ਐਂਟਰਟੇਨਮੈਂਟ ਡੈਸਕ : ਕੈਂਸਰ ਪੀੜਤ ਹਿਨਾ ਖ਼ਾਨ ਆਪਣੀ ਸਿਹਤ ਨੂੰ ਲੈ ਕੇ ਕਾਫੀ ਚਿੰਤਤ ਹੈ। ਬ੍ਰੈਸਟ ਕੈਂਸਰ ਨੇ ਉਸ ਦੀ ਹਾਲਤ ਅਜਿਹੀ ਬਣਾ ਦਿੱਤੀ ਹੈ ਕਿ ਉਹ ਆਪਣੀ ਜ਼ਿੰਦਗੀ 'ਚ ਅੱਗੇ ਨਹੀਂ ਵਧ ਪਾ ਰਹੀ। ਦਿਨ ਰਾਤ ਉਹ ਆਪਣੀ ਬੀਮਾਰੀ ਨੂੰ ਲੈ ਕੇ ਚਿੰਤਤ ਰਹਿੰਦੀ ਹੈ। ਹਿਨਾ ਖ਼ਾਨ ਨੂੰ ਇਸ ਸਾਲ ਕਾਫ਼ੀ ਦੁੱਖ ਝੱਲਣਾ ਪਿਆ ਹੈ ਅਤੇ ਹੁਣ ਉਸ ਨੇ ਸੋਸ਼ਲ ਮੀਡੀਆ 'ਤੇ ਆਪਣੇ ਪ੍ਰਸ਼ੰਸਕਾਂ ਨਾਲ ਆਪਣਾ ਦਰਦ ਸਾਂਝਾ ਕੀਤਾ ਹੈ। ਹਿਨਾ ਖ਼ਾਨ ਹੁਣ ਭਾਵੁਕ ਨਜ਼ਰ ਆ ਰਹੀ ਹੈ।
ਦਰਦ ਕੀਤਾ ਬਿਆਨ
ਦੱਸ ਦੇਈਏ ਕਿ ਹਾਲ ਹੀ 'ਚ ਹਿਨਾ ਖ਼ਾਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਆਬੂ ਧਾਬੀ ਤੋਂ ਤਸਵੀਰਾਂ ਸ਼ੇਅਰ ਕਰਕੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਵਿਦੇਸ਼ਾਂ 'ਚ ਛੁੱਟੀਆਂ ਬਿਤਾਉਂਦੇ ਸਮੇਂ ਵੀ ਹਿਨਾ ਖ਼ਾਨ ਦੇ ਦਿਲ-ਦਿਮਾਗ 'ਚ ਇਕ ਹੀ ਖਿਆਲ ਸੀ ਅਤੇ ਉਹ ਸੀ ਕੈਂਸਰ। ਰੇਤ 'ਤੇ ਗੁੱਡ ਹੈਲਥ ਲਿਖ ਕੇ ਅਦਾਕਾਰਾ ਨੇ ਆਪਣੀ ਇੱਛਾ ਜ਼ਾਹਰ ਕੀਤੀ ਸੀ ਕਿ ਹੁਣ ਉਹ ਥੱਕ ਗਈ ਹੈ ਅਤੇ ਸਿਰਫ ਚੰਗੀ ਸਿਹਤ ਦੀ ਕਾਮਨਾ ਕਰਦੀ ਹੈ। ਉਸ ਦੀ ਬੇਵਸੀ ਨੂੰ ਦੇਖ ਕੇ ਪ੍ਰਸ਼ੰਸਕ ਵੀ ਨਿਰਾਸ਼ ਹੋ ਗਏ। ਇਸ ਦੌਰਾਨ ਹੁਣ ਹਿਨਾ ਖ਼ਾਨ ਦੀਆਂ ਕੁਝ ਹੋਰ ਪੋਸਟਾਂ ਸਾਹਮਣੇ ਆਈਆਂ ਹਨ, ਜੋ ਉਸ ਦੀ ਦਿਲ ਦਹਿਲਾਉਣ ਵਾਲੀ ਹਾਲਤ ਬਿਆਨ ਕਰ ਰਹੀਆਂ ਹਨ।
ਸਾਲ 2024 ਸਭ ਰਿਹਾ ਮਾੜਾ
ਹਿਨਾ ਖ਼ਾਨ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ 2 ਪੋਸਟਾਂ ਸ਼ੇਅਰ ਕੀਤੀਆਂ ਹਨ। ਹਿਨਾ ਨੇ ਖੁਲਾਸਾ ਕੀਤਾ ਹੈ ਕਿ ਇਹ ਸਾਲ ਉਨ੍ਹਾਂ ਲਈ ਕਿਵੇਂ ਰਿਹਾ? ਅਭਿਨੇਤਰੀ ਨੇ ਇਕ ਨੋਟ ਸ਼ੇਅਰ ਕੀਤਾ, ਜਿਸ 'ਚ ਲਿਖਿਆ ਹੈ- 'ਇਹ ਮੇਰਾ ਸਭ ਤੋਂ ਵਧੀਆ ਸਾਲ ਨਹੀਂ ਸੀ ਪਰ ਮੈਂ ਇਸ ਤੋਂ ਬਹੁਤ ਕੁਝ ਸਿੱਖਿਆ ਹੈ।'
ਇਹ ਖ਼ਬਰ ਵੀ ਪੜ੍ਹੋ - 65 ਟੀਕਿਆਂ ਦਾ ਦਰਦ ਝੱਲ ਮਸ਼ਹੂਰ ਅਦਾਕਾਰਾ ਨੇ ਬਣਨਾ ਸੀ ਮਾਂ, ਪਰ ਇਕ ਝਟਕੇ 'ਚ ਸਭ ਹੋ ਗਿਆ ਖ਼ਤਮ
ਦੱਸ ਦੇਈਏ ਕਿ ਇਹ ਸਾਲ ਹਿਨਾ ਖ਼ਾਨ ਲਈ ਖਰਾਬ ਰਿਹਾ ਕਿਉਂਕਿ ਇਸ ਸਾਲ ਉਸ ਨੂੰ ਤੀਜੇ ਪੜਾਅ 'ਚ ਬ੍ਰੈਸਟ ਕੈਂਸਰ ਹੋਣ ਦੀ ਜਾਣਕਾਰੀ ਮਿਲੀ ਸੀ। ਇਸ ਦੌਰਾਨ ਅਦਾਕਾਰਾ ਨੂੰ ਕਾਫੀ ਸਰੀਰਕ ਅਤੇ ਮਾਨਸਿਕ ਤਣਾਅ 'ਚੋਂ ਗੁਜ਼ਰਨਾ ਪਿਆ। ਉਸ ਨੂੰ ਆਪਣੇ ਵਾਲ ਗੁਆਉਣੇ ਪਏ ਅਤੇ ਦਰਦ ਮਹਿਸੂਸ ਕਰਨਾ ਪਿਆ, ਜੋ ਹਰ ਲੜਕੀ ਲਈ ਇੱਕ ਬੁਰਾ ਅਤੇ ਡਰਾਉਣਾ ਸੁਫਨਾ ਹੈ। ਹਿਨਾ ਨੇ ਆਪਣੀ ਮਾਂ ਨੂੰ ਟੁੱਟਦੇ ਦੇਖਿਆ ਅਤੇ ਉਸ ਨੂੰ ਭਿਆਨਕ ਦਰਦ ਸਹਿਣਾ ਪਿਆ।
ਰੋਂਦੇ ਹੋਏ ਪਿਤਾ ਨੂੰ ਕੀਤਾ ਯਾਦ
ਦੱਸ ਦੇਈਏ ਕਿ ਇਸ ਤੋਂ ਬਾਅਦ ਹਿਨਾ ਖ਼ਾਨ ਨੇ ਇੱਕ ਹੋਰ ਪੋਸਟ ਸ਼ੇਅਰ ਕੀਤੀ ਹੈ। ਇਸ ਪੋਸਟ 'ਚ ਕੁਝ ਸਕਾਰਾਤਮਕਤਾ ਦਿਖਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਆਪਣੇ ਲਈ ਹਿੰਮਤ ਪੈਦਾ ਕਰ ਰਹੀ ਹਾਂ। ਹਿਨਾ ਨੇ ਲਿਖਿਆ, 'ਸਵਰਗ ਤੋਂ ਕੋਈ ਤੁਹਾਡੀ ਜਿੱਤ ਲਈ ਪ੍ਰਾਰਥਨਾ ਕਰ ਰਿਹਾ ਹੈ। ਹਿਨਾ ਖ਼ਾਨ ਆਪਣੇ ਪਿਤਾ ਦੇ ਬਹੁਤ ਕਰੀਬ ਸੀ ਅਤੇ ਉਨ੍ਹਾਂ ਦੇ ਪਿਤਾ ਦਾ ਦਿਹਾਂਤ ਹੋ ਗਿਆ ਹੈ। ਹੁਣ ਇਸ ਪੋਸਟ ਨੂੰ ਦੇਖ ਕੇ ਅਜਿਹਾ ਲੱਗ ਰਿਹਾ ਹੈ ਜਿਵੇਂ ਹਿਨਾ ਆਪਣੇ ਪਿਤਾ ਨੂੰ ਯਾਦ ਕਰਕੇ ਖੁਦ ਨੂੰ ਮਜ਼ਬੂਤ ਬਣਾ ਰਹੀ ਹੈ ਅਤੇ ਕੈਂਸਰ ਨੂੰ ਹਰਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸ਼ੂਟਿੰਗ ਤੋਂ ਪਰਤ ਰਹੀ ਮਸ਼ਹੂਰ ਅਦਾਕਾਰਾ ਦਾ ਹੋਇਆ ਐਕਸੀਡੈਂਟ, ਇਕ ਦੀ ਮੌਤ
NEXT STORY 
