ਨਵੀਂ ਦਿੱਲੀ : ਅੱਜਕਲ ਬਾਲੀਵੁੱਡ ਅਦਾਕਾਰਾ ਕੰਗਣਾ ਰਨੋਤ ਆਪਣੀਆਂ ਫਿਲਮਾਂ ਨਾਲੋਂ ਵਧੇਰੇ ਰਿਤਿਕ ਨਾਲ ਚੱਲ ਰਹੇ ਵਿਵਾਦ ਕਾਰਨ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ। ਤਿੰਨ ਰਾਸ਼ਟਰੀ ਪੁਰਸਕਾਰ ਪ੍ਰਾਪਤ ਕਰਨ ਤੋਂ ਬਾਅਦ ਕੰਗਣਾ ਸੱਤਵੇ ਅਸਮਾਨ 'ਤੇ ਹੈ। ਫਿਲਮਾਂ ਤੋਂ ਇਲਾਵਾ ਕੰਗਣਾ ਦੀਆਂ ਗੱਲਾਂ ਵੀ ਹਰ ਕਿਸੇ ਤੋਂ ਵੱਖਰੀਆਂ ਹੁੰਦੀਆਂ ਹਨ। ਜਾਣਕਾਰੀ ਅਨੁਸਾਰ ਬਾਲੀਵੁੱਡ ਦੀਆਂ ਕਈ ਅਦਾਕਾਰਾਂ ਹਨ, ਜੋ ਬਾਲੀਵੁੱਡ ਇੰਡਸਟਰੀ ਦੀ 'ਤਿੱਕੜੀ ਖਾਨ' ਨਾਲ ਕੰਮ ਕਰਨ ਦੀਆਂ ਚਾਹਵਾਨ ਹਨ ਪਰ ਹੁਣੇ ਜਿਹੇ ਕੰਗਣਾ ਨੇ ਇਸ ਬਾਰੇ ਇਕ ਇਹੋ-ਜਿਹਾ ਬਿਆਨ ਦਿੱਤਾ ਹੈ, ਜਿਸ ਨੂੰ ਸੁਣ ਕੇ ਤੁਸੀਂ ਵੀ ਹੈਰਾਨ ਹੋ ਜਾਓਗੇ। ਕੰਗਣਾ ਨੇ ਆਪਣੇ ਇਕ ਇੰਟਰਵਿਊ 'ਚ ਕਿਹਾ, ''ਬਾਲੀਵੁੱਡ 'ਚ ਅਜਿਹੀ ਰੀਤ ਹੈ ਕਿ ਜੇਕਰ ਤੁਸੀਂ ਬਾਲੀਵੁੱਡ ਸੁਪਰਸਟਾਰ ਨਾਲ ਕੰਮ ਕਰਦੇ ਹੋ ਤਾਂ ਤੁਸੀਂ ਵੀ ਸੁਪਰਸਟਾਰ ਬਣ ਜਾਂਦੇ ਹੋ। ਮੈਨੂੰ ਵੀ ਅਜਿਹਾ ਹੀ ਲੱਗਿਆ ਸੀ ਕਿ ਮੈ ਵੀ ਕਿਸੇ ਵੱਡੇ ਸਟਾਰ ਨੂੰ ਫਾਲੋਅ ਕਰਾਂ।'' ਉਨ੍ਹਾਂ ਅੱਗੇ ਕਿਹਾ, ''ਜਦੋਂ ਮੈਂ ਬਾਲੀਵੁੱਡ 'ਚ ਐਂਟਰੀ ਕੀਤੀ ਸੀ ਤਾਂ ਉਸ ਸਮੇਂ ਮੇਰੇ ਨਾਲ ਕੋਈ ਖਾਨ ਕੰਮ ਕਰਨਾ ਨਹੀਂ ਚਾਹੁੰਦਾ ਸੀ ਪਰ ਹੁਣ ਮੈਂ ਉਨ੍ਹਾਂ ਦੇ ਮੁਕਾਬਕੇ ਪਹੁੰਚ ਗਈ ਹਾਂ, ਜਿੱਥੇ ਮੈਨੂੰ ਕਿਸੇ ਖਾਨ ਦੀ ਲੋੜ ਨਹੀਂ ਹੈ...। ਮੈਨੂੰ ਖਾਨ ਸੁਪਰਸਟਾਰਾਂ ਨਾਲ ਕੰਮ ਕਰਨ ਦੇ ਕਈ ਆਫਰ ਆਉਂਦੇ ਹਨ ਪਰ ਮੈਂ ਉਨ੍ਹਾਂ ਨਾਲ ਕੰਮ ਕਰਨਾ ਨਹੀਂ ਚਾਹੁੰਦੀ।''
ਇੱਥੇ ਦੱਸਣਯੋਗ ਹੈ ਕਿ ਕੰਗਣਾ ਨੂੰ ਸਲਮਾਨ ਦੀ ਫਿਲਮ 'ਬਜਰੰਗੀ ਭਾਈਜਾਨ' ਅਤੇ 'ਸੁਲਤਾਨ' 'ਚ ਕੰਮ ਕਰਨ ਦਾ ਆਫਰ ਮਿਲਿਆ ਸੀ ਪਰ ਉਨ੍ਹਾਂ ਨੇ ਇਹ ਆਫਰ ਠੁਕਰਾ ਦਿੱਤੇ। ਕੰਗਣਾ ਦੀ ਆਉਣ ਵਾਲੀ ਫਿਲਮ 'ਰੰਗੂਨ' ਹੈ, ਜਿਸ 'ਚ ਉਹ ਸ਼ਾਹਿਦ ਅਤੇ ਸੈਫ ਨਾਲ ਮੁਖ ਭੂਮਿਕਾ ਨਿਭਾਉਂਦੀ ਨਜ਼ਰ ਆਵੇਗੀ। ਇਹ ਫਿਲਮ 14 ਅਕਤੂਬਰ ਨੂੰ ਰਿਲੀਜ਼ ਹੋਵੇਗੀ।
'ਬਾਗੀ' ਦੇਖ ਟਾਈਗਰ ਸ਼ਰਾਫ ਨੂੰ ਮਿਲਣ ਘਰੋਂ ਨਿਕਲੀਆਂ ਮਥੁਰਾ ਦੀਆਂ ਇਹ ਦੋ ਭੈਣਾਂ
NEXT STORY 
