ਨਵੀਂ ਦਿੱਲੀ — ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਹਿਮਾਚਲ ਪ੍ਰਦੇਸ਼ ਦੇ ਰੋਹਤਾਂਗ ਵਿਚ 'ਅਟਲ ਟਨਲ' ਦਾ ਉਦਘਾਟਨ ਕਰਦਿਆਂ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਨਵੇਂ ਕਿਰਤ ਕਾਨੂੰਨਾਂ ਦਾ ਜ਼ਿਕਰ ਕੀਤਾ। ਉਨ੍ਹਾਂ ਕਿਹਾ ਕਿ ਨਵੇਂ ਕਾਨੂੰਨ ਤੋਂ ਬਾਅਦ ਜਨਾਨੀਆਂ ਨੂੰ ਵੀ ਮਰਦਾਂ ਵਾਂਗ ਬਰਾਬਰ ਤਨਖਾਹ ਮਿਲੇਗੀ। ਇਸ ਤੋਂ ਇਲਾਵਾ ਉਨ੍ਹਾਂ ਨੂੰ ਮਰਦਾਂ ਦੀ ਤਰ੍ਹਾਂ ਅੱਗੇ ਵਧਣ ਦਾ ਮੌਕਾ ਵੀ ਮਿਲੇਗਾ। ਮੋਦੀ ਸਰਕਾਰ ਅਟਲ ਟਨਲ ਦਾ ਉਦਘਾਟਨ ਕਰਨ ਤੋਂ ਬਾਅਦ ਆਪਣੇ ਸੰਬੋਧਨ ਵਿਚ ਕਿਹਾ 44 ਕਿਰਤ ਕਾਨੂੰਨਾਂ ਵਿਚ ਤਬਦੀਲੀ ਕਰਕੇ ਚਾਰ ਲੇਬਰ ਕੋਡ ਬਣਾਏ ਹਨ। ਇਸ ਤੋਂ ਇਲਾਵਾ 12 ਕਾਨੂੰਨਾਂ ਨੂੰ ਰੱਦ ਕਰਕੇ ਪੁਰਾਣੇ 44 ਵਿਚੋਂ 3 ਕਾਨੂੰਨਾਂ ਨੂੰ ਨਵੇਂ ਲੇਬਰ ਕੋਡ ਵਿਚ ਸ਼ਾਮਲ ਕੀਤਾ ਹੈ।
'ਸਿਰਫ ਰਾਜਨੀਤਿਕ ਲਾਭ ਲਈ ਕੰਮ ਕਰਨ ਵਾਲੇ ਲੋਕਾਂ ਨੂੰ ਪਰੇਸ਼ਾਨ ਕਰ ਰਹੇ ਹਨ ਸੁਧਾਰ'
ਪੀ.ਐਮ. ਮੋਦੀ ਨੇ ਕਿਹਾ ਕਿ ਜੇ ਸਾਨੂੰ ਆਤਮ ਨਿਰਭਰ ਭਾਰਤ ਦਾ ਟੀਚਾ ਹਾਸਲ ਕਰਨਾ ਹੈ ਤਾਂ ਪਿਛਲੀ ਸਦੀ ਦੇ ਨਿਯਮ ਨਵੀਂ ਸਦੀ ਵਿਚ ਕੰਮ ਨਹੀਂ ਕਰਨਗੇ। ਇਸ ਲਈ ਸਾਡੀ ਸਰਕਾਰ ਕਿਰਤ ਸੁਧਾਰਾਂ ਦੀ ਪ੍ਰਕਿਰਿਆ ਨੂੰ ਅੱਗੇ ਵੀ ਜਾਰੀ ਰੱਖੇਗੀ। ਵਿਰੋਧੀ ਧਿਰ 'ਤੇ ਵਰ੍ਹਦਿਆਂ ਉਨ੍ਹਾਂ ਕਿਹਾ ਕਿ ਸਾਡੇ ਸੁਧਾਰ ਸਿਰਫ ਉਨ੍ਹਾਂ ਨੂੰ ਪਰੇਸ਼ਾਨ ਕਰਦੇ ਹਨ ਜੋ ਰਾਜਸੀ ਲਾਭ ਲਈ ਕੰਮ ਕਰਦੇ ਹਨ। ਅਜਿਹੇ ਲੋਕਾਂ ਨੂੰ ਸਮਝਣਾ ਹੋਵੇਗਾ ਕਿ ਤੁਸੀਂ ਪਿਛਲੀ ਸਦੀ ਦੀ ਸੋਚ ਨਾਲ ਅਗਲੀ ਸਦੀ ਵਿਚ ਦਾਖਲ ਨਹੀਂ ਹੋ ਸਕਦੇ।
ਇਹ ਵੀ ਪੜ੍ਹੋ- ਰੇਲ ਯਾਤਰੀਆਂ ਲਈ ਖੁਸ਼ਖਬਰੀ: ਸਟੇਸ਼ਨਾਂ 'ਤੇ ਕੁਝ ਦਿਨਾਂ ਲਈ ਮਿਲ ਸਕੇਗਾ ਗਰਮਾਗਰਮ ਭੋਜਨ
ਕੇਂਦਰ ਸਰਕਾਰ ਦੁਆਰਾ ਬਣਾਈ ਕੌਂਸਲ ਹਰ ਸਾਲ ਘੱਟੋ ਘੱਟ ਤਨਖਾਹ ਦਾ ਮੁਲਾਂਕਣ ਕਰੇਗੀ
ਨਵੇਂ ਲੇਬਰ ਕਾਨੂੰਨਾਂ ਤਹਿਤ ਵੇਜ ਕੋਡ ਵਿਚ ਸਪੱਸ਼ਟ ਕੀਤਾ ਗਿਆ ਹੈ ਕਿ ਮਰਦ ਅਤੇ ਜਨਾਨੀ ਨੂੰ ਬਰਾਬਰ ਤਨਖਾਹ ਮਿਲੇਗੀ। ਇਹ ਵੀ ਕਿਹਾ ਗਿਆ ਹੈ ਕਿ ਘੱਟੋ ਘੱਟ ਤਨਖਾਹ ਵੀ ਰਾਸ਼ਟਰੀ ਪੱਧਰ 'ਤੇ ਨਿਰਧਾਰਤ ਕੀਤੀ ਜਾਏਗੀ। ਕੇਂਦਰ ਸਰਕਾਰ ਦੁਆਰਾ ਗਠਿਤ ਇਕ ਕੌਂਸਲ ਹਰ ਸਾਲ ਘੱਟੋ-ਘੱਟ ਤਨਖਾਹ ਦਾ ਮੁਲਾਂਕਣ ਕਰੇਗੀ। ਤਨਖਾਹ ਦਾ ਫੈਸਲਾ ਭੂਗੋਲਿਕ ਸਥਾਨ ਅਤੇ ਵਿਅਕਤੀ ਦੇ ਹੁਨਰ ਦੇ ਅਧਾਰ 'ਤੇ ਕੀਤਾ ਜਾਵੇਗਾ। ਇਸ ਦੇ ਨਾਲ ਹੀ ਵੇਜ ਕੋਡ ਤਹਿਤ ਕੰਪਨੀਆਂ ਨੂੰ ਕਰਮਚਾਰੀਆਂ ਨੂੰ ਸਮੇਂ ਸਿਰ ਤਨਖਾਹ ਦੇਣਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ- ATM ਤੋਂ ਨਕਦ ਕਢਵਾਉਂਦੇ ਸਮੇਂ ਜ਼ਰੂਰ ਕਰੋ ਇਹ ਛੋਟਾ ਜਿਹਾ ਕੰਮ, ਤੁਹਾਡਾ ਬੈਂਕ ਖਾਤਾ ਰਹੇਗਾ ਸੁਰੱਖਿਅਤ
ਸਵੇਰੇ 6 ਵਜੇ ਤੋਂ ਸ਼ਾਮ 7 ਵਜੇ ਤਕ ਜਨਾਨੀਆਂ ਲਈ ਕੰਮ ਕਰਨ ਦਾ ਸਮਾਂ, ਓਵਰਟਾਈਮ ਲਈ ਦੁਗਣੇ ਪੈਸੇ
ਜਨਾਨੀਆਂ ਨੂੰ ਕਿੱਤਾਮੁਖੀ ਸੁਰੱਖਿਆ ਅਤੇ ਸਿਹਤ ਕੋਡ (ਓ.ਐਸ.ਐਚ. ਕੋਡ) ਦੇ ਤਹਿਤ ਸਾਰੇ ਖੇਤਰਾਂ ਵਿੱਚ ਕੰਮ ਕਰਨ ਦੀ ਆਗਿਆ ਦਿੱਤੀ ਗਈ ਹੈ। ਇਸ ਦੇ ਨਾਲ ਹੀ ਕੰਪਨੀਆਂ ਨੂੰ ਮਹਿਲਾ ਕਰਮਚਾਰੀਆਂ ਲਈ ਕਰੈਚ ਅਤੇ ਕੰਟੀਨ ਦੀਆਂ ਸਹੂਲਤਾਂ ਦੇਣਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ 45 ਸਾਲ ਤੋਂ ਵੱਧ ਦੇ ਕਰਮਚਾਰੀ ਨੂੰ ਕੰਪਨੀ ਵੱਲੋਂ ਸਾਲ ਵਿਚ ਇਕ ਵਾਰ ਮੁਫਤ ਸਿਹਤ ਜਾਂਚ ਦੀ ਸਹੂਲਤ ਦਿੱਤੀ ਜਾਵੇਗੀ। ਜਨਾਨੀਆਂ ਲਈ ਕੰਮ ਦੇ ਘੰਟੇ ਸਵੇਰੇ 6 ਵਜੇ ਤੋਂ ਸ਼ਾਮ 7 ਵਜੇ ਦੇ ਵਿਚਕਾਰ ਹੋਣਗੇ। ਜੇ ਕੰਮ ਸ਼ਾਮ 7 ਵਜੇ ਤੋਂ ਬਾਅਦ ਕੀਤਾ ਜਾ ਰਿਹਾ ਹੈ, ਤਾਂ ਇਸ ਦੀ ਸੁਰੱਖਿਆ ਕਰਨਾ ਕੰਪਨੀ ਦੀ ਜ਼ਿੰਮੇਵਾਰੀ ਹੋਵੇਗੀ। ਓਵਰਟਾਈਮ ਕਰਨ 'ਤੇ ਦੁਗਣਾ ਪੈਸਾ ਮਿਲੇਗਾ।
ਇਹ ਵੀ ਪੜ੍ਹੋ- Spicejet ਦੇ ਰਹੀ Pre-Booking Extra Baggage 'ਤੇ 25% ਦੀ ਛੋਟ, ਜਾਣੋ ਕੀ ਹੈ ਰੇਟ ਅਤੇ ਸਲੈਬ
ਪਹਿਲੀ ਵਾਰ ਅਸੰਗਠਿਤ ਖੇਤਰ ਵਿਚ ਕੰਮ ਕਰਨ ਵਾਲੀਆਂ ਜਨਾਨੀਆਂ ਨੂੰ ਵੀ ਈ.ਐਸ.ਆਈ. ਨਾਲ ਜੋੜਿਆ ਗਿਆ
ਜਨਾਨੀਆਂ ਦੇ ਈ.ਐਸ.ਆਈ.ਸੀ. ਦਾ ਸੋਸ਼ਲ ਸਿਕਿਓਰਟੀ ਕੋਡ ਦੇ ਤਹਿਤ ਵਿਸਥਾਰ ਕੀਤਾ ਜਾਵੇਗਾ। ਈ.ਐਸ.ਆਈ.ਸੀ. ਸਹੂਲਤ ਦੇਸ਼ ਦੇ 740 ਜ਼ਿਲ੍ਹਿਆਂ ਵਿਚ ਉਪਲਬਧ ਕਰਵਾਈ ਜਾਏਗੀ। ਪਹਿਲੀ ਵਾਰ ਅਸੰਗਠਿਤ ਖੇਤਰ ਵਿਚ ਕੰਮ ਕਰਨ ਵਾਲੀਆਂ ਔਰਤਾਂ ਨੂੰ ਵੀ ਈ.ਐਸ.ਆਈ.ਸੀ. ਨਾਲ ਜੋੜਿਆ ਜਾਵੇਗਾ। ਹੁਣ ਅਸਾਮ ਦੇ ਚਾਹ ਬਗੀਚਿਆਂ ਜਾਂ ਕਸ਼ਮੀਰ ਦੇ ਸੇਬ ਦੇ ਬਗੀਚਿਆਂ ਵਿਚ ਕੰਮ ਕਰਨ ਵਾਲੀਆਂ ਜਨਾਨੀ ਵਰਕਰ ਵੀ ਈ.ਐਸ.ਆਈ. ਦੇ ਦਾਇਰੇ ਵਿਚ ਆਉਣਗੀਆਂ। ਠੇਕੇ 'ਤੇ ਕੰਮ ਕਰਨ ਵਾਲੀਆਂ ਜਨਾਨੀਆਂ ਨੂੰ ਵੀ ਗਰੈਚੁਟੀ ਦਾ ਲਾਭ ਮਿਲੇਗਾ। ਇਸ ਲਈ ਕੋਈ ਘੱਟੋ-ਘੱਟ ਮਿਆਦ ਨਹੀਂ ਹੋਵੇਗੀ। ਜਿਹੜੇ ਇਕ ਨਿਸ਼ਚਤ ਮਿਆਦ ਦੇ ਅਧਾਰ 'ਤੇ ਨੌਕਰੀ ਪ੍ਰਾਪਤ ਕਰਨਗੇ, ਉਨ੍ਹਾਂ ਨੂੰ ਦਿਨ ਦੇ ਅਧਾਰ 'ਤੇ ਗਰੈਚੁਟੀ ਪ੍ਰਾਪਤ ਕਰਨ ਦਾ ਅਧਿਕਾਰ ਹੋਵੇਗਾ, ਯਾਨੀ ਕਿ ਹੁਣ ਪੰਜ ਸਾਲ ਪੂਰੇ ਕਰਨ ਦੀ ਜ਼ਰੂਰਤ ਨਹੀਂ ਹੈ।
ਇਹ ਵੀ ਪੜ੍ਹੋ- ਇਸ ਬੈਂਕ ਦੇ ਖ਼ਾਤਾਧਾਰਕਾਂ ਨਾਲ ਨਹੀਂ ਹੋ ਸਕੇਗਾ ਧੋਖਾ, ਆਨਲਾਈਨ ਲੈਣ-ਦੇਣ ਹੋਵੇਗਾ ਸੁਰੱਖਿਅਤ
NPS ਟਰੱਸਟ ਨੂੰ ਲੈ ਕੇ ਪੈਨਸ਼ਨ ਫੰਡ ਰੈਗੂਲੇਟਰ ਨੇ ਬਣਾਈ ਇਹ ਵੱਡੀ ਯੋਜਨਾ
NEXT STORY 
