ਮੁੰਬਈ (ਏਜੰਸੀ) - ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਜੋਨਾਸ ਨੂੰ 2026 LVMH ਪੁਰਸਕਾਰ ਦੇ ਅੰਤਿਮ ਦੌਰ ਲਈ ਅੰਬੈਸਡਰ ਨਾਮਜ਼ਦ ਕੀਤਾ ਗਿਆ ਹੈ। ਉਹ ਫਰਾਂਸ ਦੇ ਪੈਰਿਸ ਵਿੱਚ ਹੋਣ ਵਾਲੇ ਇਸ ਸਮਾਰੋਹ ਵਿੱਚ ਵੱਕਾਰੀ 'ਕਾਰਲ ਲੈਗਰਫੈਲਡ' ਪੁਰਸਕਾਰ ਪ੍ਰਦਾਨ ਕਰੇਗੀ। ਇੱਕ ਪ੍ਰੈਸ ਰਿਲੀਜ਼ ਅਨੁਸਾਰ, ਡਿਓਰ ਦੀ ਅੰਬੈਸਡਰ ਪ੍ਰਿਯੰਕਾ, 'ਫਾਊਂਡੇਸ਼ਨ ਲੂਈਸ ਵਿਟਨ' ਵਿੱਚ ਆਯੋਜਿਤ ਹੋਣ ਵਾਲੇ ਇਸ ਸਮਾਰੋਹ ਵਿੱਚ ਡਿਓਰ ਦੀ ਆਪਣੀ ਸਾਥੀ ਅੰਬੈਸਡਰ ਜੈਨੀਫਰ ਲਾਰੈਂਸ ਅਤੇ ਲੂਈਸ ਵਿਟਨ ਬ੍ਰਾਂਡ ਦਾ ਚਿਹਰਾ ਬਣ ਗਈ ਥਾਈ ਅਦਾਕਾਰਾ ਉਰਾਸਿਆ "ਯਾਯਾ" ਸਪਰਬੰਡ ਨਾਲ ਬਤੌਰ ਪੁਰਸਕਾਰ ਪੇਸ਼ਕਾਰਾਂ ਵਜੋਂ ਸ਼ਾਮਲ ਹੋਵੇਗੀ।
LVMH ਪੁਰਸਕਾਰ ਦੇ ਅਧਿਕਾਰਤ ਇੰਸਟਾਗ੍ਰਾਮ ਪੰਨੇ 'ਤੇ ਇੱਕ ਪੋਸਟ ਵਿੱਚ ਕਿਹਾ ਗਿਆ, "ਅਸੀਂ ਇਸ ਸਾਲ ਦੇ LVMH ਪੁਰਸਕਾਰ ਫਾਈਨਲ ਲਈ ਅੰਬੈਸਡਰ ਵਜੋਂ ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਜੋਨਾਸ ਦਾ ਸਵਾਗਤ ਕਰਦੇ ਹੋਏ ਖੁਸ਼ ਹਾਂ।" ਅਦਾਕਾਰਾ ਪ੍ਰਿਯੰਕਾ 'ਕਾਰਲ ਲੈਗਰਫੈਲਡ' ਪੁਰਸਕਾਰ ਪੇਸ਼ ਕਰੇਗੀ, ਜਿਸ ਤਹਿਤ 2 ਲੱਖ ਯੂਰੋ (1 ਯੂਰੋ = 109.87 ਰੁਪਏ) ਦੀ ਰਕਮ ਅਤੇ ਇੱਕ ਸਾਲ ਦੇ ਸਲਾਹਕਾਰ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਣ ਦਾ ਮੌਕਾ ਦਿੱਤਾ ਜਾਂਦਾ ਹੈ। ਲਾਰੈਂਸ 4 ਲੱਖ ਯੂਰੋ ਦਾ ਮੁੱਖ ਪੁਰਸਕਾਰ ਪੇਸ਼ ਕਰੇਗੀ, ਜਦੋਂ ਕਿ ਸਪਰਬੰਡ 'ਸੇਵੋਇਰ-ਫੇਅਰ' ਪੁਰਸਕਾਰ ਦੇਵੇਗੀ। LVMH ਪੁਰਸਕਾਰ ਉੱਭਰ ਰਹੇ ਫੈਸ਼ਨ ਪ੍ਰਤਿਭਾ ਦਾ ਸਨਮਾਨ ਕਰਦਾ ਹੈ। ਇਸ ਸਾਲ ਦੇ ਸਮਾਰੋਹ ਵਿੱਚ 9 ਡਿਜ਼ਾਈਨਰ 3 ਪੁਰਸਕਾਰਾਂ ਲਈ ਮੁਕਾਬਲਾ ਕਰਨਗੇ।
'ਬੇਗਮ ਬਣ ਕੇ ਹਿੰਦੂ ਧਰਮ ਭੁੱਲ ਗਈ'; ਵੰਦੇ ਮਾਤਰਮ ਵਿਵਾਦ ਮਗਰੋਂ ਮੁਕੇਸ਼ ਖੰਨਾ ਦਾ ਸ਼ਰਮੀਲਾ ਟੈਗੋਰ ’ਤੇ ਤਿੱਖਾ ਹਮਲਾ
NEXT STORY 
