ਨਵੀਂ ਦਿੱਲੀ - ਘਰ ਵਿੱਚ ਰੁੱਖ ਅਤੇ ਪੌਦੇ ਲਗਾਉਣ ਨਾਲ ਤੁਹਾਡੇ ਘਰ ਦੀ ਸੁੰਦਰਤਾ ਹੋਰ ਵੀ ਵਧ ਜਾਂਦੀ ਹੈ। ਇਸ ਦੇ ਨਾਲ ਹੀ ਕਈ ਲੋਕਾਂ ਨੂੰ ਘਰ ਵਿਚ ਬੂਟੇ ਲਗਾਉਣ ਦਾ ਸ਼ੌਂਕ ਹੁੰਦਾ ਹੈ। ਦੂਜੇ ਪਾਸੇ ਵਾਸਤੂ ਵਿੱਚ ਰੁੱਖਾਂ ਅਤੇ ਪੌਦਿਆਂ ਦਾ ਖ਼ਾਸ ਮਹੱਤਵ ਹੈ। ਵਾਸਤੂ ਸ਼ਾਸਤਰ ਅਨੁਸਾਰ ਨਾਗਕੇਸਰ ਦਾ ਬੂਟਾ ਤੁਹਾਡੇ ਘਰ ਦੀਆਂ ਸਮੱਸਿਆਵਾਂ ਨੂੰ ਹੱਲ ਕਰਨ ਵਿੱਚ ਮਦਦ ਕਰ ਸਕਦਾ ਹੈ। ਤੁਹਾਨੂੰ ਇੱਜ਼ਤ-ਮਾਣ ਦੇਣ ਦੇ ਨਾਲ-ਨਾਲ ਇਹ ਪੈਸੇ ਦੀ ਤੰਗੀ ਨੂੰ ਵੀ ਦੂਰ ਕਰਦਾ ਹੈ। ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ ਨਾਗਕੇਸਰ ਪੌਦੇ ਨਾਲ ਜੁੜੇ ਕੁਝ ਫਾਇਦਿਆਂ ਬਾਰੇ।
ਵਿੱਤੀ ਸਹਾਇਤਾ
ਘਰ ਵਿੱਚ ਪੈਸੇ ਦੀ ਕਮੀ ਦਾ ਕਾਰਨ ਤੁਹਾਡੇ ਘਰ ਵਿੱਚ ਵਾਸਤੂ ਨੁਕਸ ਵੀ ਹੋ ਸਕਦਾ ਹੈ। ਵਾਸਤੂ ਵੀ ਤੁਹਾਡੇ ਘਰ ਵਿੱਚ ਕਈ ਸਮੱਸਿਆਵਾਂ ਪੈਦਾ ਕਰ ਸਕਦਾ ਹੈ। ਇਸ ਸਮੱਸਿਆ ਤੋਂ ਛੁਟਕਾਰਾ ਪਾਉਣ ਲਈ ਤੁਹਾਨੂੰ ਕਿਸੇ ਵੀ ਮਹੀਨੇ ਦੇ ਸ਼ੁਕਲ ਪੱਖ ਦੇ ਸ਼ੁੱਕਰਵਾਰ ਦੀ ਰਾਤ ਦੇ ਸਮੇਂ ਇਸ ਨੂੰ ਤਿਜੋਰੀ ਜਾਂ ਅਲਮਾਰੀ ਵਿੱਚ ਰੱਖਣਾ ਚਾਹੀਦਾ ਹੈ। ਇਸ ਨਾਲ ਤੁਹਾਡੇ ਘਰ 'ਚ ਧਨ-ਦੌਲਤ ਵਧੇਗੀ।
ਇਹ ਵੀ ਪੜ੍ਹੋ : Vastu Shastra : ਘਰ 'ਚ ਬੰਸਰੀ ਰੱਖਣ ਦੇ ਹੁੰਦੇ ਹਨ ਕਈ ਫ਼ਾਇਦੇ, ਜਾਣ ਕੇ ਹੋਵੋਗੇ ਹੈਰਾਨ
ਭਗਵਾਨ ਸ਼ਿਵ ਨੂੰ ਭੇਂਟ ਕਰੋ
ਨਾਗਕੇਸਰ ਭਗਵਾਨ ਸ਼ਿਵ ਨੂੰ ਬਹੁਤ ਪਸੰਦ ਹੈ। ਤੁਹਾਨੂੰ ਸੋਮਵਾਰ ਜਾਂ ਸਾਵਣ ਦੇ ਮਹੀਨੇ ਸ਼ਿਵਲਿੰਗ 'ਤੇ ਨਾਗਕੇਸਰ ਚੜ੍ਹਾਉਣਾ ਚਾਹੀਦਾ ਹੈ। ਇਸ ਨਾਲ ਭੋਲੇਨਾਥ ਤੁਹਾਡੀਆਂ ਸਾਰੀਆਂ ਮਨੋਕਾਮਨਾਵਾਂ ਪੂਰੀਆਂ ਕਰਨਗੇ।
ਵਾਸਤੂ ਨੁਕਸ ਦੂਰ ਕਰਨ ਲਈ
ਘਰ ਵਿੱਚ ਸਕਾਰਾਤਮਕ ਊਰਜਾ ਲਿਆਉਣ ਲਈ ਤੁਹਾਨੂੰ ਨਾਗਕੇਸਰ ਦੀ ਲੱਕੜ ਨਾਲ ਹਵਨ ਕਰਨਾ ਚਾਹੀਦਾ ਹੈ। ਇਸ ਦਾ ਧੂੰਆਂ ਘਰ ਦੇ ਸਾਰੇ ਮਾਹੌਲ ਨੂੰ ਸ਼ੁੱਧ ਕਰ ਦੇਵੇਗਾ। ਵਾਸਤੂ ਸ਼ਾਸਤਰ ਦੇ ਅਨੁਸਾਰ, ਇਸ ਨਾਲ ਤੁਹਾਡੇ ਘਰ ਦੇ ਵਾਸਤੂ ਨੁਕਸ ਦੂਰ ਹੋ ਜਾਣਗੇ।
ਇਹ ਵੀ ਪੜ੍ਹੋ : Vikat Sankashti Chaturthi: ਅੱਜ ਜ਼ਰੂਰ ਕਰੋ ਇਹ ਉਪਾਅ, ਧਨ-ਦੌਲਤ 'ਚ ਹੋਵੇਗਾ ਵਾਧਾ
ਖੁਸ਼ਹਾਲੀ ਪ੍ਰਾਪਤ ਕਰਨ ਲਈ
ਜੇਕਰ ਤੁਸੀਂ ਘਰ 'ਚ ਖੁਸ਼ਹਾਲੀ ਅਤੇ ਸੁੱਖ-ਸ਼ਾਂਤੀ ਚਾਹੁੰਦੇ ਹੋ ਤਾਂ ਤੁਸੀਂ ਨਾਗਕੇਸਰ ਦੀ ਵਰਤੋਂ ਵੀ ਕਰ ਸਕਦੇ ਹੋ। ਇਸ ਦੇ ਲਈ ਨਾਗਕੇਸਰ, ਹਲਦੀ, ਸੁਪਾਰੀ ਅਤੇ ਤਾਂਬੇ ਦਾ ਇੱਕ ਸਿੱਕਾ ਪੀਲੇ ਕੱਪੜੇ ਵਿੱਚ ਬੰਨ੍ਹ ਕੇ ਭਗਵਾਨ ਸ਼ਿਵ ਨੂੰ ਪੂਜਾ ਅਰਚਨਾ ਨਾਲ ਚੜ੍ਹਾਓ। ਇਸ ਤੋਂ ਬਾਅਦ ਤੁਸੀਂ ਇਸ ਨੂੰ ਚੁੱਕ ਕੇ ਦੁਕਾਨ 'ਤੇ ਰੱਖ ਲਓ। ਇਸ ਤੋਂ ਤੁਹਾਨੂੰ ਕਾਫੀ ਲਾਭ ਮਿਲੇਗਾ।
ਵਪਾਰ ਵਿੱਚ ਤਰੱਕੀ ਹੋਵੇਗੀ
ਮਿਹਨਤ ਕਰਨ ਦੇ ਬਾਵਜੂਦ ਵੀ ਕਈ ਵਾਰ ਤੁਹਾਨੂੰ ਵਪਾਰ ਵਿੱਚ ਲਾਭ ਨਹੀਂ ਮਿਲਦਾ। ਇਸ ਦੇ ਲਈ ਤੁਸੀਂ ਕਿਸੇ ਵੀ ਸ਼ੁਭ ਸਮੇਂ ਵਿੱਚ ਨਿਰਗੁੰਡੀ ਦੀ ਜੜ੍ਹ, ਨਾਗਕੇਸਰ ਦੇ ਫੁੱਲ ਅਤੇ ਪੀਲੀ ਸਰ੍ਹੋਂ ਦੇ ਬੀਜਾਂ ਨੂੰ ਇੱਕ ਸਾਫ਼ ਕੱਪੜੇ ਵਿੱਚ ਬੰਨ੍ਹ ਸਕਦੇ ਹੋ। ਫਿਰ ਇਸ ਪੋਟਲੀ ਨੂੰ ਆਪਣੇ ਦਫ਼ਤਰ ਜਾਂ ਦੁਕਾਨ ਵਿਚ ਰੱਖ ਸਕਦੇ ਹੋ। ਤੁਹਾਡੇ ਕਾਰੋਬਾਰ ਵਿਚ ਤਰੱਕੀ ਹੋਵੇਗੀ।
ਇਹ ਵੀ ਪੜ੍ਹੋ : Vastu Tips : ਮਾਂ ਲਕਸ਼ਮੀ ਦੀ ਵਿਸ਼ੇਸ਼ ਕਿਰਪਾ ਚਾਹੀਦੀ ਹੈ ਤਾਂ ਘਰ 'ਚ ਲਿਆਓ ਇਹ 5 ਚੀਜ਼ਾਂ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਹਰ ਇੱਛਾ ਨੂੰ ਪੂਰਾ ਕਰਨ ਲਈ ਸ਼ੁੱਕਰਵਾਰ ਨੂੰ ਜ਼ਰੂਰ ਕਰੋ ਇਹ ਖ਼ਾਸ ਉਪਾਅ
NEXT STORY 
