ਜਲੰਧਰ- ਕਿਹਾ ਜਾਂਦਾ ਹੈ ਕਿ ਪਿਆਰ ਅੰਨ੍ਹਾ ਹੁੰਦਾ ਹੈ, ਜਿਸ ਦੀ ਮਿਸਾਲ ਜਲੰਧਰ ਸ਼ਹਿਰ 'ਚ ਵੇਖਣ ਨੂੰ ਮਿਲੀ ਹੈ। ਨਵੀਂ ਵਿਆਹੀ ਜੋੜੀ ਬੇਹੱਦ ਖ਼ਾਸ ਹੈ ਕਿਉਂਕਿ ਦੋਵੇਂ ਨੇਤਰਹੀਣ ਹਨ। ਜਿਨ੍ਹਾਂ ਦਾ ਐਤਵਾਰ ਨੂੰ ਵਿਆਹ ਹੋਇਆ ਹੈ। ਲਵਪ੍ਰੀਤ ਸਿੰਘ ਅਤੇ ਬਾਣੀ ਗੁਰਲੀਨ ਦਾ ਕਹਿਣਾ ਹੈ ਕਿ ਪਿਆਰ ਨੇ ਉਨ੍ਹਾਂ ਨੂੰ ਅੱਖਾਂ ਦਿੱਤੀਆਂ ਹਨ ਅਤੇ ਉਨ੍ਹਾਂ ਨੂੰ ਇਹ ਦੇਖਣ ਦੇ ਯੋਗ ਬਣਾਇਆ ਹੈ ਕਿ ਦੂਸਰੇ ਨਹੀਂ ਦੇਖ ਸਕਦੇ।
ਇਹ ਵੀ ਪੜ੍ਹੋ- ਫਾਰਚੂਨਰ ਸਾਹਮਣੇ ਮੌਤ ਬਣ ਕੇ ਆਈ ਗਾਂ, ਬੇਕਾਬੂ ਹੋਈ ਕਾਰ ਦੇ ਉੱਡੇ ਪਰਖ਼ੱਚੇ, ਵਿਅਕਤੀ ਦੀ ਮੌਤ
ਬੇਗੋਵਾਲ ਦੇ ਪਿੰਡ ਜਲਾਲਪੁਰ ਦਾ ਲਵਪ੍ਰੀਤ ਜਿੱਥੇ ਸਰਕਾਰੀ ਪ੍ਰਾਇਮਰੀ ਸਕੂਲ ਖਾਂਬਰਾ 'ਚ ਸੰਗੀਤ ਅਧਿਆਪਕ ਹੈ, ਉੱਥੇ ਹੀ ਬਾਣੀ ਇੱਥੇ ਲਾਇਲਪੁਰ ਖ਼ਾਲਸਾ ਕਾਲਜ ਤੋਂ ਬੀ.ਐੱਡ ਕਰ ਰਹੀ ਹੈ ਅਤੇ ਆਈ.ਏ.ਐੱਸ ਬਣਨ ਦੀ ਇੱਛਾ ਹੈ। ਲਵਪ੍ਰੀਤ ਸਿੰਘ ਅਤੇ ਬਾਣੀ ਗੁਰਲੀਨ ਦੋਵੇਂ ਦੋਸਤ ਸਨ ਅਤੇ ਵੱਖ-ਵੱਖ ਐਸੋਸੀਏਸ਼ਨਾਂ ਅਤੇ ਸੰਮੇਲਨਾਂ 'ਚ ਹਿੱਸਾ ਲੈਣ ਕਾਰਨ ਇੱਕ-ਦੂਜੇ ਨੂੰ ਮਿਲੇ ਸਨ। ਲਵਪ੍ਰੀਤ ਤਕਨੀਕੀ ਗੈਜੇਟਸ ਅਤੇ ਵਿਸ਼ੇਸ਼ ਸਾਫ਼ਟਵੇਅਰਾਂ ਦੀ ਚੰਗੀ ਤਰ੍ਹਾਂ ਜਾਣੂ ਹੈ, ਜਦੋਂ ਵੀ ਬਾਣੀ ਨੂੰ ਇਸ ਦੇ ਵਰਤੋਂ 'ਚ ਪਰੇਸ਼ਾਨੀ ਤਾਂ ਲਵਪ੍ਰੀਤ ਦੀ ਮਦਦ ਲੈਂਦੀ ਸੀ। ਲਵਪ੍ਰੀਤ ਕੋਲ ਹਮੇਸ਼ਾ ਉਸ ਦੀ ਸਮੱਸਿਆ ਦਾ ਹੱਲ ਹੁੰਦਾ ਸੀ। ਇਸ ਤਰ੍ਹਾਂ ਉਹ ਇਕ ਦੂਜੇ ਨੂੰ ਜਾਣਨ ਲੱਗ ਪਏ।
ਇਹ ਵੀ ਪੜ੍ਹੋ- ਅੰਮ੍ਰਿਤਸਰ 'ਚ ਗੁੰਡਾਗਰਦੀ ਦਾ ਨੰਗਾ ਨਾਚ, ਭਰੇ ਬਾਜ਼ਾਰ 'ਚ ਨੌਜਵਾਨ 'ਤੇ ਹਮਲਾ ਕਰ ਲੁੱਟੇ ਲੱਖਾਂ ਰੁਪਏ
ਬਾਣੀ ਦੇ ਪਿਤਾ ਸੁਖਵਿੰਦਰ ਪਾਲ ਸਿੰਘ ਅਰੋੜਾ ਨੇ ਕਿਹਾ ਕਿ ਜਦੋਂ ਵਿਆਹ ਦਾ ਪ੍ਰਸਤਾਵ ਸ਼ੁਰੂ ਕੀਤਾ ਗਿਆ ਸੀ, ਤਾਂ ਦੋਵਾਂ ਧਿਰਾਂ ਨੇ ਇਸ ਲਈ ਸਹਿਮਤੀ ਦੇ ਦਿੱਤੀ ਸੀ।
ਜਲੰਧਰ-ਹੁਸ਼ਿਆਰਪੁਰ ਰੋਡ 'ਤੇ ਸਥਿਤ ਮੈਰਿਜ ਪੈਲੇਸ 'ਚ ਦੋਵਾਂ ਨੇ ਗੁਲਾਬੀ ਰੰਗ ਦੇ ਜੋੜੇ 'ਚ ਵਿਆਹ ਕਰਵਾਇਆ। ਬਾਣੀ ਦੀ ਮਾਂ ਮੀਨੂੰ ਅਰੋੜਾ ਨੇ ਕਿਹਾ ਵਿਆਹ ਸਮਾਰੋਹ ਹੋਣ ਤੋਂ ਪਹਿਲਾਂ, ਮੈਂ ਥੋੜੀ ਚਿੰਤਤ ਸੀ, ਪਰ ਸਾਰਿਆਂ ਨੇ ਬਹੁਤ ਸਹਿਯੋਗ ਦਿੱਤਾ। ਇੱਥੇ ਗੁਰਦੁਆਰਾ ਸਿੰਘ ਸਭਾ ਮਾਡਲ ਟਾਊਨ ਵਿਖੇ ਅਨੰਦ ਕਾਰਜ ਕੀਤਾ ਜਾਣਾ ਸੀ, ਗੁਰਦੁਆਰਾ ਸਟਾਫ਼ ਸਮੇਤ ਸਾਰਿਆਂ ਨੇ ਵੀ ਸਾਡਾ ਸਾਥ ਦਿੱਤਾ ਅਤੇ ਜੋੜੇ ਨੂੰ ਹਰ 'ਫੇਰੇ' ਤੋਂ ਬਾਅਦ ਬੈਠਣ ਅਤੇ ਉੱਠਣ ਤੋਂ ਗੁਰੇਜ਼ ਕਰਨ ਲਈ ਕਿਹਾ, ਜੋ ਕਿ ਆਮ ਗੱਲ ਨਹੀਂ ਹੈ। ਜਦੋਂ ਉਨ੍ਹਾਂ ਨੇ ਚਾਰ ਲਾਵਾਂ ਲਈਆਂ ਤਾਂ ਉਨ੍ਹਾਂ ਦੇ ਭਰਾਵਾਂ ਨੇ ਉਨ੍ਹਾਂ ਦਾ ਸਹਿਯੋਗ ਦਿੱਤਾ। ਜਿਸ ਕਾਰਨ ਸਭ ਕੁਝ ਬਹੁਤ ਠੀਕ ਰਿਹਾ।
ਇਹ ਵੀ ਪੜ੍ਹੋ- ਪੁਲਵਾਮਾ ਹਮਲੇ 'ਚ ਸ਼ਹੀਦ ਹੋਏ ਮਨਿੰਦਰ ਸਿੰਘ ਨੂੰ ਪਰਿਵਾਰ ਨੇ ਦਿੱਤੀ ਸ਼ਰਧਾਂਜਲੀ, ਭੈਣ ਨੇ ਭਾਵੁਕ ਹੋ ਕੇ ਕਹੀ ਇਹ ਗੱਲ
ਨੋਟ- ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਬਾਕਸ 'ਚ ਦੱਸੋ।
ਰੇਲਗੱਡੀ ਦੀ ਲਪੇਟ 'ਚ ਆਉਣ ਕਾਰਨ ਵਿਅਕਤੀ ਦੀ ਮੌਤ
NEXT STORY 
