ਵੈੱਬ ਡੈਸਕ- ਸਾਬੂਦਾਨਾ ਪਰਾਂਠਾ ਇਕ ਸਵਾਦਿਸ਼ਟ ਅਤੇ ਹੈਲਦੀ ਡਿਸ਼ ਹੈ, ਜੋ ਖ਼ਾਸ ਤੌਰ 'ਤੇ ਵਰਤ ਦੇ ਦਿਨਾਂ 'ਚ ਬਣਾਈ ਜਾਂਦੀ ਹੈ। ਇਹ ਹਲਕਾ, ਪੌਸ਼ਟਿਕ ਅਤੇ ਪਚਣ 'ਚ ਆਸਾਨ ਹੁੰਦਾ ਹੈ। ਇਸ 'ਚ ਸਾਬੂਦਾਨਾ, ਆਲੂ ਅਤੇ ਮੂੰਗਫ਼ਲੀ ਦਾ ਅਨੋਖਾ ਸਵਾਦ ਮਿਲਦਾ ਹੈ, ਜੋ ਇਸ ਨੂੰ ਖ਼ਾਸ ਬਣਾਉਂਦਾ ਹੈ। ਹਰੀ ਚਟਨੀ ਦੇ ਨਾਲ ਪਰੋਸਿਆ ਗਿਆ ਸਾਬੂਦਾਨਾ ਪਰਾਂਠਾ ਨਾਸ਼ਤੇ ਜਾਂ ਡਿਨਰ ਲਈ ਬਿਹਤਰੀਨ ਵਿਕਲਪ ਹੈ।
Servings - 5
ਸਮੱਗਰੀ
- ਹਰਾ ਧਨੀਆ- 2 ਗ੍ਰਾਮ
- ਕੱਚੀ ਮੂੰਗਫਲੀ- 2 ਵੱਡੇ ਚਮਚ
- ਜੀਰਾ- ½ ਛੋਟਾ ਚਮਚ
- ਅਦਰਕ- 1 ਛੋਟਾ ਚਮਚ
- ਹਰੀ ਮਿਰਚ- 1 ਛੋਟਾ ਚਮਚ
- ਸੇਂਧਾ ਲੂਣ- ½ ਛੋਟਾ ਚਮਚ
- ਬਰਫ਼ ਦੇ ਟੁਕੜੇ
- ਨਿੰਬੂ ਦਾ ਰਸ- 2 ਛੋਟੇ ਚਮਚ
- ਪਾਣੀ- 60 ਮਿਲੀਲਿਟਰ
- ਭੁੰਨਿਆ ਹੋਇਆ ਸਾਬੂਦਾਨਾ- 200 ਗ੍ਰਾਮ
- ਉਬਲੇ ਅਤੇ ਮੈਸ਼ ਕੀਤੇ ਆਲੂ- 300 ਗ੍ਰਾਮ
- ਹਰਾ ਧਨੀਆ- 2 ਵੱਡੇ ਚਮਚ
- ਹਰੀ ਮਿਰਚ- 1 ਵੱਡਾ ਚਮਚ
- ਜੀਰਾ- 1 ਛੋਟਾ ਚਮਚ
- ਸੇਂਧਾ ਲੂਣ- 1 ਛੋਟਾ ਚਮਚ
- ਪਾਣੀ- 100 ਮਿਲੀਲਿਟਰ
- ਸਾਬੂਦਾਣਾ ਦਾ ਆਟਾ- ਬੇਲਣ ਲਈ
- ਘਿਓ- 2 ਵੱਡੇ ਚਮਚ
ਬਣਾਉਣ ਦੀ ਵਿਧੀ
1. ਇਕ ਮਿਕਸਰ 'ਚ 2 ਗ੍ਰਾਮ ਹਰਾ ਧਨੀਆ, 2 ਚਮਚ ਕੱਚੀ ਮੂੰਗਫਲੀ, 1/2 ਚਮਚ ਜੀਰਾ, 1 ਚਮਚ ਅਦਰਕ, 1 ਚਮਚ ਹਰੀਆਂ ਮਿਰਚਾਂ, 1/2 ਚਮਚ ਸੇਂਧਾ ਲੂਣ, ਬਰਫ਼ ਦੇ ਟੁਕੜੇ, 2 ਚਮਚ ਨਿੰਬੂ ਦਾ ਰਸ ਅਤੇ 60 ਮਿ.ਲੀ. ਪਾਣੀ ਪਾਓ। ਇਕ ਸਮੂਥ ਪੇਸਟ 'ਚ ਬਣਾ ਲਵੋ ਅਤੇ ਇਕ ਪਾਸੇ ਰੱਖ ਦਿਓ।
2. ਇਕ ਹੋਰ ਮਿਕਸਰ 'ਚ 200 ਗ੍ਰਾਮ ਭੁੰਨਿਆ ਹੋਇਆ ਸਾਬੂਦਾਨਾ ਪਾ ਕੇ ਬਾਰੀਕ ਪਾਊਡਰ ਬਣਾ ਲਵੋ।
3. ਇਸ ਮਿਸ਼ਰਣ ਨੂੰ ਇਕ ਕਟੋਰੀ 'ਚ ਪਾਓ। 2 ਚਮਚ ਹਰਾ ਧਨੀਆ, 1 ਚਮਚ ਹਰੀਆਂ ਮਿਰਚਾਂ, 1 ਚਮਚ ਅਦਰਕ, 1 ਚਮਚ ਜੀਰਾ, 1 ਚਮਚ ਸੇਂਧਾ ਲੂਣ ਅਤੇ 100 ਮਿ.ਲੀ. ਪਾਣੀ ਪਾਓ ਅਤੇ ਆਟੇ ਨੂੰ ਗੁੰਨੋ।
4. ਆਟੇ ਦਾ ਇਕ ਹਿੱਸਾ ਲਓ ਅਤੇ ਲੋਈਆਂ ਬਣਾ ਲਵੋ। ਸਾਬੂਦਾਨਾ ਦੇ ਆਟੇ ਨਾਲ ਧੂੜਾ ਲਗਾਓ ਅਤੇ ਇਸ ਨੂੰ ਰੋਲਿੰਗ ਪਿੰਨ ਨਾਲ ਰੋਲ ਕਰੋ। ਗੋਲ ਮੋਲਡ ਦੀ ਵਰਤੋਂ ਕਰਕੇ ਗੋਲ ਆਕਾਰ 'ਚ ਕੱਟੋ।
5. ਇਕ ਗਰਮ ਤਵੇ 'ਤੇ ਰੱਖੋ ਅਤੇ ਮੱਧਮ ਅੱਗ 'ਤੇ 1-2 ਮਿੰਟ ਲਈ ਬੇਕ ਕਰੋ। ਪਲਟ ਕੇ ਘਿਓ ਲਗਾਓ। ਫਿਰ ਦੂਜੇ ਪਾਸੇ ਪਲਟ ਕੇ ਘਿਓ ਲਗਾਓ ਅਤੇ ਦੋਵੇਂ ਪਾਸੇ ਸੁਨਹਿਰੀ ਭੂਰਾ ਹੋਣ ਤੱਕ ਪਕਾਓ।
6. ਤਿਆਰ ਕੀਤੀ ਚਟਨੀ ਨਾਲ ਗਰਮਾ-ਗਰਮ ਪਰੋਸੋ।
ਨੋਟ: ਅਜਿਹੀਆਂ ਹੀ ਨਵੀਆਂ-ਨਵੀਆਂ ਅਤੇ ਟੇਸਟੀ ਰੈਸਿਪੀ ਲਈ ਸਾਡੇ Yum Recipes APP ਨੂੰ ਡਾਊਨਲੋਡ ਕਰੋ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Navrati 2025 : ਨਰਾਤਿਆਂ ਦੇ ਛੇਵੇਂ ਦਿਨ ਕਰੋ ਮਾਤਾ ਕਾਤਯਾਯਨੀ ਦੀ ਇਹ ਆਰਤੀ
NEXT STORY 
