ਨਵੀਂ ਦਿੱਲੀ (ਭਾਸ਼ਾ) - ਸਾਲ 2024 ’ਚ ਭਾਰਤ ਦੀ ਸੋਨੇ ਦੀ ਮੰਗ ’ਚ ਜ਼ਬਰਦਸਤ ਵਾਧਾ ਦੇਖਣ ਨੂੰ ਮਿਲਿਆ। ਖਾਸ ਗੱਲ ਤਾਂ ਇਹ ਹੈ ਕਿ ਸਾਲ 2015 ਤੋਂ ਬਾਅਦ ਦੇਸ਼ ’ਚ ਇੰਨੀ ਸੋਨੇ ਦੀ ਮੰਗ ਦੇਖਣ ਨੂੰ ਮਿਲੀ। ਇਸ ਦਾ ਮਤਲਬ ਹੈ ਕਿ ਲੱਗਭਗ ਇਕ ਦਹਾਕੇ ਬਾਅਦ ਦੇਸ਼ ’ਚ ਸੋਨੇਸੋਨੇ ਨੂੰ ਲੈ ਕੇ ਜ਼ਬਰਦਸਤ ਕ੍ਰੇਜ਼ ਵੇਖਿਆ ਗਿਆ।
ਇਹ ਵੀ ਪੜ੍ਹੋ : ਸੋਨੇ ਦੀਆਂ ਕੀਮਤਾਂ ਨੇ ਤੋੜੇ ਹੁਣ ਤੱਕ ਦੇ ਸਾਰੇ ਰਿਕਾਰਡ, ਜਾਣੋ 10 ਗ੍ਰਾਮ Gold ਦੀ ਕੀਮਤ
ਅਸਲ ’ਚ ਦੇਸ਼ ’ਚ ਸੋਨੇ ਦੀ ਮੰਗ ਇੰਪੋਰਟ ਡਿਊਟੀ ’ਚ ਕਮੀ ਅਤੇ ਵਿਆਹ ਅਤੇ ਤਿਉਹਾਰਾਂ ਨਾਲ ਸਬੰਧਤ ਖਰੀਦਦਾਰੀ ਨਾਲ 2024 ’ਚ ਸਾਲਾਨਾ ਆਧਾਰ ’ਤੇ 5 ਫ਼ੀਸਦੀ ਵਧ ਕੇ 802.8 ਟਨ ਹੋ ਗਈ। ਸਾਲ 2015 ਤੋਂ ਬਾਅਦ ਦੇਸ਼ ’ਚ 800 ਤੋਂ ਵੱਧ ਟਨ ਦੀ ਮੰਗ ਦੇਖਣ ਨੂੰ ਮਿਲੀ ਹੈ। ਰਿਪੋਰਟ ਅਨੁਸਾਰ 2025 ’ਚ ਇਸ ਦੇ 700 ਤੋਂ 800 ਟਨ ਦੇ ਦਰਮਿਆਨ ਰਹਿਣ ਦਾ ਅੰਦਾਜ਼ਾ ਹੈ।
ਇਹ ਵੀ ਪੜ੍ਹੋ : Mobile ਤੁਹਾਡੀ ਨਿੱਜੀ ਗੱਲਬਾਤ ਨੂੰ ਕਰ ਰਿਹੈ ਲੀਕ! ਬਚਨ ਲਈ ਅਪਣਾਓ ਇਹ ਆਸਾਨ ਟਿੱਪਸ
ਡਬਲਿਊ. ਜੀ. ਸੀ. ਨੇ ਜਾਰੀ ਕੀਤੀ ਰਿਪੋਰਟ
ਵਿਸ਼ਵ ਗੋਲਡ ਕੌਂਸਲ (ਡਬਲਿਊ. ਜੀ. ਸੀ.) ਦੀ ਅੱਜ ਜਾਰੀ ਰਿਪੋਰਟ ਅਨੁਸਾਰ ਦੇਸ਼ ’ਚ 2024 ’ਚ ਸੋਨੇ ਦੀ ਮੰਗ 802.8 ਟਨ ਰਹੀ, ਜਦੋਂ ਕਿ 2023 ’ਚ ਇਹ 761 ਟਨ ਸੀ। ਸੋਨੇ ਦੀ ਮੰਗ ਦਾ ਕੁੱਲ ਮੁੱਲ 2024 ’ਚ 31 ਫ਼ੀਸਦੀ ਵਧ ਕੇ 5,15,390 ਕਰੋਡ਼ ਰੁਪਏ ਹੋ ਗਿਆ। 2023 ’ਚ ਇਹ 3,92,000 ਕਰੋਡ਼ ਰੁਪਏ ਸੀ।
ਡਬਲਿਊ. ਜੀ. ਸੀ. ਦੇ ਖੇਤਰੀ ਮੁੱਖ ਕਾਰਜਕਾਰੀ ਅਧਿਕਾਰੀ (ਭਾਰਤ) ਸਚਿਨ ਜੈਨ ਨੇ ਕਿਹਾ, ‘‘2025 ਲਈ ਸਾਡਾ ਅੰਦਾਜ਼ਾ ਹੈ ਕਿ ਸੋਨੇ ਦੀ ਮੰਗ 700 ਤੋਂ 800 ਟਨ ਦੇ ਦਰਮਿਆਨ ਰਹੇਗੀ। ਉਮੀਦ ਹੈ ਕਿ ਵਿਆਹਾਂ ਨਾਲ ਜੁਡ਼ੀ ਖਰੀਦਦਾਰੀ ਨਾਲ ਸੋਨੇ ਦੇ ਗਹਿਣੇ ਦੀ ਮੰਗ ’ਚ ਸੁਧਾਰ ਹੋਵੇਗਾ, ਬਸ਼ਰਤੇ ਕੀਮਤਾਂ ’ਚ ਕੁਝ ਹੱਦ ਤੱਕ ਸਥਿਰਤਾ ਆਏ। ਧਿਆਨ ਯੋਗ ਹੈ ਕਿ 2024 ’ਚ ਸੋਨੇ ਦੀ ਕੀਮਤ ਰਿਕਾਰਡ ਉਚਾਈ ਤੱਕ ਪਹੁੰਚ ਗਈ ਸੀ।
ਇਹ ਵੀ ਪੜ੍ਹੋ : ਪੈਨ ਕਾਰਡ ਨਾਲ ਜੁੜੀ ਇਹ ਗਲਤੀ ਪੈ ਸਕਦੀ ਹੈ ਭਾਰੀ, ਲੱਗ ਸਕਦੈ 10,000 ਰੁਪਏ ਦਾ ਜੁਰਮਾਨਾ...
2015 ਤੋਂ ਬਾਅਦ ਮੰਗ 800 ਟਨ ਤੋਂ ਵੱਧ
ਖਾਸ ਗੱਲ ਤਾਂ ਇਹ ਹੈ ਕਿ ਸਾਲ 2024 ’ਚ ਸੋਨੇ ਦੀ ਮੰਗ 2015 ਤੋਂ ਬਾਅਦ 800 ਟਨ ਤੋਂ ਜ਼ਿਆਦਾ ਦੇਖਣ ਨੂੰ ਮਿਲੀ। ਆਖਰੀ ਵਾਰ 2015 ’ਚ ਸੋਨੇ ਦੀ ਮੰਗ 848.9 ਟਨ ਦੇਖਣ ਨੂੰ ਮਿਲੀ ਸੀ, ਜਦੋਂ ਕਿ ਸਾਲ 2014 ’ਚ ਇਹ ਅੰਕੜਾ 828.5 ਟਨ ਵੇਖਿਆ ਗਿਆ ਸੀ। ਸਾਲ 2016 ’ਚ 21 ਫੀਸਦੀ ਦੀ ਗਿਰਾਵਟ ਦੇਖਣ ਨੂੰ ਮਿਲੀ ਅਤੇ ਅੰਕੜਾ ਘਟ ਕੇ 675.5 ਟਨ ਰਹਿ ਗਿਆ। ਅਗਲੇ 2 ਸਾਲ ਭਾਵ 2017 ਅਤੇ 2018 ’ਚ ਸੋਨੇ ਦੀ ਮੰਗ 700 ਟਨ ਤੋਂ ਵੱਧ ਵੇਖੀ ਗਈ। ਉਸ ਤੋਂ ਬਾਅਦ ਸਾਲ 2022 ਅਤੇ 2023 ’ਚ ਸੋਨੇ ਦੀ ਮੰਗ 700 ਟਨ ਤੋਂ ਵੱਧ ਰਹੀ।
ਦਿੱਲੀ ’ਚ ਸੋਨਾ 86,000 ਤੋਂ ਪਾਰ
ਆਲ ਇੰਡੀਆ ਸਰਾਫਾ ਐਸੋਸੀਏਸ਼ਨ ਅਨੁਸਾਰ ਗਹਿਣਾ ਵਿਕ੍ਰੇਤਾਵਾਂ ਅਤੇ ਪ੍ਰਚੂਨ ਵਿਕ੍ਰੇਤਾਵਾਂ ਦੀ ਮਜ਼ਬੂਤ ਮੰਗ ਦਰਮਿਆਨ ਰਾਸ਼ਟਰੀ ਰਾਜਧਾਨੀ ’ਚ ਸੋਨੇ ਦੀਆਂ ਕੀਮਤਾਂ ’ਚ ਲਗਾਤਾਰ ਤੇਜ਼ੀ ਜਾਰੀ ਰਹੀ ਅਤੇ ਇਹ 790 ਰੁਪਏ ਵਧ ਕੇ 86,390 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਨਵੇਂ ਸਿਖਰ ਪੱਧਰ ’ਤੇ ਪਹੁੰਚ ਗਈ।
ਇਹ ਵੀ ਪੜ੍ਹੋ : ਯੂਟਿਊਬਰ ਫਿਲਮ ਦਾ ਝਾਂਸਾ ਦੇ ਕੇ ਨੌਜਵਾਨਾਂ ਦੀ ਬਣਾਉਂਦਾ ਅਸ਼ਲੀਲ ਫਿਲਮ ਤੇ ਫਿਰ....
ਅਜਿਹਾ ਦੇਖਣ ਨੂੰ ਮਿਲੇਗਾ ਟ੍ਰੈਂਡ
ਡਬਲਿਊ. ਜੀ. ਸੀ. ਦੀ ‘ਗੋਲਡ ਡਿਮਾਂਡ ਟ੍ਰੈਂਡ, 2024’ ਰਿਪੋਰਟ ’ਚ ਕਿਹਾ ਗਿਆ ਕਿ ਚੌਥੀ ਤਿਮਾਹੀ (ਅਕਤੂਬਰ-ਦਸੰਬਰ) ਦੌਰਾਨ ਮੰਗ 265.8 ਟਨ ’ਤੇ ਸਥਿਰ ਰਹੀ, ਜੋ 2023 ਦੀ ਇਸ ਮਿਆਦ ’ਚ 266.2 ਟਨ ਦੇ ਬਰਾਬਰ ਹੈ। ਗਹਿਣਿਆਂ ਦੀ ਮੰਗ 2024 ’ਚ 2 ਫ਼ੀਸਦੀ ਘਟ ਕੇ 563.4 ਟਨ ਰਹਿ ਗਈ, ਜੋ 2023 ’ਚ 575.8 ਟਨ ਸੀ। ਉੱਥੇ ਹੀ, 2024 ’ਚ ਸੋਨੇ ਦੀ ਦਰਾਮਦ 4 ਫ਼ੀਸਦੀ ਘਟ ਕੇ 712.1 ਟਨ ਰਹਿ ਗਈ। ਇਹ 2023 ’ਚ 744 ਟਨ ਸੀ।
ਜੈਨ ਨੇ ਦੱਸਿਆ ਕਿ ਇਸ ਤੋਂ ਇਲਾਵਾ ਭਾਰਤੀ ਰਿਜ਼ਰਵ ਬੈਂਕ (ਆਰ. ਬੀ. ਆਈ.) 2024 ’ਚ ਇਕ ਮਹੱਤਵਪੂਰਨ ਖਰੀਦਦਾਰ ਰਿਹਾ, ਜਿਸ ਨੇ 73 ਟਨ ਸੋਨਾ ਖਰੀਦਿਆ, ਜੋ 2023 ’ਚ 16 ਟਨ ਸੋਨੇ ਦੀ ਖਰੀਦ ਨਾਲੋਂ ਚਾਰ ਗੁਣਾ ਵੱਧ ਹੈ। ਇਸ ਤੋਂ ਇਲਾਵਾ, ਇਹ ਸੰਭਾਵਨਾ ਹੈ ਕਿ ਸੋਨੇ ’ਚ ਮਜ਼ਬੂਤ ਨਿਵੇਸ਼ ਮੰਗ ਦਾ ਰੁਝਾਨ ਜਾਰੀ ਰਹੇਗਾ। ਪ੍ਰਚੂਨ ਨਿਵੇਸ਼ਕ ਗੋਲਡ ਈ. ਟੀ. ਐੱਫ., ਡਿਜੀਟਲ ਸੋਨਾ ਅਤੇ ਸਿੱਕਿਆਂ ਅਤੇ ਛੜਾਂ ’ਚ ਰੁਚੀ ਵਿਖਾ ਰਹੇ ਹਨ।
ਦੁਨੀਆ ’ਚ ਕਿੰਨੀ ਦਿਸੀ ਮੰਗ
ਇਸ ਦਰਮਿਆਨ, ਵਿਸ਼ਵ ਪੱਧਰ ’ਤੇ 2024 ’ਚ ਸੋਨੇ ਦੀ ਮੰਗ ਕਾਫ਼ੀ ਹੱਦ ਤੱਕ ਸਥਿਰ ਰਹੀ। ਇਹ 2023 ਦੇ ਮੁਕਾਬਲੇ 1 ਫ਼ੀਸਦੀ ਦੇ ਮਾਮੂਲੀ ਵਾਧੇ ਨਾਲ 4,974 ਟਨ ਰਹੀ। ਇਸ ਦੀ ਮੁੱਖ ਵਜ੍ਹਾ ਉੱਚੀਆਂ ਕੀਮਤਾਂ, ਕਮਜ਼ੋਰ ਆਰਥਿਕ ਵਾਧਾ ਅਤੇ ਵਧਦੀਆਂ ਗਲੋਬਲ ਬੇਯਕੀਨੀਆਂ ਤੋਂ ਬਾਅਦ ਗਹਿਣੇ ਦੀ ਮੰਗ ’ਚ ਗਿਰਾਵਟ ਹੈ।
ਡਬਲਿਊ. ਜੀ. ਸੀ. ਦੀ ਰਿਪੋਰਟ ਅਨੁਸਾਰ, ਵਿਸ਼ਵ ਪੱਧਰ ’ਤੇ 2023 ’ਚ ਕੁਲ ਸੋਨੇ ਦੀ ਮੰਗ 4,945.9 ਟਨ ਰਹੀ ਸੀ, ਜੋ 2024 ’ਚ 4,974 ਟਨ ਹੋ ਗਈ।
ਐੱਮ. ਸੀ. ਐਕਸ. ’ਤੇ ਸੋਨੇ ਦੀਆਂ ਕੀਮਤਾਂ ’ਚ ਉਛਾਲ
ਮਜ਼ਬੂਤ ਹਾਜ਼ਰ ਮੰਗ ਦਰਮਿਆਨ ਵਾਅਦਾ ਕਾਰੋਬਾਰ ’ਚ ਬੁੱਧਵਾਰ ਨੂੰ ਸੋਨੇ ਦੀ ਕੀਮਤ 84,594 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਨਵੇਂ ਕੁੱਲ-ਵਕਤੀ ਉੱਚੇ ਪੱਧਰ ਨੂੰ ਛੂਹ ਗਈ। ਮਲਟੀ ਕਮੋਡਿਟੀ ਐਕਸਚੇਂਜ (ਐੱਮ. ਸੀ. ਐਕਸ.) ’ਚ ਅਪ੍ਰੈਲ ਸਪਲਾਈ ਵਾਲੇ ਸੋਨੇ ਦੇ ਕਰਾਰ ਦਾ ਭਾਅ ਸ਼ੁਰੂਆਤੀ ਕਾਰੋਬਾਰ ’ਚ 84,594 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਰਿਕਾਰਡ ਉੱਚੇ ਪੱਧਰ ’ਤੇ ਪਹੁੰਚ ਗਿਆ। ਬਾਅਦ ’ਚ ਇਸ ਕਰਾਰ ਦਾ ਭਾਅ ਕੁਝ ਘੱਟ ਹੋ ਗਿਆ ਅਤੇ ਖਬਰ ਲਿਖੇ ਜਾਣ ਤੱਕ ਇਹ 755 ਰੁਪਏ ਜਾਂ 0.9 ਫ਼ੀਸਦੀ ਵਧ ਕੇ 84,552 ਰੁਪਏ ਪ੍ਰਤੀ 10 ਗ੍ਰਾਮ ’ਤੇ ਕਾਰੋਬਾਰ ਕਰ ਰਿਹਾ ਸੀ।
ਇਸ ’ਚ 17,516 ਲਾਟ ਦਾ ਕਾਰੋਬਾਰ ਹੋਇਆ। ਬਾਜ਼ਾਰ ਵਿਸ਼ਲੇਸ਼ਕਾਂ ਨੇ ਦੱਸਿਆ ਕਿ ਕਾਰੋਬਾਰੀਆਂ ਦੇ ਤਾਜ਼ਾ ਸੌਦਿਆਂ ਦੀ ਲਿਵਾਲੀ ਕਰਨ ਨਾਲ ਸੋਨਾ ਵਾਅਦਾ ਕੀਮਤਾਂ ’ਚ ਤੇਜ਼ੀ ਆਈ। ਗਲੋਬਲ ਪੱਧਰ ’ਤੇ ਨਿਊਯਾਰਕ ’ਚ ਸੋਨੇ ਦਾ ਭਾਅ 0.70 ਫ਼ੀਸਦੀ ਦੇ ਵਾਧੇ ਨਾਲ ਰਿਕਾਰਡ 2,895.91 ਡਾਲਰ ਪ੍ਰਤੀ ਔਂਸ ਹੋ ਗਿਆ।
ਕੋਟਕ ਸਕਿਓਰਿਟੀਜ਼ ਦੀ ‘ਕਮੋਡਿਟੀ ਰਿਸਰਚ’ ਦੀ ਸਹਾਇਕ ਉਪ-ਪ੍ਰਧਾਨ ਕਾਇਨਾਤ ਚੈਨਵਾਲਾ ਨੇ ਕਿਹਾ, ‘‘2 ਸਭ ਤੋਂ ਵੱਡੀਅ ਅਰਥਵਿਵਸਥਾਵਾਂ ਵਿਚਾਲੇ ਵਧਦੇ ਵਪਾਰਕ ਤਣਾਅ ਅਤੇ ਗਾਜ਼ਾ ’ਚ ਭੂ-ਸਿਆਸੀ ਚਿੰਤਾਵਾਂ ਨੇ ਬਾਜ਼ਾਰ ਦੀ ਧਾਰਨਾ ਨੂੰ ਪ੍ਰਭਾਵਿਤ ਕੀਤਾ ਅਤੇ ਸੋਨੇ ਨੂੰ ਹੋਰ ਉਤਸ਼ਾਹ ਦਿੱਤਾ।’’
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਡਿਪੋਰਟ ਕੀਤੇ ਪ੍ਰਵਾਸੀ ਨਹੀਂ ਕਰ ਸਕਣਗੇ ਇਨ੍ਹਾਂ 20 ਦੇਸ਼ਾਂ ਦੀ ਯਾਤਰਾ! ਹੋ ਸਕਦੀ ਹੈ ਸਖ਼ਤ ਕਾਰਵਾਈ
NEXT STORY 
