ਨਵੀਂ ਦਿੱਲੀ - ਚਾਂਦੀ ਖਰੀਦਣ ਵਾਲਿਆਂ ਨੂੰ ਇਸ ਸਾਲ ਸੱਚਮੁੱਚ 'ਚਾਂਦੀ' ਮਿਲੀ ਹੈ। ਚਾਂਦੀ ਨੇ 2024 ਵਿੱਚ ਨਿਵੇਸ਼ਕਾਂ ਨੂੰ ਸ਼ਾਨਦਾਰ ਰਿਟਰਨ ਦਿੱਤਾ ਹੈ, ਜਿਸ ਨਾਲ ਇਹ ਸੋਨੇ ਨਾਲੋਂ ਵਧੇਰੇ ਆਕਰਸ਼ਕ ਵਿਕਲਪ ਬਣ ਕੇ ਸਾਹਮਣੇ ਆਇਆ ਹੈ। ਇਸ ਸਾਲ ਚਾਂਦੀ ਦੀ ਕੀਮਤ 'ਚ ਜ਼ਬਰਦਸਤ ਵਾਧਾ ਹੋਇਆ ਹੈ, ਜਿਸ ਕਾਰਨ ਨਿਵੇਸ਼ਕਾਂ ਨੂੰ ਦੁੱਗਣਾ ਰਿਟਰਨ ਮਿਲਿਆ ਹੈ।
ਜਾਣਕਾਰੀ ਮੁਤਾਬਕ 1 ਜਨਵਰੀ 2024 ਨੂੰ ਚਾਂਦੀ ਦੀ ਕੀਮਤ 23.31 ਡਾਲਰ ਸੀ, ਜੋ ਹੁਣ ਵਧ ਕੇ 33.92 ਡਾਲਰ ਹੋ ਗਈ ਹੈ। ਇਸ ਤਰ੍ਹਾਂ, ਚਾਂਦੀ ਨੇ 2024 ਵਿੱਚ 46% ਤੋਂ ਵੱਧ ਦਾ ਰਿਟਰਨ ਪ੍ਰਦਾਨ ਕੀਤਾ ਹੈ। ਇਹ ਲਾਭ ਸੋਨੇ ਨਾਲੋਂ ਦੁੱਗਣਾ ਹੈ, ਜਿਸ ਨਾਲ ਚਾਂਦੀ ਨਿਵੇਸ਼ਕਾਂ ਲਈ ਲਾਭਦਾਇਕ ਵਿਕਲਪ ਬਣ ਕੇ ਸਾਹਮਣੇ ਆਈ ਹੈ। ਸੋਨੇ ਦੀ ਗੱਲ ਕਰੀਏ ਤਾਂ ਇਸ ਸਾਲ 1 ਜਨਵਰੀ ਨੂੰ ਸੋਨੇ ਦੀ ਕੀਮਤ 2,238 ਡਾਲਰ ਸੀ, ਜੋ ਅੱਜ 2,736 ਡਾਲਰ 'ਤੇ ਪਹੁੰਚ ਗਈ ਹੈ, ਜਿਸ ਕਾਰਨ ਇਸ ਸਾਲ ਸੋਨੇ 'ਚ 22 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
ਕੀਮਤਾਂ 'ਚ ਵਾਧੇ ਦਾ ਕਾਰਨ
ਤੁਹਾਨੂੰ ਦੱਸ ਦੇਈਏ ਕਿ ਸ਼ੁੱਕਰਵਾਰ ਨੂੰ ਦੁਪਹਿਰ 02:58 ਵਜੇ ਸੋਨੇ ਦੀ ਕੀਮਤ 1% ਵਧ ਕੇ 2,720.05 ਡਾਲਰ ਪ੍ਰਤੀ ਔਂਸ ਹੋ ਗਈ। ਜੋ ਕਿ ਕਈ ਆਰਥਿਕ ਅਤੇ ਰਾਜਨੀਤਿਕ ਕਾਰਨਾਂ ਕਰਕੇ ਹੋਇਆ ਹੈ। ਇਸ ਵਾਧੇ ਦੇ ਪਿੱਛੇ ਮੁੱਖ ਕਾਰਨ ਮੱਧ ਪੂਰਬ ਵਿਚ ਵਧ ਰਹੇ ਤਣਾਅ, ਅਮਰੀਕੀ ਚੋਣਾਂ ਦੇ ਆਲੇ-ਦੁਆਲੇ ਅਨਿਸ਼ਚਿਤਤਾਵਾਂ ਅਤੇ ਮੁਦਰਾ ਨੀਤੀ ਵਿਚ ਨਰਮੀ ਦੀ ਉਮੀਦ ਹੈ, ਜਿਸ ਨਾਲ ਸੋਨੇ ਦੀ ਮੰਗ ਵਧੀ ਹੈ।
ਸੋਨੇ ਦੀਆਂ ਕੀਮਤਾਂ 'ਚ ਤੇਜ਼ੀ ਦਾ ਮੁੱਖ ਕਾਰਨ ਮੱਧ ਪੂਰਬ 'ਚ ਵਧਦਾ ਤਣਾਅ ਹੈ। ਹਿਜ਼ਬੁੱਲਾ ਵੱਲੋਂ ਇਜ਼ਰਾਈਲ ਨਾਲ ਜੰਗ ਨੂੰ ਵਧਾਉਣ ਦਾ ਐਲਾਨ ਕਰਨ ਤੋਂ ਬਾਅਦ ਨਿਵੇਸ਼ਕ ਸੋਨੇ ਵੱਲ ਮੁੜ ਰਹੇ ਹਨ।
ਸਿਟੀ ਦੇ ਮੈਕਸ ਲੇਟਨ ਦਾ ਅਨੁਮਾਨ ਹੈ ਕਿ ਅਗਲੇ 6-12 ਮਹੀਨਿਆਂ ਵਿੱਚ ਸੋਨੇ ਦੀਆਂ ਕੀਮਤਾਂ 3,000 ਡਾਲਰ ਪ੍ਰਤੀ ਔਂਸ ਤੱਕ ਪਹੁੰਚ ਸਕਦੀਆਂ ਹਨ, ਜਦੋਂ ਕਿ ਅਗਲੇ ਤਿੰਨ ਮਹੀਨਿਆਂ ਵਿੱਚ ਚਾਂਦੀ ਦੀਆਂ ਕੀਮਤਾਂ 35 ਡਾਲਰ ਪ੍ਰਤੀ ਔਂਸ ਤੱਕ ਪਹੁੰਚਣ ਦੀ ਉਮੀਦ ਹੈ। ਇਸ ਆਰਥਿਕ ਮਾਹੌਲ ਵਿੱਚ, ਸੋਨੇ ਅਤੇ ਚਾਂਦੀ ਦੇ ਨਿਵੇਸ਼ਕਾਂ ਲਈ ਸੰਭਾਵਨਾਵਾਂ ਚਮਕਦਾਰ ਦਿਖਾਈ ਦਿੰਦੀਆਂ ਹਨ।
GST ਦਰਾਂ ਨੂੰ ਤਰਕਸੰਗਤ ਬਣਾਉਣ, ਬੀਮਾ ਪ੍ਰੀਮੀਅਮ ਸਬੰਧੀ ਮੰਤਰੀ ਸਮੂਹਾਂ ਦੀ ਮੀਟਿੰਗ ਅੱਜ
NEXT STORY 
