ਮੁੰਬਈ(ਬਿਊਰੋ)- ਅਦਾਕਾਰਾ ਅਦਾ ਸ਼ਰਮਾ ਸੋਸ਼ਲ ਮੀਡੀਆ 'ਤੇ ਕਿਸੇ ਨਾ ਕਿਸੇ ਕਾਰਨ ਅਕਸਰ ਸੁਰਖੀਆਂ 'ਚ ਰਹਿੰਦੀ ਹੈ। ਪਿਛਲੀ ਵਾਰ ਅਜਿਹੀਆਂ ਖ਼ਬਰਾਂ ਆਈਆਂ ਸਨ ਕਿ ਅਦਾਕਾਰਾ ਨੇ ਮਰਹੂਮ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਦਾ ਖਾਲੀ ਫਲੈਟ ਖਰੀਦ ਲਿਆ ਹੈ, ਪਰ ਉਦੋਂ ਅਦਾ ਨੇ ਕਿਹਾ ਸੀ ਕਿ ਜਦੋਂ ਉਹ ਅਜਿਹਾ ਕਰੇਗੀ ਤਾਂ ਉਹ ਖੁਦ ਪ੍ਰਸ਼ੰਸਕਾਂ ਨੂੰ ਦੱਸ ਦੇਵੇਗੀ। ਇਸ ਦੇ ਨਾਲ ਹੀ ਹਾਲ ਹੀ 'ਚ 'ਦਿ ਕੇਰਲ ਸਟੋਰੀ' ਦੀ ਅਦਾਕਾਰਾ ਨੇ ਦੱਸਿਆ ਕਿ ਉਹ ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਘਰ ਸ਼ਿਫਟ ਹੋ ਗਈ ਹੈ।
ਦੱਸ ਦਈਏ ਕਿ ਅਦਾ ਸ਼ਰਮਾ ਨੇ ਅਕਤੂਬਰ 2023 'ਚ ਲੀਜ਼ ਸਮਝੌਤੇ 'ਤੇ ਦਸਤਖ਼ਤ ਕੀਤੇ ਸਨ। ਇਸ ਤੋਂ ਬਾਅਦ ਅਦਾਕਾਰਾ ਇਸ ਸਾਲ ਦੇ ਸ਼ੁਰੂ 'ਚ ਆਪਣੀ ਮਾਂ ਅਤੇ ਦਾਦੀ ਨਾਲ ਉੱਥੇ ਰਹਿਣ ਲੱਗੀ। ਦੱਸਿਆ ਜਾ ਰਿਹਾ ਹੈ ਕਿ ਅਦਾਕਾਰਾ ਨੇ ਇਹ ਘਰ ਪੰਜ ਸਾਲ ਲਈ ਕਿਰਾਏ 'ਤੇ ਲਿਆ ਹੈ।ਇਸ ਦੇ ਨਾਲ ਹੀ ਅਦਾਕਾਰਾ ਨੇ ਖੁਦ ਇਹ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਮੈਂ ਚਾਰ ਮਹੀਨੇ ਪਹਿਲਾਂ ਫਲੈਟ 'ਚ ਰਹਿਣ ਆਈ ਸੀ, ਪਰ ਆਪਣੇ ਪ੍ਰੋਜੈਕਟ 'ਬਸਤਰ', 'ਦਿ ਕੇਰਲ ਸਟੋਰੀ' ਦੇ ਪ੍ਰਮੋਸ਼ਨ 'ਚ ਰੁੱਝੀ ਹੋਈ ਸੀ। ਹੁਣ ਹਾਲ ਹੀ 'ਚ ਮੈਨੂੰ ਕੁਝ ਸਮਾਂ ਮਿਲਿਆ ਹੈ ਅਤੇ ਮੈਂ ਆਖ਼ਰਕਾਰ ਇੱਥੇ ਸੈਟਲ ਹੋ ਗਿਆ ਹਾਂ।
ਅਦਾ ਨੇ ਅੱਗੇ ਦੱਸਿਆ ਕਿ ਉਹ ਪਾਲੀ ਹਿੱਲ (ਬਾਂਦਰਾ) 'ਚ ਆਪਣੀ ਸਾਰੀ ਜ਼ਿੰਦਗੀ ਇੱਕੋ ਘਰ 'ਚ ਰਹੀ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਮੈਂ ਉੱਥੇ ਗਈ ਹਾਂ। ਮੈਂ ਵਾਈਬਸ ਨੂੰ ਲੈ ਕੇ ਬਹੁਤ ਸੰਵੇਦਨਸ਼ੀਲ ਹਾਂ ਅਤੇ ਇਹ ਜਗ੍ਹਾ ਮੈਨੂੰ ਸਕਾਰਾਤਮਕ ਵਾਈਬਸ ਦਿੰਦੀ ਹੈ। ਕੇਰਲ ਅਤੇ ਮੁੰਬਈ 'ਚ ਸਾਡੇ ਘਰ ਦਰੱਖਤਾਂ ਨਾਲ ਘਿਰੇ ਹੋਏ ਹਨ। ਅਸੀਂ ਪੰਛੀਆਂ ਅਤੇ ਗਿਲਹਰੀਆਂ ਨੂੰ ਖੁਆਉਂਦੇ ਹਾਂ। ਇਸ ਲਈ, ਮੈਂ ਇੱਕ ਘਰ ਚਾਹੁੰਦੀ ਸੀ ਜਿਸ ਵਿੱਚ ਸਮਾਨ ਦ੍ਰਿਸ਼ਾਂ ਅਤੇ ਪੰਛੀਆਂ ਨੂੰ ਖੁਆਉਣ ਲਈ ਕਾਫ਼ੀ ਜਗ੍ਹਾ ਹੋਵੇ।
ਤੁਹਾਨੂੰ ਦੱਸ ਦੇਈਏ ਕਿ ਅਦਾਕਾਰ ਸੁਸ਼ਾਂਤ ਸਿੰਘ ਰਾਜਪੂਤ ਸਾਲ 2020 ਵਿੱਚ ਆਪਣੇ ਬਾਂਦਰਾ ਫਲੈਟ 'ਚ ਮ੍ਰਿਤਕ ਪਾਏ ਗਏ ਸਨ। ਉਸ ਦੀ ਮੌਤ ਤੋਂ ਬਾਅਦ ਫਲੈਟ ਖ਼ਾਲੀ ਪਿਆ ਸੀ ਅਤੇ ਕੋਈ ਵੀ ਇਸ ਨੂੰ ਜਲਦੀ ਖਰੀਦਣ ਲਈ ਤਿਆਰ ਨਹੀਂ ਸੀ। ਇਸ ਦੇ ਨਾਲ ਹੀ ਹੁਣ ਅਦਾ ਸ਼ਰਮਾ ਨੇ ਪੰਜ ਸਾਲ ਲਈ ਕਿਰਾਏ 'ਤੇ ਮਕਾਨ ਲੈ ਲਿਆ ਹੈ।
'ਪਵਿੱਤਰ ਰਿਸ਼ਤਾ' ਸੀਰੀਅਲ ਨੂੰ ਹੋਏ 15 ਸਾਲ, ਮਰਹੂਮ ਸੁਸ਼ਾਂਤ ਸਿੰਘ ਰਾਜਪੂਤ ਨੂੰ ਯਾਦ ਕਰ ਭਾਵੁੱਕ ਹੋਈ ਅੰਕਿਤਾ (VIDEO)
NEXT STORY 
