ਨਾਗਰਿਕ ਤਸਦੀਕ ‘ਚ ਜਲੰਧਰ ਪਹਿਲੇ ਸਥਾਨ ‘ਤੇ: 5500 ‘ਚੋਂ 5000 ਅਰਜ਼ੀਆਂ ਹੋਈਆਂ ਕਲੀਅਰ

Edited By Shivani Bassan,
Updated: 27 May, 2025 04:43 PM

ਜਲੰਧਰ- ਨਾਗਰਿਕ ਤਸਦੀਕ ਵਿੱਚ ਪਾਰਦਰਸ਼ਤਾ ਲਿਆਉਣ ਅਤੇ ਕੰਮ ਨੂੰ ਜਲਦੀ ਪੂਰਾ ਕਰਨ ਲਈ ਪੰਜਾਬ ਵਿੱਚ ਕੌਂਸਲਰਾਂ, ਨੰਬਰਦਾਰਾਂ ਅਤੇ ਸਰਪੰਚਾਂ ਦੀਆਂ ਆਈਡੀਆਂ ਬਣਾਈ ਜਾ ਰਹੀਆਂ ਹਨ ਅਤੇ ਉਨ੍ਹਾਂ ਨੂੰ ਸੇਵਾ ਕੇਂਦਰਾਂ ਰਾਹੀਂ ਜੋੜਿਆ ਜਾ ਰਿਹਾ ਹੈ। ਇਸ ਤਹਿਤ ਸਰਪੰਚ, ਨੰਬਰਦਾਰ ਅਤੇ ਕੌਂਸਲਰ ਵੱਖ-ਵੱਖ ਸਰਟੀਫਿਕੇਟਾਂ ਲਈ ਅਰਜ਼ੀਆਂ ਦੀ ਔਨਲਾਈਨ ਤਸਦੀਕ ਕਰ ਰਹੇ ਹਨ। ਇਸ ਵਿੱਚ ਜਲੰਧਰ ਪੰਜਾਬ 'ਚ ਪਹਿਲੇ ਨੰਬਰ 'ਤੇ ਹੈ। ਕੌਂਸਲਰਾਂ, ਨੰਬਰਦਾਰਾਂ ਅਤੇ ਸਰਪੰਚਾਂ ਵੱਲੋਂ ਔਨਲਾਈਨ ਵੈਰੀਫਿਕੇਸ਼ਨ ਰਾਹੀਂ 5500 ਤੋਂ ਵੱਧ ਅਰਜ਼ੀਆਂ ਭੇਜੀਆਂ ਗਈਆਂ ਹਨ, ਜੋ ਕਿ ਦੂਜੇ ਜ਼ਿਲ੍ਹਿਆਂ ਨਾਲੋਂ ਵੱਧ ਹਨ। ਜਿਸ 'ਚੋਂ 5000 ਅਰਜ਼ੀਆਂ ਕਲੀਅਰ ਕੀਤੀਆਂ ਗਈਆਂ ਹਨ।

ਇਹ ਵੀ ਪੜ੍ਹੋ-ਅੰਮ੍ਰਿਤਸਰ ਹੋਏ ਧਮਾਕੇ ਦੇ ਮਾਮਲੇ 'ਚ DIG ਦਾ ਸਨਸਨੀਖੇਜ਼ ਖੁਲਾਸਾ

ਰਿਹਾਇਸ਼ੀ ਸਰਟੀਫਿਕੇਟ, ਜਾਤੀ (SC, BC, OBC), ਆਮਦਨ ਸਰਟੀਫਿਕੇਟ, EWS ਸਰਟੀਫਿਕੇਟ, ਬੁਢਾਪਾ ਪੈਨਸ਼ਨ ਅਤੇ ਡੋਗਰਾ ਸਰਟੀਫਿਕੇਟ ਦੀ ਤਸਦੀਕ ਲਈ ਮੋਹਰ ਲਗਾਉਣ ਪਹਿਲਾਂ ਲਈ ਜਾਣਾ ਪੈਂਦਾ ਸੀ ਪਰ ਹੁਣ ਉਨ੍ਹਾਂ ਦੀ ਤਸਦੀਕ ਔਨਲਾਈਨ ਕੀਤੀ ਜਾ ਰਹੀ ਹੈ। ਹੁਣ ਸੇਵਾ ਕੇਂਦਰਾਂ ਵਿੱਚ ਅਰਜ਼ੀਆਂ ਦੀ ਗਿਣਤੀ ਪਹਿਲਾਂ ਦੇ ਮੁਕਾਬਲੇ ਵੱਧ ਰਹੀ ਹੈ ਕਿਉਂਕਿ ਕੌਂਸਲਰਾਂ, ਨੰਬਰਦਾਰਾਂ ਅਤੇ ਸਰਪੰਚਾਂ ਦੇ ਆਈਡੀ ਤੋਂ ਅਰਜ਼ੀਆਂ ਸਿਰਫ਼ ਸੇਵਾ ਕੇਂਦਰਾਂ ਰਾਹੀਂ ਹੀ ਕਲੀਅਰ ਕੀਤੀਆਂ ਜਾ ਰਹੀਆਂ ਹਨ। ਜਲੰਧਰ ਸਾਲ 2024 ਤੋਂ ਈ-ਸੇਵਾ ਵਿੱਚ ਲਗਾਤਾਰ ਚੋਟੀ ਦੇ-3 ਸਥਾਨ ਨੂੰ ਬਰਕਰਾਰ ਰੱਖ ਰਿਹਾ ਹੈ।

ਇਹ ਵੀ ਪੜ੍ਹੋ-ਲਓ ਜੀ! ਪੰਜਾਬ 'ਚ ਲਗਾਤਾਰ 3 ਛੁੱਟੀਆਂ, ਲੱਗ ਗਈਆਂ ਮੌਜਾਂ

ਜਲੰਧਰ ਵਿੱਚ 880 ਸਰਪੰਚ ਹਨ। ਇਸ ਔਨਲਾਈਨ ਪ੍ਰਕਿਰਿਆ ਤਹਿਤ, ਨਕੋਦਰ, ਸ਼ਾਹਕੋਟ, ਫਿਲੌਰ, ਆਦਮਪੁਰ ਅਤੇ ਗੁਰਾਇਆ ਦੇ 251 ਕੌਂਸਲਰਾਂ ਨੂੰ ਆਈਡੀ ਤਿਆਰ ਕਰਕੇ ਦਿੱਤੇ ਗਏ ਹਨ, ਜਿਨ੍ਹਾਂ ਵਿੱਚ ਸ਼ਹਿਰ ਦੇ 85 ਕੌਂਸਲਰ ਅਤੇ 1458 ਨੰਬਰਦਾਰ ਸ਼ਾਮਲ ਹਨ।

ਇਹ ਵੀ ਪੜ੍ਹੋ- ਡੇਰਾ ਬਿਆਸ ਵੱਲੋਂ ਜਾਰੀ ਹੋਇਆ ਅਹਿਮ ਨੋਟੀਫਿਕੇਸ਼ਨ

ਕੌਂਸਲਰਾਂ, ਨੰਬਰਦਾਰਾਂ ਅਤੇ ਸਰਪੰਚਾਂ ਦੀਆਂ ਕੁੱਲ ਅਰਜ਼ੀਆਂ

ਜ਼ਿਲ੍ਹਾ	ਅਰਜ਼ੀਆਂ ਆਈਆਂ	ਕਲੀਅਰ ਹੋਈਆਂ
ਜਲੰਧਰ	5500	5000
ਮਾਨਸਾ	5276	4540
ਤਰਨਤਾਰਨ	2256	1937
ਲੁਧਿਆਣਾ	1746	1038
ਅੰਮ੍ਰਿਤਸਰ	2701	2073
ਮੁਕਤਸਰ	1770	1401
ਐੱਸ ਏ ਐੱਸ ਨਗਰ	1714	1407
ਪਠਾਨਕੋਟ	2140	1774
ਪਟਿਆਲਾ	2756	2359
ਫਿਰੋਜ਼ਪੁਰ	1839	1577
ਕਪੂਰਥਲਾ	3504	3177
ਐੱਸ ਬੀ ਐੱਸ ਨਗਰ	1288	1170
ਸੰਗਰੂਰ	1830	1664
ਰੂਪਨਗਰ	3533	3214
ਮਲੇਰਕੋਟਲਾ	1421	1307
ਗੁਰਦਾਸਪੁਰ	1904	1763
ਮੋਗਾ	612	490
ਫਤਿਹਗੜ੍ਹ ਸਾਹਿਬ	792	639
ਫਾਜ਼ਿਲਕਾ	262	212
ਹੁਸ਼ਿਆਰਪੁਰ	963	789