ਬਿਜ਼ਨੈੱਸ ਡੈਸਕ - ਮਸਾਲਿਆਂ ਵਿੱਚ ਸੀਸੇ (Lead) ਦੀ ਮਾਤਰਾ ਨੂੰ ਲੈ ਕੇ ਵੱਡੀ ਕਾਰਵਾਈ ਕਰਦਿਆਂ, ਸੰਯੁਕਤ ਰਾਸ਼ਟਰ ਦੀ ਖੁਰਾਕ ਮਿਆਰ ਨਿਰਧਾਰਨ ਸੰਸਥਾ ਕੋਡੇਕਸ ਐਲੀਮੈਂਟੇਰੀਅਸ ਕਮਿਸ਼ਨ (Codex Alimentarius Commission) ਨੇ ਹੁਣ ਇਸ ਦੀ ਵੱਧ ਤੋਂ ਵੱਧ ਸੀਮਾ ਤੈਅ ਕਰ ਦਿੱਤੀ ਹੈ। ਇਸ ਕਦਮ ਤੋਂ ਬਾਅਦ ਉਨ੍ਹਾਂ ਭਾਰਤੀ ਮਸਾਲਾ ਨਿਰਯਾਤਕਾਂ ਦੀ ਚਿੰਤਾ ਵਧ ਗਈ ਹੈ, ਜਿਨ੍ਹਾਂ ਦੇ ਉਤਪਾਦਾਂ ਵਿੱਚ ਲੇਡ ਦੀ ਮਾਤਰਾ ਪਹਿਲਾਂ ਹੀ ਤੈਅ ਸੀਮਾ ਤੋਂ ਸੈਂਕੜੇ ਗੁਣਾ ਜ਼ਿਆਦਾ ਪਾਈ ਜਾ ਚੁੱਕੀ ਹੈ।
ਇਹ ਵੀ ਪੜ੍ਹੋ : ਰਿਕਾਰਡ ਪੱਧਰ ਤੋਂ ਮੂਧੇ ਮੂੰਹ ਡਿੱਗਾ ਸੋਨਾ, ਚਾਂਦੀ ਹੋਈ ਮਹਿੰਗੀ, ਜਾਣੋ ਕਿੰਨੇ ਹੋਏ ਕੀਮਤੀ ਧਾਤਾਂ ਦੇ ਭਾਅ
ਕੋਡੇਕਸ ਨੇ ਤੈਅ ਕੀਤੀ ਸੀਮਾ
ਕੋਡੇਕਸ ਦੇ ਫੈਸਲੇ ਅਨੁਸਾਰ, ਮਸਾਲਿਆਂ ਵਿੱਚ ਸੀਸੇ ਦੀ ਮਾਤਰਾ 2.5 ਮਿਲੀਗ੍ਰਾਮ ਪ੍ਰਤੀ ਕਿੱਲੋ (mg/kg) ਤੱਕ ਹੀ ਸੁਰੱਖਿਅਤ ਮੰਨੀ ਜਾਵੇਗੀ। ਖਾਣਾ ਪਕਾਉਣ ਵਿੱਚ ਵਰਤੀਆਂ ਜਾਂਦੀਆਂ ਸੁੱਕੀਆਂ/ਤਾਜ਼ੀਆਂ ਪੱਤੀਆਂ, ਬੀਜਾਂ, ਛਾਲ (ਜਿਵੇਂ ਦਾਲਚੀਨੀ) ਜਾਂ ਫੁੱਲਾਂ ਲਈ ਇਹ ਵੱਧ ਤੋਂ ਵੱਧ ਸੀਮਾ 2 ਮਿਲੀਗ੍ਰਾਮ ਪ੍ਰਤੀ ਕਿੱਲੋ ਤੱਕ ਨਿਰਧਾਰਤ ਕੀਤੀ ਗਈ ਹੈ।
ਇਹ ਨਵੀਂ ਸੀਮਾ ਕੋਡੇਕਸ ਦੇ ਆਮ ਮਿਆਰ ਵਿੱਚ ਸ਼ਾਮਲ ਕੀਤੀ ਜਾਵੇਗੀ, ਜਿਸ ਦਾ ਮਤਲਬ ਹੈ ਕਿ ਇਹ 190 ਤੋਂ ਵੱਧ ਮੈਂਬਰ ਦੇਸ਼ਾਂ, ਜਿਨ੍ਹਾਂ ਵਿੱਚ ਭਾਰਤ ਵੀ ਸ਼ਾਮਲ ਹੈ, ਲਈ ਇੱਕ ਬੈਂਚਮਾਰਕ ਬਣ ਜਾਵੇਗੀ।
ਇਹ ਵੀ ਪੜ੍ਹੋ : Cash Deposit 'ਤੇ IT ਵਿਭਾਗ ਦਾ ਸਖ਼ਤ ਨਿਯਮ, ਜਾਣੋ ਕਦੋਂ ਮਿਲ ਸਕਦੈ ਇਨਕਮ ਟੈਕਸ ਦਾ Notice
ਭਾਰਤੀ ਮਸਾਲਿਆਂ ਵਿੱਚ ਖ਼ਤਰਨਾਕ ਪੱਧਰ
ਇਹ ਮਾਪਦੰਡ ਭਾਰਤ ਲਈ ਖਾਸ ਚਿੰਤਾ ਦਾ ਵਿਸ਼ਾ ਹਨ, ਕਿਉਂਕਿ ਕੁਝ ਭਾਰਤੀ ਮਸਾਲਿਆਂ ਵਿੱਚ ਲੇਡ ਦੀ ਮਾਤਰਾ 1,000 ਮਿਲੀਗ੍ਰਾਮ ਪ੍ਰਤੀ ਕਿੱਲੋ ਜਾਂ ਇਸ ਤੋਂ ਵੱਧ, ਭਾਵ ਤੈਅ ਸੀਮਾ ਤੋਂ 400 ਗੁਣਾ ਤੱਕ ਵੱਧ ਪਾਈ ਗਈ ਹੈ।
• ਮਿਲਾਵਟ ਵਾਲੀ ਹਲਦੀ ਤੇ ਮਿਰਚ ਪਾਊਡਰ ਵਰਗੇ ਮਸਾਲਿਆਂ ਵਿੱਚ 1,000 ਮਿਲੀਗ੍ਰਾਮ ਪ੍ਰਤੀ ਕਿੱਲੋ ਤੱਕ ਲੇਡ ਦੇ ਅੰਸ਼ ਮਿਲੇ ਹਨ।
• ਸਟੈਨਫੋਰਡ ਯੂਨੀਵਰਸਿਟੀ ਦੀ 2024 ਦੀ ਇੱਕ ਸਟੱਡੀ ਵਿੱਚ ਸਾਫ਼ ਭਾਰਤੀ ਮਸਾਲਿਆਂ ਵਿੱਚ ਲੇਡ ਸਿਰਫ਼ 0.07-0.1 ਮਿਲੀਗ੍ਰਾਮ/ਕਿਲੋ ਪਾਇਆ ਗਿਆ, ਪਰ ਮਿਲਾਵਟੀ ਹਲਦੀ ਅਤੇ ਮਿਰਚ ਵਿੱਚ ਇਹ 1,000 ਮਿਲੀਗ੍ਰਾਮ ਤੋਂ ਵੀ ਜ਼ਿਆਦਾ ਸੀ।
• ਦੋ ਸਾਲ ਪਹਿਲਾਂ (2023) ਭਾਰਤੀ ਖੁਰਾਕ ਰੈਗੂਲੇਟਰ FSSAI ਨੇ ਵੀ ਮਿਲਾਵਟੀ ਹਲਦੀ 'ਤੇ ਸਖ਼ਤੀ ਵਰਤੀ ਸੀ ਕਿਉਂਕਿ ਇਸ ਵਿੱਚ ਲੇਡ ਦੀ ਮਾਤਰਾ 1,000 ਮਿਲੀਗ੍ਰਾਮ ਪ੍ਰਤੀ ਕਿੱਲੋ ਤੱਕ ਪਾਈ ਗਈ ਸੀ।
ਇਹ ਵੀ ਪੜ੍ਹੋ : Gold-Silver ਦੀਆਂ ਕੀਮਤਾਂ 'ਚ ਤੂਫ਼ਾਨੀ ਵਾਧਾ, ਜਾਣੋ ਅਚਾਨਕ ਇੰਨਾ ਮਹਿੰਗਾ ਕਿਉਂ ਹੋ ਗਿਆ 10 ਗ੍ਰਾਮ ਸੋਨਾ
ਨਿਰਯਾਤ 'ਤੇ ਪਾਬੰਦੀ ਦਾ ਡਰ
ਭਾਰਤ ਦੁਨੀਆ ਦਾ ਸਭ ਤੋਂ ਵੱਡਾ ਮਸਾਲਾ ਨਿਰਯਾਤਕ ਹੈ, ਜੋ ਹਰ ਸਾਲ 10 ਲੱਖ ਟਨ ਤੋਂ ਵੱਧ ਮਸਾਲੇ ਨਿਰਯਾਤ ਕਰਦਾ ਹੈ। ਹਾਲਾਂਕਿ, ਹਾਲ ਹੀ ਦੇ ਸਾਲਾਂ ਵਿੱਚ ਯੂਰਪੀ ਸੰਘ (EU) ਅਤੇ ਅਮਰੀਕਾ ਵਰਗੇ ਵੱਡੇ ਬਾਜ਼ਾਰਾਂ ਨੇ ਭਾਰਤੀ ਹਲਦੀ ਅਤੇ ਮਿਰਚ ਵਰਗੇ ਮਸਾਲਿਆਂ ਵਿੱਚ ਤੈਅ ਸੀਮਾ ਤੋਂ ਵੱਧ ਲੇਡ ਪਾਏ ਜਾਣ ਕਾਰਨ ਕਈ ਵਾਰ ਆਯਾਤ 'ਤੇ ਪਾਬੰਦੀ ਲਗਾਈ ਹੈ। ਹੁਣ ਜਦੋਂ ਕੋਡੇਕਸ ਨੇ ਇੱਕ ਨਵਾਂ ਆਲਮੀ ਮਾਪਦੰਡ ਤੈਅ ਕਰ ਦਿੱਤਾ ਹੈ, ਤਾਂ ਆਯਾਤਕ ਇਸ ਪੈਮਾਨੇ 'ਤੇ ਮਸਾਲਿਆਂ ਨੂੰ ਹੋਰ ਵੀ ਸਖ਼ਤੀ ਨਾਲ ਪਰਖਣਗੇ।
ਲੇਡ ਦੀ ਜ਼ਿਆਦਾ ਮਾਤਰਾ ਕਾਰਨ 2015 ਵਿੱਚ ਮੈਗੀ ਨੂਡਲਜ਼ ਨੂੰ ਭਾਰਤ ਵਿੱਚ ਵੱਡੇ ਵਿਵਾਦ ਦਾ ਸਾਹਮਣਾ ਕਰਨਾ ਪਿਆ ਸੀ, ਜਿਸ ਕਾਰਨ ਨੈਸਲੇ ਇੰਡੀਆ ਨੂੰ ਲਗਭਗ 640 ਕਰੋੜ ਰੁਪਏ ਦਾ ਨੁਕਸਾਨ ਹੋਇਆ ਸੀ।
ਇਹ ਵੀ ਪੜ੍ਹੋ : ਤੁਹਾਡੇ ਬਾਅਦ ਕਿਸ ਨੂੰ ਮਿਲੇਗੀ Bank 'ਚ ਜਮ੍ਹਾ ਰਾਸ਼ੀ, ਜਾਣੋ Nominees ਨਿਰਧਾਰਤ ਕਰਨ ਲਈ RBI ਦੇ ਨਿਯਮ
ਸਿਹਤ ਨੂੰ ਗੰਭੀਰ ਨੁਕਸਾਨ
ਸੰਯੁਕਤ ਰਾਸ਼ਟਰ ਦੇ ਖੁਰਾਕ ਅਤੇ ਖੇਤੀਬਾੜੀ ਸੰਗਠਨ ਅਨੁਸਾਰ, ਮਸਾਲੇ ਭਾਵੇਂ ਘੱਟ ਖਾਧੇ ਜਾਂਦੇ ਹਨ, ਪਰ ਜੇਕਰ ਇਨ੍ਹਾਂ ਵਿੱਚ ਲੇਡ ਜ਼ਿਆਦਾ ਹੋਵੇ ਤਾਂ ਕਈ ਗੰਭੀਰ ਬਿਮਾਰੀਆਂ ਹੋ ਸਕਦੀਆਂ ਹਨ।
• ਬੱਚੇ: ਲੇਡ ਬੱਚਿਆਂ ਵਿੱਚ ਨਿਊਰੋਡਿਵੈਲਪਮੈਂਟਲ (neurodevelopmental) ਪ੍ਰਭਾਵ ਪਾਉਂਦੀ ਹੈ, ਜੋ ਤੁਰੰਤ ਸਾਹਮਣੇ ਨਹੀਂ ਆਉਂਦੇ। ਇਸ ਵਿੱਚ ਬੱਚਿਆਂ ਦੀ ਬੁੱਧੀਮਤਾ (IQ) ਵਿੱਚ ਕਮੀ ਅਤੇ ਇਕਾਗਰਤਾ ਦੀ ਕਮੀ ਸ਼ਾਮਲ ਹੈ।
• ਬਾਲਗ: ਬਾਲਗਾਂ ਵਿੱਚ, ਲੇਡ ਗੁਰਦਿਆਂ (Kidney) ਨੂੰ ਨੁਕਸਾਨ ਪਹੁੰਚਾਉਂਦੀ ਹੈ। ਇਸ ਦੇ ਨਾਲ ਹੀ, ਇਹ ਹਾਈ ਬਲੱਡ ਪ੍ਰੈਸ਼ਰ, ਦਿਲ ਦੇ ਰੋਗ, ਪ੍ਰਜਨਨ ਸਮਰੱਥਾ ਵਿੱਚ ਕਮੀ, ਅਤੇ ਗਰਭ ਅਵਸਥਾ ਨਾਲ ਸਬੰਧਤ ਕਈ ਪੇਚੀਦਗੀਆਂ ਵੀ ਪੈਦਾ ਕਰ ਸਕਦੀ ਹੈ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸੋਨੇ ਦੀਆਂ ਕੀਮਤਾਂ ਦੇ ਰਹੀਆਂ ਹੈਰਾਨ ਕਰਦੇ ਸੰਕੇਤ, ਮਾਹਰਾਂ ਮੁਤਾਬਕ ਆਉਣ ਵਾਲੀ ਹੈ ਮਹਿੰਗਾਈ ਦੀ ਲਹਿਰ
NEXT STORY 
