ਮੁੰਬਈ (ਬਿਊਰੋ) — ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਤੇ ਵਿਰਾਟ ਕੋਹਲੀ ਜਲਦ ਹੀ ਮਾਤਾ-ਪਿਤਾ ਬਣਨ ਵਾਲੇ ਹਨ। ਸਟਾਰ ਕਪਲ ਨੇ ਕੁਝ ਸਮੇਂ ਪਹਿਲਾਂ ਹੀ ਐਲਾਨ ਕੀਤਾ ਸੀ ਕਿ ਜਨਵਰੀ 2021 'ਚ ਉਨ੍ਹਾਂ ਦੇ ਘਰ ਨੰਨ੍ਹਾ ਮਹਿਮਾਨ ਆਉਣ ਵਾਲਾ ਹੈ। ਦੋਵੇਂ ਇਨ੍ਹੀਂ ਦਿਨੀਂ ਦੁਬਈ 'ਚ ਹੈ, ਜਿਥੇ ਵਿਰਾਟ ਇੰਡੀਅਨ ਪ੍ਰੀਮੀਅਰ ਲੀਗ 2020 'ਚ ਹਿੱਸਾ ਲੈ ਰਹੇ ਹਨ। ਇਸੇ ਵਿਚਕਾਰ ਦੁਬਈ ਤੋਂ ਅਨੁਸ਼ਕਾ ਸ਼ਰਮਾ ਤੇ ਵਿਰਾਟ ਦੀਆਂ ਨਵੀ ਤਸਵੀਰ ਸਾਹਮਣੇ ਆਈ ਹੈ। ਵਿਰਾਟ ਕੋਹਲੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇਹ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਖ਼ੂਬਸੂਰਤ ਸਨਸੈੱਟ ਹੈ। ਵਿਰਾਟ ਕੋਹਲੀ ਤੇ ਅਨੁਸ਼ਕਾ ਰੋਮਾਂਟਿਕ ਅੰਦਾਜ਼ 'ਚ ਅਟਲਾਂਟਿਸ ਦਿ ਪਾਮ, ਰਿਜੌਰਟਸ ਦੇ ਸਾਹਮਣੇ ਸਮੁੰਦਰ 'ਚ ਸਵੀਮਿੰਗ ਕਰਦੇ ਹੋਏ ਨਜ਼ਰ ਆ ਰਹੇ ਹਨ। ਵਿਰਾਟ ਨੇ ਤਸਵੀਰ ਲਈ ਕ੍ਰੇਡਿਟ ਕ੍ਰਿਕਟਰ ਐਬੀ ਡਿਵੀਲਯਰਸ ਨੂੰ ਦਿੱਤਾ ਹੈ।
ਵਿਰਾਟ ਕੋਹਲੀ ਨੇ ਜਿਵੇਂ ਹੀ ਤਸਵੀਰ ਸਾਂਝੀ ਕੀਤੀ ਇਸ ਨੂੰ ਵਾਇਰਲ ਹੁੰਦੇ ਦੇਰ ਨਾ ਲੱਗੀ। ਤਸਵੀਰ 'ਚ ਦੋਵਾਂ ਦੀ ਕੈਮਿਸਟਰੀ ਦੇਖਦੀ ਹੀ ਬਣਦੀ ਹੈ। ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨੇ ਇਸ 'ਤੇ ਕੁਮੈਂਟ ਕੀਤਾ ਹੈ। ਦਿਆ ਮਿਰਜਾ ਨੇ ਹਾਰਟ ਵਾਲਾ ਇਮੋਜ਼ੀ ਬਣਾਇਆ ਹੈ ਜਦੋਂਕਿ ਕੁਣਾਲ ਖੇਮੂ ਨੇ ਲਿਖਿਆ ਕਿ 'ਖ਼ੂਬਸੂਰਤ ਸ਼ਾਟ'।
ਸਟੇਡੀਅਮ ਪਹੁੰਚੀ ਸੀ ਅਨੁਸ਼ਕਾ ਸ਼ਰਮਾ
ਬੀਤੇ ਸ਼ਨੀਵਾਰ ਨੂੰ ਅਨੁਸ਼ਕਾ ਸ਼ਰਮਾ ਇੰਡੀਅਨ ਪ੍ਰੀਮੀਅਰ ਲੀਗ ਦੇ ਇਕ ਮੈਚ ਦੌਰਾਨ ਸਟੇਡੀਅਮ ਪਹੁੰਚੀ। ਉਨ੍ਹਾਂ ਨੇ ਵਿਰਾਟ ਕੋਹਲੀ ਦਾ ਹੌਂਸਲਾ ਵਧਾਇਆ। ਅਨੁਸ਼ਕਾ ਸ਼ਰਮਾ ਨੇ ਇਸ ਦੌਰਾਨ ਓਰੇਂਜ ਕਲਰ ਦੀ ਡੈੱਸ ਪਾਈ ਸੀ। ਉਸ ਦੇ ਚਿਹਰੇ 'ਤੇ ਪ੍ਰੈਗਨੈਂਸੀ ਗਲੋਅ (ਨੂਰ) ਸਾਫ਼ ਦੇਖਿਆ ਜਾ ਸਕਦਾ ਹੈ। ਤਸਵੀਰਾਂ 'ਚ ਅਨੁਸ਼ਕਾ, ਵਿਰਾਟ ਨੂੰ ਚੇਅਰ ਕਰਦੀ ਨਜ਼ਰ ਆਈ।
ਦੱਸਣਯੋਗ ਹੈ ਕਿ ਅਨੁਸ਼ਕਾ ਸ਼ਰਮਾ ਤੇ ਵਿਰਾਟ ਕੋਹਲੀ ਨੇ ਕੁਝ ਸਮੇਂ ਪਹਿਲੇ ਐਲਾਨ ਕੀਤਾ ਸੀ ਕਿ ਉਨ੍ਹਾਂ ਦੇ ਘਰ ਜਲਦ ਹੀ ਇਕ ਨੰਨ੍ਹਾ ਮਹਿਮਾਨ ਆਉਣ ਵਾਲਾ ਹੈ। ਸੋਸ਼ਲ ਮੀਡੀਆ 'ਤੇ ਇਕ ਪੋਸਟ ਦੇ ਜਰੀਏ ਉਨ੍ਹਾਂ ਨੇ ਇਹ ਜਾਣਕਾਰੀ ਦਿੱਤੀ ਸੀ। ਅਨੁਸ਼ਕਾ ਨੇ ਆਖ਼ਰੀ ਵਾਰ ਫ਼ਿਲਮ 'ਜ਼ੀਰੋ' 'ਚ ਨਜ਼ਰ ਆਈ ਸੀ ਹਾਲਾਂਕਿ ਉਹ ਆਪਣੇ ਪ੍ਰੋਡਕਸ਼ਨ ਹਾਊਸ 'ਚ ਕਾਫ਼ੀ ਰੁੱਝੀ ਰਹੀ। ਉਨ੍ਹਾਂ ਨੇ ਓ. ਟੀ. ਟੀ. ਪਲੇਟਫਾਰਮ ਲਈ ਵੈੱਬ ਸੀਰੀਜ਼ 'ਪਾਤਾਲ ਲੌਕ' , ਫ਼ਿਲਮ 'ਬੁਲਬੁਲ' ਦਾ ਨਿਰਮਾਣ ਕੀਤਾ।
IPL 2020 CSK vs RR : 'ਕਰੋ ਜਾਂ ਮਰੋ' ਮੈਚ 'ਚ ਅੱਜ ਚੇਨਈ-ਰਾਜਸਥਾਨ ਟੀਮਾਂ ਹੋਣਗੀਆਂ ਆਹਮੋ-ਸਾਹਮਣੇ
NEXT STORY