ਮੁੰਬਈ: ਟੀ.ਵੀ. ਸ਼ੋਅ ‘ਨਾ ਆਨਾ ਇਸ ਦੇਸ ਲਾਡੋ’ ਫ਼ੇਮ ਨਤਾਸ਼ਾ ਸ਼ਰਮਾ ਇਨ੍ਹੀਂ ਦਿਨੀਂ ਆਪਣੀ ਗਰਭ ਅਵਸਥਾ ਦਾ ਆਨੰਦ ਲੈ ਰਹੀ ਹੈ। ਨਤਾਸ਼ਾ ਸ਼ਰਮਾ ਵਿਆਹ ਦੇ 10 ਸਾਲਾਂ ਬਾਅਦ ਆਦਿਤਿਆ ਰੇਡੀਜ ਨਾਲ ਆਪਣੇ ਪਹਿਲੇ ਬੱਚੇ ਦਾ ਸਵਾਗਤ ਕਰਨਗੇ। ਹਾਲ ਹੀ ’ਚ ਨਤਾਸ਼ਾ ਦਾ ਬੇਬੀ ਸ਼ਾਵਰ ਹੋਇਆ, ਜਿਸ ਦੀਆਂ ਤਸਵੀਰਾਂ ਅਦਾਕਾਰਾ ਨੇ ਆਪਣੇ ਇੰਸਟਾਗ੍ਰਾਮ ’ਤੇ ਸਾਂਝੀਆਂ ਕੀਤੀਆਂ ਹਨ।
ਤਸਵੀਰਾਂ ’ਚ MOM TO BE ਅਦਾਕਾਰਾ ਹਰੇ ਰੰਗ ਦੀ ਸਿਲਕ ਦੀ ਸਾੜੀ ’ਚ ਖੂਬਸੂਰਤ ਲੱਗ ਰਹੀ ਹੈ। ਇਸ ਸਾੜ੍ਹੀ ’ਚ ਉਹ ਆਪਣੇ ਬੇਬੀ ਬੰਪ ਨੂੰ ਫ਼ਲਾਂਟ ਕਰ ਰਹੀ ਹੈ। ਗੋਲਡਨ ਚੋਕਰ, ਨੈੱਕਲੇਸ, ਮਾਂਗ ਟਿੱਕਾ, ਸੋਨੇ ਦੇ ਕੰਗਣ, ਹਰੀਆਂ ਚੂੜੀਆਂ ਅਦਾਕਾਰਾ ਦੀ ਲੁੱਕ ਨੂੰ ਚਾਰ-ਚੰਨ ਲਗਾ ਰਹੀਆਂ ਹਨ। ਇਸ ਦੌਰਾਨ ਨਤਾਸ਼ਾ ਨੇ ਆਪਣੇ ਗਲੇ ’ਚ ਸਫ਼ੇਦ ਫੁੱਲਾਂ ਦਾ ਹਾਰ ਪਾਇਆ ਹੋਇਆ ਹੈ।
ਇਹ ਵੀ ਪੜ੍ਹੋ : ਦੋਸਤਾਂ ਨਾਲ ਜਾਹਨਵੀ-ਨਿਆਸਾ ਦੀ ਲੰਚ ਡੇਟ, ਰੈੱਡ ਡਰੈੱਸ ’ਚ ਨਜ਼ਰ ਆਈਆਂ ਸਟਾਰ ਕਿਡਜ਼
ਇਨ੍ਹਾਂ ਤਸਵੀਰਾਂ ਨੂੰ ਸਾਂਝੀਆਂ ਕਰਦੇ ਹੋਏ ਵੀਡੀਓ ਨਿਰਮਾਤਾ ਅਤੇ ਅਦਾਕਾਰਾ ਦੀ ਵੱਡੀ ਭੈਣ ਸ਼ਵੇਤਾ ਸ਼ਰਮਾ ਨੇ ਲਿਖਿਆ ਕਿ ‘ਮੈਨੂੰ ਅਜੇ ਵੀ ਚੰਗੀ ਤਰ੍ਹਾਂ ਯਾਦ ਹੈ, ਮੈਂ 5 ਸਾਲ ਦੀ ਸੀ ਅਤੇ ਮਾਂ ਤੁਹਾਨੂੰ ਇਸ ਦੁਨੀਆ ’ਚ ਲੈ ਕੇ ਆਈ ਸੀ। ਇਹ ਮੇਰੇ ਲਈ ਸਭ ਤੋਂ ਵਧੀਆ ਤੋਹਫ਼ਾ ਸੀ। ਹੁਣ ਸਮਾਂ ਆ ਗਿਆ ਹੈ ਕਿ ਤੁਸੀਂ ਮੈਨੂੰ ਮਾਸੀ ਬਣਾਉਣ ਜਾ ਰਹੇ ਹੋ।’
ਇਸ ਦੇ ਨਾਲ ਹੋਣ ਵਾਲੀ ਮਾਂ ਨੇ ਵੀਡੀਓ ਸਾਂਝੀ ਕੀਤੀ ਹੈ। ਵੀਡੀਓ ’ਚ ਉਹ ਆਪਣੇ ਮਾਤਾ-ਪਿਤਾ ਨਾਲ ਨਜ਼ਰ ਆ ਰਹੀ ਹੈ। ਇਸ ਦੇ ਕੈਪਸ਼ਨ ’ਚ ਉਸ ਨੇ ਲਿਖਿਆ ਕਿ ‘ਹਮੇਸ਼ਾ ਮੇਰੇ ’ਤੇ ਆਪਣਾ ਪਿਆਰ ਅਤੇ ਆਸ਼ੀਵਰਵਾਦ ਦੇਣ ਲਈ ਮਾਂ ਅਤੇ ਪਿਤਾ ਦਾ ਧੰਨਵਾਦ। ਤੁਸੀਂ ਦੋਵੇਂ ਸਾਡੇ ਜੀਵਨ ਦਾ ਆਸ਼ੀਰਵਾਦ ਹੋ।’
ਇਹ ਵੀ ਪੜ੍ਹੋ : ਮਿਸ ਇੰਡੀਆ ਇਵੈਂਟ ’ਚ ਛਾਏ ਨੇਹਾ ਧੂਪੀਆ ਦੇ ਬੱਚੇ: ਮਾਂ ਵਾਂਗ ਸਟਾਈਲਿਸ਼ ਦਿੱਸੀ ਲਿਟਲ ਮੇਹਰ
ਆਦਿਤਿਆ ਰੇਡੀਜ ਅਤੇ ਨਤਾਸ਼ਾ ਸ਼ਰਮਾ ਦੀ ਪ੍ਰੇਮ ਕਹਾਣੀ ਦੀ ਗੱਲ ਕਰੀਏ ਤਾਂ ਦੋਵਾਂ ਦੀ ਪਹਿਲੀ ਮੁਲਾਕਾਤ ਸੀਰੀਅਲ ‘ਨਾ ਆਨਾ ਇਸ ਦੇਸ ਲਾਡੋ’ ਦੇ ਸੈੱਟ ’ਤੇ ਹੋਈ ਸੀ ਪਰ ਉਨ੍ਹਾਂ ਦੇ ਪਿਆਰ ਨੇ ਹਰ ਮੁਸ਼ਕਿਲ ਦਾ ਸਾਹਮਣਾ ਕੀਤਾ।
ਮਿਸ ਇੰਡੀਆ ਇਵੈਂਟ ’ਚ ਛਾਏ ਨੇਹਾ ਧੂਪੀਆ ਦੇ ਬੱਚੇ: ਮਾਂ ਵਾਂਗ ਸਟਾਈਲਿਸ਼ ਦਿੱਸੀ ਲਿਟਲ ਮੇਹਰ
NEXT STORY 
