ਮੁੰਬਈ (ਬਿਊਰੋ)– 24 ਫਰਵਰੀ 2018, ਬਾਲੀਵੁੱਡ ਇਸ ਦਿਨ ਨੂੰ ਸ਼ਾਇਦ ਹੀ ਕਦੇ ਭੁੱਲ ਸਕੇਗਾ। ਬਾਲੀਵੁੱਡ ਦੀ ‘ਚਾਂਦਨੀ’ ਯਾਨੀ ਸ਼੍ਰੀਦੇਵੀ ਨੇ ਦੁਨੀਆ ਨੂੰ ਅਲਵਿਦਾ ਆਖ ਦਿੱਤਾ ਹੈ। ਦਰਸ਼ਕਾਂ ਲਈ ਇਹ ਅਜਿਹੀ ਖ਼ਬਰ ਸੀ, ਜਿਸ ’ਤੇ ਯਕੀਨ ਕਰਨਾ ਮੁਸ਼ਕਿਲ ਸੀ। ਜਿਸ ਨੇ ਵੀ ਇਹ ਖ਼ਬਰ ਸੁਣੀ, ਉਸ ਲਈ ਪਲ ਭਰ ਲਈ ਇਸ ’ਤੇ ਯਕੀਨ ਕਰਨਾ ਔਖਾ ਹੋ ਗਿਆ ਪਰ ਇਹ ਖ਼ਬਰ ਸੱਚੀ ਸੀ। ਸ਼੍ਰੀਦੇਵੀ ਨੇ ਭਾਰਤ ਤੋਂ ਦੂਰ ਦੁਬਈ ’ਚ ਆਖਰੀ ਸਾਹ ਲਿਆ। ਸ਼੍ਰੀਦੇਵੀ ਦੀ ਮੌਤ ਕਿਵੇਂ ਹੋਈ? ਇਹ ਸਵਾਲ 5 ਸਾਲਾਂ ਬਾਅਦ ਵੀ ਲੋਕਾਂ ਦੇ ਮਨਾਂ ’ਚ ਹੈ। ਇਸ ਮਾਮਲੇ ’ਤੇ ਉਨ੍ਹਾਂ ਦੇ ਪਰਿਵਾਰ ਵਲੋਂ ਕਦੇ ਕੋਈ ਬਿਆਨ ਨਹੀਂ ਆਇਆ ਪਰ ਅਦਾਕਾਰਾ ਦੇ ਦਿਹਾਂਤ ਦੇ 5 ਸਾਲਾਂ ਬਾਅਦ ਬੋਨੀ ਕਪੂਰ ਨੇ ਉਸ ਰਾਤ ਦਾ ਰਾਜ਼ ਖੋਲ੍ਹਦਿਆਂ ਦੱਸਿਆ ਕਿ ਅਦਾਕਾਰਾ ਦੀ ਮੌਤ ਕਿਵੇਂ ਹੋਈ।
ਤੁਸੀਂ ਵੀ ਸਾਲਾਂ ਤੋਂ ਇਹ ਜਾਣਨਾ ਚਾਹੁੰਦੇ ਹੋਵੋਗੇ ਕਿ ਸ਼੍ਰੀਦੇਵੀ ਦੀ ਮੌਤ ਕਿਵੇਂ ਹੋਈ। ਇਸ ਲਈ 5 ਸਾਲਾਂ ਬਾਅਦ ਇਸ ਰਾਜ਼ ਦਾ ਖ਼ੁਲਾਸਾ ਹੋਇਆ ਹੈ ਤੇ ਫ਼ਿਲਮ ਨਿਰਮਾਤਾ ਬੋਨੀ ਕਪੂਰ ਨੇ ਖ਼ੁਦ ਸ਼੍ਰੀਦੇਵੀ ਦੇ ਦਿਹਾਂਤ ਦਾ ਕਾਰਨ ਦੱਸਿਆ ਹੈ। ਉਨ੍ਹਾਂ ਦੱਸਿਆ ਕਿ ਅਦਾਕਾਰਾ ਦੀ ਮੌਤ ਕੁਦਰਤੀ ਨਹੀਂ ਸੀ।
ਇਹ ਖ਼ਬਰ ਵੀ ਪੜ੍ਹੋ : ਟਰੋਲ ਕਰਨ ਵਾਲਿਆਂ ’ਤੇ ਵਰ੍ਹੇ ਗਾਇਕ ਜਸਬੀਰ ਜੱਸੀ, ਕਬਰਾਂ ਵਾਲੇ ਬਿਆਨ ’ਤੇ ਹੋਏ ਸਿੱਧੇ
ਫ਼ਿਲਮ ਨਿਰਮਾਤਾ ਬੋਨੀ ਕਪੂਰ, ਜਿਨ੍ਹਾਂ ਨੇ ਆਪਣੀ ਪਤਨੀ ਤੇ ਅਦਾਕਾਰਾ ਸ਼੍ਰੀਦੇਵੀ ਦੀ ਮੌਤ ’ਤੇ ਪਿਛਲੇ 5 ਸਾਲਾਂ ਤੋਂ ਚੁੱਪੀ ਧਾਰੀ ਰੱਖੀ ਸੀ। ਹੁਣ ਉਹ ਪਹਿਲੀ ਵਾਰ ਇਸ ਮਾਮਲੇ ’ਤੇ ਖੁੱਲ੍ਹ ਕੇ ਬੋਲੇ ਹਨ। ‘ਦਿ ਨਿਊ ਇੰਡੀਅਨ’ ਨਾਲ ਇੰਟਰਵਿਊ ’ਚ ਫ਼ਿਲਮ ਨਿਰਮਾਤਾ ਨੇ ਕਿਹਾ, ‘‘ਇਹ ਕੁਦਰਤੀ ਮੌਤ ਨਹੀਂ ਸੀ। ਇਹ ਇਕ ਅਚਾਨਕ ਮੌਤ ਸੀ। ਮੈਂ ਇਸ ਬਾਰੇ ਨਾ ਬੋਲਣ ਦਾ ਫ਼ੈਸਲਾ ਕੀਤਾ ਸੀ ਕਿਉਂਕਿ ਮੈਂ ਇਸ ਬਾਰੇ ਲਗਭਗ 24 ਜਾਂ 48 ਘੰਟਿਆਂ ਤੱਕ ਗੱਲ ਕੀਤੀ ਸੀ, ਜਦੋਂ ਮੇਰੇ ਕੋਲੋਂ ਪੁੱਛਗਿੱਛ ਕੀਤੀ ਜਾ ਰਹੀ ਸੀ। ਦਰਅਸਲ, ਅਧਿਕਾਰੀਆਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਅਜਿਹਾ ਇਸ ਲਈ ਕਰਨਾ ਪਿਆ ਕਿਉਂਕਿ ਭਾਰਤੀ ਮੀਡੀਆ ਦਾ ਬਹੁਤ ਦਬਾਅ ਸੀ ਤੇ ਉਨ੍ਹਾਂ ਨੂੰ ਪਤਾ ਲੱਗਾ ਕਿ ਇਸ ’ਚ ਕੋਈ ਗਲਤ ਖੇਡ ਨਹੀਂ ਸੀ। ਮੈਂ ਝੂਠ ਖੋਜਣ ਵਾਲੇ ਟੈਸਟਾਂ ਤੇ ਹੋਰ ਸਭ ਕੁਝ ਸਮੇਤ ਸਾਰੇ ਟੈਸਟਾਂ ’ਚੋਂ ਲੰਘਿਆ ਤੇ ਫਿਰ ਬੇਸ਼ੱਕ ਰਿਪੋਰਟ, ਜੋ ਸਪੱਸ਼ਟ ਤੌਰ ’ਤੇ ਆਈ, ਨੇ ਕਿਹਾ ਕਿ ਇਹ ਦੁਰਘਟਨਾ ਸੀ।’’
ਗੱਲਬਾਤ ’ਚ ਉਨ੍ਹਾਂ ਅੱਗੇ ਦੱਸਿਆ ਕਿ ਆਪਣੀ ਮੌਤ ਦੇ ਸਮੇਂ ਵੀ ਸ਼੍ਰੀਦੇਵੀ ਡਾਈਟ ’ਤੇ ਸੀ ਤੇ ਕਿਹਾ, ‘‘ਉਹ ਅਕਸਰ ਭੁੱਖੀ ਰਹਿੰਦੀ ਸੀ। ਉਹ ਚੰਗਾ ਦਿਖਣਾ ਚਾਹੁੰਦੀ ਸੀ। ਉਹ ਇਹ ਯਕੀਨੀ ਬਣਾਉਣਾ ਚਾਹੁੰਦੀ ਸੀ ਕਿ ਉਹ ਚੰਗੀ ਹਾਲਤ ’ਚ ਹੈ ਤਾਂ ਜੋ ਉਹ ਸਕ੍ਰੀਨ ’ਤੇ ਵਧੀਆ ਦਿਖਾਈ ਦੇਣ। ਜਦੋਂ ਤੋਂ ਉਸ ਦਾ ਮੇਰੇ ਨਾਲ ਵਿਆਹ ਹੋਇਆ ਹੈ, ਉਸ ਨੂੰ ਕਈ ਵਾਰ ਬਲੈਕਆਊਟ ਦੀ ਸਮੱਸਿਆ ਹੋ ਗਈ ਸੀ ਤੇ ਡਾਕਟਰ ਕਹਿੰਦੇ ਰਹੇ ਸਨ ਕਿ ਉਸ ਨੂੰ ਬਲੱਡ ਪ੍ਰੈਸ਼ਰ ਦੀ ਸਮੱਸਿਆ ਹੈ।’’
ਬੋਨੀ ਕਪੂਰ ਨੇ ਅੱਗੇ ਕਿਹਾ ਕਿ ਨਾਗਾਰਜੁਨ ਨੇ ਅਜਿਹੀ ਹੀ ਇਕ ਘਟਨਾ ਬਾਰੇ ਗੱਲ ਕੀਤੀ ਸੀ, ਜਦੋਂ ਇਕ ਸ਼ੂਟ ਦੌਰਾਨ ਸ਼੍ਰੀਦੇਵੀ ਬਾਥਰੂਮ ’ਚ ਬੇਹੋਸ਼ ਹੋ ਗਈ ਸੀ। ਉਨ੍ਹਾਂ ਕਿਹਾ, ‘‘ਇਹ ਮੰਦਭਾਗਾ ਸੀ। ਬਾਅਦ ’ਚ ਜਦੋਂ ਉਸ ਦੀ ਮੌਤ ਹੋ ਗਈ। ਨਾਗਾਰਜੁਨ ਸੰਵੇਦਨਾ ਜ਼ਾਹਿਰ ਕਰਨ ਲਈ ਘਰ ਆਏ ਤੇ ਮੈਨੂੰ ਦੱਸਿਆ ਕਿ ਉਨ੍ਹਾਂ ਦੀ ਇਕ ਫ਼ਿਲਮ ਦੌਰਾਨ ਉਹ ਦੁਬਾਰਾ ਕ੍ਰੈਸ਼ ਡਾਈਟ ’ਤੇ ਸੀ ਤੇ ਇਸ ਤਰ੍ਹਾਂ ਉਹ ਬਾਥਰੂਮ ’ਚ ਡਿੱਗ ਗਈ ਤੇ ਉਸ ਦੇ ਦੰਦ ਟੁੱਟ ਗਏ।
ਫ਼ਿਲਮ ਨਿਰਮਾਤਾ ਨੇ ਅੱਗੇ ਕਿਹਾ ਕਿ ਵਿਆਹ ਤੋਂ ਬਾਅਦ ਉਸ ਨੂੰ ਸਖ਼ਤ ਡਾਈਟ ਦੀ ਪਾਲਣਾ ਕਰਨ ਦੀ ਆਦਤ ਬਾਰੇ ਪਤਾ ਲੱਗਾ। ਇਸ ਲਈ ਉਹ ਆਪਣੇ ਡਾਕਟਰ ਨੂੰ ਬੇਨਤੀ ਕਰਦੇ ਸਨ ਕਿ ਉਹ ਉਸ ਨੂੰ ਕੁਝ ਲੂਣ ਪਾਉਣ ਦੀ ਸਲਾਹ ਦੇਣ। ਉਸ ਨੇ ਕਿਹਾ ਕਿ ਰਾਤ ਦੇ ਖਾਣੇ ਦੌਰਾਨ ਵੀ ਉਹ ਲੂਣ ਰਹਿਤ ਭੋਜਨ ਖਾਣ ਦੀ ਬੇਨਤੀ ਕਰਦੀ ਸੀ। ਉਸ ਨੇ ਅੱਗੇ ਕਿਹਾ, ‘‘ਬਦਕਿਸਮਤੀ ਨਾਲ ਸ਼੍ਰੀਦੇਵੀ ਨੇ ਇਸ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ ਤੇ ਇਹ ਵੀ ਸੋਚਿਆ ਕਿ ਘਟਨਾ ਇੰਨੀ ਗੰਭੀਰ ਹੋ ਸਕਦੀ ਹੈ।’’
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
‘ਬਿੱਗ ਬੌਸ ਓ. ਟੀ. ਟੀ. 2’ ਦੀ ਟਰਾਫੀ ਵਾਪਸ ਕਰਨਾ ਚਾਹੁੰਦੇ ਨੇ ਐਲਵਿਸ਼ ਯਾਦਵ, ਜਾਣੋ ਕੀ ਹੈ ਵਜ੍ਹਾ
NEXT STORY 
