ਬਿਜ਼ਨੈੱਸ ਡੈਸਕ : ਟਾਟਾ ਗਰੁੱਪ ਦੀ IT ਕੰਪਨੀ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ (TCS) ਦਾ ਲਗਭਗ 17,000 ਕਰੋੜ ਰੁਪਏ ਦਾ ਸ਼ੇਅਰ ਬਾਇਬੈਕ ਸ਼ੁੱਕਰਵਾਰ, 1 ਦਸੰਬਰ ਤੋਂ ਸ਼ੁਰੂ ਹੋ ਗਿਆ। ਇਹ 7 ਦਸੰਬਰ ਤੱਕ ਚੱਲੇਗਾ। ਸ਼ੇਅਰ ਬਾਇਬੈਕ ਦੀ ਸ਼ੁਰੂਆਤ ਤੋਂ ਬਾਅਦ 1 ਦਸੰਬਰ ਨੂੰ ਸ਼ੁਰੂਆਤੀ ਵਪਾਰ ਵਿੱਚ ਸ਼ੇਅਰਾਂ ਵਿੱਚ 0.40 ਫ਼ੀਸਦੀ ਤੱਕ ਦਾ ਵਾਧਾ ਦੇਖਿਆ ਗਿਆ। BSE 'ਤੇ ਸ਼ੇਅਰ 3495.10 ਰੁਪਏ 'ਤੇ ਖੁੱਲ੍ਹਿਆ ਅਤੇ 3506.95 ਰੁਪਏ ਦੇ ਉੱਚ ਪੱਧਰ ਤੱਕ ਪਹੁੰਚ ਗਿਆ। ਜਦੋਂ ਕਿ NSE 'ਤੇ ਸ਼ੇਅਰ 3500 ਰੁਪਏ 'ਤੇ ਖੁੱਲ੍ਹਿਆ ਅਤੇ 3506.40 ਰੁਪਏ ਦੇ ਉੱਚ ਪੱਧਰ 'ਤੇ ਪੁੱਜਾ।
ਇਹ ਵੀ ਪੜ੍ਹੋ - ਆਸਮਾਨੀ ਚੜ੍ਹੀਆਂ ਸੋਨੇ ਦੀਆਂ ਕੀਮਤਾਂ, ਚਾਂਦੀ 'ਚ ਵੀ ਹੋਇਆ ਵਾਧਾ, ਜਾਣੋ ਤਾਜ਼ਾ ਭਾਅ
TCS ਦੇ ਸ਼ੇਅਰ ਦੇ 52-ਹਫ਼ਤੇ ਦਾ ਉੱਚ ਪੱਧਰ BSE 'ਤੇ 3,680 ਰੁਪਏ ਅਤੇ NSE 'ਤੇ 3,679 ਰੁਪਏ ਹੈ। ਸ਼ੇਅਰ ਦਾ 52-ਹਫ਼ਤੇ ਦਾ ਨੀਵਾਂ ਪੱਧਰ BSE 'ਤੇ 3,070.30 ਰੁਪਏ ਅਤੇ NSE 'ਤੇ 3,070.25 ਰੁਪਏ ਹੈ। ਕੰਪਨੀ ਨੇ 28 ਨਵੰਬਰ ਨੂੰ ਸ਼ੇਅਰ ਬਾਜ਼ਾਰ ਨੂੰ ਭੇਜੇ ਇਕ ਨੋਟਿਸ 'ਚ ਸ਼ੇਅਰ ਬਾਇਬੈਕ ਦੀ ਤਰੀਖ਼ ਦੀ ਜਾਣਕਾਰੀ ਦਿੱਤੀ ਸੀ।
ਇਹ ਵੀ ਪੜ੍ਹੋ - ਦਸੰਬਰ ਮਹੀਨੇ ਪੈਨਸ਼ਨ ਅਤੇ LPG ਦੀਆਂ ਕੀਮਤਾਂ ਸਣੇ ਹੋਏ ਕਈ ਬਦਲਾਅ, ਹੁਣ ਲਾਗੂ ਹੋਣਗੇ ਇਹ ਨਿਯਮ
ਅਕਤੂਬਰ ਦੇ ਮਹੀਨੇ ਦੇ ਸ਼ੁਰੂ ਵਿੱਚ ਸਤੰਬਰ 2023 ਦੀ ਤਿਮਾਹੀ ਲਈ ਕੰਪਨੀ ਦੇ ਵਿੱਤੀ ਨਤੀਜਿਆਂ ਦੀ ਰਿਲੀਜ਼ ਦੌਰਾਨ TCS ਦੇ ਬੋਰਡ ਨੇ 4,150 ਰੁਪਏ ਪ੍ਰਤੀ ਸ਼ੇਅਰ ਦੀ ਕੀਮਤ 'ਤੇ ਟੈਂਡਰ ਰੂਟ ਰਾਹੀਂ 17,000 ਕਰੋੜ ਰੁਪਏ ਦੇ ਸ਼ੇਅਰ ਬਾਇਬੈਕ ਨੂੰ ਮਨਜ਼ੂਰੀ ਦਿੱਤੀ ਸੀ। ਇਸ ਦੀ ਰਿਕਾਰਡ ਤਰੀਖ਼ 25 ਨਵੰਬਰ 2023 ਤੈਅ ਕੀਤੀ ਗਈ ਸੀ। ਸ਼ੇਅਰ ਬਾਇਬੈਕ ਦੇ ਤਹਿਤ ਕੰਪਨੀ ਸ਼ੇਅਰਧਾਰਕਾਂ ਤੋਂ ਸ਼ੇਅਰਾਂ ਨੂੰ ਵਾਪਸ ਖਰੀਦਦੀ ਹੈ। ਟੈਂਡਰ ਪੇਸ਼ਕਸ਼ ਬਾਇਬੈਕ ਉਹ ਹੈ, ਜਿਸ ਵਿੱਚ ਕੰਪਨੀ ਇੱਕ ਨਿਸ਼ਚਿਤ ਕੀਮਤ ਦੀ ਘੋਸ਼ਣਾ ਕਰਦੀ ਹੈ, ਜਿਸ 'ਤੇ ਇਹ ਮੌਜੂਦਾ ਸ਼ੇਅਰਧਾਰਕਾਂ ਤੋਂ ਸ਼ੇਅਰਾਂ ਨੂੰ ਖਰੀਦੇਗੀ। ਉਹ ਸ਼ੇਅਰਧਾਰਕ ਜਿਨ੍ਹਾਂ ਕੋਲ ਰਿਕਾਰਡ ਮਿਤੀ 25 ਨਵੰਬਰ ਤੱਕ 57 ਸ਼ੇਅਰ ਸਨ, ਉਹ TCS ਦੀ ਬਾਇਬੈਕ ਵਿੱਚ ਹਿੱਸਾ ਲੈ ਸਕਦੇ ਹਨ।
ਇਹ ਵੀ ਪੜ੍ਹੋ - ਪਹਿਲੀ ਵਾਰ ਐਨਾ ਮਹਿੰਗਾ ਹੋਇਆ ਸੋਨਾ, ਤੋੜੇ ਸਾਰੇ ਰਿਕਾਰਡ, ਜਾਣੋ ਤਾਜ਼ਾ ਭਾਅ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਆਸਮਾਨੀ ਚੜ੍ਹੀਆਂ ਸੋਨੇ ਦੀਆਂ ਕੀਮਤਾਂ, ਚਾਂਦੀ 'ਚ ਵੀ ਹੋਇਆ ਵਾਧਾ, ਜਾਣੋ ਤਾਜ਼ਾ ਭਾਅ
NEXT STORY 
