ਮੁੰਬਈ (ਏਜੰਸੀ)- ਪੈਨ-ਇੰਡੀਆ ਸੁਪਰਸਟਾਰ ਡਾ. ਸ਼ਿਵ ਰਾਜਕੁਮਾਰ ਦੀ ਬਹੁਤ ਉਡੀਕੀ ਜਾ ਰਹੀ ਫਿਲਮ, 'ਓਰੀਜਨਲ ਮੌਨਸਟਰ' (ਓ.ਐਮ.) ਦਾ ਪੋਸਟਰ ਅਤੇ ਮੋਸ਼ਨ ਪੋਸਟਰ ਰਿਲੀਜ਼ ਹੋ ਗਿਆ ਹੈ। ਫਿਲਮਮੇਕਰ ਆਰ. ਚੰਦਰੂ ਦੁਆਰਾ ਨਿਰਦੇਸ਼ਤ, ਫਿਲਮ ਦੀ ਪਹਿਲੀ ਝਲਕ ਵਿੱਚ ਡਾ. ਸ਼ਿਵ ਰਾਜਕੁਮਾਰ ਨੂੰ ਇੱਕ ਭਿਆਨਕ ਅਤੇ ਇੰਟੈਂਸ ਅਵਤਾਰ ਵਿੱਚ ਦਿਖਾਇਆ ਗਿਆ ਹੈ। ਪੋਸਟਰ ਵਿੱਚ ਖੂਨ-ਖਰਾਬਾ, ਤਬਾਹੀ ਅਤੇ ਹਫੜਾ-ਦਫੜੀ ਦੇ ਵਿਚਕਾਰ ਡਾ. ਸ਼ਿਵ ਰਾਜਕੁਮਾਰ ਦਾ ਖੁੰਖਾਰ ਅਵਤਾਰ ਨਜ਼ਰ ਆਉਂਦਾ ਹੈ। ਉਨ੍ਹਾਂ ਦੀ ਦਮਦਾਰ ਸਕ੍ਰੀਨ ਮੌਜੂਦਗੀ ਫਿਲਮ ਦੀ ਡਾਰਕ ਅਤੇ ਰਾਅ ਦੁਨੀਆ ਦੀ ਝਲਕ ਪੇਸ਼ ਕਰਦੀ ਹੈ। ਪੋਸਟਰ ਰਿਲੀਜ਼ ਹੋਣ ਤੋਂ ਬਾਅਦ ਫਿਲਮ ਲਈ ਦਰਸ਼ਕਾਂ ਦਾ ਉਤਸ਼ਾਹ ਵਧ ਗਿਆ ਹੈ।
ਨਿਰਦੇਸ਼ਕ ਆਰ. ਚੰਦਰੂ ਨੇ ਕਿਹਾ ਕਿ ਜਦੋਂ ਕਿਰਦਾਰ 'ਤੇ ਚਰਚਾ ਸ਼ੁਰੂ ਹੋਈ, ਤਾਂ ਇਹ ਫੈਸਲਾ ਕੀਤਾ ਗਿਆ ਕਿ ਇਸ ਲਈ ਇੱਕ ਦਮਦਾਰ ਸਕ੍ਰੀਨ ਮੌਜੂਦਗੀ ਵਾਲੇ ਵਿਅਕਤੀ ਦੀ ਲੋੜ ਹੈ। ਡਾ. ਸ਼ਿਵ ਰਾਜਕੁਮਾਰ ਭੂਮਿਕਾ ਲਈ ਸੰਪੂਰਨ ਵਿਕਲਪ ਹਨ। ਇਹ ਸਿਰਫ਼ ਇੱਕ ਹੋਰ ਐਕਸ਼ਨ ਫਿਲਮ ਨਹੀਂ ਹੈ, ਸਗੋਂ ਇੱਕ ਪੂਰੀ ਦੁਨੀਆ ਹੈ, ਜਿਸ ਨੂੰ ਬਹੁਤ ਜ਼ਿਆਦਾ ਜਨੂੰਨ ਨਾਲ ਬਣਾਇਆ ਜਾ ਰਿਹਾ ਹੈ। ਡਾ. ਸ਼ਿਵ ਰਾਜਕੁਮਾਰ ਨੇ ਕਿਹਾ ਕਿ ਜਿਸ ਪਲ ਆਰ. ਚੰਦਰੂ ਨੇ ਉਨ੍ਹਾਂ ਨੂੰ "ਓਰੀਜਨਲ ਮੌਨਸਟਰ" ਦੀ ਕਹਾਣੀ ਸੁਣਾਈ, ਉਨ੍ਹਾਂ ਨੂੰ ਤੁਰੰਤ ਪਾਤਰ ਦੀ ਐਨਰਜੀ ਅਤੇ ਖਾਸੀਅਤ ਦਾ ਅਹਿਸਾਸ ਹੋ ਗਿਆ ਸੀ। "ਓਰੀਜਨਲ ਮੌਨਸਟਰ" ਆਰ.ਸੀ. ਸਟੂਡੀਓਜ਼ ਦੀ ਪੇਸ਼ਕਾਰੀ ਹੈ। ਯਮੁਨਾ ਚੰਦਰੂ ਫਿਲਮ ਦਾ ਨਿਰਮਾਣ ਕਰ ਰਹੀ ਹੈ, ਜਦੋਂ ਕਿ ਆਨੰਦ ਪੰਡਿਤ ਇਸਨੂੰ ਪੇਸ਼ ਕਰ ਰਹੇ ਹਨ।
ਫ਼ਿਲਮ ਹਿੱਟ ਹੁੰਦਿਆਂ ਹੀ ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਦੀ ਵਿਗੜ ਗਈ ਸਿਹਤ ! ਜਾਣੋ ਕੀ ਹੈ Health Update
NEXT STORY 
