ਜਲੰਧਰ (ਬਿਊਰੋ) : ਦੁਨੀਆ ਭਰ ਦੇ ਦਰਸ਼ਕਾਂ ਦਾ ਮਨ ਮੋਹ ਲੈਣ ਵਾਲੇ ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਦਾ ਦਿਲ-ਲੁਮਿਨਾਟੀ ਟੂਰ ਅਕਤੂਬਰ 'ਚ ਭਾਰਤ ਵਾਪਸ ਆਵੇਗਾ। ਦਿਲਜੀਤ ਦੋਸਾਂਝ ਦਿਲ-ਲੁਮੀਨਾਟੀ ਟੂਰ ਦੇ ਆਪਣੇ ਸ਼ੋਅ ਨੂੰ ਖਾਸ ਬਣਾਉਣ ਲਈ ਕੋਈ ਕਸਰ ਨਹੀਂ ਛੱਡ ਰਹੇ ਹਨ। ਹਾਲ ਹੀ 'ਚ ਬਰਮਿੰਘਮ 'ਚ ਐਡ ਸ਼ੀਰਨ ਨਾਲ ਟੀਮ ਬਣਾਉਣ ਤੋਂ ਬਾਅਦ, ਗਾਇਕ ਨੇ ਰੈਪਰ ਬਾਦਸ਼ਾਹ ਨਾਲ ਹੱਥ ਮਿਲਾਇਆ।
ਇਸ ਸ਼ੋਅ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਸ਼ੁੱਕਰਵਾਰ ਨੂੰ ਲੰਡਨ 'ਚ ਆਪਣੇ ਗਿਗ ਦੌਰਾਨ ਬਾਦਸ਼ਾਹ ਨੇ ਦਿਲਜੀਤ ਨਾਲ ਖਾਸ ਮੁਲਾਕਾਤ ਕੀਤੀ। ਸੋਸ਼ਲ ਮੀਡੀਆ ਬਾਦਸ਼ਾਹ ਅਤੇ ਦਿਲਜੀਤ ਦੀਆਂ ਤਸਵੀਰਾਂ ਅਤੇ ਵੀਡੀਓ ਨਾਲ ਭਰਿਆ ਹੋਇਆ ਹੈ।
ਇੱਕ ਕਲਿੱਪ 'ਚ, ਬਾਦਸ਼ਾਹ ਅਤੇ ਦਿਲਜੀਤ ਨੂੰ ਫ਼ਿਲਮ 'ਕਰੂ' ਦੇ ਆਪਣੇ ਹਿੱਟ ਟਰੈਕ "ਨੈਨਾ" ਦਾ ਪ੍ਰਦਰਸ਼ਨ ਕਰਦੇ ਦੇਖਿਆ ਜਾ ਸਕਦਾ ਹੈ। ਇਸ ਜੋੜੀ ਦਾ ਦਰਸ਼ਕਾਂ ਵੱਲੋਂ ਜ਼ੋਰਦਾਰ ਤਾੜੀਆਂ ਨਾਲ ਸਵਾਗਤ ਕੀਤਾ ਗਿਆ । ਆਪਣਾ ਵਿਦੇਸ਼ ਦੌਰਾ ਪੂਰਾ ਕਰਨ ਤੋਂ ਬਾਅਦ, ਦਿਲਜੀਤ ਇਸ ਅਕਤੂਬਰ 'ਚ ਆਪਣੇ ਦੌਰੇ ਦਾ ਭਾਰਤੀ ਪੜਾਅ ਸ਼ੁਰੂ ਕਰਨ ਲਈ ਤਿਆਰ ਹੈ। ਇਹ ਟੂਰ 26 ਅਕਤੂਬਰ ਨੂੰ ਨਵੀਂ ਦਿੱਲੀ ਦੇ ਪ੍ਰਤੀਕ ਜਵਾਹਰ ਲਾਲ ਨਹਿਰੂ ਸਟੇਡੀਅਮ ਤੋਂ ਸ਼ੁਰੂ ਹੋਵੇਗਾ। ਦਿੱਲੀ ਤੋਂ ਬਾਅਦ, ਟੂਰ ਹੈਦਰਾਬਾਦ, ਅਹਿਮਦਾਬਾਦ, ਲਖਨਊ, ਪੁਣੇ, ਕੋਲਕਾਤਾ, ਬੰਗਲੌਰ, ਇੰਦੌਰ, ਚੰਡੀਗੜ੍ਹ ਅਤੇ ਗੁਹਾਟੀ ਜਾਵੇਗਾ। ਦਿਲਜੀਤ ਨੇ 'ਸਾਰੇਗਾਮਾ' ਦੀ ਟੀਮ ਵੱਲੋਂ ਸਾਂਝੇ ਕੀਤੇ ਨੋਟ 'ਚ ਕਿਹਾ ਕਿ ਉਹ ਆਪਣਾ ਭਾਰਤ ਦੌਰੇ ਨੂੰ ਲੈ ਕੇ ਬਹੁਤ ਉਤਸ਼ਾਹਿਤ ਹੈ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਫੈਨਜ਼ ਦੀ ਇਸ ਹਰਕਤ ਨਾਲ ਸ਼ਾਹਰੁਖ ਖ਼ਾਨ ਹੋਏ ਪਰੇਸ਼ਾਨ, ਘਰ ਵੜ ਕੀਤਾ ਅਜਿਹਾ ਕੰਮ
NEXT STORY 
