ਮੁੰਬਈ (ਬਿਊਰੋ)– ਗੱਲ ਰਾਜਨੀਤੀ ਦੀ ਹੋਵੇ ਜਾਂ ਬਾਲੀਵੁੱਡ ਸਿਤਾਰਿਆਂ ਦੀ, ਫ਼ਿਲਮ ਸਮੀਖਿਅਕ ਕਮਾਲ ਰਾਸ਼ਿਦ ਖ਼ਾਨ (ਕੇ. ਆਰ. ਕੇ.) ਤੋਂ ਟਿੱਪਣੀ ਕੀਤੇ ਬਿਨਾਂ ਨਹੀਂ ਰਿਹਾ ਜਾਂਦਾ। ਚੋਣਾਂ ’ਤੇ ਟਵੀਟ ਕਰਨ ਤੋਂ ਬਾਅਦ ਹੁਣ ਕੇ. ਆਰ. ਕੇ. ਨੇ ਵਿਵੇਕ ਅਗਨੀਹੋਤਰੀ ਤੇ ਕਪਿਲ ਸ਼ਰਮਾ ਦੇ ਮੁੱਦੇ ’ਤੇ ਆਪਣੀ ਰਾਏ ਰੱਖੀ ਹੈ।
ਇਸ ਵਾਰ ਕੇ. ਆਰ. ਕੇ. ਨੇ ਆਪਣੀ ਗੱਲ ਟਵੀਟ ਰਾਹੀਂ ਨਹੀਂ, ਸਗੋਂ ਵੀਡੀਓ ਬਣਾ ਕੇ ਕੀਤੀ ਹੈ। ਕੁਝ ਸਮਾਂ ਪਹਿਲਾਂ ਹੀ ਵਿਵੇਕ ਅਗਨੀਹੋਤਰੀ ਨੇ ਇਕ ਟਵੀਟ ਰਾਹੀਂ ‘ਦਿ ਕਪਿਲ ਸ਼ਰਮਾ ਸ਼ੋਅ’ ’ਤੇ ਉਨ੍ਹਾਂ ਦੀ ਫ਼ਿਲਮ ‘ਦਿ ਕਸ਼ਮੀਰ ਫਾਈਲਜ਼’ ਨੂੰ ਪ੍ਰਮੋਟ ਨਾ ਕਰਨ ਦਾ ਦੋਸ਼ ਲਗਾਇਆ। ਵਿਵੇਕ ਦੇ ਟਵੀਟ ਤੋਂ ਬਾਅਦ ਸੋਸ਼ਲ ਮੀਡੀਆ ’ਤੇ ਕਪਿਲ ਸ਼ਰਮਾ ਨੂੰ ਲੈ ਕੇ ਵੱਖ-ਵੱਖ ਤਰ੍ਹਾਂ ਦੀਆਂ ਗੱਲਾਂ ਹੋਣ ਲੱਗੀਆਂ।
ਇਹ ਖ਼ਬਰ ਵੀ ਪੜ੍ਹੋ : ਸਿੱਧੂ ਮੂਸੇ ਵਾਲਾ ਦੀ ਹਾਰ ’ਤੇ ਗੈਰੀ ਸੰਧੂ ਨੇ ਕੀਤੀ ਟਿੱਪਣੀ, ਕਿਹਾ– ‘ਮੌਤ ਮਾਰਦੀ ਨਾ ਬੰਦੇ ਨੂੰ...’
ਇਸ ਤੋਂ ਬਾਅਦ ਕਪਿਲ ਨੇ ਇਕ ਯੂਜ਼ਰ ਦੇ ਟਵੀਟ ਦਾ ਜਵਾਬ ਦਿੰਦਿਆਂ ਕਿਹਾ ਕਿ ਕਦੇ ਇਕ ਤਰਫ਼ਾ ਸਟੋਰੀ ’ਚ ਯਕੀਨ ਨਹੀਂ ਕਰਨਾ ਚਾਹੀਦਾ। ਮਤਲਬ ਦਾਲ ’ਚ ਕੁਝ ਕਾਲਾ ਜ਼ਰੂਰ ਹੈ।
ਇਹ ਤਾਂ ਗੱਲ ਹੋਈ ਕਪਿਲ ਸ਼ਰਮਾ ਤੇ ਵਿਵੇਕ ਦੀ। ਹੁਣ ਦੱਸਦੇ ਹਾਂ ਕਿ ਇਸ ਪੂਰੇ ਮਾਮਲੇ ’ਤੇ ਕੇ. ਆਰ. ਕੇ. ਦਾ ਕੀ ਕਹਿਣਾ ਹੈ। ਵੀਡੀਓ ’ਚ ਸਭ ਤੋਂ ਪਹਿਲਾਂ ਕੇ. ਆਰ. ਕੇ. ਵਿਵੇਕ ਅਗਨੀਹੋਤਰੀ ਦੀ ਫ਼ਿਲਮ ‘ਦਿ ਕਸ਼ਮੀਰ ਫਾਈਲਜ਼’ ਦਾ ਜ਼ਿਕਰ ਕਰਦੇ ਹਨ। ਇਸ ਤੋਂ ਬਾਅਦ ਉਨ੍ਹਾਂ ਕਿਹਾ ਕਿ ਦੇਖੋ ਇਹ ਕਪਿਲ ਸ਼ਰਮਾ ਦਾ ਸ਼ੋਅ ਨਹੀਂ ਹੈ। ਕਪਿਲ ਸ਼ਰਮਾ ਸਿਰਫ ਅਦਾਕਾਰੀ ਕਰਕੇ ਪੈਸੇ ਲੈਂਦੇ ਹਨ ਤੇ ਘਰ ਚਲੇ ਜਾਂਦੇ ਹਨ। ਇਸ ਲਈ ਇਹ ਕਪਿਲ ਸ਼ਰਮਾ ਦੇ ਹੱਥ ’ਚ ਨਹੀਂ ਹੈ ਕਿ ਸ਼ੋਅ ’ਤੇ ਕੌਣ ਆਵੇਗਾ ਜਾਂ ਕੌਣ ਨਹੀਂ।
ਵੀਡੀਓ ’ਚ ਅੱਗੇ ਕੇ. ਆਰ. ਕੇ. ਦਾਅਵਾ ਕਰਦੇ ਹਨ ਕਿ ਵਿਵੇਕ ਦੀ ਪੀ. ਆਰ. ਟੀਮ ਨੇ ਸੋਨੀ ਟੀ. ਵੀ. ਰਾਹੀਂ ਕਪਿਲ ਸ਼ਰਮਾ ਨਾਲ ਅਪ੍ਰੋਚ ਕੀਤਾ ਹੋਵੇਗਾ। ਇਸ ਦੌਰਾਨ ਸੋਨੀ ਟੀ. ਵੀ. ਨੇ ਉਨ੍ਹਾਂ ਤੋਂ 25 ਲੱਖ ਰੁਪਏ ਮੰਗ ਲਏ। ਇਹ ਗੱਲ ਪਤਾ ਲੱਗਣ ਤੋਂ ਬਾਅਦ ਵਿਵੇਕ ਨੇ ਕਿਹਾ ਹੋਵੇਗਾ ਕਿ ਉਨ੍ਹਾਂ ਦੀ ਫ਼ਿਲਮ ਤਾਂ ਘੱਟ ਬਜਟ ਵਾਲੀ ਹੈ। ਉਹ ਪ੍ਰਮੋਸ਼ਨ ਲਈ ਇੰਨੇ ਪੈਸੇ ਨਹੀਂ ਦੇ ਸਕਦੇ। ਉਨ੍ਹਾਂ ਦੀ ਫ਼ਿਲਮ ਦੀ ਪ੍ਰਮੋਸ਼ਨ ਫ੍ਰੀ ’ਚ ਹੋਣੀ ਚਾਹੀਦੀ ਹੈ। ਬਸ ਇਸੇ ਗੱਲ ’ਤੇ ਵਿਵੇਕ ਨਾਰਾਜ਼ ਹੋ ਗਏ ਤੇ ਸੋਸ਼ਲ ਮੀਡੀਆ ’ਤੇ ਖ਼ਬਰ ਦੇ ਦਿੱਤੀ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਜਦੋਂ ਸ਼ਾਹਰੁਖ਼ ਖ਼ਾਨ ਤੋਂ ਦੂਰ ਚਲੀ ਗਈ ਸੀ ਗੌਰੀ ਖ਼ਾਨ, ਇਹ ਸੀ ਅਲੱਗ ਹੋਣ ਦਾ ਕਾਰਨ
NEXT STORY 
