ਸਰਕਾਰੀ ਬੈਂਕਾਂ ਦਾ ਕਰਜ਼ਾ ਵਾਪਸ ਨਾ ਕਰਨ ਦੀ ਵਿਜੇ ਮਾਲਿਆ ਨੇ ਦੱਸੀ ਵਜ੍ਹਾ

Updated: 27 Jun, 2018 02:33 PM

ਨਵੀਂ ਦਿੱਲੀ — ਭਗੌੜਾ ਸ਼ਰਾਬ ਕਾਰੋਬਾਰੀ ਵਿਜੇ ਮਾਲਿਆ ਇਕ ਤੋਂ ਬਾਅਦ ਇਕ ਖੁਲਾਸੇ ਕਰ ਰਿਹਾ ਹੈ। ਮੰਗਲਵਾਰ ਨੂੰ ਉਸ ਨੇ ਪੰਜ ਪੰਨਿਆ ਦੀ ਪ੍ਰੈੱਸ ਰਿਲੀਜ਼ ਜਾਰੀ ਕਰਕੇ ਦਾਅਵਾ ਕੀਤਾ ਕਿ ਉਸਨੇ ਕਰਜ਼ਿਆਂ ਨੂੰ ਲੇ ਕੇ 15 ਅਪ੍ਰੈਲ 2016 ਨੂੰ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ ਨੂੰ ਚਿੱਠੀ ਲਿਖੀ ਸੀ ਜਿਸ ਦਾ ਉਸਨੂੰ ਕੋਈ ਜਵਾਬ ਨਹੀਂ ਮਿਲਿਆ। ਹੁਣ ਉਸਨੇ ਸਫਾਈ ਦਿੱਤੀ ਹੈ ਕਿ ਆਖਿਰ ਉਸਨੇ ਇਸ ਗੱਲ ਦਾ ਖੁਲਾਸਾ ਇਸ ਸਮੇਂ ਕਿਉਂ ਕੀਤਾ।
ਆਪਣੀ ਸਫਾਈ ਵਿਚ ਮਾਲਿਆ ਨੇ ਕਿਹਾ ਹੈ ਕਿ ਉਸ ਦਾ ਇਰਾਦਾ ਬੈਂਕਾਂ ਦਾ ਕਰਜ਼ਾ ਮੋੜਨ ਦਾ ਹੈ ਇਸ ਲਈ ਸ਼ਰਾਬ ਕੰਪਨੀ ਯੂਨਾਈਟਿਡ ਬਰੂਵਰੀਜ਼ ਹੋਲਡਿੰਗਜ਼ ਲਿ. ਅਤੇ ਖੁਦ ਉਸਨੇ ਕਰਨਾਟਕ ਹਾਈ ਕੋਰਟ 'ਚ ਅਰਜ਼ੀ ਦੇ ਕੇ ਇਸਦਾ ਰਸਤਾ ਤਿਆਰ ਕਰਨ ਦੀ ਅਪੀਲ ਕੀਤੀ ਹੈ।

Some people have been asking why I chose to make a statement at this time. I have made my statement because UBHL and myself have filed an application before the Hon’ble Karnataka High Court on June 22, 2018, setting out available assets of approximately Rs. 13,900 crores ...1/3
— Vijay Mallya (@TheVijayMallya) June 27, 2018

ਮਾਲਿਆ ਨੇ ਮੰਗਲਵਾਰ ਦੀ ਦੇਰ ਰਾਤ ਤਿੰਨ ਟਵੀਟ ਕੀਤੇ ਅਤੇ ਕਿਹਾ ਕਿ,'ਕੁਝ ਲੋਕ ਲਗਾਤਾਰ ਪੁੱਛ ਰਹੇ ਹਨ ਕਿ ਮੈਂ ਇਸੇ ਸਮੇਂ ਕਿਉਂ ਬਿਆਨ ਦਿੱਤਾ ਹੈ। ਮੈਂ ਇਹ ਬਿਆਨ ਇਸ ਲਈ ਦਿੱਤਾ ਕਿਉਂਕਿ ਯੂ.ਬੀ.ਐੱਚ.ਐੱਲ. ਅਤੇ ਮੈਂ ਮਾਣਯੋਗ ਕਰਨਾਟਕ ਹਾਈ ਕੋਰਟ 'ਚ 22 ਜੂਨ 2018 ਨੂੰ ਅਰਜ਼ੀ ਦਿੱਤੀ ਹੈ ਜਿਸ ਵਿਚ ਸਾਡੇ ਕੋਲ ਮੌਜੂਦ ਕਰੀਬ 13,900 ਕਰੋੜ ਰੁਪਏ ਦੀ ਜਾਇਦਾਦ ਦਾ ਵੇਰਵਾ ਹੈ।'

We have requested the Courts permission to allow us to sell these assets under judicial supervision and repay creditors, including the Public Sector Banks such amounts as may be directed and determined by the Court. If the criminal agencies such as ED or CBI object ... 2/3
— Vijay Mallya (@TheVijayMallya) June 27, 2018

ਮਾਲਿਆ ਦਾ ਕਹਿਣਾ ਹੈ ਕਿ ਉਹ ਬੈਂਕਾਂ ਦਾ ਕਰਜ਼ਾ ਵਾਪਸ ਕਰਨ ਲਈ ਆਪਣੀ ਜਾਇਦਾਦ ਨੂੰ ਵੇਚਣ ਦੀ ਇਜਾਜ਼ਤ ਚਾਹੁੰਦਾ ਹੈ। ਉਸਨੇ ਲਿਖਿਆ,' ਅਸੀਂ ਅਦਾਲਤ ਕੋਲੋਂ ਨਿਆਇਕ ਦੇਖਰੇਖ ਵਿਚ ਇਹ ਸਾਰੀ ਜਾਇਦਾਦ ਵੇਚਣ ਅਤੇ ਸਰਕਾਰੀ ਬੈਂਕਾਂ ਸਮੇਤ ਸਾਰੇ ਕਰਜ਼ਦਾਤਾਵਾਂ ਦੇ ਲੋਨ ਦੀ ਰਕਮ ਵਾਪਸ ਕਰਨ ਦੀ ਇਜਾਜ਼ਤ ਮੰਗੀ ਹੈ।'

... to the sale of assets, it will clearly demonstrate that there is an agenda against me “the Poster Boy” beyond recovery of dues. I continue to make every effort, in good faith to settle with the banks. If politically motivated factors interfere, there is nothing I can do...3/3
— Vijay Mallya (@TheVijayMallya) June 27, 2018

ਮਾਲਿਆ ਨੂੰ ਸ਼ੱਕ ਹੈ ਕਿ ਕੇਸ ਦੀ ਜਾਂਚ ਕਰ ਰਹੇ ਈ.ਡੀ. ਅਤੇ ਸੀ.ਬੀ.ਆਈ. ਜਿਹੀਆਂ ਕੇਂਦਰੀ ਏਜੰਸੀਆਂ ਇਸ ਵਿਕਰੀ 'ਚ ਰੁਕਾਵਟ ਪੈਦਾ ਕਰ ਸਕਦੀਆਂ ਹਨ। ਉਸਦਾ ਕਹਿਣਾ ਹੈ ਕਿ ਜੇਕਰ ਏਜੰਸੀਆਂ ਨੇ ਅਜਿਹਾ ਕੀਤਾ ਹੈ, ਤਾਂ ਘੱਟੋ ਘੱਟ ਉਨ੍ਹਾਂ ਦਾ ਚਿਹਰਾ ਤਾਂ ਉਜਾਗਰ ਹੋਵੇਗਾ। ਮਾਲਿਆ ਨੇ ਲਿਖਿਆ, “ਜੇਕਰ ਈ.ਡੀ. ਜਾਂ ਸੀ.ਬੀ.ਆਈ. ਵਰਗੀਆਂ ਅਪਰਾਧਿਕ ਮਾਮਲਿਆਂ ਦੀ ਪੜਤਾਲ ਕਰਨ ਵਾਲੀਆਂ ਏਜੰਸੀਆਂ ਜਾਇਦਾਦ ਵੇਚਣ 'ਤੇ ਇਤਰਾਜ਼ ਦਰਜ ਕਰਵਾਉਂਦੀਆਂ ਹਨ ਤਾਂ ਸਾਫ ਹੋ ਜਾਵੇਗਾ, ਕਿ ਬਕਾਇਆ ਵਸੂਲੀ ਦੇ ਰਸਤੇ ਮੇਰੇ ਯਾਨੀ 'ਪੋਸਟਰ ਬੁਆਏ' ਦੇ ਖਿਲਾਫ ਇਨ੍ਹਾਂ ਦਾ ਕੀ ਏਜੰਡਾ ਹੈ। ਮੈਂ ਬੈਂਕ ਦਾ ਕਰਜ਼ਾ ਮੋੜਨ ਦੇ ਪ੍ਰਤੀ ਸੱਚੇ ਦਿਲੋਂ ਕੋਸ਼ਿਸ਼ ਕਰਦਾ ਆ ਰਿਹਾ ਹਾਂ। ਜੇਕਰ ਸਿਆਸਤ ਨਾਲ ਪ੍ਰੇਰਿਤ ਤੱਥਾਂ ਦਾ ਦਖਲ ਹੋਵੇਗਾ ਤਾਂ ਮੈਂ ਕੁਝ ਨਹੀਂ ਕਰ ਸਕਦਾ।'

ਗਰੀਬਾਂ ਲਈ ਇੰਝ ਜੀਵਨ ਰੱਖਿਅਕ ਬਣੀ ਸਰਕਾਰ ਦੀ ਸਸਤੀ ਦਵਾਈਆਂ ਦੀ ਨੀਤੀ