ਮੁੰਬਈ - ਅੱਜ ਸੋਮਵਾਰ ਹਫ਼ਤੇ ਦੇ ਪਹਿਲੇ ਕਾਰੋਬਾਰੀ ਦਿਨ ਸ਼ੇਅਰ ਬਾਜ਼ਾਰ ਵਿੱਚ ਵਾਧਾ ਦੇਖਣ ਨੂੰ ਮਿਲਿਆ ਹੈ। ਸੈਂਸੈਕਸ 294.85 ਅੰਕ ਭਾਵ +0.37% ਦੇ ਵਾਧੇ ਨਾਲ 80,796.84 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਸੈਂਸੈਕਸ ਦੇ 30 ਵਿੱਚੋਂ 20 ਸਟਾਕ ਵਾਧੇ ਨਾਲ ਅਤੇ 10 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ। ਅਡਾਨੀ ਪੋਰਟਸ 6.29 ਫ਼ੀਸਦੀ , ਬਜਾਜ ਫਿਨਸਰਵ 3.73 ਫ਼ੀਸਦੀ, ਮਹਿੰਦਰਾ ਐਂਡ ਮਹਿੰਦਰਾ 3.11 ਫ਼ੀਸਦੀ ਅਤੇ ਟਾਟਾ ਮੋਟਰਜ਼ ਦੇ ਸ਼ੇਅਰ 1.50% ਦੇ ਵਾਧੇ ਨਾਲ ਕਾਰੋਬਰ ਕਰਦੇ ਦੇਖੇ ਗਏ। ਕੋਟਕ ਮਹਿੰਦਰਾ ਬੈਂਕ ਦੇ ਸ਼ੇਅਰ 4.57% ਡਿੱਗ ਗਏ ਹਨ। ਰੁਪਿਆ 33 ਪੈਸੇ ਮਜ਼ਬੂਤ ਹੋ ਕੇ 84.25/$ 'ਤੇ ਬੰਦ ਹੋਇਆ।
ਦੂਜੇ ਪਾਸੇ ਨਿਫਟੀ ਵੀ 114.45 ਅੰਕ ਭਾਵ 0.47% ਦੇ ਵਾਧੇ ਨਾਲ 24,461.15 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਬੈਂਕ ਨਿਫਟੀ 195.85 ਅੰਕ ਡਿੱਗ ਕੇ 54,919.50 'ਤੇ ਬੰਦ ਹੋਇਆ। ਅੱਜ ਨਿੱਜੀ ਬੈਂਕ ਦੇ ਸ਼ੇਅਰਾਂ ਵਿੱਚ ਵਿਕਰੀ ਦੇਖੀ ਗਈ।
ਨਿਵੇਸ਼ਕਾਂ ਨੇ ਅੱਜ ਨਿਫਟੀ ਆਟੋ ਅਤੇ ਮੈਟਲ ਦੇ ਸ਼ੇਅਰ ਖਰੀਦੇ। ਭਾਰਤੀ ਬਾਜ਼ਾਰ ਵਿੱਚ ਵਿਦੇਸ਼ੀ ਨਿਵੇਸ਼ਕਾਂ (FII) ਵੱਲੋਂ ਖਰੀਦਦਾਰੀ ਜਾਰੀ ਹੈ। ਅਪ੍ਰੈਲ ਮਹੀਨੇ ਵਿੱਚ ਉਨ੍ਹਾਂ ਦੀ ਸ਼ੁੱਧ ਖਰੀਦ 2,735.02 ਕਰੋੜ ਰੁਪਏ ਰਹੀ। ਘਰੇਲੂ ਨਿਵੇਸ਼ਕਾਂ ਨੇ ਵੀ ਮਹੀਨੇ ਦੌਰਾਨ 28,228.45 ਕਰੋੜ ਰੁਪਏ ਦੀ ਸ਼ੁੱਧ ਖਰੀਦਦਾਰੀ ਕੀਤੀ।
ਗਲੋਬਲ ਬਾਜ਼ਾਰ ਦਾ ਹਾਲ
ਅੱਜ ਏਸ਼ੀਆਈ ਬਾਜ਼ਾਰਾਂ ਵਿੱਚ ਕੋਈ ਕਾਰੋਬਾਰ ਨਹੀਂ ਹੈ, ਜਾਪਾਨ ਦਾ ਨਿੱਕੇਈ ਅੱਜ ਬੰਦ ਹੈ। 2 ਮਈ ਨੂੰ, ਇਹ 378 ਅੰਕ (1.04%) ਵਧ ਕੇ 36,830 'ਤੇ ਬੰਦ ਹੋਇਆ। ਕੋਰੀਆ ਦਾ ਕੋਸਪੀ ਵੀ 3 ਅੰਕ (0.12%) ਵਧ ਕੇ 2,560 'ਤੇ ਬੰਦ ਹੋਇਆ।
ਹਾਂਗ ਕਾਂਗ ਦਾ ਹੈਂਗ ਸੇਂਗ ਇੰਡੈਕਸ 385 ਅੰਕ (1.74%) ਵਧ ਕੇ 22,505 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ, ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ ਲੇਬਰ ਡੇਅ ਦੇ ਕਾਰਨ 1 ਤੋਂ 5 ਮਈ ਤੱਕ ਬੰਦ ਹੈ।
2 ਮਈ ਨੂੰ, ਅਮਰੀਕਾ ਦਾ ਡਾਓ ਜੋਨਸ 564 ਅੰਕ (1.39%) ਵਧ ਕੇ 41,317 'ਤੇ ਬੰਦ ਹੋਇਆ। ਨੈਸਡੈਕ ਕੰਪੋਜ਼ਿਟ 267 ਅੰਕ (1.51%) ਵਧਿਆ ਜਦੋਂ ਕਿ S&P 500 ਇੰਡੈਕਸ 83 ਅੰਕ (1.47%) ਵਧ ਕੇ ਬੰਦ ਹੋਇਆ।
ਬੀਤੇ ਸ਼ੁੱਕਰਵਾਰ ਸ਼ੇਅਰ ਬਾਜ਼ਾਰ ਦਾ ਹਾਲ
ਸ਼ੁੱਕਰਵਾਰ, 2 ਮਈ ਨੂੰ ਸ਼ੇਅਰ ਬਾਜ਼ਾਰ ਵਿੱਚ ਤੇਜ਼ੀ ਦੇਖੀ ਗਈ। ਸੈਂਸੈਕਸ 260 ਅੰਕਾਂ ਦੇ ਵਾਧੇ ਨਾਲ 80,502 'ਤੇ ਬੰਦ ਹੋਇਆ। ਨਿਫਟੀ ਵੀ 12 ਅੰਕ ਵਧ ਕੇ 24,347 'ਤੇ ਬੰਦ ਹੋਇਆ। ਸੈਂਸੈਕਸ ਦੇ 30 ਸ਼ੇਅਰਾਂ ਵਿੱਚੋਂ 17 ਦੇ ਸ਼ੇਅਰ ਵਧ ਕੇ ਬੰਦ ਹੋਏ।
ਅਡਾਨੀ ਪੋਰਟਸ ਦੇ ਸ਼ੇਅਰ 4.11%, ਬਜਾਜ ਫਾਈਨੈਂਸ 2.70%, ਐਸਬੀਆਈ 1.51% ਵਧੇ। ਇੰਡਸਇੰਡ ਬੈਂਕ, ਟਾਟਾ ਮੋਟਰਜ਼, ਆਈਟੀਸੀ, ਟਾਟਾ ਸਟੀਲ ਅਤੇ ਮਾਰੂਤੀ ਸੁਜ਼ੂਕੀ 1% ਵਧ ਕੇ ਬੰਦ ਹੋਏ। ਨੈਸਲੇ ਇੰਡੀਆ, ਐਨਟੀਪੀਸੀ ਅਤੇ ਕੋਟਕ ਬੈਂਕ ਦੇ ਸ਼ੇਅਰ 1% ਤੋਂ ਵੱਧ ਡਿੱਗ ਗਏ।
50 ਨਿਫਟੀ ਸਟਾਕਾਂ ਵਿੱਚੋਂ, 32 ਵਿੱਚ ਗਿਰਾਵਟ ਆਈ। ਐਨਐਸਈ ਦੇ ਸੈਕਟਰਲ ਸੂਚਕਾਂਕਾਂ ਵਿੱਚੋਂ, ਧਾਤਾਂ, ਰੀਅਲਟੀ ਅਤੇ ਖਪਤਕਾਰ ਟਿਕਾਊ ਵਸਤੂਆਂ ਵਿੱਚ ਸਭ ਤੋਂ ਵੱਧ ਗਿਰਾਵਟ ਆਈ। ਜਦੋਂ ਕਿ, ਆਈਟੀ, ਮੀਡੀਆ ਅਤੇ ਬੈਂਕਿੰਗ ਸਟਾਕਾਂ ਵਿੱਚ ਮਾਮੂਲੀ ਵਾਧਾ ਦੇਖਣ ਨੂੰ ਮਿਲਿਆ।
ਛੋਟੇ ਉੱਦਮੀਆਂ ਨੂੰ ਮਜ਼ਬੂਤ ਕਰਨ ਵਾਲੀ ਇਕ ਕ੍ਰਾਂਤੀਕਾਰੀ ਪਹਿਲ ਹੈ ਪ੍ਰਧਾਨ ਮੰਤਰੀ ਮੁਦਰਾ ਯੋਜਨਾ
NEXT STORY 
