ਬਿਜ਼ਨੈੱਸ ਡੈਸਕ - ਚਾਂਦੀ ਦੀਆਂ ਕੀਮਤਾਂ ਜਿਸ ਤੇਜ਼ੀ ਨਾਲ ਵਧੀਆਂ ਸਨ, ਉਸ ਤੋਂ ਵੀ ਜ਼ਿਆਦਾ ਤੇਜ਼ੀ ਨਾਲ ਹੁਣ ਡਿੱਗ ਰਹੀਆਂ ਹਨ। ਘਰੇਲੂ ਬਾਜ਼ਾਰ ’ਚ ਚਾਂਦੀ ਨੂੰ 3 ਲੱਖ ਤੋਂ 4 ਲੱਖ ਰੁਪਏ ਹੋਣ ਯਾਨੀ 1 ਲੱਖ ਰੁਪਏ ਵਧਣ ’ਚ 10 ਦਿਨ ਲੱਗੇ ਸਨ ਪਰ 2,40,500 ਰੁਪਏ ਘਟਣ ’ਚ ਸਿਰਫ਼ 3 ਹੀ ਦਿਨ ਲੱਗੇ। ਅੰਤਰਰਾਸ਼ਟਰੀ ਬਾਜ਼ਾਰ ’ਚ ਵੀ ਇਹ ‘ਆਲ ਟਾਈਮ ਹਾਈ’ ਤੋਂ 50 ਡਾਲਰ ਤੱਕ ਡਿੱਗ ਚੁੱਕੀ ਹੈ। ਚਾਂਦੀ ਦੇ ਨਾਲ ਹੀ ਸੋਨੇ ਦੀਆਂ ਕੀਮਤਾਂ ’ਚ ਵੀ ਤੇਜ਼ ਗਿਰਾਵਟ ਆ ਰਹੀ ਹੈ। ਸੋਨਾ ਵੀ ਇਨ੍ਹਾਂ ਦਿਨਾਂ ’ਚ 20,200 ਰੁਪਏ ਸਸਤਾ ਹੋ ਕੇ 1,51,600 ਰੁਪਏ ਪ੍ਰਤੀ 10 ਗ੍ਰਾਮ ’ਤੇ ਪਹੁੰਚ ਗਿਆ।
ਇਹ ਵੀ ਪੜ੍ਹੋ : ਮੂਧੇ ਮੂੰਹ ਡਿੱਗੇ ਸੋਨੇ-ਚਾਂਦੀ ਦੇ ਭਾਅ, ਮਾਹਰਾਂ ਮੁਤਾਬਕ ਜਾਣੋ ਕਦੋਂ ਹੈ ਖ਼ਰੀਦਦਾਰੀ ਦਾ ਸਹੀ ਮੌਕਾ
ਐੱਮ. ਸੀ. ਐਕਸ. ’ਚ ਚਾਂਦੀ ਦੀਆਂ ਕੀਮਤਾਂ 46.24 ਫੀਸਦੀ ਟੁੱਟੀਆਂ
ਘਰੇਲੂ ਬਾਜ਼ਾਰ ਐੱਮ. ਸੀ. ਐਕਸ. ’ਤੇ ਚਾਂਦੀ ਦੇ ਬੈਂਚਮਾਰਕ ਮਾਰਚ ਇਕਰਾਰਨਾਮੇ ਨੇ 29 ਜਨਵਰੀ ਨੂੰ 4,20,048 ਰੁਪਏ ਪ੍ਰਤੀ ਕਿਲੋ ਦੇ ਭਾਅ ’ਤੇ ਸਭ ਤੋਂ ਉੱਚਾ ਪੱਧਰ ਛੂਹ ਲਿਆ ਸੀ। ਇਸ ਦਿਨ ਤੋਂ ਬਾਅਦ ਇਸ ਦੀਆਂ ਕੀਮਤਾਂ ਲਗਾਤਾਰ ਡਿੱਗ ਰਹੀਆਂ ਹਨ। ਅੱਜ ਇਸ ਇਕਰਾਰਨਾਮੇ ਨੇ 2,25,805 ਰੁਪਏ ਪ੍ਰਤੀ ਕਿਲੋ ਦਾ ਹੇਠਲਾ ਪੱਧਰ ਛੂਹ ਲਿਆ। ਇਸ ਤਰ੍ਹਾਂ ਉੱਚ ਪੱਧਰ ਤੋਂ ਚਾਂਦੀ 1,94,243 ਰੁਪਏ ਯਾਨੀ 46.24 ਫੀਸਦੀ ਡਿੱਗ ਚੁੱਕੀ ਹੈ। ਅੱਜ ਕਾਰੋਬਾਰ ਦੌਰਾਨ ਇਸ ਦੇ ਭਾਅ 12 ਫੀਸਦੀ ਤੱਕ ਡਿੱਗ ਗਏ ਸਨ। ਹਾਲਾਂਕਿ ਬਾਅਦ ’ਚ ਭਾਅ ਸੁਧਰ ਵੀ ਗਏ। ਖ਼ਬਰ ਲਿਖੇ ਜਾਣ ਤੱਕ ਇਹ 2,58,480 ਰੁਪਏ ਕਿਲੋ ’ਤੇ ਕਾਰੋਬਾਰ ਕਰ ਰਹੀ ਸੀ।
ਇਹ ਵੀ ਪੜ੍ਹੋ : 1980 ਤੋਂ ਬਾਅਦ ਪਹਿਲਾ ਝਟਕਾ! ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਅਚਾਨਕ ਆਈ ਵੱਡੀ ਗਿਰਾਵਟ, ਜਾਣੋ ਕਾਰਨ
ਇੰਟਰਨੈਸ਼ਨਲ ਮਾਰਕੀਟ ਦਾ ਹਾਲ
ਇੰਟਰਨੈਸ਼ਨਲ ਮਾਰਕੀਟ ’ਚ ਚਾਂਦੀ 50 ਡਾਲਰ ਤੋਂ ਜ਼ਿਆਦਾ ਡਿੱਗ ਗਈ ਹੈ। 29 ਜਨਵਰੀ ਨੂੰ ਕਾਮੈਕਸ ’ਤੇ ਚਾਂਦੀ ਦੇ ਵਾਅਦਾ ਭਾਅ ਨੇ 121.79 ਡਾਲਰ ਦਾ ਆਲ ਟਾਈਮ ਹਾਈ ਬਣਾਇਆ ਸੀ। ਅੱਜ ਇਸ ਦੇ ਭਾਅ 71.20 ਡਾਲਰ ਪ੍ਰਤੀ ਅੌਂਸ ਦੇ ਦਿਨ ਦੇ ਹੇਠਲੇ ਪੱਧਰ ਤੱਕ ਚਲੇ ਗਏ। ਹਾਲਾਂਕਿ ਬਾਅਦ ’ਚ ਇਹ ਸੁਧਰ ਕੇ 80 ਡਾਲਰ ਦੇ ਕਰੀਬ ਪਹੁੰਚ ਗਈ। ਸਿਰਫ 4 ਦਿਨਾਂ ’ਚ ਚਾਂਦੀ ਦੇ ਭਾਅ ਆਲ ਟਾਈਮ ਹਾਈ ਤੋਂ 50.59 ਡਾਲਰ ਤੱਕ ਡਿੱਗ ਚੁੱਕੇ ਹਨ।
ਇਹ ਵੀ ਪੜ੍ਹੋ : Gold-Silver ਦੀਆਂ ਕੀਮਤਾਂ ਨੂੰ ਲੈ ਕੇ ਕੈਨੇਡਾ ਬੈਂਕ ਦਾ ਹੈਰਾਨ ਕਰਦਾ ਦਾਅਵਾ
ਸੋਨੇ ’ਚ ਵੀ ਆਈ ਤੇਜ਼ ਗਿਰਾਵਟ
ਚਾਂਦੀ ਦੇ ਨਾਲ ਹੀ ਸੋਨੇ ’ਚ ਵੀ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਐੱਮ. ਸੀ. ਐਕਸ. ’ਚ ਸੋਨੇ ਦਾ ਵਾਅਦਾ 1,80,779 ਰੁਪਏ ਦੇ ਉੱਚ ਪੱਧਰ ’ਤੇ ਪਹੁੰਚ ਗਿਆ ਸੀ। ਹੁਣ ਇਹ ਕਰੀਬ 44,000 ਯਾਨੀ ਕਰੀਬ 24 ਫੀਸਦੀ ਡਿੱਗ ਕੇ 1,37,065 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਭਾਅ ’ਤੇ ਦਿਨ ਦੇ ਹੇਠਲੇ ਪੱਧਰ ਤੱਕ ਚਲਾ ਗਿਆ। ਬਾਅਦ ’ਚ ਇਹ ਸੁਧਰ ਕੇ ਖ਼ਬਰ ਲਿਖੇ ਜਾਣ ਸਮੇਂ 1,49,750 ਰੁਪਏ ’ਤੇ ਕਾਰੋਬਾਰ ਕਰ ਰਿਹਾ ਸੀ। ਕਾਮੈਕਸ ’ਤੇ ਸੋਨੇ ਦੇ ਵਾਅਦਾ ਭਾਅ ਨੇ 29 ਜਨਵਰੀ ਨੂੰ 5,586.20 ਡਾਲਰ ਦਾ ਉੱਚ ਪੱਧਰ ਛੋਹ ਲਿਆ ਸੀ। ਅੱਜ ਇਹ ਡਿੱਗ ਕੇ 4,400 ਡਾਲਰ ਤੱਕ ਚਲਾ ਗਿਆ।
ਇਹ ਵੀ ਪੜ੍ਹੋ : ਕਾਰੋਬਾਰੀਆਂ ਲਈ ਖ਼ੁਸ਼ਖ਼ਬਰੀ, ਬਿਨਾਂ ਕਿਸੇ ਗਾਰੰਟੀ ਤੇ ਘੱਟ ਵਿਆਜ 'ਤੇ ਮਿਲੇਗਾ 2 ਕਰੋੜ ਤੱਕ ਦਾ ਲੋਨ!
ਹਾਲਾਂਕਿ ਬਾਅਦ ’ਚ ਇਹ ਸੁਧਰ ਕੇ 4,635.60 ਡਾਲਰ ਪ੍ਰਤੀ ਅੌਂਸ ’ਤੇ ਬੰਦ ਹੋਇਆ। ਇਸ ਤਰ੍ਹਾਂ ਅੰਤਰਰਾਸ਼ਟਰੀ ਬਾਜ਼ਾਰ ’ਚ ਸੋਨੇ ਦੇ ਵਾਅਦਾ ਭਾਅ ਉੱਚ ਪੱਧਰ ਤੋਂ ਕਰੀਬ 1,200 ਡਾਲਰ ਯਾਨੀ 20 ਫੀਸਦੀ ਤੱਕ ਡਿੱਗ ਚੁੱਕੇ ਹਨ। ਐੱਸ. ਐੱਮ. ਸੀ. ਗਲੋਬਲ ਸਕਿਓਰਿਟੀਜ਼ ’ਚ ਰਿਸਰਚ ਹੈੱਚ ਵੰਦਨਾ ਭਾਰਤੀ ਦਾ ਕਹਿਣਾ ਹੈ ਕਿ ਸੋਨੇ-ਚਾਂਦੀ ਦੇ ਭਾਅ ਕਿੱਥੋਂ ਤੱਕ ਡਿੱਗਣਗੇ, ਇਸਦਾ ਅੰਦਾਜ਼ਾ ਲਾਉਣਾ ਫਿਲਹਾਲ ਆਸਾਨ ਨਹੀਂ ਹੈ ਪਰ ਇਹ ਤੈਅ ਹੈ ਕਿ ਇਹ ਲੰਬੀ ਮਿਆਦ ’ਚ ਚਾਂਦੀ ਅਤੇ ਸੋਨੇ ਦੇ ਭਾਅ ਤੇਜ਼ ਹੋ ਸਕਦੇ ਹਨ ਕਿਉਂਕਿ ਫੰਡਾਮੈਂਟਲ ਅਜੇ ਵੀ ਮਜ਼ਬੂਤ ਬਣੇ ਹੋਏ ਹਨ।
ਇਹ ਵੀ ਪੜ੍ਹੋ : ਡਰਾਈਵਰਾਂ ਲਈ 45-ਦਿਨਾਂ ਦਾ ਗੋਲਡਨ ਪੀਰੀਅਡ, ਨਹੀਂ ਭੁਗਤਣੇ ਪੈਣਗੇ ਗਲਤ ਟ੍ਰੈਫਿਕ ਚਲਾਨ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਚੀਨੀ ਨਿਵੇਸ਼ਕਾਂ ਦੀ ਚਾਲ ਕਾਰਨ ਟੁੱਟਿਆ ਧਾਤੂ ਬਾਜ਼ਾਰ, ਸਾਹਮਣੇ ਆਇਆ ਚਾਂਦੀ-ਸੋਨੇ ਦੇ ਕ੍ਰੈਸ਼ ਦਾ ਡ੍ਰੈਗਨ ਕੁਨੈਕਸ਼ਨ!
NEXT STORY 
