ਵੈੱਬ ਡੈਸਕ - ਅਕਸਰ ਦੇਖਿਆ ਜਾਂਦਾ ਹੈ ਕਿ ਘਰ 'ਚ ਸਭ ਕੁਝ ਠੀਕ ਹੋਣ ਦੇ ਬਾਵਜੂਦ ਵੀ ਬਿਨਾਂ ਕਿਸੇ ਕਾਰਨ ਭਾਰੀਪਨ, ਚਿੜਚਿੜਾਪਨ ਅਤੇ ਤਣਾਅ ਮਹਿਸੂਸ ਹੁੰਦਾ ਹੈ। ਜੇਕਰ ਤੁਹਾਡੇ ਨਾਲ ਵੀ ਅਜਿਹਾ ਹੋ ਰਿਹਾ ਹੈ, ਤਾਂ ਘਰ 'ਚ ਮੌਜੂਦ ਇਕ ਸਧਾਰਨ ਚੀਜ਼ ਮੁਲਤਾਨੀ ਮਿੱਟੀ ਇਸ ਦਾ ਹੱਲ ਬਣ ਸਕਦੀ ਹੈ। ਆਮ ਤੌਰ 'ਤੇ ਚਮੜੀ ਦੀ ਦੇਖਭਾਲ ਲਈ ਵਰਤੀ ਜਾਣ ਵਾਲੀ ਇਹ ਮਿੱਟੀ ਘਰ ਦੀ ਨਕਾਰਾਤਮਕ ਊਰਜਾ ਨੂੰ ਖ਼ਤਮ ਕਰਕੇ ਸਕਾਰਾਤਮਕ ਮਾਹੌਲ ਬਣਾਉਣ 'ਚ ਮਦਦਗਾਰ ਮੰਨੀ ਜਾਂਦੀ ਹੈ।
ਜੋਤਿਸ਼ ਅਤੇ ਵਾਸਤੂ ਮਹੱਤਤਾ
ਜੋਤਿਸ਼ ਸ਼ਾਸਤਰ 'ਚ ਪ੍ਰਿਥਵੀ ਤੱਤ ਨੂੰ ਸਥਿਰਤਾ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ ਅਤੇ ਮੁਲਤਾਨੀ ਮਿੱਟੀ ਇਸੇ ਤੱਤ ਨਾਲ ਜੁੜੀ ਹੋਣ ਕਾਰਨ ਘਰ ਦੀ ਊਰਜਾ ਨੂੰ ਸੰਤੁਲਿਤ ਕਰਦੀ ਹੈ। ਵਾਸਤੂ ਮਾਹਿਰਾਂ ਅਨੁਸਾਰ ਇਸ ਦੀ ਵਰਤੋਂ ਹੇਠ ਲਿਖੇ ਤਰੀਕਿਆਂ ਨਾਲ ਕੀਤੀ ਜਾ ਸਕਦੀ ਹੈ :-
ਮੁੱਖ ਦਰਵਾਜ਼ੇ 'ਤੇ ਰੱਖੋ
- ਘਰ ਦੇ ਮੁੱਖ ਦਰਵਾਜ਼ੇ 'ਤੇ ਇਕ ਛੋਟੀ ਕਟੋਰੀ 'ਚ ਮੁਲਤਾਨੀ ਮਿੱਟੀ ਰੱਖਣ ਨਾਲ ਬਾਹਰੋਂ ਆਉਣ ਵਾਲੀ ਨਕਾਰਾਤਮਕ ਊਰਜਾ ਨੂੰ ਰੋਕਿਆ ਜਾ ਸਕਦਾ ਹੈ, ਜਿਸ ਨਾਲ ਘਰ ਦਾ ਵਾਤਾਵਰਣ ਹਲਕਾ ਮਹਿਸੂਸ ਹੁੰਦਾ ਹੈ।
ਲਿਵਿੰਗ ਰੂਮ 'ਚ ਸ਼ਾਂਤੀ
- ਜੇਕਰ ਘਰ 'ਚ ਅਕਸਰ ਬਹਿਸ ਦਾ ਮਾਹੌਲ ਰਹਿੰਦਾ ਹੈ, ਤਾਂ ਲਿਵਿੰਗ ਰੂਮ 'ਚ ਮੁਲਤਾਨੀ ਮਿੱਟੀ ਰੱਖਣ ਨਾਲ ਮਾਨਸਿਕ ਤਣਾਅ ਘੱਟ ਹੁੰਦਾ ਹੈ ਅਤੇ ਸ਼ਾਂਤੀ ਬਣੀ ਰਹਿੰਦੀ ਹੈ।
ਬਿਹਤਰ ਨੀਂਦ ਲਈ
- ਨੀਂਦ ਦੀ ਸਮੱਸਿਆ ਨਾਲ ਜੂਝ ਰਹੇ ਲੋਕਾਂ ਲਈ ਬੈੱਡਰੂਮ 'ਚ ਮੁਲਤਾਨੀ ਮਿੱਟੀ ਰੱਖਣਾ ਲਾਭਕਾਰੀ ਹੋ ਸਕਦਾ ਹੈ। ਇਹ ਮਨ ਨੂੰ ਸ਼ਾਂਤ ਕਰਕੇ ਨੀਂਦ ਦੀ ਗੁਣਵੱਤਾ 'ਚ ਸੁਧਾਰ ਲਿਆਉਂਦੀ ਹੈ।
ਪੌਦਿਆਂ ਨਾਲ ਵਰਤੋਂ
- ਪੌਦਿਆਂ ਦੀ ਮਿੱਟੀ 'ਚ ਥੋੜ੍ਹੀ ਜਿਹੀ ਮੁਲਤਾਨੀ ਮਿੱਟੀ ਮਿਲਾਉਣ ਨਾਲ ਨਾ ਸਿਰਫ਼ ਪੌਦਿਆਂ ਦਾ ਵਾਧਾ ਵਧੀਆ ਹੁੰਦਾ ਹੈ, ਸਗੋਂ ਘਰ 'ਚ ਤਾਜ਼ਗੀ ਵੀ ਵਧਦੀ ਹੈ।
ਇਨ੍ਹਾਂ ਗੱਲਾਂ ਦਾ ਰੱਖੋ ਖਾਸ ਧਿਆਨ
ਇਨ੍ਹਾਂ ਉਪਾਵਾਂ ਦਾ ਅਸਰ ਹੌਲੀ-ਹੌਲੀ ਦਿਖਾਈ ਦਿੰਦਾ ਹੈ ਪਰ ਇਹ ਯਾਦ ਰੱਖਣਾ ਜ਼ਰੂਰੀ ਹੈ ਕਿ ਮੁਲਤਾਨੀ ਮਿੱਟੀ ਨੂੰ ਹਰ 10 ਤੋਂ 15 ਦਿਨਾਂ ਬਾਅਦ ਬਦਲਦੇ ਰਹਿਣਾ ਚਾਹੀਦਾ ਹੈ ਤਾਂ ਜੋ ਇਸ ਦਾ ਪ੍ਰਭਾਵ ਬਣਿਆ ਰਹੇ। ਇਸ ਦੇ ਨਾਲ ਹੀ ਇਸ ਨੂੰ ਹਮੇਸ਼ਾ ਸਾਫ਼ ਅਤੇ ਸੁੱਕੀ ਥਾਂ 'ਤੇ ਰੱਖਣਾ ਚਾਹੀਦਾ ਹੈ। ਇਹ ਇਕ ਸਸਤਾ ਅਤੇ ਸਰਲ ਤਰੀਕਾ ਹੈ ਜੋ ਘਰ ਦੀ ਖੁਸ਼ਹਾਲੀ 'ਚ ਵਾਧਾ ਕਰ ਸਕਦਾ ਹੈ।
2 ਅਪ੍ਰੈਲ ਨੂੰ ਹਨੂਮਾਨ ਜਯੰਤੀ ਮੌਕੇ ਹੋਵੇਗਾ ਵੱਡਾ ਬਦਲਾਅ, ਇਨ੍ਹਾਂ 4 ਰਾਸ਼ੀਆਂ ਦੀ ਚਮਕੇਗੀ ਕਿਸਮਤ
NEXT STORY 
