ਜਲੰਧਰ (ਜ.ਬ.)— ਪਾਕਿਸਤਾਨੀ ਸਮੱਗਲਰਾਂ ਤੋਂ ਹੈਰੋਇਨ ਮੰਗਵਾ ਕੇ ਵੇਚਣ ਵਾਲੇ ਸਮੱਗਲਰ ਚਰਨਜੀਤ ਸਿੰਘ ਚੰਨੀ ਦੇ ਘਰ 'ਚ ਲੁਕੋ ਕੇ ਰੱਖੀ ਢਾਈ ਲੱਖ ਰੁਪਏ ਦੀ ਡਰੱਗ ਮਨੀ ਸੀ. ਆਈ. ਏ. ਸਟਾਫ-1 ਨੇ ਬਰਾਮਦ ਕੀਤੀ ਹੈ। ਮੁਲਜ਼ਮ ਨੇ ਜਲਾਲਾਬਾਦ ਸਥਿਤ ਕਿਰਾਏ ਦਾ ਘਰ 'ਚ ਬਣੇ ਮੰਦਿਰ 'ਚ ਢਾਈ ਲੱਖ ਰੁਪਏ ਲੁਕੋ ਕੇ ਰੱਖੇ ਸਨ। ਢਾਈ ਲੱਖ ਰੁਪਏ 'ਚ ਸਾਰੇ ਨੋਟ 2-2 ਹਜ਼ਾਰ ਰੁਪਏ ਦੇ ਸਨ। ਇਸ ਤੋਂ ਪਹਿਲਾ ਘਰੋਂ 2 ਲੱਖ ਰੁਪਏ ਦੀ ਡਰੱਗ ਮਨੀ ਬਰਾਮਦ ਹੋਈ ਹੈ। ਇਸ ਕੇਸ 'ਚ ਪੁਲਸ ਕੁੱਲ 5 ਕਿਲੋਂ ਹੈਰੋਇਨ ਅਤੇ 11 ਲੱਖ ਦੀ ਰੁਪਏ ਬਰਾਮਦ ਕਰ ਚੁੱਕੀ ਹੈ। ਸੀ. ਆਈ. ਏ. ਸਟਾਫ-1 ਦੇ ਇੰਚਾਰਜ ਹਰਮਿੰਦਰ ਸਿੰਘ ਸੈਣੀ ਨੇ ਦੱਸਿਆ ਕਿ ਚਰਨਜੀਤ ਸਿੰਘ ਚੰਨਾ ਪੁੱਤਰ ਮੱਖਣ ਸਿੰਘ ਵਾਸੀ ਗੱਟੀ ਮੱਤੜ ਫਿਰੋਜ਼ਪੁਰ ਨੂੰ 6 ਦਿਨਾਂ ਦੇ ਰਿਮਾਂਡ 'ਤੇ ਲਿਆ ਸੀ।
ਪੁੱਛਗਿੱਛ 'ਚ ਪਤਾ ਲੱਗਾ ਹੈ ਕਿ ਉਕਤ ਮੁਲਜ਼ਮ ਨੇ ਪਾਕਿਸਤਾਨ ਤੋਂ ਆਈ ਹੈਰੋਇਨ ਨੂੰ ਵੇਚ ਕੇ ਢਾਈ ਲੱਖ ਰੁਪਏ ਦੀ ਡਰੱਗ ਮਨੀ ਜਲਾਲਾਬਾਦ ਸਥਿਤ ਕਿਰਾਏ ਦੇ ਮਕਾਨ 'ਚ ਲੁਕੋ ਕੇ ਰੱਖੀ ਹੈ। ਸੀ. ਆਈ. ਏ. ਸਟਾਫ-1 ਅਤੇ ਬਸਤੀ ਬਾਵਾ ਖੇਲ ਥਾਣਾ ਦੀ ਪੁਲਸ ਨੇ 10 ਸਤੰਬਰ ਨੂੰ 2 ਸਮੱਗਲਰਾਂ ਨੂੰ 1 ਕਿਲੋ ਹੈਰੋਇਨ ਦੇ ਨਾਲ ਫੜਿਆ ਸੀ। ਦੋਵਾਂ ਤੋਂ ਪੁੱਛਗਿੱਛ ਕਰਨ ਤੋਂ ਬਾਅਦ ਪਤਾ ਲੱਗਾ ਕਿ ਉਹ ਫਿਰੋਜ਼ਪੁਰ ਦੇ ਰਹਿਣ ਵਾਲੇ ਪਿਉ-ਪੁੱਤ ਮੱਖਣ ਸਿੰਘ ਅਤੇ ਚਰਨਜੀਤ ਸਿੰਘ ਚੰਨਾ ਤੋਂ ਹੋਰੈਇਨ ਖਰੀਦ ਕੇ ਲਿਆਏ ਸਨ। ਮੱਖਣ ਸਿੰਘ ਨੇ ਰਿਮਾਂਡ ਦੌਰਾਨ 6.50 ਲੱਖ ਰੁਪਏ ਦੀ ਡਰੱਗ ਮਨੀ ਬਰਾਮਦ ਕਰਵਾਈ ਸੀ, ਜਦਕਿ ਕੁਝ ਦਿਨਾਂ ਤੋਂ ਬਾਅਦ ਪੁਲਸ ਨੇ ਵਡਾਲਾ ਚੌਕ 'ਤੇ ਨਾਕਾਬੰਦੀ ਕਰ ਕੇ ਚਰਨਜੀਤ ਚੰਨਾ ਨੂੰ ਕਾਬੂ ਕਰ ਲਿਆ ਸੀ ਅਤੇ ਉਸ ਦੀ ਨਿਸ਼ਾਨਦੇਹੀ 'ਤੇ ਬਾਰਡਰ ਕੋਲ ਸਥਿਤ ਖੇਤਾਂ 'ਚੋਂ 3 ਕਿਲੋ ਦੀ ਹੈਰੋਇਨ ਅਤੇ 2 ਲੱਖ ਰੁਪਏ ਦੀ ਡਰੱਗ ਮਨੀ ਬਰਮਾਦ ਕੀਤੀ ਸੀ।
7 ਮਹੀਨਿਆਂ 'ਚ ਪਾਕਿਸਤਾਨ ਤੋਂ ਮੰਗਵਾ ਚੁੱਕੇ ਹਨ 25 ਕਿਲੋ ਹੈਰੋਇਨ
ਪੁਲਸ ਵੱਲੋਂ ਕੀਤੀ ਗਈ ਪੁੱਛਗਿੱਛ 'ਚ ਪਤਾ ਲੱਗਾ ਹੈ ਕਿ ਮੱਖਣ ਸਿੰਘ ਅਤੇ ਉਸ ਦਾ ਲੜਕਾ 2 ਮਹੀਨਿਆਂ 'ਚ ਪਾਕਿਸਤਾਨ ਤੋਂ 25 ਕਿਲੋ ਹੈਰੋਇਨ ਮੰਗਵਾ ਚੁੱਕੇ ਹਨ। 25 ਕਿਲੋ 'ਚੋਂ 20 ਕਿ ਹੈਰੋਇਨ ਪਿਉ-ਪੁੱਤਰ ਵੇਚ ਚੁੱਕੇ ਹਨ, ਜਦਕਿ 5 ਕਿਲੋ ਜਲੰਧਰ ਕਮਿਸ਼ਨਰੇਟ ਦੇ ਸੀ. ਆਈ. ਏ. ਸਟਾਫ-1 ਵੱਲੋਂ ਫੜੀ ਜਾ ਚੁੱਕੀ ਹੈ।
ਖੇਤਾਂ ਦੇ ਨੇੜੇ ਹੀ ਪਈ ਮਿਲਦੀ ਸੀ ਲੱਖਾਂ ਰੁਪਏ ਦੀ ਕਮਿਸ਼ਨ
ਚੰਨਾ ਨੇ ਪੁਲਸ ਨੂੰ ਪੁੱਛਗਿੱਛ 'ਚ ਦੱਸਿਆ ਕਿ ਭਾਰਤੀ ਸਮੱਗਲਰ ਆਪਣੇ ਪੱਧਰ 'ਤੇ ਪਾਕਿਸਤਾਨੀ ਸਮੱਗਲਰਾਂ ਤਕ ਹੈਰੋਇਨ ਦੇ ਪੈਸੇ ਪਹੁੰਚਾਉਂਦੇ ਸਨ। ਭਾਰਤੀ ਸਮੱਗਲਰਾਂ ਨੂੰ ਹੈਰੋਇਨ ਦੇਣ ਲਈ ਉਸ ਨੂੰ ਲੋਕੇਸ਼ਨ ਭੇਜੀ ਜਾਂਦੀ ਸੀ, ਜਿਸ ਤੋਂ ਬਾਅਦ ਦੱਸੀ ਗਈ ਲੋਕੇਸ਼ਨ 'ਤੇ ਹੈਰੋਇਨ ਰੱੱਖ ਦਿੰਦਾ ਸੀ ਅਤੇ ਕਮਿਸ਼ਨ ਦੇ ਤੌਰ 'ਤੇ ਉਸ ਨੂੰ ਪੈਸੇ ਮਿਲਦੇ ਸਨ। ਭਾਰਤੀ ਸਮੱਗਲਰ ਵੀ ਬਾਰਡਰ ਦੇ ਕੋਲ ਸਥਿਤ ਉਨ੍ਹਾਂ ਦੇ ਖੇਤਾਂ ਨੇੜੇ ਸੁੰਨਸਾਨ ਜਗਾ 'ਤੇ ਖੜ੍ਹੇ ਮਿਲਦੇ ਸਨ। ਹਾਲਾਂਕਿ ਪੁਲਸ ਨੂੰ ਉਨ੍ਹਾਂ ਦੇ ਮੋਬਾਇਲ 'ਚੋਂ ਕੁਝ ਮੋਬਾਇਲ ਨੰਬਰ ਮਿਲੇ ਸਨ, ਜੋ ਭਾਰਤੀ ਸਮੱਗਲਰਾਂ ਦੇ ਸਨ। ਸ਼ੱਕ ਹੈ ਕਿ ਉਕਤ ਲੋਕ ਇਹ ਨੰਬਰ ਸਿਰਫ ਵਟਸਐਪ ਦੀ ਵਰਤੋਂ ਕਰਨ ਲਈ ਹੀ ਚਲਾਉਂਦੇ ਸਨ, ਜਿਸ ਕਾਰਣ ਉਨ੍ਹਾਂ ਦੀ ਲੋਕੇਸ਼ਨ ਖੰਗਾਲਣੀ ਕਾਫੀ ਮੁਸ਼ਕਲ ਹੈ।
ਇੰਪਰੂਵਮੈਂਟ ਟਰੱਸਟ ਦੀ ਬਦਹਾਲੀ ਦਾ ਮਾੜਾ ਪ੍ਰਭਾਵ ਵਿਕਾਸ ਕਾਰਜਾਂ 'ਤੇ ਵੀ ਦਿਸਣ ਲੱਗੇਗਾ
NEXT STORY