ਵੈੱਬ ਡੈਸਕ : ਬਾਜ਼ਾਰ 'ਚ ਚਾਂਦੀ ਦੀ ਚਾਲ ਇੱਕ ਵਾਰ ਫਿਰ ਸਭ ਨੂੰ ਹੈਰਾਨ ਕਰ ਰਹੀ ਹੈ। ਹਾਲ ਹੀ 'ਚ ਐੱਮਸੀਐੱਕਸ (MCX) 'ਤੇ ਚਾਂਦੀ ਦੀਆਂ ਕੀਮਤਾਂ 'ਚ 11,000 ਰੁਪਏ ਤੋਂ ਵੱਧ ਦਾ ਉਛਾਲ ਦੇਖਿਆ ਗਿਆ ਹੈ। ਹਾਲਾਂਕਿ ਕੀਮਤਾਂ ਅਜੇ ਵੀ ਆਪਣੇ ਰਿਕਾਰਡ ਪੱਧਰ ਤੋਂ ਹੇਠਾਂ ਹਨ, ਪਰ ਇੱਕ ਆਮ ਆਦਮੀ ਲਈ ਇਕੱਠੇ 2.50 ਲੱਖ ਰੁਪਏ ਖਰਚ ਕੇ 1 ਕਿਲੋ ਚਾਂਦੀ ਖਰੀਦਣਾ ਆਸਾਨ ਨਹੀਂ ਹੈ। ਜੇਕਰ ਤੁਸੀਂ ਵੀ ਭਵਿੱਖ ਲਈ ਚਾਂਦੀ ਜੋੜਨਾ ਚਾਹੁੰਦੇ ਹੋ, ਤਾਂ ਕੁਝ ਖਾਸ ਰਣਨੀਤੀਆਂ ਤੁਹਾਡੇ ਕੰਮ ਆ ਸਕਦੀਆਂ ਹਨ।
1. MCX 'ਤੇ 'ਮਾਈਕਰੋ' ਟ੍ਰੇਡਿੰਗ
ਘੱਟ ਪੈਸਿਆਂ ਨਾਲ ਵੱਡੀ ਸ਼ੁਰੂਆਤ ਜੇਕਰ ਤੁਸੀਂ ਘਰ ਵਿੱਚ ਚਾਂਦੀ ਰੱਖਣ ਦਾ ਜੋਖਮ ਨਹੀਂ ਲੈਣਾ ਚਾਹੁੰਦੇ, ਤਾਂ ਮਲਟੀ ਕਮੋਡਿਟੀ ਐਕਸਚੇਂਜ (MCX) ਇੱਕ ਵਧੀਆ ਵਿਕਲਪ ਹੈ। ਇੱਥੇ ਤੁਸੀਂ 'silver micro' ਕੰਟਰੈਕਟ ਰਾਹੀਂ ਸਿਰਫ਼ 1 ਕਿਲੋ ਚਾਂਦੀ ਦਾ ਸੌਦਾ ਕਰ ਸਕਦੇ ਹੋ। ਇਸ ਦੀ ਸਭ ਤੋਂ ਵੱਡੀ ਖੂਬੀ ਇਹ ਹੈ ਕਿ ਤੁਹਾਨੂੰ ਪੂਰੀ ਕੀਮਤ ਇਕੱਠੀ ਨਹੀਂ ਦੇਣੀ ਪੈਂਦੀ। ਕੁੱਲ ਕੀਮਤ ਦਾ ਸਿਰਫ਼ 10 ਤੋਂ 20 ਪ੍ਰਤੀਸ਼ਤ ਹਿੱਸਾ 'margin money' ਵਜੋਂ ਦੇ ਕੇ ਤੁਸੀਂ ਨਿਵੇਸ਼ ਸ਼ੁਰੂ ਕਰ ਸਕਦੇ ਹੋ। ਉਦਾਹਰਣ ਵਜੋਂ, 2.64 ਲੱਖ ਰੁਪਏ ਦੀ ਚਾਂਦੀ ਲਈ ਤੁਸੀਂ ਲਗਭਗ 26 ਤੋਂ 52 ਹਜ਼ਾਰ ਰੁਪਏ ਦੇ ਕੇ ਆਪਣੀ ਪੁਜ਼ੀਸ਼ਨ ਬੁੱਕ ਕਰ ਸਕਦੇ ਹੋ।
2. ਸਿਲਵਰ ETF ਅਤੇ 7, 14, 21, 28 ਦਾ ਜਾਦੂਈ ਨਿਯਮ
ਬਾਜ਼ਾਰ ਦੇ ਉਤਰਾਅ-ਚੜ੍ਹਾਅ ਤੋਂ ਬਚਣ ਲਈ 'ਸਿਲਵਰ ਈਟੀਐਫ' (Silver ETF) ਸਭ ਤੋਂ ਸੁਰੱਖਿਅਤ ਤਰੀਕਾ ਹੈ। ਮਾਹਰਾਂ ਅਨੁਸਾਰ, ਇੱਕ ਵਾਰ ਪੈਸਾ ਲਗਾਉਣ ਦੀ ਬਜਾਏ ਹਰ ਮਹੀਨੇ ਦੀ 7, 14, 21 ਅਤੇ 28 ਤਾਰੀਖ ਨੂੰ ਥੋੜ੍ਹਾ-ਥੋੜ੍ਹਾ ਨਿਵੇਸ਼ ਕਰਨਾ ਚਾਹੀਦਾ ਹੈ। ਜੇਕਰ ਤੁਸੀਂ ਹਰ ਤੈਅ ਤਾਰੀਖ ਨੂੰ 5,000 ਰੁਪਏ ਨਿਵੇਸ਼ ਕਰਦੇ ਹੋ, ਤਾਂ ਸਾਲ ਵਿੱਚ ਤੁਸੀਂ ਲਗਭਗ 1 ਕਿਲੋ ਦੇ ਬਰਾਬਰ ਚਾਂਦੀ ਜਮ੍ਹਾਂ ਕਰ ਲਵੋਗੇ। ਇਸ ਨਾਲ ਕੀਮਤਾਂ ਦੇ ਵਧਣ-ਘਟਣ ਦਾ ਚਿੰਤਾ ਨਹੀਂ ਰਹੇਗੀ ਅਤੇ ਤੁਹਾਡੇ ਨਿਵੇਸ਼ ਦੀ ਔਸਤ (Average) ਬਣੀ ਰਹੇਗੀ।
3. ਫਿਜ਼ੀਕਲ ਚਾਂਦੀ ਗਹਿਣਿਆਂ ਨਾਲੋਂ 'ਸਿਲਵਰ ਬ੍ਰਿਕ' ਬਿਹਤਰ
ਜੇਕਰ ਤੁਸੀਂ ਚਾਂਦੀ ਨੂੰ ਆਪਣੀ ਤਿਜੋਰੀ ਵਿੱਚ ਰੱਖਣਾ ਚਾਹੁੰਦੇ ਹੋ, ਤਾਂ ਗਹਿਣੇ ਖਰੀਦਣ ਦੀ ਗਲਤੀ ਨਾ ਕਰੋ ਕਿਉਂਕਿ ਉਨ੍ਹਾਂ ਵਿੱਚ 'ਮੇਕਿੰਗ ਚਾਰਜ' ਵਜੋਂ ਵੱਡਾ ਹਿੱਸਾ ਬਰਬਾਦ ਹੋ ਜਾਂਦਾ ਹੈ। ਇਸ ਦੀ ਬਜਾਏ 'ਸਿਲਵਰ ਬਾਰ' ਜਾਂ ਸ਼ੁੱਧ ਚਾਂਦੀ ਦੀਆਂ ਸਿੱਲੀਆਂ ਖਰੀਦਣਾ ਫਾਇਦੇਮੰਦ ਹੈ। ਇੱਥੇ ਵੀ ਸਮਝਦਾਰੀ ਇਸੇ ਵਿੱਚ ਹੈ ਕਿ ਇਕੱਠੀ 1 ਕਿਲੋ ਚਾਂਦੀ ਨਾ ਖਰੀਦ ਕੇ ਹਰ ਮਹੀਨੇ 100-100 ਗ੍ਰਾਮ ਕਰਕੇ ਚਾਂਦੀ ਲਓ। ਮਾਹਰਾਂ ਅਨੁਸਾਰ, ਹੌਲੀ-ਹੌਲੀ ਕੀਤੀ ਗਈ ਖਰੀਦਦਾਰੀ ਤੁਹਾਨੂੰ ਵੱਡੇ ਨੁਕਸਾਨ ਤੋਂ ਬਚਾਏਗੀ ਅਤੇ ਭਵਿੱਖ ਵਿੱਚ ਜਦੋਂ ਭਾਅ ਵਧਣਗੇ, ਤਾਂ ਤੁਹਾਡਾ ਮੁਨਾਫਾ ਕਈ ਗੁਣਾ ਜ਼ਿਆਦਾ ਹੋਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਰੂਸ ਨਹੀਂ ਅਮਰੀਕਾ ਅਤੇ ਵੈਨੇਜ਼ੁਏਲਾ ਤੋਂ ਖਰੀਦੋ ਤੇਲ, ਸਰਕਾਰ ਨੇ ਰਿਫਾਈਨਰੀਆਂ ਨੂੰ ਦਿੱਤੇ ਹੁਕਮ!
NEXT STORY 
