ਵੈੱਬ ਡੈਸਕ- ਅਸੀਂ ਸਾਰੇ ਹੁਣ ਨਵੇਂ ਸਾਲ 2026 ਵਿੱਚ ਪ੍ਰਵੇਸ਼ ਕਰ ਚੁੱਕੇ ਹਾਂ। ਨਵਾਂ ਸਾਲ ਆਉਂਦੇ ਹੀ ਲੋਕ ਉਤਸ਼ਾਹ ਨਾਲ ਆਪਣੇ ਘਰਾਂ, ਦੁਕਾਨਾਂ ਜਾਂ ਦਫ਼ਤਰਾਂ ਵਿੱਚ ਨਵਾਂ ਕੈਲੰਡਰ ਲਗਾਉਂਦੇ ਹਨ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਕੈਲੰਡਰ ਲਗਾਉਣ ਦੀ ਦਿਸ਼ਾ ਤੁਹਾਡੀ ਕਿਸਮਤ, ਸੁੱਖ ਅਤੇ ਸਮ੍ਰਿੱਧੀ 'ਤੇ ਸਿੱਧਾ ਅਸਰ ਪਾਉਂਦੀ ਹੈ। ਵਾਸਤੂ ਸ਼ਾਸਤਰ ਅਨੁਸਾਰ ਜੇਕਰ ਕੈਲੰਡਰ ਗਲਤ ਦਿਸ਼ਾ ਵਿੱਚ ਲੱਗਿਆ ਹੋਵੇ ਤਾਂ ਇਹ ਤਰੱਕੀ ਦੀ ਰਾਹ ਵਿੱਚ ਵੱਡੀ ਰੁਕਾਵਟ ਬਣ ਸਕਦਾ ਹੈ।
ਦੱਖਣ ਦਿਸ਼ਾ ਵਿੱਚ ਕੈਲੰਡਰ ਲਗਾਉਣਾ ਪੈ ਸਕਦਾ ਹੈ ਭਾਰੀ
ਸਰੋਤਾਂ ਅਨੁਸਾਰ ਘਰ ਦੀ ਦੱਖਣ ਦਿਸ਼ਾ ਵਿੱਚ ਕਦੇ ਵੀ ਕੈਲੰਡਰ ਨਹੀਂ ਲਗਾਉਣਾ ਚਾਹੀਦਾ। ਇਸ ਦਿਸ਼ਾ ਵਿੱਚ ਕੈਲੰਡਰ ਲਗਾਉਣ ਦੇ ਨੁਕਸਾਨ ਹੇਠ ਲਿਖੇ ਹਨ:
• ਸਿਹਤ 'ਤੇ ਅਸਰ: ਇਸ ਦਾ ਨਕਾਰਾਤਮਕ ਪ੍ਰਭਾਵ ਘਰ ਦੇ ਮੁਖੀ ਦੀ ਸਿਹਤ 'ਤੇ ਪੈ ਸਕਦਾ ਹੈ,।
• ਤਰੱਕੀ ਵਿੱਚ ਰੁਕਾਵਟ: ਤਰੱਕੀ ਦੇ ਮੌਕੇ ਘਟਣ ਲੱਗਦੇ ਹਨ ਅਤੇ ਘਰ ਦੀ ਸੁੱਖ-ਸ਼ਾਂਤੀ ਵਿੱਚ ਗਿਰਾਵਟ ਆਉਂਦੀ ਹੈ।
ਕਿਹੜੀ ਦਿਸ਼ਾ ਹੈ ਸਭ ਤੋਂ ਸ਼ੁੱਭ?
ਵਾਸਤੂ ਅਨੁਸਾਰ ਦੱਖਣ ਨੂੰ ਛੱਡ ਕੇ ਬਾਕੀ ਦਿਸ਼ਾਵਾਂ ਦੇ ਆਪਣੇ ਫਾਇਦੇ ਹਨ:
• ਪੂਰਬ ਦਿਸ਼ਾ : ਇਸ ਦਿਸ਼ਾ ਵਿੱਚ ਕੈਲੰਡਰ ਲਗਾਉਣਾ ਉੱਨਤੀ ਅਤੇ ਨਵੇਂ ਮੌਕਿਆਂ ਦਾ ਪ੍ਰਤੀਕ ਹੈ। ਇੱਥੇ ਲਾਲ, ਗੁਲਾਬੀ ਜਾਂ ਹਰੇ ਰੰਗ ਦਾ ਕੈਲੰਡਰ, ਜਿਸ ਵਿੱਚ ਉਗਦੇ ਹੋਏ ਸੂਰਜ ਦੀ ਤਸਵੀਰ ਹੋਵੇ, ਲਗਾਉਣਾ ਬਹੁਤ ਸ਼ੁਭ ਮੰਨਿਆ ਜਾਂਦਾ ਹੈ।
• ਉੱਤਰ ਦਿਸ਼ਾ : ਧਨ ਦੀ ਆਮਦ ਅਤੇ ਆਰਥਿਕ ਖੁਸ਼ਹਾਲੀ ਲਈ ਇਹ ਦਿਸ਼ਾ ਸਭ ਤੋਂ ਉੱਤਮ ਹੈ। ਇੱਥੇ ਨਦੀ, ਝਰਨੇ ਜਾਂ ਵਿਆਹ ਵਰਗੇ ਸ਼ੁੱਭ ਪ੍ਰਸੰਗਾਂ ਵਾਲੇ ਚਿੱਤਰਾਂ ਵਾਲਾ ਕੈਲੰਡਰ ਲਗਾਉਣਾ ਚਾਹੀਦਾ ਹੈ। ਹਰੇ, ਨੀਲੇ ਅਤੇ ਸਫੈਦ ਰੰਗਾਂ ਦੀ ਵਰਤੋਂ ਲਾਭਦਾਇਕ ਰਹਿੰਦੀ ਹੈ।
• ਪੱਛਮ ਦਿਸ਼ਾ : ਲਾਭ ਅਤੇ ਸਥਿਰਤਾ ਲਈ ਇਹ ਦਿਸ਼ਾ ਢੁਕਵੀਂ ਹੈ,। ਸੁਨਹਿਰੀ ਜਾਂ ਸਫੈਦ ਰੰਗ ਦਾ ਕੈਲੰਡਰ ਇੱਥੇ ਲਗਾਉਣ ਨਾਲ ਘਰ ਵਿੱਚ ਸ਼ਾਂਤੀ ਬਣੀ ਰਹਿੰਦੀ ਹੈ।
ਇਨ੍ਹਾਂ ਗੱਲਾਂ ਦਾ ਰੱਖੋ ਖ਼ਾਸ ਖ਼ਿਆਲ
1. ਪੁਰਾਣਾ ਕੈਲੰਡਰ ਹਟਾਓ: ਕਦੇ ਵੀ ਨਵੇਂ ਕੈਲੰਡਰ ਨੂੰ ਪੁਰਾਣੇ ਦੇ ਉੱਪਰ ਨਾ ਲਗਾਓ। ਪੁਰਾਣਾ ਕੈਲੰਡਰ ਲੱਗਿਆ ਰਹਿਣ ਨਾਲ ਘਰ ਵਿੱਚ ਨਕਾਰਾਤਮਕ ਊਰਜਾ ਵਧਦੀ ਹੈ ਅਤੇ ਕੰਮਾਂ ਵਿੱਚ ਰੁਕਾਵਟ ਆਉਂਦੀ ਹੈ।
2. ਚਿੱਤਰਾਂ ਦੀ ਚੋਣ: ਕੈਲੰਡਰ ਵਿੱਚ ਕਦੇ ਵੀ ਯੁੱਧ, ਸੁੱਕੇ ਰੁੱਖ, ਮਾਸਾਹਾਰੀ ਜਾਨਵਰ ਜਾਂ ਉਦਾਸੀ ਵਾਲੇ ਚਿੱਤਰ ਨਹੀਂ ਹੋਣੇ ਚਾਹੀਦੇ। ਇਹ ਵਾਸਤੂ ਪੱਖੋਂ ਅਣਉਚਿਤ ਮੰਨੇ ਜਾਂਦੇ ਹਨ।
Vastu Tips : ਸਿਰਫ਼ ਇਹ ਇਕ ਬੂਟਾ ਖੋਲ੍ਹ ਦੇਵੇਗਾ ਤੁਹਾਡੀ ਕਿਸਮਤ , ਘਰ 'ਚ ਨਹੀਂ ਹੋਵੇਗੀ ਪੈਸੇ ਦੀ ਘਾਟ
NEXT STORY 
