ਨਵੀਂ ਦਿੱਲੀ — ਸ਼੍ਰੀਲੰਕਾਈ ਕ੍ਰਿਕਟਰ ਅਰਜੁਨ ਰਣਤੁੰਗਾ ਦੀ ਕਪਤਾਨੀ ਵਿੱਚ ਸ਼੍ਰੀਲੰਕਾ ਨੇ 1996 ਵਿੱਚ ਕ੍ਰਿਕਟ ਵਿਸ਼ਵ ਕੱਪ ਜਿੱਤਿਆ ਸੀ। ਬਾਅਦ ਵਿੱਚ ਉਸਨੇ ਰਾਜਨੀਤੀ ਵਿੱਚ ਪ੍ਰਵੇਸ਼ ਕੀਤਾ ਅਤੇ ਸ਼੍ਰੀਲੰਕਾ ਦੇ ਮੰਤਰੀ ਵੀ ਰਹੇ। ਹੁਣ ਉਹ ਇਲੈਕਟ੍ਰਿਕ ਵਹੀਕਲਜ਼ ਦੇ ਕਾਰੋਬਾਰ 'ਚ ਕਦਮ ਰੱਖ ਰਹੇ ਹਨ। ਰਣਤੁੰਗਾ ਨੇ ਇੱਕ ਭਾਰਤੀ ਕੰਪਨੀ ਇਲੈਕਟ੍ਰਿਕ ਵਨ ਮੋਬਿਲਿਟੀ ਨਾਲ ਹੱਥ ਮਿਲਾਇਆ ਹੈ ਜੋ EV ਦੇ ਕਾਰੋਬਾਰ ਨਾਲ ਸਬੰਧਿਤ ਹੈ। ਅਰਜੁਨਾ ਰਣਤੁੰਗਾ ਨੇ ਇਸ ਕੰਪਨੀ ਨਾਲ ਸਾਂਝਾ ਉੱਦਮ ਕੀਤਾ ਹੈ। ਇਹ ਕੰਪਨੀ ਸ਼੍ਰੀਲੰਕਾ ਦੇ ਇਲੈਕਟ੍ਰਿਕ ਟੂ-ਵ੍ਹੀਲਰ ਦਾ ਕਾਰੋਬਾਰ ਕਰੇਗੀ।
ਇਹ ਵੀ ਪੜ੍ਹੋ : ਸੋਸ਼ਲ ਮੀਡੀਆ 'ਤੇ ਪ੍ਰਚਾਰ ਲਈ ਦਿਸ਼ਾ-ਨਿਰਦੇਸ਼ ਜਾਰੀ, ਉਲੰਘਣਾ ਕਰਨ 'ਤੇ 50 ਲੱਖ ਜੁਰਮਾਨੇ ਸਮੇਤ ਹੋ ਸਕਦੀ ਹੈ ਜੇਲ੍ਹ
ਸ਼੍ਰੀਲੰਕਾ ਵਿਚ ਖੋਲ੍ਹੇ ਜਾਣਗੇ ਆਊਟਲੇਟ ਅਤੇ ਪਲਾਂਟ
ਅਰਜੁਨ ਰਣਤੁੰਗਾ ਦੀ ਕੰਪਨੀ ਦਾ ਨਾਂ ਇਲੈਕਟ੍ਰਿਕ ਵਨ ਲੰਕਾ ਪ੍ਰਾਈਵੇਟ ਲਿਮਟਿਡ ਹੈ। ਇਹ ਕੰਪਨੀ ਅਗਲੇ ਪੰਜ ਸਾਲਾਂ ਦੌਰਾਨ ਸ਼੍ਰੀਲੰਕਾ ਦੇ ਹਰ ਸ਼ਹਿਰ ਵਿੱਚ ਲਗਭਗ 50 ਇਲੈਕਟ੍ਰਿਕ ਵਾਹਨ ਆਊਟਲੇਟ ਖੋਲ੍ਹੇਗੀ। ਰਣਤੁੰਗਾ ਦਾ ਕਹਿਣਾ ਹੈ ਕਿ ਸੰਯੁਕਤ ਉੱਦਮ ਅਗਲੇ ਤਿੰਨ ਸਾਲਾਂ ਵਿੱਚ 5 ਮਿਲੀਅਨ ਅਮਰੀਕੀ ਡਾਲਰ ਦਾ ਨਿਵੇਸ਼ ਕਰੇਗਾ। ਸ਼ੁਰੂਆਤ 'ਚ ਇਹ ਕੰਪਨੀ ਈਵੀ ਦੀ ਡਿਸਟ੍ਰੀਬਿਊਸ਼ਨ ਅਤੇ ਰਿਟੇਲ ਸੇਲ ਕਰੇਗੀ। ਬਾਅਦ ਵਿੱਚ, ਉੱਥੇ ਈਵੀ ਦਾ ਅਸੈਂਬਲੀ ਅਤੇ ਨਿਰਮਾਣ ਪਲਾਂਟ ਸਥਾਪਿਤ ਕੀਤਾ ਜਾਵੇਗਾ।
ਇਹ ਵੀ ਪੜ੍ਹੋ : ਪਿਸ਼ਾਬ ਕਾਂਡ ਲਈ Air India ਖ਼ਿਲਾਫ਼ ਸਖ਼ਤ ਕਾਰਵਾਈ,30 ਲੱਖ ਜੁਰਮਾਨਾ, ਪਾਇਲਟ ਦਾ ਲਾਇਸੈਂਸ ਰੱਦ
ਸਮਝੌਤੇ 'ਤੇ ਕੀਤੇ ਦਸਤਖਤ
ਅਰਜੁਨ ਰਣਤੁੰਗਾ ਆਪਣੀ ਸੰਯੁਕਤ ਉੱਦਮ ਕੰਪਨੀ ਸਥਾਪਤ ਕਰਨ ਲਈ ਪਿਛਲੇ ਸ਼ਨੀਵਾਰ ਨਵੀਂ ਦਿੱਲੀ ਵਿੱਚ ਸਨ। ਇਸ ਦੌਰਾਨ ਉਨ੍ਹਾਂ ਨੇ ਇਕ ਸਮਝੌਤੇ 'ਤੇ ਦਸਤਖਤ ਕੀਤੇ। ਇਸ ਦੌਰਾਨ ਰਣਤੁੰਗਾ ਨੇ ਕਿਹਾ ਕਿ ਉਹ ਸ਼੍ਰੀਲੰਕਾ ਸਰਕਾਰ ਵਿੱਚ ਟਰਾਂਸਪੋਰਟ ਅਤੇ ਸ਼ਹਿਰੀ ਹਵਾਬਾਜ਼ੀ ਮੰਤਰੀ ਵੀ ਰਹਿ ਚੁੱਕੇ ਹਨ। ਇਸ ਲਈ ਅਸੀਂ ਪੈਟਰੋਲੀਅਮ ਉਤਪਾਦਾਂ ਦੇ ਅਰਥ ਸ਼ਾਸਤਰ ਨੂੰ ਬਿਹਤਰ ਜਾਣਦੇ ਹਾਂ। ਇਸ ਸਮੇਂ ਸ੍ਰੀਲੰਕਾ ਵਿੱਚ ਪੈਟਰੋਲੀਅਮ ਪਦਾਰਥਾਂ ਦਾ ਵੱਡਾ ਸੰਕਟ ਹੈ। ਇਸ ਲਈ ਉਹ ਇਲੈਕਟ੍ਰਿਕ ਵਾਹਨਾਂ ਦੇ ਕਾਰੋਬਾਰ 'ਚ ਕਦਮ ਰੱਖ ਰਿਹਾ ਹੈ। ਇਹ ਆਉਣ ਵਾਲੇ ਦਿਨਾਂ ਦਾ ਭਵਿੱਖ ਹੈ।
ਆਊਟਲੈੱਟ ਕਦੋਂ ਸ਼ੁਰੂ ਹੋਵੇਗਾ
ਇਲੈਕਟ੍ਰਿਕ ਵਨ ਲੰਕਾ ਪ੍ਰਾਈਵੇਟ ਲਿਮਟਿਡ ਦੇ ਚੇਅਰਮੈਨ ਅਰਜੁਨਾ ਰਣਤੁੰਗਾ ਦਾ ਕਹਿਣਾ ਹੈ ਕਿ ਅਗਲੇ ਮਹੀਨੇ ਮਤਲਬ ਫਰਵਰੀ 'ਚ ਕੰਪਨੀ ਸ਼੍ਰੀਲੰਕਾ 'ਚ ਆਪਣਾ ਫਲੈਗਸ਼ਿਪ ਆਉਟਲੇਟ ਲਾਂਚ ਕਰੇਗੀ। ਇਸ ਤੋਂ ਬਾਅਦ ਅਗਲੇ ਦੋ ਸਾਲਾਂ ਦੌਰਾਨ ਸ੍ਰੀਲੰਕਾ ਦੇ 9 ਸੂਬਿਆਂ ਵਿੱਚ ਕੰਪਨੀ ਦੇ 9 ਦਫ਼ਤਰ ਖੋਲ੍ਹੇ ਜਾਣਗੇ। ਇਸ ਤੋਂ ਬਾਅਦ ਦੇਸ਼ ਦੇ ਹਰ ਜ਼ਿਲ੍ਹੇ ਵਿੱਚ ਇੱਕ ਰਿਟੇਲਰ ਨਿਯੁਕਤ ਕੀਤਾ ਜਾਵੇਗਾ।
ਇਹ ਵੀ ਪੜ੍ਹੋ : ਝਟਕੇ 'ਚ ਖੋਹੀਆਂ 70% ਮੁਲਾਜ਼ਮਾਂ ਦੀਆਂ ਨੌਕਰੀਆਂ, ਬਾਕੀ 30% ਨੂੰ ਨਹੀਂ ਮਿਲੇਗੀ 3 ਮਹੀਨਿਆਂ ਤੱਕ ਤਨਖ਼ਾਹ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
‘ਭਾਰਤ ਦੇ ਨਾਲ FTA ਗੱਲਬਾਤ ‘ਕਾਫੀ ਅੱਗੇ’ ਅਗਲਾ ਦੌਰ ਜਲਦ ਸ਼ੁਰੂ ਹੋਵੇਗਾ’
NEXT STORY 
