ਮੁੰਬਈ - ਮਸ਼ਹੂਰ ਪੰਜਾਬੀ ਗਾਇਕ ਏਪੀ ਢਿੱਲੋਂ ਦਾ ਮੁੰਬਈ ਵਿੱਚ ਹੋਇਆ ਕੰਸਰਟ ਉਸ ਸਮੇਂ ਬੇਹੱਦ ਯਾਦਗਾਰ ਬਣ ਗਿਆ ਜਦੋਂ ਬਾਲੀਵੁੱਡ ਅਦਾਕਾਰ ਸੰਜੇ ਦੱਤ ਅਤੇ ਅਦਾਕਾਰਾ ਤਾਰਾ ਸੁਤਾਰੀਆ ਨੇ ਸਟੇਜ 'ਤੇ ਪਹੁੰਚ ਕੇ ਸਭ ਨੂੰ ਹੈਰਾਨ ਕਰ ਦਿੱਤਾ। ਇਹ ਕੰਸਰਟ ਸ਼ੁੱਕਰਵਾਰ ਨੂੰ ਮੁੰਬਈ ਦੇ ਜਿਓ ਵਰਲਡ ਸੈਂਟਰ ਵਿਖੇ ਢਿੱਲੋਂ ਦੇ 'ਵਨ ਆਫ ਵਨ ਟੂਰ' ਦੇ ਹਿੱਸੇ ਵਜੋਂ ਆਯੋਜਿਤ ਕੀਤਾ ਗਿਆ ਸੀ।
ਇਹ ਵੀ ਪੜ੍ਹੋ : "ਜਿਸ ਦਿਨ ਮੇਰਾ ਜਨਮਦਿਨ ਸੀ, ਉਸੇ ਦਿਨ ਉਹ ਸਾਨੂੰ ਛੱਡ ਗਈ"; ਪਤਨੀ ਨੂੰ ਯਾਦ ਕਰ ਭਾਵੁਕ ਹੋਏ ਨਛੱਤਰ ਗਿੱਲ
ਸੰਜੇ ਦੱਤ ਦੀ ਸਰਪ੍ਰਾਈਜ਼ ਐਂਟਰੀ:
ਕੰਸਰਟ ਦੌਰਾਨ ਜਦੋਂ ਸੰਜੇ ਦੱਤ ਸਟੇਜ 'ਤੇ ਆਏ ਤਾਂ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਦੇਖਣ ਵਾਲਾ ਸੀ। ਏਪੀ ਢਿੱਲੋਂ ਨੇ ਉਨ੍ਹਾਂ ਦੀ ਜਾਣ-ਪਛਾਣ ਕਰਵਾਉਂਦੇ ਹੋਏ ਉਨ੍ਹਾਂ ਨੂੰ ਇੱਕ "ਅਸਲੀ ਲੈਜੈਂਡ" ਦੱਸਿਆ। ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਈਆਂ ਵੀਡੀਓਜ਼ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਗਾਇਕ ਨੇ ਸੰਜੇ ਦੱਤ ਦੇ ਪੈਰੀਂ ਹੱਥ ਲਾ ਕੇ ਉਨ੍ਹਾਂ ਦਾ ਸਨਮਾਨ ਕੀਤਾ। ਇਸ ਮੌਕੇ ਸੰਜੇ ਦੱਤ ਨੇ ਵੀ ਕਿਹਾ, "ਇਹ ਮੇਰਾ ਛੋਟਾ ਭਰਾ ਹੈ... ਪੰਜਾਬੀ ਮੁੰਡਾ"।
ਇਹ ਵੀ ਪੜ੍ਹੋ: ਆਥੀਆ ਸ਼ੈੱਟੀ ਨੇ ਦਿਖਾਈ ਧੀ ਦੀ ਝਲਕ, ਪਿਤਾ KL ਰਾਹੁਲ ਨਾਲ ਖੇਡਦੀ ਨਜ਼ਰ ਆਈ 'ਇਵਾਰਾ'
ਤਾਰਾ ਸੁਤਾਰੀਆ ਨਾਲ ਡਾਂਸ:
ਕੰਸਰਟ ਵਿੱਚ ਅਦਾਕਾਰਾ ਤਾਰਾ ਸੁਤਾਰੀਆ ਨੇ ਵੀ ਸਟੇਜ 'ਤੇ ਰੌਣਕਾਂ ਲਾਈਆਂ। ਉਹ ਏਪੀ ਢਿੱਲੋਂ ਦੇ ਹਿੱਟ ਗੀਤ 'ਥੋੜੀ ਸੀ ਦਾਰੂ' 'ਤੇ ਥਿਰਕਦੀ ਹੋਈ ਨਜ਼ਰ ਆਈ। ਢਿੱਲੋਂ ਨੇ ਤਾਰਾ ਦਾ ਸਵਾਗਤ ਗਲੇ ਲੱਗ ਕੇ ਅਤੇ ਉਨ੍ਹਾਂ ਨੂੰ ਸ਼ੁਭਕਾਮਨਾਵਾਂ ਦੇ ਕੇ ਕੀਤਾ।
ਇਹ ਵੀ ਪੜ੍ਹੋ: ਅਚਾਨਕ ਸਮੁੰਦਰ 'ਚ ਜਾ ਡਿੱਗਾ ਜਹਾਜ਼, ਬੀਚ 'ਤੇ ਪੈ ਗਈਆਂ ਭਾਜੜਾਂ (ਵੀਡੀਓ)
ਬਾਲੀਵੁੱਡ ਵਿੱਚ ਸੰਜੇ ਦੱਤ ਦਾ ਕੰਮ:
ਜੇਕਰ ਸੰਜੇ ਦੱਤ ਦੇ ਫਿਲਮੀ ਸਫ਼ਰ ਦੀ ਗੱਲ ਕਰੀਏ, ਤਾਂ ਉਹ ਹਾਲ ਹੀ ਵਿੱਚ ਫਿਲਮ 'ਧੁਰੰਦਰ' ਵਿੱਚ ਨਜ਼ਰ ਆਏ ਹਨ, ਜਿਸ ਨੇ ਬਾਕਸ ਆਫਿਸ 'ਤੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਵਿਸ਼ਵ ਭਰ ਵਿਚ 1000 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ। ਇਸ ਫਿਲਮ ਵਿੱਚ ਉਨ੍ਹਾਂ ਨਾਲ ਰਣਵੀਰ ਸਿੰਘ ਅਤੇ ਅਕਸ਼ੈ ਖੰਨਾ ਵਰਗੇ ਸਿਤਾਰੇ ਵੀ ਹਨ।
ਇਹ ਵੀ ਪੜ੍ਹੋ: ਪੰਜਾਬੀ ਇੰਡਸਟਰੀ ਲਈ ਦੁੱਖਦਾਇਕ ਰਿਹਾ ਸਾਲ 2025: ਕਈ ਵੱਡੇ ਸਿਤਾਰਿਆਂ ਨੇ ਦੁਨੀਆ ਨੂੰ ਕਿਹਾ ਅਲਵਿਦਾ
"ਜਿਸ ਦਿਨ ਮੇਰਾ ਜਨਮਦਿਨ ਸੀ, ਉਸੇ ਦਿਨ ਉਹ ਸਾਨੂੰ ਛੱਡ ਗਈ"; ਪਤਨੀ ਨੂੰ ਯਾਦ ਕਰ ਭਾਵੁਕ ਹੋਏ ਨਛੱਤਰ ਗਿੱਲ
NEXT STORY 
