ਜਲੰਧਰ(ਬਿਊਰੋ)- ਦੇਸੀ ਰੌਕਸਟਾਰ ਯਾਨੀਕਿ ਗਿੱਪੀ ਗਰੇਵਾਲ ਫਿਲਮਾਂ ਦੇ ਨਾਲ-ਨਾਲ ਹਮੇਸ਼ਾਂ ਗਾਇਕੀ 'ਚ ਵੀ ਸਰਗਰਮ ਰਹਿੰਦੇ ਹਨ। ਗਿੱਪੀ ਆਏ ਦਿਨੀਂ ਜਿੱਥੇ ਆਪਣੀਆਂ ਫ਼ਿਲਮਾਂ ਤੇ ਸਿੰਗਲ ਟਰੈਕ ਦੀ ਅਨਾਊਂਸਮੈਂਟ ਕਰਦੇ ਹਨ ਉਥੇ ਹੀ ਗਿੱਪੀ ਨੇ ਹਾਲ ਹੀ 'ਚ ਆਪਣੀ ਨਵੀਂ ਐਲਬਮ ਦੀ ਅਨਾਊਂਸਮੈਂਟ ਇਕ ਪੋਸਟਰ ਸਾਂਝਾ ਕਰ ਕੇ ਦਿੱਤੀ ਹੈ।'ਦਿ ਮੇਨ ਮੈਨ' ਨਾਂ ਦੀ ਇਸ ਐਲਬਮ ਨੂੰ ਮਿਊਜ਼ਿਕ ਇਕਵਿੰਦਰ ਸਿੰਘ ਨੇ ਦਿੱਤਾ ਹੈ ਤੇ ਇਸ ਪੋ੍ਰਜੈਕਟ ਨੂੰ ਅੰਮ੍ਰਿਤ ਮਾਨ ਵੱਲੋਂ ਤਿਆਰ ਕੀਤਾ ਜਾ ਰਿਹਾ ਹੈ।
ਫੈਨਜ਼ ਵੱਲੋਂ ਗਿੱਪੀ ਗਰੇਵਾਲ ਦੀ ਫ਼ਿਲਮਾਂ ਅਤੇ ਸਿੰਗਲ ਟਰੈਕ ਵਾਂਗ ਹੀ ਇਸ ਐਲਬਮ ਦੀ ਬੇਸਬਰੀ ਨਾਲ ਉਡੀਕ ਕੀਤੀ ਜਾ ਰਹੀ ਹੈ। ਗਿੱਪੀ ਗਰੇਵਾਲ ਨੇ ਇਸ ਤੋਂ ਪਹਿਲਾਂ ਹਾਲ ਹੀ 'ਚ ਆਪਣਾ ਗੀਤ 'ਵਿਗੜ ਗਿਆ' ਰਿਲੀਜ਼ ਕੀਤਾ ਸੀ ਤੇ ਕੁਝ ਦਿਨ ਪਹਿਲਾਂ ਗਿੱਪੀ ਨੇ ਨੀਰੂ ਬਾਜਵਾ ਨਾਲ ਆਪਣੀ ਨਵੀਂ ਫ਼ਿਲਮ 'ਪਾਣੀ ਚ ਮਧਾਣੀ' ਦੀ ਅਨਾਊਸਮੈਂਟ ਕੀਤੀ ਹੈ।'ਦਿ ਮੇਨ ਮੈਨ' ਐਲਬਮ 'ਚ ਕਿੰਨੇ ਗੀਤ ਤੇ ਕਿਸ ਤਰ੍ਹਾਂ ਦੇ ਗੀਤ ਹੋਣਗੇ ਇਸ ਬਾਰੇ ਗਿੱਪੀ ਗਰੇਵਾਲ ਨੇ ਕੋਈ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਹੈ ਪਰ ਸਿੰਗਲ ਟਰੈਕ ਦੇ ਇਸ ਸਮੇਂ 'ਚ ਐਲਬਮ ਰਿਲੀਜ਼ ਕਰਨਾ ਮਤਲਬ ਗਿੱਪੀ ਗਰੇਵਾਲ ਵੱਲੋਂ ਫੈਂਨਜ਼ ਨੂੰ ਕੋਈ ਖਾਸ ਤੋਹਫਾ ਹੀ ਹੋਵੇਗਾ।
ਕਰਨ ਕੁੰਦਰਾ ਨੇ ਆਪਣੇ ਫੈਨਜ਼ ਨੂੰ ਕੀਤੀ ਇਹ ਖਾਸ ਅਪੀਲ
NEXT STORY 
