ਗੋਆ - ਬਾਲੀਵੁੱਡ ਅਦਾਕਾਰ ਅਰਜੁਨ ਰਾਮਪਾਲ ਨੇ ਸ਼ੁੱਕਰਵਾਰ 21 ਅਗਸਤ 2026 ਨੂੰ ਗੋਆ ਵਿੱਚ ਆਪਣੀ ਲੰਬੇ ਸਮੇਂ ਦੀ ਗਰਲਫ੍ਰੈਂਡ ਗੈਬਰੀਏਲਾ ਡੇਮੇਟ੍ਰੀਏਡਸ ਨਾਲ ਵਿਆਹ ਕਰ ਲਿਆ ਹੈ। ਦੋਵਾਂ ਨੇ ਗੋਆ ਦੇ ਬਾਰਦੇਜ਼ ਸਬ-ਰਜਿਸਟਰਾਰ ਦਫ਼ਤਰ ਵਿੱਚ ਜਾ ਕੇ ਆਪਣਾ ਵਿਆਹ ਰਜਿਸਟਰ ਕਰਵਾਇਆ, ਜਿਸ ਤੋਂ ਬਾਅਦ ਉਹ ਕਾਨੂੰਨੀ ਤੌਰ 'ਤੇ ਪਤੀ-ਪਤਨੀ ਬਣ ਗਏ ਹਨ।
ਗੈਬਰੀਏਲਾ ਡੇਮੇਟ੍ਰੀਏਡਸ ਇੱਕ ਦੱਖਣੀ ਅਫ਼ਰੀਕੀ ਮਾਡਲ ਅਤੇ ਫੈਸ਼ਨ ਡਿਜ਼ਾਈਨਰ ਹੈ। ਅਰਜੁਨ ਅਤੇ ਗੈਬਰੀਏਲਾ ਸਾਲ 2018 ਤੋਂ ਇੱਕ-ਦੂਜੇ ਦੇ ਨਾਲ ਰਹਿ ਰਹੇ ਹਨ ਅਤੇ ਲਗਭਗ 7 ਸਾਲਾਂ ਤੱਕ ਰਿਸ਼ਤੇ ਵਿੱਚ ਰਹਿਣ ਤੋਂ ਬਾਅਦ ਉਨ੍ਹਾਂ ਨੇ ਵਿਆਹ ਕਰਵਾਉਣ ਦਾ ਫ਼ੈਸਲਾ ਕੀਤਾ। ਵਿਆਹ ਕਰਵਾਉਣ ਤੋਂ ਪਹਿਲਾਂ ਹੀ ਦੋਵੇਂ ਇੱਕ ਪਰਿਵਾਰ ਵਜੋਂ ਰਹਿ ਰਹੇ ਸਨ ਅਤੇ ਉਨ੍ਹਾਂ ਦੇ ਦੋ ਪੁੱਤਰ ਵੀ ਹਨ। ਉਨ੍ਹਾਂ ਦੇ ਵੱਡੇ ਪੁੱਤਰ ਐਰਿਕ ਦਾ ਜਨਮ ਸਾਲ 2019 ਵਿੱਚ ਹੋਇਆ ਸੀ, ਜਦੋਂ ਕਿ ਦੂਜੇ ਪੁੱਤਰ ਆਰਵ ਦਾ ਜਨਮ ਸਾਲ 2023 ਵਿੱਚ ਹੋਇਆ।
ਅਰਜੁਨ ਰਾਮਪਾਲ ਦਾ ਇਹ ਦੂਜਾ ਵਿਆਹ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਦਾ ਪਹਿਲਾ ਵਿਆਹ ਸਾਲ 1998 ਵਿੱਚ ਸਾਬਕਾ ਸੁਪਰਮਾਡਲ ਅਤੇ ਬਿਜ਼ਨੈੱਸਵੂਮੈਨ ਮੇਹਰ ਜੇਸੀਆ ਨਾਲ ਹੋਇਆ ਸੀ। ਇਸ ਪਹਿਲੇ ਵਿਆਹ ਤੋਂ ਅਰਜੁਨ ਦੀਆਂ ਦੋ ਧੀਆਂ, ਮਾਹੀਕਾ ਅਤੇ ਮਾਇਰਾ ਹਨ। ਅਰਜੁਨ ਅਤੇ ਮੇਹਰ ਆਪਸੀ ਸਹਿਮਤੀ ਨਾਲ ਸਾਲ 2018 ਵਿੱਚ ਇੱਕ-ਦੂਜੇ ਤੋਂ ਵੱਖ ਹੋ ਗਏ ਸਨ।
53 ਸਾਲ ਦੀ ਉਮਰ 'ਚ ਦੂਜੀ ਵਾਰ ਲਾੜਾ ਬਣਿਆ Bollywood ਅਦਾਕਾਰ, 15 ਸਾਲ ਛੋਟੀ ਕੁੜੀ ਨਾਲ ਕਰਵਾਇਆ ਵਿਆਹ
NEXT STORY 
