ਨਵੀਂ ਦਿੱਲੀ (ਇੰਟ) - ਡਿਜੀਟਲ ਅਰਥ-ਵਿਵਸਥਾ ਦੇ ਵਿਕਾਸ ’ਚ ਯੂਨੀਫਾਈਡ ਪੇਮੈਂਟਸ ਇੰਟਰਫੇਸ (ਯੂ.ਪੀ.ਆਈ.) ਨੇ ਬਹੁਤ ਮਹੱਤਵਪੂਰਨ ਭੂਮਿਕਾ ਨਿਭਾਈ। ਯੂ.ਪੀ.ਆਈ. ਦੇ ਜ਼ਰੀਏ ਪੇਮੈਂਟ ਕਰਨਾ ਬੇਹੱਦ ਆਸਾਨ ਹੋ ਗਿਆ ਹੈ। ਅਜਿਹੇ ’ਚ ਲੋਕਾਂ ਦੇ ਦਰਮਿਆਨ ਇਹ ਲੈਣ-ਦੇਣ ਦਾ ਇਕ ਬੇਹੱਦ ਪਾਪੁਲਰ ਮਾਧਿਅਮ ਬਣ ਗਿਆ ਹੈ। ਇਸ ਦਾ ਅਸਰ ਜੁਲਾਈ ਦੇ ਪੇਮੈਂਟ ਅੰਕੜਿਆਂ ’ਤੇ ਵੀ ਦਿਖ ਰਿਹਾ ਹੈ।
ਜੁਲਾਈ ’ਚ ਯੂ.ਪੀ.ਆਈ. ਟਰਾਂਜੈਕਸ਼ਨ ਨੇ ਇਕ ਨਵਾਂ ਰਿਕਾਰਡ ਬਣਾਇਆ ਹੈ। ਇਸ ਮਹੀਨੇ ’ਚ ਯੂ.ਪੀ.ਆਈ. ਦੇ ਜ਼ਰੀਏ 1,444 ਕਰੋੜ ਟਰਾਂਜੈਕਸ਼ਨ ਹੋਏ ਹਨ। ਇਨ੍ਹਾਂ ਦੇ ਜ਼ਰੀਏ 20.64 ਲੱਖ ਕਰੋੜ ਦੀ ਰਕਮ ਇਕ ਖਾਤੇ ਤੋਂ ਦੂਜੇ ਖਾਤੇ ’ਚ ਟਰਾਂਸਫਰ ਕੀਤੀ ਗਈ ਹੈ।
ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ (ਐੱਨ.ਪੀ.ਸੀ.ਆਈ.) ਦੇ ਅੰਕੜਿਆਂ ਦੇ ਅਨੁਸਾਰ ਜੂਨ ’ਚ 20.07 ਲੱਖ ਕਰੋੜ ਰੁਪਏ ਦੀ ਰਕਮ ਦਾ ਲੈਣ-ਦੇਣ ਹੋਇਆ ਸੀ। ਉਥੇ ਹੀ, ਮਈ ’ਚ 20.44 ਲੱਖ ਕਰੋੜ ਰੁਪਏ ਦੀ ਰਕਮ ਦਾ ਟਰਾਂਸਫਰ ਯੂ.ਪੀ.ਆਈ. ਦੇ ਜ਼ਰੀਏ ਹੋਇਆ ਸੀ। ਅਜਿਹੇ ’ਚ ਇਹ ਲਗਾਤਾਰ ਤੀਸਰਾ ਮਹੀਨਾ ਹੈ, ਜਦੋਂ ਯੂ.ਪੀ.ਆਈ. ਦੇ ਜ਼ਰੀਏ ਲੈਣ-ਦੇਣ 20 ਲੱਖ ਕਰੋੜ ਰੁਪਏ ਨੂੰ ਪਾਰ ਚਲਾ ਗਿਆ ਹੈ।
ਸਾਲਾਨਾ ਆਧਾਰ ’ਤੇ ਜੁਲਾਈ, 2023 ’ਚ ਯੂ.ਪੀ.ਆਈ. ਦੇ ਜ਼ਰੀਏ 15.33 ਲੱਖ ਕਰੋੜ ਰੁਪਏ ਦੀ ਰਕਮ ਟਰਾਂਸਫਰ ਕੀਤੀ ਗਈ ਸੀ। ਅਜਿਹੇ ’ਚ ਪਿਛਲੇ ਸਾਲ ਦੇ ਮੁਕਾਬਲੇ ਯੂ.ਪੀ.ਆਈ. ਟਰਾਂਜੈਕਸ਼ਨ ਗਿਣਤੀ ’ਚ 45 ਫੀਸਦੀ ਅਤੇ ਰਕਮ ’ਚ 35 ਫੀਸਦੀ ਦਰਜ ਕੀਤੀ ਗਈ ਹੈ। ਰੋਜ਼ਾਨਾ ਦੀ ਐਵਰੇਜ ਰਕਮ ਦੀ ਗੱਲ ਕਰੀਏ ਤਾਂ ਇਹ ਜੁਲਾਈ, 2024 ’ਚ 46.60 ਕਰੋੜ ਰੁਪਏ ਰਹੀ ਹੈ।
ਜੂਨ ਦੀ ਤੁਲਨਾ ’ਚ ਵਧਿਆ ਯੂ.ਪੀ.ਆਈ. ਟਰਾਂਜੈਕਸ਼ਨ
ਜੂਨ, 2024 ’ਚ 1,389 ਕਰੋੜ ਟਰਾਂਜੈਕਸ਼ਨ ਦੇ ਜ਼ਰੀਏ 20.07 ਲੱਖ ਕਰੋੜ ਰੁਪਏ ਦੀ ਰਕਮ ਦਾ ਲੈਣ-ਦੇਣ ਕੀਤਾ ਗਿਆ ਸੀ। ਅਜਿਹੇ ’ਚ ਪਿਛਲੇ ਮਹੀਨੇ ਦੀ ਤੁਲਨਾ ’ਚ ਇਸ ਮਹੀਨੇ ਟਰਾਂਜੈਕਸ਼ਨ ਗਿਣਤੀ ’ਚ 3.96 ਫੀਸਦੀ ਅਤੇ ਰਕਮ ’ਚ 2.84 ਫੀਸਦੀ ਦੀ ਬੜ੍ਹਤ ਦਰਜ ਕੀਤੀ ਗਈ ਹੈ।
ਜ਼ਿਕਰਯੋਗ ਹੈ ਕਿ ਯੂ.ਪੀ.ਆਈ. ਨੂੰ ਰੈਗੂਲੇਟ ਕਰਨ ਵਾਲੀ ਗਿਣਤੀ ਐੱਨ.ਪੀ.ਸੀ.ਆਈ. ਹਰ ਮਹੀਨੇ ਦੀ ਸ਼ੁਰੂਆਤ ’ਚ ਦੇਸ਼ ਭਰ ’ਚ ਹੋਏ ਯੂ.ਪੀ.ਆਈ. ਟਰਾਂਜੈਕਸ਼ਨ ਦੇ ਅੰਕੜੇ ਜਾਰੀ ਕਰਦੀ ਹੈ।
ਕੀ ਹੈ ਯੂ.ਪੀ.ਆਈ.?
ਭਾਰਤ ’ਚ ਯੂ.ਪੀ.ਆਈ. ਨੂੰ ਐੱਨ.ਪੀ.ਸੀ.ਆਈ. ਰੈਗੂਲੇਟ ਕਰਦਾ ਹੈ। ਯੂ.ਪੀ.ਆਈ. ਇਕ ਵਰਚੁਅਲ ਪੇਮੈਂਟ ਸਰਵਿਸ ਹੈ, ਜਿਸ ਦੇ ਜ਼ਰੀਏ ਤੁਸੀਂ ਬਿਨਾਂ ਬੈਂਕ ਖਾਤੇ ਅਤੇ ਨੰਬਰ ਦੇ ਸਿਰਫ ਕਿਊ.ਆਰ. ਕੋਡ ਦੇ ਜ਼ਰੀਏ ਇਕ ਖਾਤੇ ਤੋਂ ਦੂਜੇ ਖਾਤੇ ’ਚ ਪੈਸੇ ਟਰਾਂਸਫਰ ਕਰ ਸਕਦੇ ਹੋ। ਅੱਜਕਲ ਦੇ ਸਮੇਂ ’ਚ ਲੋਕ ਬਿੱਲ ਪੇਮੈਂਟ ਦੇ ਇਲਾਵਾ ਆਨਲਾਈਨ ਸ਼ਾਪਿੰਗ ਆਦਿ ’ਚ ਕ੍ਰੈਡਿਟ ਅਤੇ ਡੈਬਿਟ ਕਾਰਡ ਦੀ ਬਜਾਏ ਯੂ.ਪੀ.ਆਈ. ਦੇ ਜ਼ਰੀਏ ਪੇਮੈਂਟ ਕਰਨਾ ਪਸੰਦ ਕਰ ਰਹੇ ਹਨ।
ਜਾਪਾਨ-ਅਮਰੀਕਾ ਸਮੇਤ ਦੁਨੀਆ ਭਰ ਦੇ ਸ਼ੇਅਰ ਬਾਜ਼ਾਰਾਂ ’ਚ ਭੂਚਾਲ, ਨਿਵੇਸ਼ਕਾਂ ਦੇ ਅਰਬਾਂ ਰੁਪਏ ਡੁੱਬੇ
NEXT STORY 
