ਮੁੰਬਈ (ਬਿਊਰੋ)– ਇਸ ਸਾਲ ਦੀਆਂ ਸਭ ਤੋਂ ਵੱਡੀਆਂ ਫ਼ਿਲਮਾਂ ’ਚੋਂ ਇਕ ‘ਕੇ. ਜੀ. ਐੱਫ. 2’ 14 ਅਪ੍ਰੈਲ, 2022 ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਸੁਪਰਸਟਾਰ ਯਸ਼ ਉਰਫ ਰੌਕੀ ਮੇਗਾ ਕੈਨਵਾਸ ਐਂਟਰਟੇਨਰ ਨਾਲ ਵਾਪਸ ਆ ਗਿਆ ਹੈ। ਪਹਿਲੀ ਫ਼ਿਲਮ ਦੀ ਰਿਕਾਰਡ ਸਫਲਤਾ ਦੇ ਨਾਲ ਹੋਂਬਲੇ ਫ਼ਿਲਮਜ਼ ਦੇ ਨਿਰਮਾਤਾਵਾਂ ਨੇ ਹੁਣ ਫ਼ਿਲਮ ਦਾ ਪਹਿਲਾ ਗੀਤ ‘ਤੂਫ਼ਾਨ’ ਰਿਲੀਜ਼ ਕਰ ਦਿੱਤਾ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਮਾਂ ਬਣਨ ਵਾਲੀ ਹੈ ਸੋਨਮ ਕਪੂਰ, ਪਤੀ ਨਾਲ ਖ਼ੂਬਸੂਰਤ ਤਸਵੀਰਾਂ ਕੀਤੀਆਂ ਸਾਂਝੀਆਂ
ਇਸ ਗੀਤ ਨਾਲ ਸਾਫ ਹੈ ਕਿ ਰੌਕੀ ਦਿ ਲੋਨ ਰੇਂਜਰ ਦਾ ਕੇ. ਜੀ. ਐੱਫ. ਦੇ ਦੂਜੇ ਭਾਗ ’ਚ ਵੀ ਖ਼ੂਬ ਬੋਲਬਾਲਾ ਦਿਖਣ ਵਾਲਾ ਹੈ ਕਿਉਂਕਿ ਇਸ ’ਚ ਉਹ ਪੁਰਾਣੇ ਤੇ ਨਵੇਂ ਦੁਸ਼ਮਣਾਂ ਨੂੰ ਧੂਲ ਚਟਾਉਂਦੇ ਨਜ਼ਰ ਆਉਣਗੇ।
‘ਤੂਫ਼ਾਨ’ ਦਾ ਜੋਸ਼ ਨਾਲ ਭਰਿਆ ਮਿਊਜ਼ਿਕ ਵੀਡੀਓ ‘ਕੇ. ਜੀ. ਐੱਫ. 2’ ਦੀ ਰਿਲੀਜ਼ ਦੇ ਮਹੀਨੇ ਭਰ ਪਹਿਲਾਂ ਤੋਂ ਉਲਟੀ ਗਿਣਤੀ ਸ਼ੁਰੂ ਕਰਦਾ ਹੈ। ਫ਼ਿਲਮ ਦੇ ਨਿਰਮਾਤਾ, ਹੋਂਬਲੇ ਫ਼ਿਲਮਜ਼ ਦਾ ਕਹਿਣਾ ਹੈ ਕਿ ਇਹ ਗੀਤ ਕੇ. ਜੀ. ਐੱਫ. ਫਰੈਂਚਾਇਜ਼ੀ ਦੀ ਦੂਜੇ ਭਾਗ ਲਈ ਟੋਨ ਸੈੱਟ ਕਰੇਗਾ। ਜਨੂੰਨ ਨਾਲ ਭਰੇ ਬੀਟਸ ਤੇ ਟਰੈਕ ਦੀ ਸ਼ਾਨਦਾਰ ਰਿਧਮ ਪੂਰੀ ਤਰ੍ਹਾਂ ਨਾਲ ਰੌਕੀ ਦੀ ਕਹਾਣੀ ਨਾਲ ਮੇਲ ਖਾਂਦੀ ਹੈ, ਜੋ ਮਹਾਨ ਯੋਧਾ ਹੈ, ਜੋ ਇਕ ਸੱਚੇ ਜੇਤੂ ਦੇ ਰੂਪ ’ਚ ਉੱਭਰਨ ਲਈ ਸਾਰੀਆਂ ਮੁਸ਼ਕਿਲਾਂ ਨਾਲ ਲੜਦਾ ਹੈ।
ਇਸ ਗੀਤ ’ਚ ਰੌਕੀ ਭਾਈ ਦੀ ਝਲਕ ਵੀ ਦੇਖਣ ਨੂੰ ਮਿਲ ਰਹੀ ਹੈ। ਕੇ. ਜੀ. ਐੱਫ. ਦੇ ਲੋਕਾਂ ਨੂੰ ਹਿੰਮਤ ਦੇਣ ਤੋਂ ਬਾਅਦ ਰੌਕੀ ਉਥੇ ਰਾਜ ਕਰਨ ਲੱਗਾ ਹੈ। ਲੋਕ ਵੀ ਉਸ ਦੇ ਨਾਲ ਆ ਗਏ ਹਨ। ਗੀਤ ਦੀ ਸ਼ੁਰੂਆਤ ’ਚ ਇਕ ਸ਼ਖ਼ਸ ਕਿਸੇ ਨਾਲ ਗੱਲ ਕਰ ਰਿਹਾ ਹੈ ਕਿ ਕਿਵੇਂ ਰੌਕੀ ਦੀ ਤਲਵਾਰ ਦੇ ਚੱਲਣ ਤੋਂ ਬਾਅਦ ਲੋਕਾਂ ਅੰਦਰ ਡਰ ਖ਼ਤਮ ਹੋ ਗਿਆ। ਨਾਲ ਹੀ ਸ਼ਖ਼ਸ, ਸਵਾਲ ਕਰਨ ਵਾਲੇ ਨੂੰ ਰੌਕੀ ਦੇ ਰਸਤੇ ’ਚ ਨਾ ਆਉਣ ਦੀ ਸਲਾਹ ਦਿੰਦਾ ਹੈ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਐੱਸ. ਐੱਸ. ਰਾਜਾਮੌਲੀ, ਰਾਮ ਚਰਨ ਤੇ ਜੂਨੀਅਰ ਐੱਨ. ਟੀ. ਆਰ. ਸੱਚਖੰਡ ਸ੍ਰੀ ਦਰਬਾਰ ਸਾਹਿਬ ਵਿਖੇ ਹੋਏ ਨਤਮਸਤਕ
NEXT STORY 
