ਜਲੰਧਰ (ਬਿਊਰੋ) : ਹਿੰਦੂ ਧਰਮ ’ਚ ਭਗਵਾਨ ਸ਼ਿਵ ਨੂੰ ਸਾਰੇ ਦੇਵੀ-ਦੇਵਤਿਆਂ ਵਿੱਚੋਂ ਵੱਡਾ ਮੰਨਿਆ ਜਾਂਦਾ ਹੈ। ਇਹ ਵੀ ਕਿਹਾ ਜਾਂਦਾ ਹੈ ਕਿ ਭਗਵਾਨ ਸ਼ਿਵ ਹੀ ਦੁਨੀਆ ਚਲਾਉਂਦੇ ਹਨ। ਉਹ ਜਿੰਨੇ ਜਿਹਾ ਭੋਲੇ, ਉਨ੍ਹੇ ਹੀ ਗੁੱਸੇ ਵਾਲੇ ਵੀ ਹਨ। ਸ਼ਾਸਤਰਾਂ ਅਨੁਸਾਰ ਸੋਮਵਾਰ ਦਾ ਦਿਨ ਭਗਵਾਨ ਸ਼ਿਵ ਨੂੰ ਸਮਰਪਿਤ ਹੈ। ਸ਼ਿਵ ਨੂੰ ਖੁਸ਼ ਕਰਨ ਲਈ ਲੋਕ ਵਰਤ ਰੱਖਦੇ ਹਨ ਅਤੇ ਸ਼ਿਵਲਿੰਗ ਦੀ ਪੂਜਾ ਕਰਦੇ ਹਨ।ਸ਼ਿਵਲਿੰਗ ਦੀ ਪੂਜਾ ਕਰਨ ਦੀ ਇਕ ਵਿਧੀ ਹੁੰਦੀ ਹੈ, ਜੇ ਉਸ ਤਰੀਕੇ ਨਾਲ ਸ਼ਿਵਲਿੰਗ ਦੀ ਪੂਜਾ ਨਹੀਂ ਕੀਤੀ ਜਾਂਦੀ, ਤਾਂ ਭਗਵਾਨ ਸ਼ਿਵ ਖੁਸ਼ ਹੋਣ ਦੀ ਬਜਾਏ ਨਾਰਾਜ਼ ਹੋ ਜਾਂਦੇ ਹਨ। ਸ਼ਿਵਪੁਰਾਨ ਅਨੁਸਾਰ, ਇਹ ਜਾਣਨਾ ਬਹੁਤ ਮਹੱਤਵਪੂਰਣ ਹੈ ਕਿ ਭਗਵਾਨ ਦੇ ਸ਼ਿਵਲਿੰਗ ਦੀ ਪੂਜਾ ਕਰਦੇ ਸਮੇਂ ਕੀ ਨਹੀਂ ਕਰਨਾ ਚਾਹੀਦਾ ਅਤੇ ਕੀ ਨਹੀਂ। ਇਸੇ ਲਈ ਆਓ ਜਾਣਦੇ ਹਾਂ ਕਿ ਸ਼ਿਵਲਿੰਗ ਦੀ ਪੂਜਾ ਕਿਵੇਂ ਕਰੀਏ...
ਤੁਲਸੀ ਨਾ ਚੜ੍ਹਾਓ
ਲੋਕ ਮੰਨਦੇ ਹਨ ਕਿ ਪੂਜਾ ਉਦੋਂ ਤੱਕ ਅਧੂਰੀ ਰਹਿੰਦੀ ਹੈ ਜਦ ਤੱਕ ਪ੍ਰਮਾਤਮਾ ਦੀ ਮੂਰਤੀ 'ਤੇ ਤੁਲਸੀ ਨਾ ਚੜ੍ਹਾਈ ਜਾਵੇ। ਜੇਕਰ ਤੁਸੀਂ ਭਗਵਾਨ ਸ਼ਿਵ ਦੀ ਪੂਜਾ ਕਰਦੇ ਹੋ ਤਾਂ ਅਜਿਹੀ ਗਲਤੀ ਕਦੇ ਨਾ ਕਰੋ। ਇਸ ਪਿੱਛੇ ਇਕ ਕਾਰਨ ਇਹ ਹੈ ਕਿ ਭਗਵਾਨ ਕ੍ਰਿਸ਼ਨ ਨੂੰ ਪ੍ਰਸ਼ਾਦ ਚੜ੍ਹਾਉਣ ਮੌਕੇ ਤੁਲਸੀ ਪਾਈ ਜਾਂਦੀ ਹੈ, ਕਿਉਂਕਿ ਭਗਵਾਨ ਕ੍ਰਿਸ਼ਨ ਨੇ ਮਾਤਾ ਤੁਲਸੀ ਨਾਲ ਵਿਆਹ ਕੀਤਾ ਸੀ। ਜਦੋਂ ਤੁਸੀਂ ਸ਼ਿਵਲਿੰਗ ਦੀ ਪੂਜਾ ਕਰਦੇ ਹੋ, ਯਾਦ ਰੱਖੋ ਕਿ ਤੁਹਾਨੂੰ ਇਸ ਨੂੰ ਵੇਲ ਦੇ ਪੱਤੇ 'ਤੇ ਚੜ੍ਹਾਉਣਾ ਚਾਹੀਦੇ ਹਨ।
ਸ਼ਿਵਲਿੰਗ ’ਤੇ ਨਾ ਚੜ੍ਹਾਓ ਹਲਦੀ
ਜੇ ਤੁਸੀਂ ਸ਼ਿਵ ਭਗਤ ਹੋ ਤਾਂ ਤੁਹਾਨੂੰ ਪਤਾ ਹੋਵੇਗਾ ਕਿ ਭਗਵਾਨ ਸ਼ਿਵ ਅਘੋਰੀ ਸਨ। ਅਘੋਰੀਆਂ ਉਤੇ ਉਹ ਵਸਤੂ ਨਹੀਂ ਚੜ੍ਹਾਈ ਜਾਂਦੀ, ਜਿਸ ਦੀ ਜਨਾਨੀਆਂ ਵਰਤੋਂ ਕਰਦੀਆਂ ਹਨ। ਜਨਾਨੀਆਂ ਹਲਦੀ ਦੀ ਵਰਤੋਂ ਆਪਣੀ ਸੁੰਦਰਤਾ ਵਧਾਉਣ ਲਈ ਕਰਦੀਆਂ ਹਨ। ਇਸ ਲਈ ਕਦੇ ਵੀ ਸ਼ਿਵ ਨੂੰ ਹਲਦੀ ਨਾ ਚੜ੍ਹਾਓ। ਕੁਮਕੁਮ ਅਤੇ ਸੁਆਹ ਨਾਲ ਸ਼ਿਵਲਿੰਗ ਦਾ ਸ਼ਿੰਗਾਰ ਕਰੋ।
ਗਾਂ ਦਾ ਦੁੱਧ ਹੀ ਚੜ੍ਹਾਓ
ਜੇ ਤੁਸੀਂ ਭਗਵਾਨ ਸ਼ਿਵ ਨੂੰ ਦੁੱਧ ਚੜ੍ਹਾ ਰਹੇ ਹੋ, ਤਾਂ ਯਾਦ ਰੱਖੋ ਕਿ ਉਨ੍ਹਾਂ ਨੂੰ ਸਿਰਫ਼ ਗਾਂ ਦਾ ਦੁੱਧ ਚੜ੍ਹਾਇਆ ਜਾਣਾ ਚਾਹੀਦਾ ਹੈ ਅਤੇ ਉਹ ਵੀ ਤਾਜ਼ਾ ਹੋਵੇ। ਭਗਵਾਨ ਸ਼ਿਵ ਨੂੰ ਕਦੇ ਪੈਕੇਟ ਜਾਂ ਬਾਸੀ ਦੁੱਧ ਨਾ ਭੇਟ ਕਰੋ। ਸ਼ਿਵਲਿੰਗ 'ਤੇ ਮੱਝ ਦਾ ਦੁੱਧ ਵੀ ਨਾ ਚੜ੍ਹਾਓ।
ਸ਼ਿਵਲਿੰਗ ਉਤੇ ਜਲ ਚੜ੍ਹਾਓ
ਸ਼ਿਵਲੀੰਗ ਨੂੰ ਪਾਣੀ ਦੀ ਧਾਰਾ ਹੇਠਾਂ ਰੱਖਣ ਨਾਲ ਸ਼ਿਵ ਖੁਸ਼ ਹੁੰਦੇ ਹਨ। ਜੇ ਤੁਸੀਂ ਸ਼ਿਵਲਿੰਗ ਨੂੰ ਘਰ ਵਿਚ ਰੱਖਿਆ ਹੈ ਤਾਂ ਯਾਦ ਰੱਖੋ ਕਿ ਧਾਰਾ ਹਮੇਸ਼ਾਂ ਸ਼ਿਵਲਿੰਗ ਦੇ ਹੇਠਾਂ ਰਹਿਣੀ ਚਾਹੀਦੀ ਹੈ ਨਹੀਂ ਤਾਂ ਇਹ ਨਕਾਰਾਤਮਕ ਊਰਜਾ ਨੂੰ ਆਕਰਸ਼ਤ ਕਰਦੀ ਹੈ।
ਸ਼ੰਖ ਦੀ ਵਰਤੋਂ ਨਾ ਕਰੋ
ਸ਼ਿਵਪੁਰਾਨ ਵਿਚ ਲਿਖਿਆ ਹੈ ਕਿ ਭਗਵਾਨ ਸ਼ਿਵ ਨੇ ਸ਼ੰਖਾਚੂਣ ਨਾਮ ਦੇ ਇਕ ਰਾਖਸ਼ ਦਾ ਸੰਹਾਰ ਕੀਤਾ ਸੀ, ਇਸ ਲਈ ਭਗਵਾਨ ਸ਼ਿਵ ਦੀ ਪੂਜਾ ਮੌਕੇ ਸ਼ੰਖ ਨਹੀਂ ਵਜਾਉਣਾ ਚਾਹੀਦਾ ਹੈ। ਪੂਜਾ ਦੌਰਾਨ ਜੇਕਰ ਤੁਸੀਂ ਕੁਝ ਵਜਾਉਣਾ ਚਾਹੁੰਦੇ ਹੋ ਤਾਂ ਡੰਮਰੂ ਜਾਂ ਘੰਟੀ ਵੱਜਾ ਸਕਦੇ ਹੋ। ਰੱਬ ਇਨ੍ਹਾਂ ਦੋਹਾਂ ਯੰਤਰਾਂ ਦੀ ਆਵਾਜ਼ ਨਾਲ ਪ੍ਰਸੰਨ ਹੋ ਜਾਂਦੇ ਹਨ।
ਵਾਸਤੂ ਟਿਪਸ : ਸਖ਼ਤ ਮਿਹਨਤ ਕਰਨ ਦੇ ਬਾਅਦ ਵੀ ਸਫ਼ਲਤਾ ਨਹੀਂ ਮਿਲ ਰਹੀ ਤਾਂ ਅਪਣਾਓ ਇਹ ਉਪਾਅ
NEXT STORY 
