ਮੁੰਬਈ- ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਧਰਮਿੰਦਰ ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਸਰਗਰਮ ਹਨ। ਧਰਮਿੰਦਰ ਪੁਰਾਣੇ ਦਿਨਾਂ ਨੂੰ ਯਾਦ ਕਰਦਿਆਂ ਸੋਸ਼ਲ ਮੀਡੀਆ 'ਤੇ ਤਸਵੀਰਾਂ ਅਤੇ ਵੀਡੀਓ ਸ਼ੇਅਰ ਕਰਦੇ ਰਹਿੰਦੇ ਹਨ। ਧਰਮਿੰਦਰ ਨੇ ਫ਼ਿਲਮ 'ਗੁੱਡੀ' ਦੀ ਸ਼ੂਟਿੰਗ ਦੇ ਦਿਨਾਂ ਨੂੰ ਯਾਦ ਕਰਦਿਆਂ ਇਕ ਵੀਡੀਓ ਸਾਂਝੀ ਕੀਤੀ ਹੈ। ਜਯਾ ਬੱਚਨ ਅਤੇ ਧਰਮਿੰਦਰ ਦੀ ਇਸ ਫ਼ਿਲਮ ਦਾ ਨਿਰਦੇਸ਼ਨ ਹਰਿਸ਼ਿਕਸ਼ ਮੁਖਰਜੀ ਨੇ ਕੀਤਾ ਸੀ। ਇਸ ਫ਼ਿਲਮ ਵਿਚ ਜਯਾ ਨੇ ਇਕ ਅਜਿਹੀ ਲੜਕੀ ਦਾ ਕਿਰਦਾਰ ਨਿਭਾਇਆ ਸੀ ਜੋ ਸਟਾਰ ਧਰਮਿੰਦਰ ਦੀ ਦੀਵਾਨੀ ਸੀ।
ਧਰਮਿੰਦਰ ਅਤੇ ਜਯਾ ਬੱਚਨ ਤੋਂ ਇਲਾਵਾ ਫ਼ਿਲਮ 'ਗੁੱਡੀ' 'ਚ ਏਕੇ ਹੰਗਲ ਅਤੇ ਉਤਪਾਲ ਦੱਤ ਵਰਗੇ ਦਿੱਗਜ ਅਦਾਕਾਰ ਸਨ। ਧਰਮਿੰਦਰ ਨੇ ਇਸ ਫ਼ਿਲਮ ਨਾਲ ਜੁੜੀ ਇਕ ਥ੍ਰੋਬੈਕ ਵੀਡੀਓ ਇੰਸਟਾਗ੍ਰਾਮ ਅਤੇ ਟਵਿੱਟਰ 'ਤੇ ਸਾਂਝੀ ਕੀਤੀ ਹੈ। ਧਰਮਿੰਦਰ ਨੇ ਟਵਿੱਟਰ 'ਤੇ ਲਿਖਿਆ-' ਹਰ ਚੀਜ਼ ਜੋ ਚਮਕਦੀ ਹੈ ਉਹ ਸੋਨਾ ਨਹੀਂ ਹੈ .. ਦੋਸਤੋ, 'ਗੁੱਡੀ' ਵਿਚ... ਪਰਦਾ ਇਸ ਹਕੀਕਤ ਤੋਂ ਹਟਾ ਦਿੱਤਾ ਗਿਆ ਸੀ .. ਮੈਂ ਦੁਖੀ ਮਨ ਨਾਲ ਕਹਿ ਰਿਹਾ ਹਾਂ ਕਿ ਮੋਹਨ ਸਟੂਡੀਓ ਦਾ ਇਹ ਹਿੱਸਾ ਸੜ ਗਿਆ... ਇਥੇ ਹੀ ਮੇਰਾ ਸਕ੍ਰੀਨ ਟੈਸਟ ਹੋਇਆ ਸੀ। ਇਸ ਵੀਡੀਓ ਵਿੱਚ ਜਯਾ ਬੱਚਨ ਦੇ ਨਾਲ ਖੜੇ ਧਰਮਿੰਦਰ ਸੀਨ ਵਿੱਚ ਕਹਿੰਦੇ ਹਨ, ਇੱਥੇ ਮੈਂ ਆਪਣੇ ਕਰੀਅਰ ਦੀ ਸ਼ੁਰੂਆਤ ਬਿਮਲ ਦੇ ਨਾਲ ਕੀਤੀ ਸੀ। ਬਿਮਲ ਰਾਏ ਉਸ ਸਮੇਂ 'ਬੰਦਿਨੀ' ਬਣਾ ਰਹੇ ਸਨ..ਹੁਣ ਇਹ ਸਟੂਡੀਓ ਵੀ ਖਤਮ ਹੋ ਗਿਆ ਹੈ। ਇੱਥੇ 'ਦੋ ਬਿਘਾ ਜ਼ਮੀਨ', 'ਬਾਂਦਨੀ', 'ਮਧੂਮਤੀ' ... ਵਰਗੀਆਂ ਵੱਡੀਆਂ ਫ਼ਿਲਮਾਂ ਬਣੀਆਂ ਸਨ ਇਥੇ ਇਕ ਸਾਬਣ ਦੀ ਫੈਕਟਰੀ ਬਣਾਈ ਜਾਵੇਗੀ। ਤੁਹਾਨੂੰ ਦੱਸ ਦੇਈਏ ਕਿ 1 ਜਨਵਰੀ 1971 ਨੂੰ ਰਿਲੀਜ਼ ਹੋਈ ਫ਼ਿਲਮ 'ਗੁੱਡੀ' ਦੀ ਕਹਾਣੀ ਅਤੇ ਗਾਣੇ ਗੁਲਜ਼ਾਰ ਨੇ ਲਿਖੇ ਸਨ। ਇਸ ਫਿਲਮ ਦਾ ਸੰਗੀਤ ਵਸੰਤ ਦੇਸਾਈ ਨੇ ਦਿੱਤਾ ਸੀ। ਇਹ ਫ਼ਿਲਮ ਸੁਪਰਹਿੱਟ ਰਹੀ ਇਸ ਫ਼ਿਲਮ ਦੇ ਗਾਣਿਆਂ ਨੂੰ ਵੀ ਬਹੁਤ ਪਸੰਦ ਕੀਤਾ ਗਿਆ ਸੀ।
ਜ਼ਮੀਨ 'ਤੇ ਅਚਾਨਕ ਲੇਟਣ ਲੱਗੀ ਸੰਨੀ ਲਿਓਨ, ਕਾਰਨ ਪੁੱਛਣ 'ਤੇ ਅਦਾਕਾਰਾ ਨੇ ਦਿੱਤਾ ਇਹ ਜਵਾਬ (ਵੀਡੀਓ)
NEXT STORY 
