ਮੁੰਬਈ- ਸੰਨੀ ਦਿਓਲ, ਵਰੁਣ ਧਵਨ, ਦਿਲਜੀਤ ਦੋਸਾਂਝ ਅਤੇ ਅਹਾਨ ਸ਼ੈੱਟੀ ਸਟਾਰਰ ਬਹੁ-ਚਰਚਿਤ ਫਿਲਮ 'ਬਾਰਡਰ 2' ਇੱਕ ਵਾਰ ਫਿਰ ਚਰਚਾ ਵਿੱਚ ਹੈ। ਫਿਲਮ ਦੇ ਟੀਜ਼ਰ ਤੋਂ ਬਾਅਦ ਹੁਣ ਮੇਕਰਸ ਨੇ ਪ੍ਰਸ਼ੰਸਕਾਂ ਦੀ ਉਡੀਕ ਖ਼ਤਮ ਕਰਦਿਆਂ ਫਿਲਮ ਦੇ ਸਭ ਤੋਂ ਵੱਧ ਉਡੀਕੇ ਜਾਣ ਵਾਲੇ ਗੀਤ 'ਘਰ ਕਬ ਆਓਗੇ' ਦਾ ਟੀਜ਼ਰ ਜਾਰੀ ਕਰ ਦਿੱਤਾ ਹੈ।
'ਸੰਦੇਸ਼ੇ ਆਤੇ ਹੈਂ' ਦੀਆਂ ਯਾਦਾਂ ਹੋਣਗੀਆਂ ਤਾਜ਼ਾ
ਇਹ ਗੀਤ ਸਾਲ 1997 ਦੀ ਆਈਕੋਨਿਕ ਫਿਲਮ 'ਬਾਰਡਰ' ਦੇ ਮਸ਼ਹੂਰ ਗੀਤ 'ਸੰਦੇਸ਼ੇ ਆਤੇ ਹੈਂ' ਦਾ ਰੀ-ਕ੍ਰਿਏਟਿਡ (ਨਵਾਂ) ਵਰਜ਼ਨ ਹੈ। ਜ਼ਿਕਰਯੋਗ ਹੈ ਕਿ ਪੁਰਾਣਾ ਗੀਤ ਜਾਵੇਦ ਅਖ਼ਤਰ ਦੁਆਰਾ ਲਿਖਿਆ ਗਿਆ ਸੀ ਅਤੇ ਅਨੂ ਮਲਿਕ ਨੇ ਸੰਗੀਤ ਦਿੱਤਾ ਸੀ। ਪਰ ਇਸ ਨਵੇਂ ਵਰਜ਼ਨ ਨੂੰ ਮਨੋਜ ਮੁੰਤਸ਼ਿਰ ਨੇ ਲਿਖਿਆ ਹੈ ਅਤੇ ਇਸ ਦਾ ਸੰਗੀਤ ਮਿਥੁਨ ਦੁਆਰਾ ਤਿਆਰ ਕੀਤਾ ਗਿਆ ਹੈ।
2 ਦੀ ਬਜਾਏ 4 ਗਾਇਕਾਂ ਦਾ ਸੁਮੇਲ
ਇਸ ਵਾਰ ਗੀਤ ਵਿੱਚ ਇੱਕ ਵੱਡਾ ਬਦਲਾਅ ਕੀਤਾ ਗਿਆ ਹੈ। ਜਿੱਥੇ ਪਿਛਲੀ ਵਾਰ ਇਸ ਗੀਤ ਨੂੰ ਸੋਨੂੰ ਨਿਗਮ ਅਤੇ ਰੂਪ ਕੁਮਾਰ ਰਾਠੌੜ ਨੇ ਗਾਇਆ ਸੀ, ਉੱਥੇ ਹੀ ਇਸ ਵਾਰ ਇਸ ਵਿੱਚ ਚਾਰ ਦਿੱਗਜ ਗਾਇਕਾਂ ਦੀ ਆਵਾਜ਼ ਸੁਣਾਈ ਦੇਵੇਗੀ। ਗੀਤ ਨੂੰ ਸੋਨੂੰ ਨਿਗਮ ਦੇ ਨਾਲ-ਨਾਲ ਅਰਿਜੀਤ ਸਿੰਘ, ਦਿਲਜੀਤ ਦੋਸਾਂਝ ਅਤੇ ਵਿਸ਼ਾਲ ਮਿਸ਼ਰਾ ਨੇ ਗਾਇਆ ਹੈ। ਟੀਜ਼ਰ ਦੇ ਅੰਤ ਵਿੱਚ ਇਨ੍ਹਾਂ ਚਾਰੇ ਗਾਇਕਾਂ ਦੀਆਂ ਆਵਾਜ਼ਾਂ ਦੀ ਝਲਕ ਮਿਲਦੀ ਹੈ ਜੋ ਸਰੋਤਿਆਂ ਨੂੰ ਭਾਵੁਕ ਕਰਨ ਲਈ ਕਾਫੀ ਹੈ।
ਜਾਣੋ ਕਦੋਂ ਰਿਲੀਜ਼ ਹੋਵੇਗਾ ਪੂਰਾ ਗੀਤ?
ਮੇਕਰਸ ਨੇ ਟੀਜ਼ਰ ਦੇ ਨਾਲ ਹੀ ਗੀਤ ਦੀ ਰਿਲੀਜ਼ ਡੇਟ ਦਾ ਵੀ ਖੁਲਾਸਾ ਕਰ ਦਿੱਤਾ ਹੈ। 'ਘਰ ਕਬ ਆਓਗੇ' ਦੇ ਸਿਰਲੇਖ ਹੇਠ ਇਹ ਪੂਰਾ ਗੀਤ 2 ਜਨਵਰੀ ਨੂੰ ਰਿਲੀਜ਼ ਕੀਤਾ ਜਾਵੇਗਾ।
2026 'ਚ 9 ਸਾਲ ਵੱਡੇ ਹੀਰੋ ਦੀ ਦੁਲਹਨ ਬਣੇਗੀ ਇਹ ਮਸ਼ਹੂਰ ਅਦਾਕਾਰਾ ! ਪ੍ਰੇਮੀ ਨੇ ਸ਼ਰੇਆਮ ਕੀਤਾ ਸੀ Propose
NEXT STORY 
