ਮੁੰਬਈ (ਏਜੰਸੀ) - ਅਦਾਕਾਰਾ ਅਦਾ ਸ਼ਰਮਾ ਸਿਲਵਰ ਸਕਰੀਨ 'ਤੇ ਸੁਪਰਹੀਰੋ ਦਾ ਕਿਰਦਾਰ ਨਿਭਾਉਂਦੀ ਨਜ਼ਰ ਆਵੇਗੀ। ਅਦਾ ਸ਼ਰਮਾ ਆਪਣੇ ਆਉਣ ਵਾਲੇ ਪ੍ਰੋਜੈਕਟ ਵਿਚ ਇਕ ਆਲਸੀ, ਭ੍ਰਿਸ਼ਟ ਅਤੇ ਪੂਰੀ ਤਰ੍ਹਾਂ ਅਨਪ੍ਰੇਡਿਕਟੇਬਲ ਸੁਪਰਹੀਰੋ ਦਾ ਕਿਰਦਾਰ ਨਿਭਾਏਗੀ। ਰਵਾਇਤੀ ਸੁਪਰਹੀਰੋ ਜਿੱਥੇ ਦੁਨੀਆ ਨੂੰ ਬਚਾਉਂਦੇ ਹਨ, ਉਥੇ ਹੀ ਉਸ ਦਾ ਕਿਰਦਾਰ ਨਿਯਮਾਂ ਨੂੰ ਤੋੜਦਾ ਹੈ, ਝੂਠ ਬੋਲਦਾ ਹੈ ਅਤੇ ਸ਼ਾਇਦ ਦੁਨੀਆ ਨੂੰ ਬਚਾਉਣ ਦੀ ਬਜਾਏ ਉਸ ਨੂੰ ਤਬਾਹ ਵੀ ਕਰਨਾ ਚਾਹੁੰਦਾ ਹੈ।ਹਾਲ ਹੀ ਵਿਚ ਸਾਹਮਣੇ ਆਏ ਪਹਿਲੇ ਲੁੱਕ ਨੇ ਸੋਸ਼ਲ ਮੀਡੀਆ 'ਤੇ ਕਾਫੀ ਉਤਸ਼ਾਹ ਪੈਦਾ ਕਰ ਦਿੱਤਾ ਹੈ।
ਪ੍ਰਸ਼ੰਸਕ ਅਦਾ ਦੇ ਕਿਰਦਾਰ 'ਵੈਲੀ' ਦੀ ਝਲਕ ਦੇਖ ਕੇ ਉਤਸ਼ਾਹਿਤ ਹਨ ਅਤੇ ਫਿਲਮ ਦੇਖਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਇਸ ਅਜੀਬ ਅਤੇ ਅਨੋਖੇ ਕੰਸੈਪਟ ਵਾਲਾ ਸੁਪਰਹੀਰੋ ਦਰਸ਼ਕਾਂ ਨੂੰ ਕੁੱਝ ਨਵਾਂ ਅਤੇ ਮਨੋਰੰਜਕ ਦੇਣ ਦਾ ਵਾਅਦਾ ਕਰਦਾ ਹੈ। ਅਦਾ ਸ਼ਰਮਾ ਨੇ ਹਮੇਸ਼ਾ ਇਹ ਸਾਬਤ ਕੀਤਾ ਹੈ ਕਿ ਉਹ ਖੁਦ ਨੂੰ ਕਿਸੇ ਇਕ ਸ਼ੈਲੀ ਤੱਕ ਸੀਮਤ ਨਹੀਂ ਰੱਖਦੀ। ਉਨ੍ਹਾਂ ਨੇ ਪਹਿਲੀ ਵਾਰ ਹਾਰਰ ਫਿਲਮ 1920 ਨਾਲ ਧਿਆਨ ਖਿੱਚਿਆ, ਫਿਰ ਕੇਰਲ ਸਟੋਰੀ ਵਿਚ ਇੰਟੈਂਸ ਡਰਾਮਾ ਦਿਖਾਇਆ, ਸਨਫਲਾਵਰ ਸੀਜ਼ਨ 2 ਵਿਚ ਆਪਣੀ ਕਾਮਿਕ ਟਾਈਮਿੰਗ ਦਿਖਾਈ ਅਤੇ ਕਮਾਂਡੋ ਵਿਚ ਹਾਈ-ਆਕਟੇਨ ਐਕਸ਼ਨ ਕੀਤਾ। ਉੱਥੇ ਹੀ ਬਸਤਰ : ਦਿ ਨਕਸਲ ਸਟੋਰੀ ਵਿਚ ਉਸ ਨੇ ਇਕ ਗੰਭੀਰ ਕਿਰਦਾਰ ਨਿਭਾਇਆ ਹੈ।
ਗਰਭਵਤੀ ਯੂਟਿਊਬਰ ਦਾ ਬੇਰਹਿਮੀ ਨਾਲ ਕਤਲ, ਖੂਨ ਨਾਲ ਲੱਖਪੱਥ ਮਿਲੀ ਲਾਸ਼, ਪਤੀ ਨੇ ਹੀ ਕੀਤੀ ਵਾਰਦਾਤ
NEXT STORY 
