ਨਵੀਂ ਦਿੱਲੀ - ਦੇਸ਼ ਭਰ ਵਿਚ 24 ਜੁਲਾਈ 2021 ਨੂੰ ਗੁਰੂ ਪੂਰਨਿਮਾ ਦਾ ਤਿਉਹਾਰ ਮਨਾਇਆ ਜਾਵੇਗਾ। ਗੁਰੂ ਪੂਰਨਿਮਾ ਦੇ ਦਿਨ ਗੰਗਾ ਨਦੀ ਵਿਚ ਇਸ਼ਨਾਨ ਕਰਨਾ ਅਤੇ ਦਾਨ ਕਰਨਾ ਸ਼ੁੱਭ ਮੰਨਿਆ ਜਾਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਹਾੜ ਦੀ ਪੂਰਨਮਾਸ਼ੀ ਨੂੰ ਵੇਦਾਂ ਦੇ ਰਚਨਹਾਰ ਮਹਾਰਿਸ਼ੀ ਵੇਦਵਿਆਸ ਦਾ ਜਨਮ ਹੋਇਆ ਸੀ। ਸਦੀਆਂ ਤੋਂ ਹੀ ਮਹਾਰਿਸ਼ੀ ਵੇਦਵਿਆਸ ਦੇ ਜਨਮ ਦਿਵਸ 'ਤੇ ਖ਼ਾਸ ਪੂਜਾ ਕੀਤੀ ਜਾਂਦੀ ਹੈ। ਗੁਰੂ ਪੂਰਨਿਮਾ ਨੂੰ ਵਿਆਸ ਪੂਜਾ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਹਿੰਦੂ ਧਰਮ ਵਿਚ ਕੁੱਲ ਪੁਰਾਣਾਂ ਦੀ ਸੰਖਿਆ 18 ਹੈ ਅਤੇ ਇਨ੍ਹਾਂ ਸਾਰੇ ਪੁਰਾਣਾਂ ਦੇ ਰਚਨਹਾਰ ਮਹਾਰਿਸ਼ੀ ਵੇਦਵਿਆਸ ਹਨ। ਗੁਰੂ ਦਾ ਸਥਾਨ ਈਸ਼ਵਰ ਦੇ ਸਮਾਨ ਮੰਨਿਆ ਜਾਂਦਾ ਹੈ ਕਿਉਂਕਿ ਗੁਰੂ ਹੀ ਹੈ ਜੋ ਕਿਸੇ ਵਿਅਕਤੀ ਦੇ ਗਿਆਨ ਨੂੰ ਵਧਾਉਂਦਾ ਹੈ। ਗੁਰੂ ਦੁਆਰਾ ਦਰਸਾਏ ਗਏ ਮਾਰਗ ਅਤੇ ਗਿਆਨ ਦੁਆਰਾ ਹੀ ਇਕ ਵਿਅਕਤੀ ਆਪਣੇ ਜੀਵਨ ਵਿਚ ਸਮੇਂ ਸਮੇਂ ਤੇ ਆਉਣ ਵਾਲੇ ਸਾਰੇ ਮੁਸ਼ਕਲ ਸਮੇਂ ਜਾਂ ਹਨੇਰੇ ਨੂੰ ਦੂਰ ਕਰਕੇ ਸਫਲਤਾ ਦੀ ਪੌੜੀ ਚੜ੍ਹ ਜਾਂਦਾ ਹੈ। ਇਸੇ ਲਈ ਗੁਰੂ ਪੂਰਨਿਮਾ ਦੀ ਕਿਸੇ ਵੀ ਵਿਅਕਤੀ ਦੇ ਜੀਵਨ ਵਿਚ ਵੱਡੀ ਮਹੱਤਤਾ ਹੈ।
ਇਹ ਵੀ ਪੜ੍ਹੋ : ਮੋਤੀ ਧਾਰਨ ਕਰਨ ਨਾਲ ਮਿਲਦਾ ਹੈ ਮਾਂ ਲਕਸ਼ਮੀ ਦਾ ਆਸ਼ੀਰਵਾਦ, ਪੈਸੇ ਦੀ ਨਹੀਂ ਹੁੰਦੀ ਕਦੇ ਕਮੀ
ਗੁਰੂ ਪੂਰਨਿਮਾ ਦਾ ਸ਼ੁਭ ਸਮਾਂ
ਪੂਰਨਮਾਸ਼ੀ ਦੀ ਮਿਤੀ 23 ਜੁਲਾਈ 2021, ਸ਼ੁੱਕਰਵਾਰ ਸਵੇਰੇ 10.43 ਵਜੇ ਤੋਂ ਸ਼ੁਰੂ ਹੋਵੇਗੀ ਅਤੇ ਸ਼ਨੀਵਾਰ 24 ਜੁਲਾਈ 2021 ਨੂੰ ਸਵੇਰੇ 08.06 ਤੱਕ ਚੱਲੇਗੀ।
ਗੁਰੂ ਪੂਰਨਿਮਾ ਦੀ ਮਹੱਤਤਾ
ਸਾਰੇ ਧਰਮਾਂ ਵਿਚ ਗੁਰੂ ਦਾ ਸਥਾਨ ਉੱਚਾ ਮੰਨਿਆ ਜਾਂਦਾ ਹੈ। ਕਈ ਵਿਸ਼ਵਾਸਾਂ ਅਨੁਸਾਰ ਮਹਾਂਭਾਰਤ ਦੇ ਲੇਖਕ, ਮਹਾਨ ਰਿਸ਼ੀ ਵੇਦ ਵਿਆਸ ਜੀ ਦਾ ਜਨਮ ਗੁਰੂ ਪੂਰਨਿਮਾ ਦੇ ਦਿਨ ਹੋਇਆ ਸੀ। ਇਸੇ ਲਈ ਗੁਰੂ ਪੂਰਨਮਾ ਨੂੰ ਵਿਆਸ ਪੂਰਨਮਾ ਵੀ ਕਿਹਾ ਜਾਂਦਾ ਹੈ। ਇਸ ਦਿਨ ਲੋਕ ਰਿਸ਼ੀ ਵੇਦ ਵਿਆਸ ਜੀ ਦੀ ਪੂਜਾ ਦੇ ਨਾਲ ਨਾਲ ਆਪਣੇ ਗੁਰੂ, ਇਸ਼ਟ ਅਤੇ ਪਿਆਰੇ ਦੇਵਤਿਆਂ ਦੀ ਪੂਜਾ ਕਰਦੇ ਹਨ ਅਤੇ ਉਨ੍ਹਾਂ ਦੇ ਅਸ਼ੀਰਵਾਦ ਪ੍ਰਾਪਤ ਕਰਦੇ ਹਨ। ਇਹ ਤਿਉਹਾਰ ਗੁਰੂਕੁਲ ਦੇ ਸਮੇਂ ਤੋਂ ਹੀ ਇੱਕ ਪਰੰਪਰਾ ਵਜੋਂ ਮਨਾਇਆ ਜਾਂਦਾ ਆ ਰਿਹਾ ਹੈ।
ਇਹ ਵੀ ਪੜ੍ਹੋ : ਕਿਤੇ ਤੁਹਾਡੀਆਂ ਸਮੱਸਿਆਵਾਂ ਦਾ ਕਾਰਨ ਬਾਥਰੂਮ ਦਾ ਵਾਸਤੂਦੋਸ਼ ਤਾਂ ਨਹੀਂ? ਹੱਲ ਲਈ ਅਪਣਾਓ ਇਹ ਨੁਕਤੇ
ਗੁਰੂ ਪੂਰਨਿਮਾ 'ਤੇ ਬਣ ਰਹੇ ਸ਼ੁੱਭ ਯੋਗ
ਇਸ ਸਾਲ ਗੁਰੂ ਪੂਰਨਿਮਾ 'ਤੇ ਵਿਸ਼ਕੁੰਭ ਯੋਗਾ ਸਵੇਰੇ 06.12 ਵਜੇ ਤੱਕ, ਪ੍ਰੀਤੀ ਯੋਗ 25 ਜੁਲਾਈ ਨੂੰ ਸਵੇਰੇ 03.16 ਵਜੇ ਤੱਕ ਹੋਵੇਗਾ ਅਤੇ ਉਸ ਤੋਂ ਬਾਅਦ ਆਯੁਸ਼ਮਾਨ ਯੋਗ ਹੋਵੇਗਾ। ਜੋਤਿਸ਼ ਸ਼ਾਸਤਰ ਵਿੱਚ ਪ੍ਰੀਤੀ ਅਤੇ ਆਯੁਸ਼ਮਾਨ ਯੋਗ ਦਾ ਇਕੱਠਿਆਂ ਹੋਣਾ ਸ਼ੁਭ ਮੰਨਿਆ ਜਾਂਦਾ ਹੈ। ਪ੍ਰੀਤੀ ਅਤੇ ਆਯੁਸ਼ਮਾਨ ਯੋਗ ਵਿਚ ਕੀਤੇ ਕੰਮ ਵਿਚ ਸਫਲਤਾ ਪ੍ਰਾਪਤ ਹੁੰਦੀ ਹੈ। ਵਿਸਕੁੰਭ ਯੋਗਾ ਵੈਦਿਕ ਜੋਤਿਸ਼ ਵਿੱਚ ਸ਼ੁਭ ਯੋਗਾਂ ਵਿੱਚ ਨਹੀਂ ਗਿਣਿਆ ਜਾਂਦਾ।
ਇਹ ਵੀ ਪੜ੍ਹੋ : ਵਾਸਤੂ ਸ਼ਾਸਤਰ : ਪਰਿਵਾਰ 'ਚ ਨਿੱਤ ਰਹਿੰਦਾ ਹੈ ਝਗੜਾ ਤਾਂ ਅਪਣਾਓ ਇਹ ਨੁਕਤੇ
ਗੁਰੂ ਪੂਰਨਿਮਾ ਪੂਜਾ
- ਜੋਤਿਸ਼ ਸ਼ਾਸਤਰ ਅਨੁਸਾਰ ਗੁਰੂ ਪੂਰਨਿਮਾ 'ਤੇ ਸੁਪਾਰੀ ਦੇ ਪੱਤਿਆਂ, ਨਾਰਿਅਲ ਪਾਣੀ, ਮੋਦਕ, ਕਪੂਰ, ਲੌਂਗ, ਇਲਾਇਚੀ ਨਾਲ ਪੂਜਾ ਕਰਨ ਨਾਲ ਮਨੋਕਾਮਨਾ ਪੂਰੀ ਹੁੰਦੀ ਹੈ।
- ਕਿਹਾ ਜਾਂਦਾ ਹੈ ਕਿ ਗੰਗਾ ਵਿਚ ਨਹਾਉਣ ਨਾਲ ਦਮਾ ਅਤੇ ਚਮੜੀ ਰੋਗਾਂ ਵਿਚ ਲਾਭ ਮਿਲਦਾ ਹੈ।
- ਗੁਰੂ ਪੂਰਨਿਮਾ ਦੇ ਦਿਨ, ਵੈਦਿਕ ਮੰਤਰਾਂ ਦਾ ਜਾਪ ਕਰਨ ਨਾਲ ਗੁਰੂ ਦੀ ਵਿਸ਼ੇਸ਼ ਕਿਰਪਾ ਹੁੰਦੀ ਹੈ।
- ਵਿਸ਼ਵਾਸ ਕੀਤਾ ਜਾਂਦਾ ਹੈ ਕਿ ਗੁਰੂ ਪੂਰਨਿਮਾ ਦੀ ਰਾਤ ਖੀਰ ਬਣਾ ਕੇ ਦਾਨ ਕਰਨ ਨਾਲ ਮਾਨਸਿਕ ਸ਼ਾਂਤੀ ਮਿਲਦੀ ਹੈ। ਇਸ ਦੇ ਨਾਲ ਹੀ ਚੰਦਰ ਗ੍ਰਹਿ ਦਾ ਪ੍ਰਭਾਵ ਵੀ ਦੂਰ ਹੁੰਦਾ ਹੈ। ਇਸ ਦਿਨ ਬਰਗਦ ਦੇ ਦਰੱਖਤ ਦੀ ਵੀ ਪੂਜਾ ਕੀਤੀ ਜਾਂਦੀ ਹੈ।
ਇਹ ਵੀ ਪੜ੍ਹੋ : ਜਾਣੋ ਸੂਰਜ ਦੇਵਤਾ ਨੂੰ ਕਿੰਨੇ ਨਾਵਾਂ ਨਾਲ ਬੁਲਾਇਆ ਜਾਂਦਾ ਹੈ , ਕੀ ਹੈ ਇਨ੍ਹਾਂ ਦੇ ਪਿੱਛੇ ਦੀ ਕਥਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਦਿੱਲੀ ਪੁਲਸ ਵਲੋਂ ਬੋਲਣ ਤੋਂ ਰੋਕਣ ’ਤੇ ਪ੍ਰਤਾਪ ਸਿੰਘ ਬਾਜਵਾ ਨੇ ਘੇਰੀ ਕੇਂਦਰ ਸਰਕਾਰ, ਟਵੀਟ ਕਰ ਆਖੀ ਇਹ...
NEXT STORY 
