦੇ ਨਾਲ-ਨਾਲ ਵਿਲੱਖਣ ਅਤੇ ਮੁਸ਼ਕਲ ਪਾਸਵਰਡ ਦੀ ਵਰਤੋਂ ਕਰਨ। ਬੈਂਕ ਨੇ ਕਿਹਾ, "ਕਦੇ ਵੀ ਆਪਣਾ ਯੂਜ਼ਰ ਆਈਡੀ, ਪਾਸਵਰਡ ਜਾਂ ਪਿੰਨ ਕਿਤੇ ਵੀ ਸਾਂਝਾ ਨਾ ਕਰੋ ਅਤੇ ਨਾ ਹੀ ਲਿਖੋ। ਹਮੇਸ਼ਾ ਯਾਦ ਰੱਖੋ ਕਿ ਬੈਂਕ ਕਦੇ ਵੀ ਤੁਹਾਡੇ ਯੂਜ਼ਰ ਆਈਡੀ/ਪਾਸਵਰਡ/ਕਾਰਡ ਨੰਬਰ/ਪਿੰਨ/ਪਾਸਵਰਡ/ਸੀਵੀਵੀ/ਓਟੀਪੀ ਦੀ ਮੰਗ ਨਹੀਂ ਕਰਦਾ।"
ਇਸ ਤੋਂ ਇਲਾਵਾ, ਯੂਪੀਆਈ ਟ੍ਰਾਂਜੈਕਸ਼ਨ ਸੁਰੱਖਿਆ ਦੇ ਸਬੰਧ ਵਿੱਚ, ਬੈਂਕ ਨੇ ਖ਼ਾਤਾਧਾਰਕਾਂ ਨੂੰ ਆਪਣੇ ਮੋਬਾਈਲ ਪਿੰਨ ਅਤੇ ਯੂਪੀਆਈ ਪਿੰਨ ਨੂੰ ਵੱਖਰੇ ਅਤੇ ਗੈਰ-ਅਨੁਮਾਨਿਤ ਤਰੀਕੇ ਨਾਲ ਰੱਖਣ ਦੀ ਸਲਾਹ ਦਿੱਤੀ ਹੈ। ਐਸਬੀਆਈ ਨੇ ਕਿਹਾ ਕਿ ਜੇਕਰ ਗਾਹਕ ਦੀ ਜਾਣਕਾਰੀ ਤੋਂ ਬਿਨਾਂ ਕੋਈ ਲੈਣ-ਦੇਣ ਹੋਇਆ ਹੈ, ਤਾਂ ਉਪਭੋਗਤਾਵਾਂ ਨੂੰ ਆਪਣੇ ਬੈਂਕ ਖਾਤੇ ਵਿੱਚ ਯੂਪੀਆਈ ਨਾਲ ਸਬੰਧਤ ਸੇਵਾਵਾਂ ਨੂੰ ਤੁਰੰਤ ਬੰਦ ਕਰ ਦੇਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ : ਯੂਨੀਕਾਰਨ ਕਲੱਬ 'ਚ ਚੀਨ ਨੂੰ ਪਿੱਛੇ ਛੱਡ ਕੇ ਦੂਜੇ ਸਥਾਨ 'ਤੇ ਪਹੁੰਚਿਆ ਭਾਰਤ, ਜਾਣੋ ਕਿਹੜਾ ਦੇਸ਼ ਹੈ ਪਹਿਲੇ ਸਥਾਨ 'ਤੇ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਅਡਾਨੀ ਪਾਵਰ ਦਾ ਮਾਰਕਿਟ ਕੈਪ 1 ਲੱਖ ਕਰੋੜ ਤੋਂ ਪਾਰ, ਸਿਰਫ ਇਕ ਮਹੀਨੇ 'ਚ ਸ਼ੇਅਰ 109 ਫੀਸਦੀ ਚੜ੍ਹੇ
NEXT STORY 
