ਮੁੰਬਈ- 90 ਦੇ ਦਹਾਕੇ ਦੀ ਇੱਕ ਅਦਾਕਾਰਾ ਨੇ ਆਪਣੀਆਂ ਬੋਲਡ ਤਸਵੀਰਾਂ ਅਤੇ ਬੋਲਡ ਲੁੱਕ ਨਾਲ ਦਰਸ਼ਕਾਂ 'ਚ ਆਪਣਾ ਨਾਮ ਬਣਾਇਆ ਸੀ, ਜਿਸ ਕਾਰਨ ਉਸ ਅਦਾਕਾਰਾ ਦੇ ਬਹੁਤ ਸਾਰੇ ਪ੍ਰਸ਼ੰਸਕ ਸਨ। ਪ੍ਰਸ਼ੰਸਕ ਆਪਣੇ ਪਸੰਦੀਦਾ ਕਲਾਕਾਰਾਂ ਲਈ ਕੁਝ ਵੀ ਕਰਨ ਲਈ ਤਿਆਰ ਰਹਿੰਦੇ ਹਨ। ਇਸ ਅਦਾਕਾਰਾ ਦਾ ਇੱਕ ਅਜਿਹਾ ਹੀ ਪਾਗਲ ਪ੍ਰਸ਼ੰਸਕ ਵੀ ਸੀ, ਜੋ ਉਸ ਨੂੰ ਖੂਨ ਨਾਲ ਭਰੇ ਪੱਤਰ ਲਿਖਦਾ ਸੀ। ਉਸ ਪ੍ਰਸ਼ੰਸਕ ਨੇ ਅਦਾਕਾਰਾ ਦੀ ਬਿਕਨੀ ਵੀ ਖਰੀਦ ਲਈ। ਅਸੀਂ ਗੱਲ ਕਰ ਰਹੇ ਹਾਂ ਅਦਾਕਾਰਾ ਪੂਜਾ ਬੇਦੀ ਬਾਰੇ ਜਿਸ ਨੇ ਆਪਣੀ ਬੋਲਡਨੈੱਸ ਨਾਲ ਲੋਕਾਂ ਨੂੰ ਦੀਵਾਨਾ ਬਣਾ ਦਿੱਤਾ ਹੈ।
ਇਹ ਵੀ ਪੜ੍ਹੋ- ਮੋਨਾਲੀਸਾ ਨਾਲ ਸੈਲਫੀ ਲੈਣ ਲਈ ਇਕੱਠੀ ਹੋਈ ਲੋਕਾਂ ਦੀ ਭੀੜ, ਤੋਹਫ਼ੇ 'ਚ ਦਿੱਤੇ ਹੀਰੇ ਦੇ ਹਾਰ
ਬੋਲਡ ਦ੍ਰਿਸ਼ਾਂ ਨਾਲ ਮਚਾਈ ਸੀ ਤਰਥੱਲੀ
90 ਦੇ ਦਹਾਕੇ 'ਚ, ਕਬੀਰ ਬੇਦੀ ਦੀ ਧੀ ਪੂਜਾ ਬੇਦੀ ਨੇ ਫਿਲਮਾਂ 'ਚ ਆਪਣੀ ਬੋਲਡਨੈੱਸ ਨਾਲ ਹਲਚਲ ਮਚਾ ਦਿੱਤੀ ਸੀ। ਉਸ ਨੇ 1991 'ਚ ਰਿਲੀਜ਼ ਹੋਈ 'ਵਿਸ਼ ਕੰਨਿਆ' ਨਾਲ ਫਿਲਮੀ ਦੁਨੀਆ 'ਚ ਪ੍ਰਵੇਸ਼ ਕੀਤਾ। ਇਸ ਅਦਾਕਾਰਾ ਨੇ ਆਪਣੇ ਕਰੀਅਰ 'ਚ ਬਹੁਤੀਆਂ ਫਿਲਮਾਂ ਨਹੀਂ ਕੀਤੀਆਂ ਪਰ ਉਹ ਅਕਸਰ ਆਪਣੇ ਬੋਲਡ ਦ੍ਰਿਸ਼ਾਂ ਕਾਰਨ ਸੁਰਖੀਆਂ 'ਚ ਰਹਿੰਦੀ ਸੀ। ਅਦਾਕਾਰਾ ਨੇ ਫਿਲਮ 'ਵਿਸ਼ ਕੰਨਿਆ' 'ਚ ਕਈ ਬੋਲਡ ਸੀਨ ਦਿੱਤੇ ਸਨ। ਇਹੀ ਕਾਰਨ ਸੀ ਕਿ ਉਸ ਦੀ ਇੱਕ ਮਜ਼ਬੂਤ ਫੈਨ ਫਾਲੋਇੰਗ ਸੀ ਪਰ ਉਨ੍ਹਾਂ ਵਿੱਚੋਂ ਇੱਕ ਪਾਗਲ ਪ੍ਰਸ਼ੰਸਕ ਵੀ ਸੀ, ਜਿਸ ਦੀ ਦਿਲਚਸਪ ਕਹਾਣੀ ਖੁਦ ਅਦਾਕਾਰਾ ਨੇ ਸਾਂਝੀ ਕੀਤੀ ਸੀ।
ਇਹ ਵੀ ਪੜ੍ਹੋ- ਅਦਾਕਾਰ ਸਾਹਿਲ ਖ਼ਾਨ ਨੇ ਪ੍ਰੇਮਿਕਾ ਨਾਲ ਕਰਵਾਇਆ ਦੂਜਾ ਵਿਆਹ
ਇੱਕ ਦਿਨ 'ਚ ਹਜ਼ਾਰਾਂ ਕਾਲਾਂ
ਦਰਅਸਲ, ਕੁਝ ਸਮਾਂ ਪਹਿਲਾਂ ਪੂਜਾ ਬੇਦੀ ਕਾਮੇਡੀਅਨ ਕਪਿਲ ਸ਼ਰਮਾ ਦੇ ਸ਼ੋਅ 'ਚ ਨਜ਼ਰ ਆਈ ਸੀ। ਇਸ ਦੌਰਾਨ, ਉਸ ਨੇ ਆਪਣੇ ਪਾਗਲ ਪ੍ਰਸ਼ੰਸਕ ਦੀ ਕਹਾਣੀ ਵੀ ਸੁਣਾਈ। 'ਦ ਕਪਿਲ ਸ਼ਰਮਾ ਸ਼ੋਅ 'ਚ', ਪੂਜਾ ਨੇ ਇੱਕ ਮੁੰਡੇ ਬਾਰੇ ਗੱਲ ਕੀਤੀ ਜੋ ਉਸ ਦੇ ਘਰ 'ਚ ਦਾਖ਼ਲ ਹੋ ਗਿਆ। ਉਸ ਨੇ ਸਥਿਤੀ ਨੂੰ ਡਰਾਉਣਾ ਦੱਸਿਆ ਅਤੇ ਕਿਹਾ ਕਿ ਉਹ ਉਸ ਨੂੰ ਦਿਨ 'ਚ ਹਜ਼ਾਰਾਂ ਵਾਰ ਫ਼ੋਨ ਕਰਦਾ ਸੀ। ਉਸ ਨੂੰ ਉਸ ਦਾ ਨੰਬਰ ਕਿਵੇਂ ਮਿਲਿਆ, ਇਹ ਉਨ੍ਹਾਂ ਲਈ ਇੱਕ ਰਹੱਸ ਸੀ।
ਇਹ ਵੀ ਪੜ੍ਹੋ- ਮਸ਼ਹੂਰ ਗਾਇਕ ਦਾ ਦਿਹਾਂਤ, ਇੰਡਸਟਰੀ 'ਚ ਸੋਗ ਦੀ ਲਹਿਰ
ਪ੍ਰਸ਼ੰਸਕ ਨੇ ਪੂਜਾ ਲਈ ਖਰੀਦੀ ਸੀ ਬਿਕਨੀ
ਉਹ ਪ੍ਰਸ਼ੰਸਕ ਅਦਾਕਾਰਾ ਨੂੰ ਖੂਨ ਨਾਲ ਲਿਖੇ ਪੱਤਰ ਵੀ ਭੇਜਦਾ ਸੀ, ਜਿਸ ਤੋਂ ਬਾਅਦ ਪੂਜਾ ਪਰੇਸ਼ਾਨ ਹੋ ਗਈ ਅਤੇ ਪੁਲਸ ਕੋਲ ਸ਼ਿਕਾਇਤ ਦਰਜ ਕਰਵਾਈ। ਅਦਾਕਾਰਾ ਨੇ ਦੱਸਿਆ ਸੀ ਕਿ ਜਦੋਂ ਲੁਟੇਰਾ 'ਚ ਮੇਰੀ ਬਿਕਨੀ ਦੀ ਨਿਲਾਮੀ ਹੋਈ ਸੀ, ਤਾਂ ਇੱਕ ਪਾਗਲ ਪ੍ਰਸ਼ੰਸਕ ਨੇ ਇਸ ਨੂੰ ਖਰੀਦ ਲਿਆ ਸੀ। ਜਦੋਂ ਪੁੱਛਿਆ ਗਿਆ ਕਿ ਉਸਨੇ ਬਿਕਨੀ ਕਿਉਂ ਖਰੀਦੀ, ਤਾਂ ਪ੍ਰਸ਼ੰਸਕ ਨੇ ਕਿਹਾ, 'ਜੇ ਮੈਂ ਅਦਾਕਾਰਾ ਨੂੰ ਜੱਫੀ ਨਹੀਂ ਪਾ ਸਕਦਾ, ਤਾਂ ਮੈਂ ਘੱਟੋ ਘੱਟ ਪੂਜਾ ਦੀ ਬਿਕਨੀ ਨੂੰ ਜੱਫੀ ਪਾ ਸਕਦਾ ਹਾਂ।' ਇੱਕ ਵਾਰ, ਪ੍ਰਸ਼ੰਸਕ ਹੱਥਾਂ ਵਿੱਚ ਬਿਕਨੀ ਲੈ ਕੇ ਪੂਜਾ ਦੇ ਘਰ ਪਹੁੰਚਿਆ, ਜਿੱਥੇ ਅਦਾਕਾਰਾ ਨੇ ਉਸ ਨੂੰ ਬਿਠਾਇਆ ਅਤੇ ਉਸ ਨੂੰ ਸ਼ਾਂਤੀ ਨਾਲ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਫਿਰ ਵੀ ਪ੍ਰਸ਼ੰਸਕ ਨੇ ਇੱਕ ਨਾ ਸੁਣੀ ਅਤੇ ਵਿਆਹ ਹੋਣ ਤੱਕ ਅਦਾਕਾਰਾ ਨੂੰ ਤੰਗ ਕਰਦਾ ਰਿਹਾ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਗਿੱਪੀ ਗਰੇਵਾਲ ਦੀ 'ਅਕਾਲ' ਦਾ ਪੋਸਟਰ ਰਿਲੀਜ਼, ਸਿੱਖ ਪਹਿਰਾਵੇ 'ਚ ਨਜ਼ਰ ਆਏ ਸਾਰੇ ਸਿਤਾਰੇ
NEXT STORY 
