ਮੁੰਬਈ - ਵੀਰਵਾਰ (26 ਦਸੰਬਰ) ਨੂੰ ਨਿਫਟੀ ਦੀ ਮਾਸਿਕ ਮਿਆਦ ਖਤਮ ਹੋਣ 'ਤੇ ਘਰੇਲੂ ਸ਼ੇਅਰ ਬਾਜ਼ਾਰ 'ਚ ਕਾਰੋਬਾਰ ਦੀ ਸ਼ੁਰੂਆਤ ਚੰਗੀ ਹੋਈ ਹੈ। ਸੈਂਸੈਕਸ 200 ਤੋਂ ਜ਼ਿਆਦਾ ਅੰਕਾਂ ਦੇ ਵਾਧੇ ਨਾਲ ਸ਼ੁਰੂ ਹੋਇਆ। ਨਿਫਟੀ ਵੀ 100 ਤੋਂ ਜ਼ਿਆਦਾ ਅੰਕਾਂ ਦੇ ਵਾਧੇ ਨਾਲ ਕਾਰੋਬਾਰ ਕਰ ਰਿਹਾ ਸੀ। ਬੈਂਕ ਨਿਫਟੀ 'ਚ 500 ਤੋਂ ਜ਼ਿਆਦਾ ਅੰਕਾਂ ਦਾ ਵਾਧਾ ਹੋਇਆ ਹੈ। ਮਿਡਕੈਪ ਅਤੇ ਸਮਾਲਕੈਪ ਸੂਚਕਾਂਕ ਵੀ ਹਰੇ ਨਿਸ਼ਾਨ 'ਤੇ ਕਾਰੋਬਾਰ ਕਰ ਰਹੇ ਹਨ। ਬੈਂਕਿੰਗ ਸ਼ੇਅਰਾਂ 'ਚ ਤੇਜ਼ੀ ਨਾਲ ਬੈਂਕ ਨਿਫਟੀ ਨੂੰ ਸਮਰਥਨ ਮਿਲ ਰਿਹਾ ਸੀ।
ਟਾਪ ਗੇਨਰਜ਼
ਨਿਫਟੀ 'ਤੇ ਟਾਟਾ ਮੋਟਰਜ਼, ਅਡਾਨੀ ਐਂਟਰਪ੍ਰਾਈਜਿਜ਼, ਆਈਸ਼ਰ ਮੋਟਰਜ਼, ਬੀਪੀਸੀਐਲ, ਆਈਟੀਸੀ ਵਰਗੇ ਸ਼ੇਅਰਾਂ 'ਚ ਤੇਜ਼ੀ ਰਹੀ।
ਟਾਪ ਲੂਜ਼ਰਸ
ਇਸ ਦੇ ਨਾਲ ਹੀ ਪਾਵਰ ਗਰਿੱਡ, ਜੇਐਸਡਬਲਯੂ ਸਟੀਲ, ਐਸਬੀਆਈ ਲਾਈਫ, ਟਾਈਟਨ, ਇੰਡਸਇੰਡ ਬੈਂਕ ਵਰਗੇ ਸ਼ੇਅਰਾਂ ਵਿੱਚ ਗਿਰਾਵਟ ਦਰਜ ਕੀਤੀ ਗਈ।
PSU ਅਤੇ ਪ੍ਰਾਈਵੇਟ ਬੈਂਕ ਸੂਚਕਾਂਕ ਸਭ ਤੋਂ ਤੇਜ਼ ਰਹੇ। ਇਸ ਦੇ ਨਾਲ ਹੀ NBFC ਸਟਾਕ 'ਚ ਵੀ ਵਾਧਾ ਦਰਜ ਕੀਤਾ ਗਿਆ। ਇਸ ਤੋਂ ਇਲਾਵਾ ਆਟੋ, ਐੱਫ.ਐੱਮ.ਸੀ.ਜੀ., ਕੰਜ਼ਿਊਮਰ ਡਿਊਰੇਬਲਸ, ਆਇਲ ਅਤੇ ਗੈਸ ਵਰਗੇ ਸੂਚਕਾਂਕ 'ਚ ਤੇਜ਼ੀ ਰਹੀ। ਰਿਐਲਟੀ ਅਤੇ ਫਾਰਮਾ 'ਚ ਗਿਰਾਵਟ ਦੇਖਣ ਨੂੰ ਮਿਲੀ।
ਪਿਛਲੇ ਬੰਦ ਦੇ ਮੁਕਾਬਲੇ ਸੈਂਸੈਕਸ 85 ਅੰਕਾਂ ਦੀ ਛਾਲ ਨਾਲ 78,557 'ਤੇ ਖੁੱਲ੍ਹਿਆ। ਨਿਫਟੀ 48 ਅੰਕਾਂ ਦੀ ਛਾਲ ਨਾਲ 23,775 'ਤੇ ਖੁੱਲ੍ਹਿਆ। ਅਤੇ ਬੈਂਕ ਨਿਫਟੀ 162 ਅੰਕ ਵਧ ਕੇ 51,395 'ਤੇ ਖੁੱਲ੍ਹਿਆ। ਮੁਦਰਾ ਬਾਜ਼ਾਰ 'ਚ ਰੁਪਿਆ 3 ਪੈਸੇ ਕਮਜ਼ੋਰ ਹੋ ਕੇ 85.23 ਡਾਲਰ 'ਤੇ ਖੁੱਲ੍ਹਿਆ, ਜੋ ਕਿ ਇਸ ਦਾ ਰਿਕਾਰਡ ਹੇਠਲਾ ਪੱਧਰ ਹੈ।
ਚਾਂਦੀ ਦੀ ਵੀ ਹੋਵੇਗੀ ਹਾਲਮਾਰਕਿੰਗ, ਸਰਕਾਰ ਕਰ ਰਹੀ ਤਿਆਰੀ
NEXT STORY 
