ਸੁਲਤਾਨਪੁਰ ਲੋਧੀ (ਧੰਜੂ)— ਜਨਤਾ ਨਾਲ ਠੱਗ ਠੱਗੀਆਂ ਮਾਰਨ ਦੇ ਨਵੇਂ ਤਰੀਕੇ ਭਾਲ ਲੈਂਦੇ ਹਨ।ਠੱਗੀ ਮਾਰਨ ਦੀ ਮਸਾਲ ਪਿੰਡ ਸ਼ੇਰਪੁਰ ਡੋਗਰਾਂ ਵਿਖੇ ਬਿਲਕੁੱਲ ਨਵੇਂ ਅੰਦਾਜ਼ ਵਿੱਚ ਸਾਹਮਣੇ ਆਈ ਹੈ।ਦੁਖੀ ਹਿਰਦੇ ਨਾਲ ਗੱਲਬਾਤ ਕਰਦਿਆਂ ਮਨਜੀਤ ਕੌਰ ਪਤਨੀ ਅਜੀਤ ਸਿੰਘ ਵਾਸੀ ਸ਼ੇਰਪੁਰ ਡੋਗਰਾਂ ਨੇ ਦੱਸਿਆ ਕਿ ਮੇਰੀ ਲੱਤ ਵਿੱਚ ਦਰਦ ਹੋਣ ਕਾਰਨ ਮੇਰੇ ਰਿਸ਼ਤੇਦਾਰ ਨੇ ਦੱਸਿਆ ਕਿ ਜੱਬੋਵਾਲ 'ਚ ਇੱਕ ਬਾਬਾ ਹੈ ਜੋ ਫਾਂਡਾ ਕਰਦਾ ਹੈ ਤੇ ਲੱਤ ਠੀਕ ਹੋ ਜਾਂਦੀ ਹੈ।ਮੈਂ ਉਸ ਦੀ ਗੱਲ ਮੰਨ ਕੇ ਆਪਣੀ ਪਤੀ ਨਾਲ ਪਿੰਡ ਜੱਬੋਵਾਲ ਵਾਲੇ ਬਾਬੇ ਕੋਲ ਗਈ।ਜਿਥੇ ਸਾਨੂੰ ਉਸ ਬਾਬੇ ਨੇ ਲੱਤ ਠੀਕ ਕਰਨ ਦਾ ਵਿਸ਼ਵਾਸ ਦੁਆਇਆ।ਜਿਸ ਉਪਰੰਤ ਅਸੀਂ ਉਸ ਨੂੰ ਮਿਲਣ ਤੋਂ ਬਾਅਦ ਬਾਹਰ ਆਏ ਤਾਂ ਉਸੇ ਬਾਬੇ ਕੋਲ ਬੈਠਾ ਇੱਕ ਨੋਜਵਾਨ ਜਿਸ ਦੀ ਉਮਰ ਲੱਗਭੱਗ 40-42 ਸਾਲ ਸੀ,ਉਹ ਸਾਡੇ ਕੋਲ ਆ ਗਿਆ ਤੇ ਮੇਰੇ ਰਿਸ਼ਤੇਦਾਰ ਕੋਲੋਂ ਮੋਬਾਇਲ ਨੰਬਰ ਦੀ ਮੰਗ ਕਰਨ ਲੱਗਾ।ਮੇਰੇ ਰਿਸ਼ਤੇਦਾਰ ਨੇ ਉਸ ਨੂੰ ਫੋਨ ਨੰਬਰ ਦੇ ਦਿੱਤਾ।ਜਦੋਂ ਅਸੀਂ ਆਪਣੇ ਪਿੰਡ ਸ਼ੇਰਪੁਰ ਡੋਗਰਾਂ ਆਏ ਤਾਂ ਉਸ ਨੋਜਵਾਨ ਨੇ ਸਾਨੂੰ ਫੋਨ ਕਰਕੇ ਸਾਡੇ ਨਾਲ ਗੱਲਾਂ ਕੀਤੀਆਂ ਤੇ ਕਹਿਣ ਲੱਗਾ ਕਿ ਜੱਬੋਵਾਲ ਵਾਲੇ ਬਾਬੇ ਨੂੰ ਇਸ ਬਾਰੇ ਕੁਝ ਨਹੀਂ ਪਤਾ।ਇਸ ਦਾ ਇਲਾਜ ਕਾਲੇ ਇਲਮ ਨਾਲ ਹੋਣਾ ਹੈ ਜੋ ਮੈਂ ਕਰ ਸਕਦਾ ਹਾਂ।ਅਸੀਂ ਗਰੀਬ ਤੇ ਭੋਲੇ ਲੋਕ ਉਸ ਠੱਗ ਤੇ ਵਿਸ਼ਵਾਸ ਕਰ ਬੈਠੇ।ਅਸੀਂ ਮਿਲਣ ਦੀ ਇੱਛਾ ਜਤਾਈ ਤਾਂ ਉਸ ਨੇ ਕਿਹਾ ਕਿ ਮੈਂ ਤਲਵੰਡੀ ਚੌਧਰੀਆਂ ਖੜਾ ਹਾਂ ਮੈਨੂੰ ਆ ਕੇ ਲੈ ਜਾਓ ਸਾਡੇ ਘਰਦੇ ਮੈਂਬਰ ਗਏ ਤੇ ਉਸ ਨੂੰ ਆਪਣੇ ਨਾਲ ਲੈ ਕੇ ਘਰ ਆ ਗਏ।ਘਰ ਬੈਠਾ ਮੰਤਰ ਪੜ ਕੇ ਕਹਿਣ ਲੱਗਾ ਤੁਹਾਡੇ ਘਰ ਵਿੱਚ ਪਾਰਣੀ ਦੇਗ ਦੱਬੀ ਹੈ ਤੇ ਉਸ ਤੇ ਨਾਗ ਦਾ ਪਹਿਰਾ ਹੈ।ਮੈਂ ਇਲਮ ਨਾਲ ਨਾਗ ਨੂੰ ਹੱਟਾਂ ਦਿਆਂਗਾ।ਤੁਸੀਂ ਉਹ ਦੇਗ ਕੱਢ ਲੈਣੀ ਜਿਸ ਨਾਲ ਤੁਸੀਂ ਬਹੁਤ ਅਮੀਰ ਹੋ ਜਾਵੋਗਾ ਪਰ ਦੇਗ ਵਿੱਚੋਂ ਚੌਥਾ ਹਿੱਸਾ ਮੇਰਾ ਹੋਵੇਗਾ।ਅਸੀਂ ਉਸ ਦੀਆਂ ਗੱਲਾਂ ਵਿੱਚ ਆ ਗਏ ਤੇ ਚੌਥਾ ਹਿੱਸਾ ਦੇਣ ਲਈ ਤਿਆਰ ਹੋ ਗਏ।ਠੱਗ ਬਾਬੇ ਨੇ ਸਾਰਾ ਕੁਝ ਕਰਨ ਦਾ 35 ਤੋਂ 40 ਹਜ਼ਾਰ ਦਾ ਖਰਚਾ ਦੱਸਿਆ।ਦੋ ਹਜ਼ਾਰ ਰੂਪੈ ਸਾਡੇ ਕੋਲੋਂ ਉਸ ਦਿਨ ਫੜਕੇ ਲੈ ਗਿਆ ਤੇ ਬਾਅਦ ਵਿੱਚ ਇਸ ਤਰਾਂ ਕਈ ਤਰਾਂ ਦੇ ਲਾਲਚ ਦੇ ਕੇ ਸਾਡੇ ਕੋਲੋਂ ਪੈਸੇ ਭਟੋਰਦਾ ਰਿਹਾ।ਅਸੀਂ ਆਪਣੀ ਜ਼ਮੀਨ ਵੇਚ ਕੇ ਉਸ ਨੂੰ ਲੱਗਭੱਗ 18 ਲੱਖ ਦੇ ਚੁੱਕੇ ਹਾਂ।ਮਨਜੀਤ ਕੌਰ ਨੇ ਦੱਸਿਆ ਕਿ ਜਦੋਂ ਵੀ ਉਸ ਨੇ ਫੋਨ ਕਰਨਾ ਤਾਂ ਹਰ ਰੋਜ਼ ਨਵੇਂ ਨਵੇਂ ਤਰੀਕੇ ਜਿਸ ਤਰ੍ਹਾਂ ਬੱਕਰੇ ਦੀ ਬਲੀ,ਘੋੜੀ ਦਾ ਦੁੱਧ,ਬਾਹਰਲਾ ਸੈਂਟ ਆਦਿ ਕਈ ਤਰ੍ਹਾਂ ਦੀ ਵਸਤਾਂ ਜੋ ਬਹੁਤ ਮਹਿੰਗੀਆਂ ਤੇ ਸਾਡੇ ਵਸੋਂ ਬਾਹਰ ਹੁੰਦੀਆਂ ਸੀ।ਉੇਹਨਾਂ ਦੇ ਸਾਡੇ ਕੋਲੋਂ ਪਾਸੇ ਮੰਗਵਾ ਲੈਂਦਾ ਸੀ।ਉਸਨੇ ਨਵੇਂ ਤਰੀਕੇ ਨਾਲ ਸਾਡੇ ਕੋਲੋਂ ਪੈਸਿਆਂ ਦੀ ਮੰਗ ਕੀਤੀ ਪਰ ਅਸੀਂ ਪੈਸੇ ਦੇਣ ਤੋਂ ਕੋਰੀ ਨਾਂਹ ਕਰ ਦਿੱਤੀ।ਇਸ ਦੇ ਬਾਵਯੂਦ ਸਾਨੂੰ ਉਸ ਨੇ ਘਰ ਵਿੱਚ ਟੋਇਆ ਪੁੱਟ ਕੇ ਦੇਗ ਬਾਹਰ ਕੱਢਣ ਲਈ ਆਖਿਆ,ਅਸੀਂ ਤੁਰੰਤ ਟੋਇਆ ਪੁੱਟ ਦਿਤਾ ਪਰ ਉਥੋਂ ਕੁਝ ਹਾਸਲ ਨਹੀਂ ਹੋਇਆ।ਫੋਰਨ ਠੱਗ ਬਾਬੇ ਦਾ ਫੋਨ ਆ ਗਿਆ ਕਿ ਟੋਇਆ ਪੂਰ ਦਿਓ ਮੈਂ ਇਲਮ ਨਾਲ ਦੇਗ ਖਿੱਚ ਲਈ ਹੈ ਤੇ ਜੋ ਤੁਹਾਡਾ ਸਮਾਨ ਤੁਹਾਨੂੰ ਭੇਜ ਦਿੱਤਾ ਜਾਵੇਗਾ।ਫਿਰ ਉਸਨੇ ਆਪਣੇ ਕੋਲੋਂ ਦੋ ਵਾਰ 50 ਹਜ਼ਾਰ ਰੂਪੈ, ਬੰਦ ਗਾਗਰ, ਗਹਿਣੇ ਇਸ ਤਰ੍ਹਾਂ ਦੀਆਂ ਕਈ ਵਸਤਾਂ ਦਿਤੀਆਂ ਤੇ ਕਿਹਾ ਕਿ ਜਦੋਂ ਮੈਂ ਕਹਾਂ ਗਾ ਫਿਰ ਖੋਲਣਾ, ਜਿਨ੍ਹਾਂ ਨੂੰ ਬਾਅਦ ਵਿੱਚ ਖੋਲਿਆ ਗਿਆ ਤਾਂ ਪੈਸਿਆਂ ਸਮੇਤ ਸਾਰਾ ਕੁਝ ਨਕਲੀ ਸੀ।ਉਹ ਠੱਗ ਸਾਨੂੰ ਸਿਰਫ ਇਕ ਦੋ ਵਾਰ ਹੀ ਮਿਲਿਆ ਸੀ ਬਾਅਦ 'ਚ ਪੈਸੇ ਲੈਣ ਸਾਡੇ ਪਾਸੋਂ ਇੱਕ ਕਾਰ ਚਾਲਕ ਆਉਂਦਾ ਸੀ ਜਿਸ ਦਾ ਨਾਮ ਤੇ ਕਾਰ ਦਾ ਨੰਬਰ ਅਸੀਂ ਐਸ.ਐਸ.ਪੀ ਸਾਹਿਬ ਕਪੁਰਥਲਾ ਨੂੰ ਦਿੱਤੀ ਦਰਖਾਸਤ ਵਿੱਚ ਲਿਖ ਦਿੱਤਾ ਹੈ। ਠੱਗ ਦਾ ਨਾਮ, ਪਿੰਡ ਅਤੇ ਮੋਬਾਇਲ ਨੰਬਰ ਜਿਸ ਤੋਂ ਸਾਨੂੰ ਫੋਨ ਕਰਦਾ ਸੀ ਉਹ ਵੀ ਲਿਖਤੀ ਦੇ ਦਿੱਤਾ ਗਿਆ ਹੈ।ਮਨਜੀਤ ਕੌਰ ਪਤਨੀ ਅਜੀਤ ਸਿੰਘ ਵਾਸੀ ਸੇਰਪੁਰ ਡੋਗਰਾਂ ਨੇ ਐਸ.ਐਸ.ਪੀ ਅਤੇ ਪੁਲਸ ਪ੍ਰਸ਼ਾਸਨ ਕੋਲੋਂ ਮੰਗ ਕੀਤੀ ਹੈ ਕਿ ਤੁਰੰਤ ਠੱਗ ਬਾਬੇ ਨੂੰ ਗ੍ਰਿਫਤਾਰ ਕਰਕੇ ਸਾਡੇ ਪਾਸੋਂ ਲੁੱਟਿਆ ਗਿਆ ਪੈਸਾ ਸਾਨੂੰ ਵਾਪਸ ਕਰਵਾਇਆ ਜਾਵੇ।
ਮਾਮਲੇ ਦੀ ਤਫਤੀਸ਼ ਕਰ ਰਹੇ ਡੀ.ਐਸ.ਪੀ ਵਿਸ਼ਾਲਜੀਤ ਸਿੰਘ ਨਾਲ ਗੱਲਬਾਤ ਕਰਨ ਤੇ ਉਹਨਾਂ ਦੱਸਿਆ ਕਿ ਮਨਜੀਤ ਕੌਰ ਪਤਨੀ ਅਜੀਤ ਸਿੰਘ ਵਾਸੀ ਡੋਗਰਾਂਵਾਲ ਵਲੋਂ ਦਿੱਤੀ ਗਈ ਦਰਖਾਸਤ ਸਬੰਧੀ ਕਾਨੂੰਨੀ ਕਾਰਵਾਈ ਚੱਲ ਰਹੀ।
ਤਰਕਸ਼ੀਲ ਸੁਸਾਇਟੀ ਇਕਾਈ ਟਿੱਬਾ ਦੇ ਪ੍ਰਧਾਨ ਜਸਬੀਰ ਸਿੰਘ ਨੇ ਦੱਸਿਆ ਕਿ ਪੁਰਤੱਤਵ ਵਿਭਾਗ ਹੀ ਸਾਇੰਸ ਦੀ ਤਕਨੋਲਜੀ ਨਾਲ ਦੱਸ ਸਕਦਾ ਹੈ ਕਿ ਭਾਰਤ ਵਿੱਚ ਖਣਿਜ ਪਦਾਰਥ (ਸੋਨਾ) ਦਾ ਭੰਡਾਰ ਕਿਥੇ ਹੈ।ਇਹ ਆਮ ਬੰਦੇ ਜਾਂ ਕਿਸੇ ਬਾਬੇ ਦੇ ਵੱਸ ਦੀ ਗੱਲ ਨਹੀਂ ਹੈ।ਤਰਕਸ਼ੀਲ ਸੁਸਾਇਟੀ ਇਕਾਈ ਟਿੱਬਾ ਵਲੋਂ ਇਲਾਕੇ ਨਿਵਾਸੀਆਂ ਨੂੰ ਅਪੀਲ ਕੀਤੀ ਜਾਂਦੀ ਹੈ ਕਿ ਅਜਿਹੇ ਠੱਗ ਬਾਬਿਆਂ ਤੋਂ ਦੂਰ ਰਹੋ।ਉਹਨਾਂ ਜਿਲ੍ਹਾ ਪ੍ਰਸ਼ਾਸਨ ਕੋਲੋਂ ਮੰਗ ਕੀਤੀ ਹੈ ਕਿ ਜਿਸ ਠੱਗ ਨੇ ਮਨਜੀਤ ਕੌਰ ਨਾਲ ਠੱਗੀ ਮਾਰੀ ਉਸ ਤੇ ਬਣਦੀ ਕਨੂੰਨੀ ਕਾਰਵਾਈ ਕੀਤੀ ਜਾਵੇ।
ਜਲੰਧਰ ਪਾਸਪੋਰਟ ਦਫਤਰ ਨੂੰ ਮਿਲਿਆ ਸਰਵੋਤਮ ਪਾਸਪੋਰਟ ਕੇਂਦਰ ਦਾ ਐਵਾਰਡ
NEXT STORY 
