ਹੈਦਰਾਬਾਦ (ਏਜੰਸੀ)- ਹੈਦਰਾਬਾਦ ਪੁਲਸ ਨੇ ਇੱਕ ਨਸ਼ਾ ਤਸਕਰੀ ਰੈਕੇਟ ਦਾ ਪਰਦਾਫਾਸ਼ ਕਰਦਿਆਂ ਬਾਲੀਵੁੱਡ ਅਦਾਕਾਰਾ ਰਕੁਲ ਪ੍ਰੀਤ ਸਿੰਘ ਦੇ ਭਰਾ, ਅਮਨ ਪ੍ਰੀਤ ਸਿੰਘ, ਨੂੰ "ਨਿਯਮਤ ਨਸ਼ਾ ਸੇਵਨ ਕਰਨ ਵਾਲੇ" (Regular Consumer) ਵਜੋਂ ਨਾਮਜ਼ਦ ਕੀਤਾ ਹੈ। ਪੁਲਸ ਨੇ ਅਮਨ ਦੀ ਭਾਲ ਲਈ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਹੈ ਕਿਉਂਕਿ ਉਹ ਇਸ ਸਮੇਂ ਫਰਾਰ ਦੱਸਿਆ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ: 'ਤੁਹਾਡੀ ਸਿਰਫ਼ ਮੌਜੂਦਗੀ ਹੀ ਕਾਫ਼ੀ ਹੈ'; 'ਦਿ ਰਾਜਾ ਸਾਬ' ਦੇ ਈਵੈਂਟ 'ਚ ਪ੍ਰਭਾਸ ਨੇ ਰੱਜ ਕੇ ਕੀਤੀ ਸੰਜੇ ਦੱਤ ਦੀ ਤਾਰੀਫ
ਨਸ਼ਾ ਤਸਕਰੀ ਦਾ ਮਾਮਲਾ:
ਇਹ ਕਾਰਵਾਈ 19 ਦਸੰਬਰ ਨੂੰ 'ਈਗਲ ਫੋਰਸ' (EAGLE Force) ਅਤੇ ਵੈਸਟ ਜ਼ੋਨ ਪੁਲਸ ਦੁਆਰਾ ਸਾਂਝੇ ਤੌਰ 'ਤੇ ਕੀਤੀ ਗਈ ਸੀ। ਇਸ ਅਪ੍ਰੇਸ਼ਨ ਦੌਰਾਨ ਦੋ ਸਥਾਨਕ ਕਾਰੋਬਾਰੀਆਂ ਨੂੰ ਨਸ਼ਾ ਤਸਕਰੀ ਦੇ ਦੋਸ਼ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ, ਜਿਨ੍ਹਾਂ ਕੋਲੋਂ 43 ਗ੍ਰਾਮ ਕੋਕੀਨ ਅਤੇ 11.5 ਗ੍ਰਾਮ ਐਮਡੀਐਮਏ (MDMA) ਬਰਾਮਦ ਕੀਤੀ ਗਈ ਸੀ।
ਇਹ ਵੀ ਪੜ੍ਹੋ: 'ਲਵ ਯੂ ਡੈਡੀ ਜੀ...'; ਪਿਤਾ ਨੂੰ ਯਾਦ ਕਰ ਭਾਵੁਕ ਹੋਏ ਮਾਸਟਰ ਸਲੀਮ, ਸਾਂਝੀ ਕੀਤੀ ਭਾਵੁਕ ਪੋਸਟ
ਪੁੱਛਗਿੱਛ 'ਚ ਹੋਏ ਖੁਲਾਸੇ:
ਫੜੇ ਗਏ ਤਸਕਰਾਂ ਤੋਂ ਪੁੱਛਗਿੱਛ ਦੌਰਾਨ ਅਮਨ ਪ੍ਰੀਤ ਸਿੰਘ ਸਮੇਤ 4 ਵਿਅਕਤੀਆਂ ਦੇ ਨਾਮ ਸਾਹਮਣੇ ਆਏ ਹਨ। ਪੁਲਸ ਅਨੁਸਾਰ, ਅਮਨ 'ਤੇ ਸ਼ੱਕ ਹੈ ਕਿ ਉਸ ਨੇ ਤਸਕਰਾਂ ਕੋਲੋਂ 5 ਵਾਰ ਨਸ਼ੀਲੇ ਪਦਾਰਥ ਖਰੀਦੇ ਹਨ। ਹਾਲਾਂਕਿ, ਅਜੇ ਤੱਕ ਉਸ ਨੂੰ ਮੁੱਖ ਮੁਲਜ਼ਮ ਵਜੋਂ ਨਾਮਜ਼ਦ ਨਹੀਂ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ: AP ਢਿੱਲੋਂ ਦੇ ਕੰਸਰਟ 'ਚ ਪਹੁੰਚੇ ਸੰਜੇ ਦੱਤ, ਗਾਇਕ ਨੇ ਸਟੇਜ 'ਤੇ ਬੁਲਾ ਕੇ ਲਾਏ ਪੈਰੀਂ ਹੱਥ (ਵੀਡੀਓ)
ਪੁਰਾਣਾ ਰਿਕਾਰਡ:
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਅਮਨ ਦਾ ਨਾਮ ਡਰੱਗ ਕੇਸ ਵਿੱਚ ਆਇਆ ਹੋਵੇ। ਇਸ ਤੋਂ ਪਹਿਲਾਂ ਜੁਲਾਈ 2024 ਵਿੱਚ ਵੀ ਸਾਈਬਰਾਬਾਦ ਪੁਲਸ ਨੇ ਉਸ ਨੂੰ ਨਸ਼ੇ ਦਾ ਸੇਵਨ ਕਰਨ ਦੇ ਦੋਸ਼ ਵਿੱਚ 5 ਹੋਰ ਲੋਕਾਂ ਨਾਲ ਹਿਰਾਸਤ ਵਿੱਚ ਲਿਆ ਸੀ। ਸੀਨੀਅਰ ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਅਮਨ ਨੂੰ ਲੱਭਣ ਲਈ ਵਿਸ਼ੇਸ਼ ਟੀਮਾਂ ਬਣਾਈਆਂ ਗਈਆਂ ਹਨ। ਉਸ ਨੂੰ ਲੱਭਣ ਤੋਂ ਬਾਅਦ ਪੁਲਸ ਇਹ ਫੈਸਲਾ ਕਰੇਗੀ ਕਿ ਉਸ ਨੂੰ ਮੁੜ ਵਸੇਬਾ ਕੇਂਦਰ (Rehabilitation Center) ਭੇਜਿਆ ਜਾਵੇ ਜਾਂ ਉਸ ਦੀ ਕਾਊਂਸਲਿੰਗ ਕਰਵਾਈ ਜਾਵੇ।
ਇਹ ਵੀ ਪੜ੍ਹੋ : "ਜਿਸ ਦਿਨ ਮੇਰਾ ਜਨਮਦਿਨ ਸੀ, ਉਸੇ ਦਿਨ ਉਹ ਸਾਨੂੰ ਛੱਡ ਗਈ"; ਪਤਨੀ ਨੂੰ ਯਾਦ ਕਰ ਭਾਵੁਕ ਹੋਏ ਨਛੱਤਰ ਗਿੱਲ
"ਤੁਹਾਡੀ ਸਿਰਫ਼ ਮੌਜੂਦਗੀ ਹੀ ਕਾਫ਼ੀ ਹੈ"; 'ਦਿ ਰਾਜਾ ਸਾਬ' ਦੇ ਈਵੈਂਟ 'ਚ ਪ੍ਰਭਾਸ ਨੇ ਕੀਤੀ ਸੰਜੇ ਦੱਤ ਦੀ ਤਾਰੀਫ
NEXT STORY 
